◆Bacche Ki Paida'ish
Murawajjah Rasme'n : Bacche Ki Paida'ish Ke Mauqa Par Mukhtalif Mulko'n Main Mukhtalif Rasme'n Hain Magar Chand Aisi Rasme'n Hain Jo Taqriban Kisi Qadar Farq Se Har Jaga Payi Jati Hain Wo Hasbe Zail Hain :-
1) Ladka Paida Hone Par Aam Taur Par Zyada Khushi Ki Jati Hai Aur Agar Ladki Paida Hoto Ba'z Log Bajaye Khushi Ke Ranj-O-Gham Mahsoos Karte Hain.
2) Pehle Bacche Par Zyada Khushi Ki Jati Hai Phir Aur Baccho'n Par Khushi Manayi To Jati Hai Magar Kam.
3) Ladka Paida Huwa To Paida'ish Ke 6_Roz Tak Aurate'n Dhol Bajati Hain.
4)Paida'ish Ke Din Laddoo Ya Koyi Mithayi Ahle_Qaraabt Main Taqseem Hoti Hai.
5)Is Din Mirasi Dom Dusre Gaane Bajane Wale Ghar Gher Lete Hain Aur Behudah Gaane Ga Kar In'aam Ke Khwastagar Hote Hain.
6)Bahen Behnawi Waghairah Ko Jode Rupeya Waghairah Bahot si Rasmo'n Ke Maa'Tahet Diye Jate Hain. Lut Dhulayi , Gond Bandwayi Waghairah.
7) Dulhan Ke Maa Baap Bhai Ki Taraf Se Chuchak Aana Zaruri Hota Hai Jis Main Ke Dulha Dulhan Saas Sasre , Nanad , Nandawayi Hatta Ke Ghar Ke Baheshti Bhangi Ke Liye Bhi Kapdo'n Ke Jode Naqdi Aur Agar Ladki Paidah Huwi To Bacchi Ke Liye Chota Chota Zewar Hona Zaruri Hai Gharz Ke Maike Sasuraal Ka Diwaliyah Hojata Hai.
8) Maalan Aur Bhatyari Ghar Ke Darwaze Par Patto'n Ka Sehra Ya Kaghaz Ke Phool Baandhti Hain Jiske MuAwezah Main Ek Joda Aur Rupe Kam Az Kam Wasool Karti Hai.
◆Bacche Ki Paida'ish Aur Rusoom Ki Kharabiya'n
Ladki Paida Hone Se Ranj Karna Kuffar Ka Tariqah Hai Jiske Muta'Alliq QurAane Kareem Farmata Hai:
واذبشر احدهم بالانثی ظل وجھه مسودا وهوکظيم
Balke Haq Ye Hai Ke Jis Aurat Ke Pehle Ladki Paida Ho, Rab Ta'Aala Ke Fadl Se Khushi Naseeb Hai Kyunke Huzoor Sayyed Aalam ﷺ Ke Daulat Khana Main Awwal Dukhtar(Ladki) Hi Paida Huwi To Goya Rab Ta'Aala Ne Sunnate Nabi Ata Farma Di.
Jawaan Ladkiyo'n Ka Gaana Bajana Haraam Hai Kyunke Aurat Ki Aawaz Ka Bhi Na-Mehramo'n Se Pardah Hona Zaruri Hai Agar Aurat Namaz Padh Rahi Ho Aur Koyi Aage Se Guzarna Chahe To Ye Aurat SubhanAllah Keh Ke Isko ItLaa Na De Balke Taali Se Khabar De Jab Aawaz Ki Is Qadar Pardah Daari Hai To Ye Murawajjah Gaane Aur Baaje Ka Kya Puchna.
Farzand(Ladka) Ki Paida'ish Ki Khushi Main Nafil Padhna Aur Sadqah Khairaat Karna Kaare Sawaab Hai Magar Biradari Ke Dar Naak katne Ke Khauf Se Mithayi Taqseem Karna Bilkul Be-Faidah Hai Aur Agar Sudi Qarzah Lekar Ye Kaam Kiye To Aakhirat Ka Gunah Bhi Hai.
Isliye Is Rasm Ko Band Karna Chahiye. Doom Miraasi Logo'n Ko Dena Harghiz Jaaiz Nahi Kyunke Unke Hamdardi Karna Dar Asal Unko Gunah Par Daler Karna Hai
Agar In Mauqo'n Par Unko Kuch Na Mile To Ye Tamaam Log Un Haraam Pesho'n Ko Cchod Kar Halaal Kamayi Haasil Kare'n Mujhe Ta'Ajjub Hota Hai Ke Ye Zinane (Khunsa) Doom Miraasi , Radniya'n Sirf Musalman Qaum Hi Main Hain. Eesayi , Yahudi , Hindo, Seekh Aur Paarsi Qaumo'n Main Ye Log Nahi Iski Kya Waja Hai?
