◆IsLaami Zindagi◆
Pyari Azeez IsLami Behno....
Aaiye Ham IsLaaHe MuAsherah Ke Topic Par Ek Bahot Behtareen Book IsLaami Zindagi , Musannif: Hakeemul Ummat Shaikhul Tafseer Mufti Ahmed Yaar Khan Na'eemi AlaihirRahma
Is Kitaab Se Tehreer Karte Hai.
Jiski Barakat Se Insh-shaa-Allah Ta'Aala Hamare Beech Ghalat Rasm-O- Riwaaj Jo Maujood Hain Unko Pehchan Le'n Aur SaHeeh SharaEE Tareeqe Se Hamare Kaamo Ko Anjam Den.
◆Musalmano'n Ki Bimariya'n Aur Unka EeLaaj
Aaj Konsa Dard Rakhne Wala Dil Hai Jo Musalmano'n Ki Maujudah Pasti Aur Unki Maujudah Zillate -O- Khwari Aur NaDaari Par Na Dukhta Ho Aur Konsi Aankh Hai Jo Unki Ghurbat Muflisi , Be_RozGari Par Aansu Na Bahati Ho, Hukumat Inse Chini, Daulat Se Mehroom Huwe, Izzat-O-Waqaar Unka Khatam Hochuka, Zamana Ki Har Musibat Ka Shikaar Musalman Ban Rahe Hain. In HaaLaat Ko Dekh Kar Kaleejah Muh Ko Aata Hai Magar Dosto'n Faqat Rone Aur Dil Dukhane Se Kaam Nahi Chalta Balke Zaruri Hai Ke Uske EeLaaj Par Khud Musalman Qaum Ghaur Kare EeLaaj Ke Liye Chand Cheeze'n Sochna Chahiye .
Awwal Ye Ke Asal Bimari Kya Hai?
Dusre Ye Ke Is Bimari Ki Wajah Kya? Kyunke Marz Paidah Huwa?
Tisre Ye Je Iska EeLaaj Kya Hai ?
Chautha Ye Ke Is EeLaaj Main Parhez Kya Hai.
Agar In Chaar Baato'n Ko Ghaur Karke Ma'aloom Kar Liya Gaya To Samjho Ke EeLaaj Aasaan Hai.
Isse Pehle Bahot LeaderAn Qaum Aur Peshwayane Mulk Ne Bahot Ghaur Kiye Aur Tarah Tarah Ke EeLaaj Soche. Kisi Ne Socha Ke Musalmano'n Ka EeLaaj Sirf Daulat Hai. Maal Kama'o Taraqqi Hojayegi. Kisi Ne Kaha Iska EeLaaj Izzat Hai. Council Ke Ke Mimber Bano Aaram Hojayega. Kisi Ne Kaha Ke Tamam Bimariyo'n Ka EeLaaj Sirf Belcha Hai. Belcha Uthao Beda Paar Hojayega. In Sab NaaDaan Tabibo'n Ne Kuch Roz Bahot Shuor Machaya Magar Marz Badhne Ke Siwa Kuch Haasil Na Huwa. Inki Misaal Us NaaDaan Maa'n Ki Si Hai Jiska Bacchah Pet Ke Dard Se Rota Hai Aur Khamoosh Karane Ke Liye Uske Muh Main Doodh Deti Hai Jisse Bacchah Kuch Der Ke Liye Bahel Jata Hai Magar Phir Aur Bhi Zyada Bimar Hojata Hai Kyunke Zarurat To Uski Thi Ke Bacchah Ko MusalSal De Kar Uska Ma'adah Saaf Kiya Jaye.
