◆Aqeeqah Aur Khatnah Ki Rasme'n
Aam Taur Par Aqeeqah Aur Khatnah Ke Mauqa Par Ye Rasme'n Hoti Rehti Hain Bahot Si Jaga Aqeeqah Karte Hi Nahi Balke Chatti Karte Hain. Wo Ye Ke Bacche Ke Paida'ish Ke Chatte Din Raat Ke Waqt Aurate'n Jama Hokar Mil Kar Gaati Bajati Hain Phir Zacchah Ko Kothdhi Se Bahar La Kar Tare Dikha Kar Gaati Hain Phir Meethe Chawal Taqseem Kiye Jate Hai Geet Nihayat Behudah Gaye Jate Hain Ye Rasam Khalis Hinduwani Hai Aur Jo Log Aqeeqah Karte Bhi Hai To Wo Apni Biradari Ke Lihaaz Se Janwar Zibah Karte Hain. Main Ne Dekha Hai Ke Badi Biradari Wale Log Cheh Saat Janwar Zibah Karke Tamaam Ghosht Biradari Main Taqseem Kar Dete Hain Ya Pur Takalluf Khana Paka Kar Aam Dawat Karte Hain Aur Ye Bhi Mash'hoor Hai Ke Dulhan Ka Pehla Baccha Maike Main Paida Ho Aur Aqeeqah Waghairah Ka Sara Kharchah Dulhan Ke Maa'n Baap Kare'n Agar Wo Aisa Na Kare'n To Sakht Bad-Naami Hoti Hai. Jab Khatnah Ka Waqt Aata To Aisi Rasme'n Hoti Hain Khuda Ki Panah ! Khatanah Se Pehle Raat Jagrata Hota Hai. Jis Main Sab Aurate'n Jama Ho Kar Raat Bhar Gaana Gaati Hain Aur Ghar Wale Gulgule Pakate Hain Phir Fajar Ke Waqt Jawan Ladkiya'n Aur Aurate'n Gaati Huwi Masjid Ko Jati Hain Waha'n Jakar Un Gulgulo'n Se Taaq Bharti Hain Yaani Ghi Ka Chiragh Aur Ye Gulgule Kuch Paise Taaq Main Rakh Kar Gaati Huwi Wapas Aati Hain. Ye Rasam Ba'z Shadi Par Bhi Hoti Hai Aur Ye Rasam UP Ke Ba'z Qaumo'n Main Zyada Hai Magar Khatnah Ke Waqt Uska Hona Zaruri Hai Jab Khatnah Ka Waqt Aaya To Qarabat_Daar Jama Hote Hain. Jinki Maujoodgi Main Khatnah Karke Apni Katori Rakh Deta Hai Jis Main Har Shakhs Ek Ek Do Do Ya Chaar Aana Aath Aane Dalta Hai. Sab Mil Kar Ghurba Ke Yaha'n To Pandra Bees Rupe Ho Jate Hai Magar Amiro'n Ke Ghar Sau Dhaisau Rupe Banta Hai Phir Bacche Ke Walid Ki Taraf Se Biradari Ki Roti Hoti Hai Aur Bacche Ke Walid Apni Behno'n Behnawi-O- Digar Ahle_Qarabat Ko Kapdo'n Ke Jode Deta Hai , Idhar Bacche Ke Nana Mamu'n Ki Taraf Se Naqdi , Rupaiyah Kapdo'n Ke Jode Lana Zaruri Hota Hai. Ahle_Qarabat Jo Naayi Ki Katori Main Paise Rupe Dalte Hain Wo Newta Kehlata Hai Ye Dar Haqiqat Bacche Ke Walid Par Qarz Ki Tarah Hota Hai Ke Jab Un Logo'n Ke Ghar Khatnah Hoto Ye Bhi Uske Ghar Naqdi De.