Wajah Sirf Ye Hai Ke Musalmano'n Main Khurafaat Rasme'n Zyada Hain Aur In Logo'n Ko Inhi Rasmo'n Ki Wajah Se Parwarish Hoti Hai Aur Digar Qaumo'n Main Na Ye Rasme'n Hain , Na Is Qism Ke Log Aur Yaqinan Aisi Peshawar Qaum Main Muslim Ki Peshani Par Bad-Numa Daagh Hai.
Khuda Kare Ye Log Halaal Rozi Kama Kar Guzarah Kare'n. Bahen Behnawi Ya Digar Ahle Qarabat Ki Khidmat Karna Beshak Kaare Sawaab Hai Magar Jab Ke Allah -O- Rasool Alaihissalam Ko Khush Karne Ke Liye Ki Jaye Agar Duniya Ke Naam -O- Namood Aur Dikhlawe Ke Liye Ye Khidmate'n Hon To Bilkul Bekaar Hai. Dikhlawe Ki Namaz Bhi Be-Faidah Hoti Hai Aur Is Mauqa Par Kisi Ki Niyyat Raza-E-EeLaahi Nahi Hoti Mahez Rasm Ki Pabandi Aur Dikhlawe Ke Liye Sab Kuch Hota Hai Warna Kya Zarurat Hai Ke Chuchak Ke Aage Baaja Bhi Ho Duniya Ko Bhi Jama Kiya Jaye Phir MaalDaar Aadmi Is Kharch Ko Bardasht Kar Leta Hai Magar Ghareeb Musalman In Rasmo'n Ko Pura Karne Ke Liye Ya To Sudi Qarz Leta Hai Ya Ghar Rahen Karta Hai.
Lihaza In Tamaam Masarif Ko Band Karna Nihayat Zaruri Hai Hazaar Haa Mauqao'n Par Apni Ladkiyo'n Aur Behno'n Ko Isliye Du Ke Rasule Akram ﷺ Ka Hukm Hai Magar In Rasmo'n Ko Mita Do Zukaam Ruko Ta Ke Bukhar Jaye Aaj Ye Haalat Hai Ke Agar Bacchah Paida Hone Par Dulhan Maike Se Ye Rasme'n Puri Na Ki Jaye'n To Saas -O- Nanad Ke Ta'ano'n Se Ladki Ki Zindagi Waha'n Mushkil Hojati Hai Aur Idhar Khana Jangi Shuru Hojati Hai Agar Ye Rasme'n Mit Jaye To In Ladaiyo'n Ka Darwaza Band Hojaye.
◆Bacche Ki Paida'ish Par Islami Rasme'n
Bacche Ke Paida Hone Par Ye Kaam Karne Chahiye'n. Bacche Paida Hote Hi Ghusl Diya Jaye Naal Kaata Jaye Aur Aur Jis Qadr Jaldi Ho Sake Uske Dahne Kaan Main Azaan Aur Baaye'n Kaan Main Takbeer Kahi Jaye Khwa Ghar Ka Koyi Aadmi Hi Azaan Aur Takbeer Keh De Ya Masjid Ka MoAzzin Ya Imam Kahe Aur Agar Azaan Kehne Par Khairaat -O- Sadqah Ki Niyyta Se Unki Koyi Khidmat Kardi Jaye To Bahot Accha Hai Kyunke Ye Haq Ta'Aala Ke Shukriyah ka Hai Phir Ye Koshish Ki Jaye Ke Bacche Ko Pehli Ghutti Koyi Nek Aadmi De Kyunke Tafseer Ruhul Bayaan Main Hai Ke Bacche Main Pehli Ghutti Dene Wala Ka Asar Aata Hai Aur Us Ki Si Aadaat Paida Hoti Hain Balke Sunnat To Ye Hai Ke Bacche Ki Theneek Use Kehte Hain Ke Koyi Nek Aadmi Apne Munh Main Khajoor Ya Khurma Chaba Kar Apni Zuban Se Bacche Ke Pet Main Sabse Pehle Jo Ghiza Ponhche Wo Khurma Ho Aur Kisi Buzrug Ke Muh Ka LuAab. Sahaba Kiraam Alaihimur Ridwaan Nabi ﷺ Se Apne Baccho'n Ki Theneek Karaya Karte The. Daayi ki Ujrat Muqarrar Honi Chahiye Jo Is Kaam Ke Ba'd Di Jaye Agar Farzand Ki Khushi Main Milaad Shareef Ya Fateha Buzrugan Kardi Jaye To Bahot Accha Hai Uske Siwa Tamaam Rusumaat Band Kardi Jaye'n Cchucchak -O- Bhaat Ko Mitana Sakht Zaruri Hai.