Isi Tarah Main Dawe Se Keh Sakta Hon Ke Aaj Tak Kisi Leadr Mu'aalij Ne Asal Marz Na Pehchana Aur Saheeh EeLaaj Ikhteyaar Na Kiya Aur Jis Allah Ta'Aala Ke Bande Ne Musalman Ko Unka Saheeh EeLaaj Bataya To Muslim Qaum Ne Uska Mazaaq Udaya Uspar Aawaze'n Kase Zuban Ta'an Daraaz Ki Gharzke Saheeh Tabibo'n Ko Aawaz Par Kaan Na Dhara Ham Iske MutaAlliq Arz Karne Se Pehle Ek Hikayat Arz Karege.
◆Hikayat-1
Ek Budha Kisi Hakeem Ke Paas Gaya Aur Kehne Laga Ke Hakeem Sahab! Meri Nigah Moti Hogayi Hai Hakeem Ne Kaha Budhape Ki Wajah Se, Budha Bola Kamar Main Dard Bhi Rehta Hai Hakeem Ne Jawab Diya Budhape Ki Wajah Se , Buddhe Ne Kaha Chalne Main Saans Bhi Phool Jati Hai Jawab Mila Ke Budhape Ki Wajah Se , Buddha Bola Hafizah Bhi Kharab Hogaya Koyi Baat Yaad Nahi Rehti Tabeeb Ne Kaha Budhape Ki Wajah Se, Buddhe Ko Gussah Aagaya Aur Bola Ke Ae-Bewaqoof Hakeem ! Tune Sari Hikmat Main Budhape Ke Siwa Kuch Nahi Padha. Hakeem Ne Kaha Ke Buddhe Miya'n ! Aap Jo Mujh Be-Qasoor Par Bilawajah Gussah Aayega Ye Bhi Budhape Ki Wajah Hai.
Bi'ainihi: Aaj Hamara Bhi Yahi Haal Hai Musalmano'n Ki Baad'Shahat Gayi, Izzat Gayi , Daulat Gayi , Waqar Gaya, Sirf Ek Wajah Se Wo Ye Ke Hamne Shari'ate Mustafa ﷺ Ki Pervi Cchod Di. Hamari Zindagi Islami Na Rahi, Hame Khuda Ka Khauf, Nabi Ka Sharm, Aakhirat Ka Dar Na Raha. Ye Tamam Nahusate'n Sirf Isliye Hain.
AalaHazrat Qudda Sirrahu Farmate Hain..
Din Laho Main Khona Tujhe _ Shab Nind Bhar Sona Tujhe,
Sharme Nabi Khaufe Khuda _ Ye Bhi Nahi Wo Bhi Nahi
Masjide'n Hamari wiraan Musalmano'n Se Cinema-O- Tamashe Aabaad, Har Qism Ke Uyoob Musalmano'n Main Maujood. Hinduwani Rasme'n Ham Main Qayim Phir Ham Kis Tarah Izzat Pa Sakte Hain.
Muhammed Ali Johar Ne Khoob Kaha Hai__
Bulbul -O- Gul Gaye Gaye Lekin !
Hamko Gham Hai Chaman Ke Jane Ka
Dunyawi Tamam Taraqqiya'n Bulbule'n The'n Aur Daulat Eemane Chaman, Agar Chaman Aabaad Hai Hazar-Ha Bulbule'n Phir Aajayengi Magar Jab Chaman Hi Ujad Gaya To Ab Bulbulo'n Ke Aane Ki Kya Ummeed Hai. Musalmano'n Ki Asal Bimari To Shari'ate Mustafa ﷺ Ko Cchodna Hai. Ab Iski Wajah Se Aur Bahot Si Bimariya'n Paida Hogaye'n. Musalamno'n Ki Sadha Bimariya'n Teen Qism Main Munhasir Hain.
Awwal Rozana Naye Naye Mazhabo'n Ki Paidawar Aur Har Aawaaz Par Musalmano'n Ki Aankhe'n Band Karke Chal Padna.
Dusre Musalmano'n Ki Khana Jangiya'n Aur Muqaddamah Baziya'n Aur Aapas Ki Adawate'n.