◆Aqeeqah Aur Khatnah In Rasmo'n Ki Kharabiya'n
Chatti Karna Khalis Hindu'o'n Ki Rasam Hai Jo Ke Unho'n Ne Aqeeqah Ke Muqablah Main Aejaad Ki Hai. Ham Pehle Arz Kar Chuke Hain Ke Aurato'n Ka Gaana Bajana Haraam Hai Isi Tarah Bacche Ko Taare Dikhana Mahez Laguyaat Hai Phir Gaane Waliyo'n Ko Meethe Chawal Khilana Haraam Kaam Ka Badlah Hai Lihaza Ye Chatti Ka Rasam Bilkul Band Kar Dena Zaruri Hai. Aqeeqah Aur Khatnah Main Is Qadar Kharchah Karane Ka Ye Asar Padega Ke Log Kharchah Ke Khauf Se Ye Sunnat Hi Cchod De'n Ge. Aqeeqah Aur Khatnah Karna Sunnat Hai Aur Sunnat Ibadat Hai. Ibadat Ko Isi Tarah Nabi Kareem ﷺ Se Saabit Hai.
Apni Taraf Se Rasme'n Daakhil Karna Lagu Hai Namaz Padhna, Zakaat Dena , Haj Karna Ibadat Hai Ab Agar Koyi Shakhs Namaz Ko Gaata Bajata Jaye Aur Zakaat Dete Waqt Biradari Ki Roti Ko Zaruri Samjhe To Ye Mahez Behudah Baat Hai. Main Ne Ek Naujawan Shakhs Ko Kehte Suna Hai Ke Mera Khatnah Nahi Huwa.
Main Ne Pucha Kyun? Usne Jawab Diya Ke Mere Baap Ke Paas Biradari Ki Roti Karne Ke Liye Rupeyah Na Tha Isliye Mera Khatnah Nahi Huwa.
Dekha In Rasmo'n Ki Pabandiyo'n Main Ye Kharabi Hai. Bacche Ka Kharchah Baap Ke Zimmah Hai Uska Aqeeqah Aur Khatnah Baap Kare'n Ye Pabandi Laga Dena Ke Pehle Bacchah Ka Khatnah Nana Mamu'n Kare'n Islami Qayide Ke Khilaaf Hai Isi Tarah Biradari Ki Roti Aur Naayi Ko Is Qadar Chandah Kar Ke Dena Sakht Buri Rasam Hai Isko Band Kar Dena Chahiye.
Newta Bhi Bahot Buri Rasam Hai Jo Ghaliban Dusri Qaumo'n Se Ham Ne Seekhi Hai Is Main Kharabi Ye Hai Ke Ye Jhagde Aur Ladayi Ki Jad Hai Wo Is Tarah Ke Farz Karo Ke Ham Ne Kisi Ke Ghar Chaar Mauqo'n Par 2-2 Rupe Diye Hain To Ham Bhi Hissah Lagate Rehte Hain Aur Wo Bhi Jisko Ye Rupeyah Ponhcha. Ab Hamare Ghar Koyi Khushi Ka Mauqa Aaya Ham Ne Usko Bulaya To Hamari Puri Niyyat Ye Hoti Hai Ke Wo Shakhs Kam Az Kam 10_Rupe Hamare Ghar De Taake 8_Rupe Ada Hojaye'n Aur 2_Rupe Ham Par Chad Jaye'n. Idhar Usko Bhi Ye Hi Khayal Hai Agar Mere Paas Itni Raqam Hoto Main Waha'n Dawat Khane Jao'n Warna Na Jao'n. Ab Agar Uske Paas Is Waqt Rupeyah Nahi To Wo Sharmindagi Ki Waja Se Aata Hi Nahi Aur Agar Aaya To 2_4 Rupe De Gaya. Behre Haal Idhar Se Shikayt Paida Huwi, Ta'ane Baaziya'n Huwe'n Dil Bigde Ba'z Log To Qarz Le Kar Newta Ada Karte Hain. Bolo ! Ye Khushi Hai Ya Aelaane Jang. Log Kehte Hain Ke Newta Se Ek Shakhs Ki Waqti Madad Hojati Hai. Isliye Ye Rasam Acchi Hai Magar Dosto ! Madad To Hojati Hai Lekin Dil Kaise Bure Hote Hain Aur Rupeyah Kis Tarah Phans Jata Hai. Na Ma'aloom Ye Rasam Kab Se Shuru Huwi, Baahami Imdaad Karna Aur Baat Hai. Lekin Ye Baahami Imdaad Nahi. Agar Baahami Imadaad Hoti To Phir Badlah Ka Taqaza Kaisa? Lihaza Ye Newta Ki Rasam Bilkul Band Honi Chahiye. Haan Agar Qurabat_Daar Ko Bature Madad Kuch Diya Jaye Aur Uske Badlah Ki Tauwaqqu Na Rakhi Jaye To Waqayi Madad Hai Is Main Koyi Mazayeqah Nahi, Hadyah Se Mohabbat Badhti Hai Aur Qarz Se Mohabbat Tootti Hai. Ab Newta Behudah Qarz Hogaya Hai.