Murawajjah Rasme'n : Bacche Ki Paida'ish Ke Mauqa Par Mukhtalif Mulko'n Main Mukhtalif Rasme'n Hain Magar Chand Aisi Rasme'n Hain Jo Taqriban Kisi Qadar Farq Se Har Jaga Payi Jati Hain Wo Hasbe Zail Hain :-
1) Ladka Paida Hone Par Aam Taur Par Zyada Khushi Ki Jati Hai Aur Agar Ladki Paida Hoto Ba'z Log Bajaye Khushi Ke Ranj-O-Gham Mahsoos Karte Hain.
2) Pehle Bacche Par Zyada Khushi Ki Jati Hai Phir Aur Baccho'n Par Khushi Manayi To Jati Hai Magar Kam.
3) Ladka Paida Huwa To Paida'ish Ke 6_Roz Tak Aurate'n Dhol Bajati Hain.
4)Paida'ish Ke Din Laddoo Ya Koyi Mithayi Ahle_Qaraabt Main Taqseem Hoti Hai.
5)Is Din Mirasi Dom Dusre Gaane Bajane Wale Ghar Gher Lete Hain Aur Behudah Gaane Ga Kar In'aam Ke Khwastagar Hote Hain.
6)Bahen Behnawi Waghairah Ko Jode Rupeya Waghairah Bahot si Rasmo'n Ke Maa'Tahet Diye Jate Hain. Lut Dhulayi , Gond Bandwayi Waghairah.
7) Dulhan Ke Maa Baap Bhai Ki Taraf Se Chuchak Aana Zaruri Hota Hai Jis Main Ke Dulha Dulhan Saas Sasre , Nanad , Nandawayi Hatta Ke Ghar Ke Baheshti Bhangi Ke Liye Bhi Kapdo'n Ke Jode Naqdi Aur Agar Ladki Paidah Huwi To Bacchi Ke Liye Chota Chota Zewar Hona Zaruri Hai Gharz Ke Maike Sasuraal Ka Diwaliyah Hojata Hai.
8) Maalan Aur Bhatyari Ghar Ke Darwaze Par Patto'n Ka Sehra Ya Kaghaz Ke Phool Baandhti Hain Jiske MuAwezah Main Ek Joda Aur Rupe Kam Az Kam Wasool Karti Hai.
◆Bacche Ki Paida'ish Aur Rusoom Ki Kharabiya'n
Ladki Paida Hone Se Ranj Karna Kuffar Ka Tariqah Hai Jiske Muta'Alliq QurAane Kareem Farmata Hai:
واذبشر احدهم بالانثی ظل وجھه مسودا وهوکظيم
Balke Haq Ye Hai Ke Jis Aurat Ke Pehle Ladki Paida Ho, Rab Ta'Aala Ke Fadl Se Khushi Naseeb Hai Kyunke Huzoor Sayyed Aalam ﷺ Ke Daulat Khana Main Awwal Dukhtar(Ladki) Hi Paida Huwi To Goya Rab Ta'Aala Ne Sunnate Nabi Ata Farma Di.
Jawaan Ladkiyo'n Ka Gaana Bajana Haraam Hai Kyunke Aurat Ki Aawaz Ka Bhi Na-Mehramo'n Se Pardah Hona Zaruri Hai Agar Aurat Namaz Padh Rahi Ho Aur Koyi Aage Se Guzarna Chahe To Ye Aurat SubhanAllah Keh Ke Isko ItLaa Na De Balke Taali Se Khabar De Jab Aawaz Ki Is Qadar Pardah Daari Hai To Ye Murawajjah Gaane Aur Baaje Ka Kya Puchna.
Farzand(Ladka) Ki Paida'ish Ki Khushi Main Nafil Padhna Aur Sadqah Khairaat Karna Kaare Sawaab Hai Magar Biradari Ke Dar Naak katne Ke Khauf Se Mithayi Taqseem Karna Bilkul Be-Faidah Hai Aur Agar Sudi Qarzah Lekar Ye Kaam Kiye To Aakhirat Ka Gunah Bhi Hai.
Isliye Is Rasm Ko Band Karna Chahiye. Doom Miraasi Logo'n Ko Dena Harghiz Jaaiz Nahi Kyunke Unke Hamdardi Karna Dar Asal Unko Gunah Par Daler Karna Hai
Agar In Mauqo'n Par Unko Kuch Na Mile To Ye Tamaam Log Un Haraam Pesho'n Ko Cchod Kar Halaal Kamayi Haasil Kare'n Mujhe Ta'Ajjub Hota Hai Ke Ye Zinane (Khunsa) Doom Miraasi , Radniya'n Sirf Musalman Qaum Hi Main Hain. Eesayi , Yahudi , Hindo, Seekh Aur Paarsi Qaumo'n Main Ye Log Nahi Iski Kya Waja Hai?