Tisre Hamare Jahil Baap Dadao'n Ki Aejaad Ki Huwi Khilaafe Shara'a Ya Fuzool Rasme'n.
In Teen Qism Ki Bimariyo'n Ne Musalamno'n Ko Tabah Kar Dala Barbad Kar Diya Ghar Se Be-Ghar Banaya , Maqrooz Kar Diya. Gharz Ye Ke Zillate Ke Ghade Main Dhakel Diya..
Pehli Bimari Ka EeLaaj Sirf Ye Hai Ke Musalman Ek Baat Khoob Yaad Rakhe'n Wo Ye Ke Kapda Naya Pehno, Makaan Naya Banao, Ghizaye Nayi Nayi Khao, Har Duniyawi Kaam Naye Naye Karo Magar Deen Wahi Tera Saw(1300) Baras Wala Purana Ikhteyaar Karo. Hamara Nabi Purana , Deen Purana , QurAan Purana, Ka'aba Purana, Khuda Ta'Aala Purana (Qadeem) Ham Is Purani Lakeer Ke Faqeer Hain Ye Kalimaat Wo Hain Jo Aksar Hazrat Qiblah Aalam Peer Sayyad Jama'at Ali Shah Sahab Marhoom -O- Maghfoor Peere Tariqat Ali Puri Farmaya Karte The Aur Iska Parhez Ye Hai Ke Har Bad-Mazhab Ki Sohbat Se Bacho. Us Molvi Ke Paas Betho Jiske Paas Bethne Se Huzoor Alaihissalam Ka Ishq Aur Itteba'a Shari'at Ka Jazba Paida Ho .
Dusri Bimari Ka EeLaaj Ye Hai Ke Aksar Fitnah -O- Fasaad Ki Jad Du Cheeze'n Hain. Ek Ghussah Aur Apni Badayi , Dusre Huqooq Shar'yiyah Se Ghaflat.
Har Shakhs Chahta Hai Ke Main Sabse Uncha Hon Aur Sab Mere Huqooq Ada Kare'n Magar Main Kisi Ka Haq Ada Na Karu'n Agar Hamari Tabee'at Main Se Khudi Nikal Jaye.
Aajizi Aur Tawadu'a (Inkisari) Paida Ho Ham Main Se Har Shakhs Dusre Ke Huqooq Ka Kahyal Rakhe To In Shaa Allah Kabhi Jang-O- Jidaal (Jhagda, Ladayi) Aur Muqaddamah Bazi Ki Naubat Hi Na Aawe. Faqeer Ki Ye Thodi Si Guftagu In Shaa Allah Bahot Nafa'a Degi Bashart Ye Ke Ispar Amal Kiya Jaye.
Tisri Bimari Wo Hai Jiske EeLaaj Ke Liye Ye Kitaab(Islami Zindagi) Likhi Ja Rahi Ha. Hindustaan Ke Musalmano'n Main Bacche Ki Paida'ish Se Lekar Marne Tak Mukhtalif mauqao'n Par Aisi Tabah Kun Rasme'n Jari Hain Jinho'n Ne Musalmano'n Ki Jade'n Khokhli Kardi Hain. Main Ne Khud Dekha Hai Ke Inke Marne Jeene Shadi Biyah Ki Rasmo'n Ki Badaulat Sadha Musalmano'n Ki Jayedade'n Makanaat DuKane'n Hindo'o'n Ke Paas Sudi Qarze Main Chali Gaye'n Aur Bahot Se Aala KhanDaan Ke Log Aaj Kiraya Ke Makano'n Main Guzar Kar Rahe Hain Aur Thokre'n Khate Phirte Hain.