Note Zaruri: Aqeeqah , Khatnah , Shadi , Muat Har Waqt Hi Newta Ki Rasam Jari Hai Ye Bilkul Band Honi Chahiye.
◆Aqeeqah Aur Khatnah Ka Islami Tariqah
Tariqah Sunnat Ye Hai Ke Bacchah Ki Paida'ish Ke 7we'n Roz Aqeeqah Ho Aur Agar Na Ho Sake To 15we'n Din Ya 21we'n Roz Yaani Paida'ish Ke Din Se Ek Din Beshtar Agar JumuAh Ko Bacchah Paida Huwa To Jab Bhi Aqeeqah , Jumeraat Ko Ho Aqeeqah Ka Hukm Ye Hai Ke Ladke Ki Taraf Se Du Bakriya'n Ek Saal Ki Aur Ladki Ki Taraf Se Ek Bakri Ek Saal Ki Zibah Kar Di Jaye. Ek Hissah Fuqara Ko Khairaat Kar Diya Jaye, Dusra Hissah Ahle_Qarabat Main Taqseem Ho, Tisra Hissah Apne Ghar Main Khaya Jaye. Behtar Ye Hai Ke Aqeeqah Ke Janwar Ki Haddiya'n Todi Na Jaye Balke Jodo'n Se Alehdah Kar Di Jaye'n Aur Gosht Waghairah Khakar Haddiya'n Dafan Kar Di Jaye'n.
7we'n Roz Hi Bacchah Ka Naam Bhi Rakha Jaye.
Sabse Behtar Naam Muhammed Hai Magar Jinka Naam Muhammed Ho Usko Bigad Kar Na Pukara Jaye. AbdullAh , AbdurRahmaan Aur Ambiya-E-Kiraam -O- Sahabah Kiraam Ke Naam Par Naam Rakhna Bhi Accha Hai. Jaise EeSa , Musa , Ibraheem , Isma'eel , Abbaas , Umar Waghairah.
Aur Be-Maani Naam Na Rakhe Jaye'n. Jaise___ Buddhu , Jumeraati , Khairaati Waghairah Isi Tarah Jin Namo'n Main Fakhr Zahir Hota Ho Na Rakhe Jaye'n Jaise___ Shahajaan , Nawaab , Raaja , Badhshah Waghairah.
Ladkiyo Ke Naam Qamrunnisa , Jaha'n Aara Begum Waghairah Na Rakho Balke Unke Naam Fatimah , Aaminah , Aayehsah , Maryam , Zainab, Kulsum Waghairah Rakho.