Wajah Sirf Ye Hai Ke Musalmano'n Main Khurafaat Rasme'n Zyada Hain Aur In Logo'n Ko Inhi Rasmo'n Ki Wajah Se Parwarish Hoti Hai Aur Digar Qaumo'n Main Na Ye Rasme'n Hain , Na Is Qism Ke Log Aur Yaqinan Aisi Peshawar Qaum Main Muslim Ki Peshani Par Bad-Numa Daagh Hai.
Khuda Kare Ye Log Halaal Rozi Kama Kar Guzarah Kare'n. Bahen Behnawi Ya Digar Ahle Qarabat Ki Khidmat Karna Beshak Kaare Sawaab Hai Magar Jab Ke Allah -O- Rasool Alaihissalam Ko Khush Karne Ke Liye Ki Jaye Agar Duniya Ke Naam -O- Namood Aur Dikhlawe Ke Liye Ye Khidmate'n Hon To Bilkul Bekaar Hai. Dikhlawe Ki Namaz Bhi Be-Faidah Hoti Hai Aur Is Mauqa Par Kisi Ki Niyyat Raza-E-EeLaahi Nahi Hoti Mahez Rasm Ki Pabandi Aur Dikhlawe Ke Liye Sab Kuch Hota Hai Warna Kya Zarurat Hai Ke Chuchak Ke Aage Baaja Bhi Ho Duniya Ko Bhi Jama Kiya Jaye Phir MaalDaar Aadmi Is Kharch Ko Bardasht Kar Leta Hai Magar Ghareeb Musalman In Rasmo'n Ko Pura Karne Ke Liye Ya To Sudi Qarz Leta Hai Ya Ghar Rahen Karta Hai.
Lihaza In Tamaam Masarif Ko Band Karna Nihayat Zaruri Hai Hazaar Haa Mauqao'n Par Apni Ladkiyo'n Aur Behno'n Ko Isliye Du Ke Rasule Akram ﷺ Ka Hukm Hai Magar In Rasmo'n Ko Mita Do Zukaam Ruko Ta Ke Bukhar Jaye Aaj Ye Haalat Hai Ke Agar Bacchah Paida Hone Par Dulhan Maike Se Ye Rasme'n Puri Na Ki Jaye'n To Saas -O- Nanad Ke Ta'ano'n Se Ladki Ki Zindagi Waha'n Mushkil Hojati Hai Aur Idhar Khana Jangi Shuru Hojati Hai Agar Ye Rasme'n Mit Jaye To In Ladaiyo'n Ka Darwaza Band Hojaye.
◆Bacche Ki Paida'ish Par Islami Rasme'n
Bacche Ke Paida Hone Par Ye Kaam Karne Chahiye'n. Bacche Paida Hote Hi Ghusl Diya Jaye Naal Kaata Jaye Aur Aur Jis Qadr Jaldi Ho Sake Uske Dahne Kaan Main Azaan Aur Baaye'n Kaan Main Takbeer Kahi Jaye Khwa Ghar Ka Koyi Aadmi Hi Azaan Aur Takbeer Keh De Ya Masjid Ka MoAzzin Ya Imam Kahe Aur Agar Azaan Kehne Par Khairaat -O- Sadqah Ki Niyyta Se Unki Koyi Khidmat Kardi Jaye To Bahot Accha Hai Kyunke Ye Haq Ta'Aala Ke Shukriyah ka Hai Phir Ye Koshish Ki Jaye Ke Bacche Ko Pehli Ghutti Koyi Nek Aadmi De Kyunke Tafseer Ruhul Bayaan Main Hai Ke Bacche Main Pehli Ghutti Dene Wala Ka Asar Aata Hai Aur Us Ki Si Aadaat Paida Hoti Hain Balke Sunnat To Ye Hai Ke Bacche Ki Theneek Use Kehte Hain Ke Koyi Nek Aadmi Apne Munh Main Khajoor Ya Khurma Chaba Kar Apni Zuban Se Bacche Ke Pet Main Sabse Pehle Jo Ghiza Ponhche Wo Khurma Ho Aur Kisi Buzrug Ke Muh Ka LuAab. Sahaba Kiraam Alaihimur Ridwaan Nabi ﷺ Se Apne Baccho'n Ki Theneek Karaya Karte The. Daayi ki Ujrat Muqarrar Honi Chahiye Jo Is Kaam Ke Ba'd Di Jaye Agar Farzand Ki Khushi Main Milaad Shareef Ya Fateha Buzrugan Kardi Jaye To Bahot Accha Hai Uske Siwa Tamaam Rusumaat Band Kardi Jaye'n Cchucchak -O- Bhaat Ko Mitana Sakht Zaruri Hai.