Ek Nihayat Shareef Khandani Rayees Ne Apne Baap Ke Chaleeswe'n Ki Roti Ke Liye Ek Hindo Se 400 Rupe Qarz Liye Jisse 2700 Rupe De Chuke Hain Aur 1500 Aur Baqi The Inki Jayedaad Bhi taqriban Khatam Ho Chuki. Ab Wo Zindah Hain. Sahibe Aulaad Hain Faqah Se Guzar Kar Rahe Hain Apni Qaum Ki Is Musibat Ko Dekh Kar Mera Dil Bhar Aaya Tabiyat Main Josh Paidah Huwa Ke Kuch Khidmat Karo'n. Roshnayi Ke Chand Qatre Haqiqat Mai Mere Aanso'o'n Ke Qatre Hain Khuda Kare Ke Isse Qaum Ki IsLah Hojaye. Main Ne Ye Mahsoos Kiya Ke Bahot Se Log In Shadi Biyah Ki Rasmo'n Se Bezaar To Hain Magar Biradari Ke Ta'ano'n Aur Apni Naak Katne Ke Khauf Se Jis Tarah Ho Sakta Hai Qarz Udhar Le Kar Un Jahalat Ki Rasmo'n Ko Pura Karte Hain. Koyi Aisa Mard Maidaan Nahi Banta Jo Bila Khauf Har Ek Ta'ane Bardasht Karke Tamam Rasmo'n Par Laat Maar De Aur Sunnat Ko Zindah Karke Dikha De. Jo Shakhs Sunnate Maukidah Ko Zinda Kare Usko 100 Shaheedo'n Ka Sawab Milta Hai Kyunke Shaheed To Ek Dafa'a Talwar Ka Zakhm Kha Kar Mar Jata Hai Magar Ye Allah Ka Bandah Umar Bhar Logo'n Ki Zubano'n Ke Zakhm Khata Rehta Hai.
Wazeh Rahe Ke Murawajjah Rasme'n Du Qism Ki Hain. Ek To Wo Jo Shar'an Na-Jaaiz Hain, Dusri Wo Jo Tabah Kun Hain Aur Bahot Dafa'a Unke Pura Karne Ke Liye Musalman Sudi Qarz Lete Hain Aur Sood Dena Bhi Haraam Hai Aur Lena Bhi. Isliye Ye Rasme'n Haraam Kaam Ka Zari'ah Hain. Is Risala (IsLami Zindagi) Main Duno'n Qism Ki Rasmo'n Ka Zikr Kiya Jayega Aur Bayan Ka Tariqah Ye Hoga Ke Is Risale Ke Alehdah Alehdah Baab Honge Yani Paida'ish Ki Rasmo'n Ka Ek Baab Phir Biyah Shadi Ki Rasmo'n Ka Ek Baab Phir Muat Ki Rasmo'n Ka Alehdah Baab Waghairah Waghairah. Har Rasm Ke Muta'Alliq Teen Baate'n Arz Ki jayegi.
Awwal To Murawajjah Rasm Aur Phir Uski Kharabiya'n Phir Uska Masnoon Aur Jaaiz Tariqah.
Is Kitaab Ka Naam Islami Zindagi Rakha Gaya Hai Aur Rabbe Kareem Ke Karam Se Ummeed Hai Ke Wo Apne Habeeb SallallahuTa'AalaAlaihiWaSallam Ke Sadqe Main Isko Isme Bi'musamma Banaye Aur Qubool Farma Kar Musalmano'n Ko Is Par Amal Ki Taufeeq De Mere Liye Isko Tausha-E-Aakhirat Aur Sadqa Jariya Bana De...
Aameen Aameen Ya Rabbal Aalameen Bijahi Rasulikar Ra'ufurRaheem Wa'Aalihi wa Ashaabihi Ajma'een.
Bachho'n Ke Paida'ish Par Rasumaat
Aqeeqah Aur Khatnah Ki Rasmein
Bachho'n Ki Parwarish
Shadi Biyah Ki Rasmein
Moharram, Shabe Baraat, Eid, Baqra_Eid Ki Rasme'n
Naya Feshion Aur Parda
Maut Ki Rasmein
Miraas Ki Rasmein
Dua-e'n
Pyari Azeez IsLami Behno....