Aqeeqah Ke Waqt Jab Janwar Zibah Ho Tab Bacchah Ke Baal Bhi Mundwa Diye Jaye'n Aur Balo'n Ko Chandi Se Wazan Karke Khairaat Kardi Jaye Aur Sar Par Za'fraan Bhigo Kar Mal Diya Jaye. Ye Jo Mash'hoor Hai Ke Bacchah Ke Maa'n Baap Aqeeqah Ka Gosht Na Khaye, Mahez Ghalat Hai. Aqeeqah Wale Ko Ikhteyaar Hai Ke Khwa Kaccha Gosht Taqseem Karde Ya Paka Kar Dawat Karde Magar Khayaal Rahe Ke Naam-O-Namood Ko Is Me'n Dakhal Na Ho, Faqat Sunnat Ki Niyyat Se Ho. Naayi Aur Qasayi Ki Ujrat Pehle Se Muqarrar Ho Jo Aqeeqah Ke Ba'd Di Jaye. Agar Naayi Apna Qadimi Khidmat Guzar Hai To Usko Zyada Ujrat Do. Jisse Uska Haq Ada Hojaye Aur Agar Nahi To Wajabi Ujrat De Do. Ye Bhi Jaaiz Hai Ke Gaay Khareed Kar Chand Baccho'n Ka Aqeeqah Ek Hi Gaay Me'n Kar Diya Jaye Yaani Ladke Ke Liye Gaay Ke Ladkey ke Liye 2/7 Hissey. (YaAni 7 Me'n se 2 Hisse) Aur Ladki Ke Liye 1-Hissah Ye Bhi Jaaiz Hai Agar Qurbani Ki Gaay Me'n Aqeeqah Ka Hissah Daal Diya Jaye Ke Ladke Ke Liye 2-Hisse Aur Ladki Ke Liye 1-Hissah.
Zaruri Note:
Aqeeqah Farz Ya Wajib Nahi Hai Sirf Sunnate Mustahebah Hai. Ghareeb Aadmi Ko Hargiz Jaaiz Nahi Ke Sudi Qarzah Lekar Aqeeqah Kare Qarz Lekar To Zakaat Dena Jaaiz Nahi. Aqeeqah Zakaat Se Badh Kar Nahi Hai. Me'n Ne Ba'z Ghareeb Musalmano'n Ko Dekha Hai Ke Qarz Le Kar Aqeeqah Karte Hain Agar Aqeeqah Na Kare'n To Be-Charo'n Ki Naak Jaye Wo Baghair Naak Ke Reh Jaye'n Gharz Ke Sunnat Ka Khayal Nahi Apni Naak Ka Khayal Hai Aisi Naak Khuda Kare Kat Hi Jaye.
Khatnah Ka Sunnat Tariqah Ye Hai Ke 7we'n Baras Bacchah Ka Khatnah Kara Diya Jaye. Khatnah Ki Umar 7-Saal Se 12-Baras Tak Hai Yaani 12-Baras Se Zyada Der Lagana Mana Hai.
(AalamGiri)
Aur Agar 7-Saal Se Pehle Khatnah Kar Diya Gaya Jab Bhi Harj Nahi. Ba'z Log Aqeeqah Ke Sath Hi Khatnah Karne Me'n Ye Aasani Aur Aaram Samajhte Hain Kyunke Us Waqt Bacchah Chalne Phirne Ke Qabil To Hai Nahi Taake Zakham Badhale. Agar Maa'n Ka Doodh Uspar Dala Jata Rahe To Bahot Jald Zakham Bhar Jata Hai. Khatnah Karne Se Pehle Naayi Ki Ujrat Tay Hona Zaruri Hai Jo Ke Usko Khatnah Ke Ba'd De Di Jaye. EeLaaj Me'n Khaas Kar Nigrani Rakhi Jaye. Tajruba Kaar Naayi Se Khatnah Karaya Jaye.