Aaiye Ham IsLaaHe MuAsherah Ke Topic Par Ek Bahot Behtareen Book IsLaami Zindagi , Musannif: Hakeemul Ummat Shaikhul Tafseer Mufti Ahmed Yaar Khan Na'eemi AlaihirRahma
Is Kitaab Se Tehreer Karte Hai.
Jiski Barakat Se Insh-shaa-Allah Ta'Aala Hamare Beech Ghalat Rasm-O- Riwaaj Jo Maujood Hain Unko Pehchan Le'n Aur SaHeeh SharaEE Tareeqe Se Hamare Kaamo Ko Anjam Den.
◆Musalmano'n Ki Bimariya'n Aur Unka EeLaaj
Aaj Konsa Dard Rakhne Wala Dil Hai Jo Musalmano'n Ki Maujudah Pasti Aur Unki Maujudah Zillate -O- Khwari Aur NaDaari Par Na Dukhta Ho Aur Konsi Aankh Hai Jo Unki Ghurbat Muflisi , Be_RozGari Par Aansu Na Bahati Ho, Hukumat Inse Chini, Daulat Se Mehroom Huwe, Izzat-O-Waqaar Unka Khatam Hochuka, Zamana Ki Har Musibat Ka Shikaar Musalman Ban Rahe Hain. In HaaLaat Ko Dekh Kar Kaleejah Muh Ko Aata Hai Magar Dosto'n Faqat Rone Aur Dil Dukhane Se Kaam Nahi Chalta Balke Zaruri Hai Ke Uske EeLaaj Par Khud Musalman Qaum Ghaur Kare EeLaaj Ke Liye Chand Cheeze'n Sochna Chahiye .
Awwal Ye Ke Asal Bimari Kya Hai?
Dusre Ye Ke Is Bimari Ki Wajah Kya? Kyunke Marz Paidah Huwa?
Tisre Ye Je Iska EeLaaj Kya Hai ?
Chautha Ye Ke Is EeLaaj Main Parhez Kya Hai.
Agar In Chaar Baato'n Ko Ghaur Karke Ma'aloom Kar Liya Gaya To Samjho Ke EeLaaj Aasaan Hai.
Isse Pehle Bahot LeaderAn Qaum Aur Peshwayane Mulk Ne Bahot Ghaur Kiye Aur Tarah Tarah Ke EeLaaj Soche. Kisi Ne Socha Ke Musalmano'n Ka EeLaaj Sirf Daulat Hai. Maal Kama'o Taraqqi Hojayegi. Kisi Ne Kaha Iska EeLaaj Izzat Hai. Council Ke Ke Mimber Bano Aaram Hojayega. Kisi Ne Kaha Ke Tamam Bimariyo'n Ka EeLaaj Sirf Belcha Hai. Belcha Uthao Beda Paar Hojayega. In Sab NaaDaan Tabibo'n Ne Kuch Roz Bahot Shuor Machaya Magar Marz Badhne Ke Siwa Kuch Haasil Na Huwa. Inki Misaal Us NaaDaan Maa'n Ki Si Hai Jiska Bacchah Pet Ke Dard Se Rota Hai Aur Khamoosh Karane Ke Liye Uske Muh Main Doodh Deti Hai Jisse Bacchah Kuch Der Ke Liye Bahel Jata Hai Magar Phir Aur Bhi Zyada Bimar Hojata Hai Kyunke Zarurat To Uski Thi Ke Bacchah Ko MusalSal De Kar Uska Ma'adah Saaf Kiya Jaye.
Isi Tarah Main Dawe Se Keh Sakta Hon Ke Aaj Tak Kisi Leadr Mu'aalij Ne Asal Marz Na Pehchana Aur Saheeh EeLaaj Ikhteyaar Na Kiya Aur Jis Allah Ta'Aala Ke Bande Ne Musalman Ko Unka Saheeh EeLaaj Bataya To Muslim Qaum Ne Uska Mazaaq Udaya Uspar Aawaze'n Kase Zuban Ta'an Daraaz Ki Gharzke Saheeh Tabibo'n Ko Aawaz Par Kaan Na Dhara Ham Iske MutaAlliq Arz Karne Se Pehle Ek Hikayat Arz Karege.
◆Hikayat-1
Ek Budha Kisi Hakeem Ke Paas Gaya Aur Kehne Laga Ke Hakeem Sahab! Meri Nigah Moti Hogayi Hai Hakeem Ne Kaha Budhape Ki Wajah Se, Budha Bola Kamar Main Dard Bhi Rehta Hai Hakeem Ne Jawab Diya Budhape Ki Wajah Se , Buddhe Ne Kaha Chalne Main Saans Bhi Phool Jati Hai Jawab Mila Ke Budhape Ki Wajah Se , Buddha Bola Hafizah Bhi Kharab Hogaya Koyi Baat Yaad Nahi Rehti Tabeeb Ne Kaha Budhape Ki Wajah Se, Buddhe Ko Gussah Aagaya Aur Bola Ke Ae-Bewaqoof Hakeem ! Tune Sari Hikmat Main Budhape Ke Siwa Kuch Nahi Padha. Hakeem Ne Kaha Ke Buddhe Miya'n ! Aap Jo Mujh Be-Qasoor Par Bilawajah Gussah Aayega Ye Bhi Budhape Ki Wajah Hai.
Bi'ainihi: Aaj Hamara Bhi Yahi Haal Hai Musalmano'n Ki Baad'Shahat Gayi, Izzat Gayi , Daulat Gayi , Waqar Gaya, Sirf Ek Wajah Se Wo Ye Ke Hamne Shari'ate Mustafa ﷺ Ki Pervi Cchod Di. Hamari Zindagi Islami Na Rahi, Hame Khuda Ka Khauf, Nabi Ka Sharm, Aakhirat Ka Dar Na Raha. Ye Tamam Nahusate'n Sirf Isliye Hain.
AalaHazrat Qudda Sirrahu Farmate Hain..
Din Laho Main Khona Tujhe _ Shab Nind Bhar Sona Tujhe,
Sharme Nabi Khaufe Khuda _ Ye Bhi Nahi Wo Bhi Nahi
Masjide'n Hamari wiraan Musalmano'n Se Cinema-O- Tamashe Aabaad, Har Qism Ke Uyoob Musalmano'n Main Maujood. Hinduwani Rasme'n Ham Main Qayim Phir Ham Kis Tarah Izzat Pa Sakte Hain.
Muhammed Ali Johar Ne Khoob Kaha Hai__
Bulbul -O- Gul Gaye Gaye Lekin !
Hamko Gham Hai Chaman Ke Jane Ka
Dunyawi Tamam Taraqqiya'n Bulbule'n The'n Aur Daulat Eemane Chaman, Agar Chaman Aabaad Hai Hazar-Ha Bulbule'n Phir Aajayengi Magar Jab Chaman Hi Ujad Gaya To Ab Bulbulo'n Ke Aane Ki Kya Ummeed Hai. Musalmano'n Ki Asal Bimari To Shari'ate Mustafa ﷺ Ko Cchodna Hai. Ab Iski Wajah Se Aur Bahot Si Bimariya'n Paida Hogaye'n. Musalamno'n Ki Sadha Bimariya'n Teen Qism Main Munhasir Hain.
Awwal Rozana Naye Naye Mazhabo'n Ki Paidawar Aur Har Aawaaz Par Musalmano'n Ki Aankhe'n Band Karke Chal Padna.
Dusre Musalmano'n Ki Khana Jangiya'n Aur Muqaddamah Baziya'n Aur Aapas Ki Adawate'n.
Tisre Hamare Jahil Baap Dadao'n Ki Aejaad Ki Huwi Khilaafe Shara'a Ya Fuzool Rasme'n.
In Teen Qism Ki Bimariyo'n Ne Musalamno'n Ko Tabah Kar Dala Barbad Kar Diya Ghar Se Be-Ghar Banaya , Maqrooz Kar Diya. Gharz Ye Ke Zillate Ke Ghade Main Dhakel Diya..
Pehli Bimari Ka EeLaaj Sirf Ye Hai Ke Musalman Ek Baat Khoob Yaad Rakhe'n Wo Ye Ke Kapda Naya Pehno, Makaan Naya Banao, Ghizaye Nayi Nayi Khao, Har Duniyawi Kaam Naye Naye Karo Magar Deen Wahi Tera Saw(1300) Baras Wala Purana Ikhteyaar Karo. Hamara Nabi Purana , Deen Purana , QurAan Purana, Ka'aba Purana, Khuda Ta'Aala Purana (Qadeem) Ham Is Purani Lakeer Ke Faqeer Hain Ye Kalimaat Wo Hain Jo Aksar Hazrat Qiblah Aalam Peer Sayyad Jama'at Ali Shah Sahab Marhoom -O- Maghfoor Peere Tariqat Ali Puri Farmaya Karte The Aur Iska Parhez Ye Hai Ke Har Bad-Mazhab Ki Sohbat Se Bacho. Us Molvi Ke Paas Betho Jiske Paas Bethne Se Huzoor Alaihissalam Ka Ishq Aur Itteba'a Shari'at Ka Jazba Paida Ho .
Dusri Bimari Ka EeLaaj Ye Hai Ke Aksar Fitnah -O- Fasaad Ki Jad Du Cheeze'n Hain. Ek Ghussah Aur Apni Badayi , Dusre Huqooq Shar'yiyah Se Ghaflat.
Har Shakhs Chahta Hai Ke Main Sabse Uncha Hon Aur Sab Mere Huqooq Ada Kare'n Magar Main Kisi Ka Haq Ada Na Karu'n Agar Hamari Tabee'at Main Se Khudi Nikal Jaye.
Aajizi Aur Tawadu'a (Inkisari) Paida Ho Ham Main Se Har Shakhs Dusre Ke Huqooq Ka Kahyal Rakhe To In Shaa Allah Kabhi Jang-O- Jidaal (Jhagda, Ladayi) Aur Muqaddamah Bazi Ki Naubat Hi Na Aawe. Faqeer Ki Ye Thodi Si Guftagu In Shaa Allah Bahot Nafa'a Degi Bashart Ye Ke Ispar Amal Kiya Jaye.
Tisri Bimari Wo Hai Jiske EeLaaj Ke Liye Ye Kitaab(Islami Zindagi) Likhi Ja Rahi Ha. Hindustaan Ke Musalmano'n Main Bacche Ki Paida'ish Se Lekar Marne Tak Mukhtalif mauqao'n Par Aisi Tabah Kun Rasme'n Jari Hain Jinho'n Ne Musalmano'n Ki Jade'n Khokhli Kardi Hain. Main Ne Khud Dekha Hai Ke Inke Marne Jeene Shadi Biyah Ki Rasmo'n Ki Badaulat Sadha Musalmano'n Ki Jayedade'n Makanaat DuKane'n Hindo'o'n Ke Paas Sudi Qarze Main Chali Gaye'n Aur Bahot Se Aala KhanDaan Ke Log Aaj Kiraya Ke Makano'n Main Guzar Kar Rahe Hain Aur Thokre'n Khate Phirte Hain.
Ek Nihayat Shareef Khandani Rayees Ne Apne Baap Ke Chaleeswe'n Ki Roti Ke Liye Ek Hindo Se 400 Rupe Qarz Liye Jisse 2700 Rupe De Chuke Hain Aur 1500 Aur Baqi The Inki Jayedaad Bhi taqriban Khatam Ho Chuki. Ab Wo Zindah Hain. Sahibe Aulaad Hain Faqah Se Guzar Kar Rahe Hain Apni Qaum Ki Is Musibat Ko Dekh Kar Mera Dil Bhar Aaya Tabiyat Main Josh Paidah Huwa Ke Kuch Khidmat Karo'n. Roshnayi Ke Chand Qatre Haqiqat Mai Mere Aanso'o'n Ke Qatre Hain Khuda Kare Ke Isse Qaum Ki IsLah Hojaye. Main Ne Ye Mahsoos Kiya Ke Bahot Se Log In Shadi Biyah Ki Rasmo'n Se Bezaar To Hain Magar Biradari Ke Ta'ano'n Aur Apni Naak Katne Ke Khauf Se Jis Tarah Ho Sakta Hai Qarz Udhar Le Kar Un Jahalat Ki Rasmo'n Ko Pura Karte Hain. Koyi Aisa Mard Maidaan Nahi Banta Jo Bila Khauf Har Ek Ta'ane Bardasht Karke Tamam Rasmo'n Par Laat Maar De Aur Sunnat Ko Zindah Karke Dikha De. Jo Shakhs Sunnate Maukidah Ko Zinda Kare Usko 100 Shaheedo'n Ka Sawab Milta Hai Kyunke Shaheed To Ek Dafa'a Talwar Ka Zakhm Kha Kar Mar Jata Hai Magar Ye Allah Ka Bandah Umar Bhar Logo'n Ki Zubano'n Ke Zakhm Khata Rehta Hai.
Wazeh Rahe Ke Murawajjah Rasme'n Du Qism Ki Hain. Ek To Wo Jo Shar'an Na-Jaaiz Hain, Dusri Wo Jo Tabah Kun Hain Aur Bahot Dafa'a Unke Pura Karne Ke Liye Musalman Sudi Qarz Lete Hain Aur Sood Dena Bhi Haraam Hai Aur Lena Bhi. Isliye Ye Rasme'n Haraam Kaam Ka Zari'ah Hain. Is Risala (IsLami Zindagi) Main Duno'n Qism Ki Rasmo'n Ka Zikr Kiya Jayega Aur Bayan Ka Tariqah Ye Hoga Ke Is Risale Ke Alehdah Alehdah Baab Honge Yani Paida'ish Ki Rasmo'n Ka Ek Baab Phir Biyah Shadi Ki Rasmo'n Ka Ek Baab Phir Muat Ki Rasmo'n Ka Alehdah Baab Waghairah Waghairah. Har Rasm Ke Muta'Alliq Teen Baate'n Arz Ki jayegi.
Awwal To Murawajjah Rasm Aur Phir Uski Kharabiya'n Phir Uska Masnoon Aur Jaaiz Tariqah.
Is Kitaab Ka Naam Islami Zindagi Rakha Gaya Hai Aur Rabbe Kareem Ke Karam Se Ummeed Hai Ke Wo Apne Habeeb SallallahuTa'AalaAlaihiWaSallam Ke Sadqe Main Isko Isme Bi'musamma Banaye Aur Qubool Farma Kar Musalmano'n Ko Is Par Amal Ki Taufeeq De Mere Liye Isko Tausha-E-Aakhirat Aur Sadqa Jariya Bana De...
Aameen Aameen Ya Rabbal Aalameen Bijahi Rasulikar Ra'ufurRaheem Wa'Aalihi wa Ashaabihi Ajma'een.
Bachho'n Ke Paida'ish Par Rasumaat
Aqeeqah Aur Khatnah Ki Rasmein
Bachho'n Ki Parwarish
Shadi Biyah Ki Rasmein
Moharram, Shabe Baraat, Eid, Baqra_Eid Ki Rasme'n
Naya Feshion Aur Parda
Maut Ki Rasmein
Miraas Ki Rasmein
Dua-e'n