Aam Taur Par Aqeeqah Aur Khatnah Ke Mauqa Par Ye Rasme'n Hoti Rehti Hain Bahot Si Jaga Aqeeqah Karte Hi Nahi Balke Chatti Karte Hain. Wo Ye Ke Bacche Ke Paida'ish Ke Chatte Din Raat Ke Waqt Aurate'n Jama Hokar Mil Kar Gaati Bajati Hain Phir Zacchah Ko Kothdhi Se Bahar La Kar Tare Dikha Kar Gaati Hain Phir Meethe Chawal Taqseem Kiye Jate Hai Geet Nihayat Behudah Gaye Jate Hain Ye Rasam Khalis Hinduwani Hai Aur Jo Log Aqeeqah Karte Bhi Hai To Wo Apni Biradari Ke Lihaaz Se Janwar Zibah Karte Hain. Main Ne Dekha Hai Ke Badi Biradari Wale Log Cheh Saat Janwar Zibah Karke Tamaam Ghosht Biradari Main Taqseem Kar Dete Hain Ya Pur Takalluf Khana Paka Kar Aam Dawat Karte Hain Aur Ye Bhi Mash'hoor Hai Ke Dulhan Ka Pehla Baccha Maike Main Paida Ho Aur Aqeeqah Waghairah Ka Sara Kharchah Dulhan Ke Maa'n Baap Kare'n Agar Wo Aisa Na Kare'n To Sakht Bad-Naami Hoti Hai. Jab Khatnah Ka Waqt Aata To Aisi Rasme'n Hoti Hain Khuda Ki Panah ! Khatanah Se Pehle Raat Jagrata Hota Hai. Jis Main Sab Aurate'n Jama Ho Kar Raat Bhar Gaana Gaati Hain Aur Ghar Wale Gulgule Pakate Hain Phir Fajar Ke Waqt Jawan Ladkiya'n Aur Aurate'n Gaati Huwi Masjid Ko Jati Hain Waha'n Jakar Un Gulgulo'n Se Taaq Bharti Hain Yaani Ghi Ka Chiragh Aur Ye Gulgule Kuch Paise Taaq Main Rakh Kar Gaati Huwi Wapas Aati Hain. Ye Rasam Ba'z Shadi Par Bhi Hoti Hai Aur Ye Rasam UP Ke Ba'z Qaumo'n Main Zyada Hai Magar Khatnah Ke Waqt Uska Hona Zaruri Hai Jab Khatnah Ka Waqt Aaya To Qarabat_Daar Jama Hote Hain. Jinki Maujoodgi Main Khatnah Karke Apni Katori Rakh Deta Hai Jis Main Har Shakhs Ek Ek Do Do Ya Chaar Aana Aath Aane Dalta Hai. Sab Mil Kar Ghurba Ke Yaha'n To Pandra Bees Rupe Ho Jate Hai Magar Amiro'n Ke Ghar Sau Dhaisau Rupe Banta Hai Phir Bacche Ke Walid Ki Taraf Se Biradari Ki Roti Hoti Hai Aur Bacche Ke Walid Apni Behno'n Behnawi-O- Digar Ahle_Qarabat Ko Kapdo'n Ke Jode Deta Hai , Idhar Bacche Ke Nana Mamu'n Ki Taraf Se Naqdi , Rupaiyah Kapdo'n Ke Jode Lana Zaruri Hota Hai. Ahle_Qarabat Jo Naayi Ki Katori Main Paise Rupe Dalte Hain Wo Newta Kehlata Hai Ye Dar Haqiqat Bacche Ke Walid Par Qarz Ki Tarah Hota Hai Ke Jab Un Logo'n Ke Ghar Khatnah Hoto Ye Bhi Uske Ghar Naqdi De.
◆Aqeeqah Aur Khatnah In Rasmo'n Ki Kharabiya'n
Chatti Karna Khalis Hindu'o'n Ki Rasam Hai Jo Ke Unho'n Ne Aqeeqah Ke Muqablah Main Aejaad Ki Hai. Ham Pehle Arz Kar Chuke Hain Ke Aurato'n Ka Gaana Bajana Haraam Hai Isi Tarah Bacche Ko Taare Dikhana Mahez Laguyaat Hai Phir Gaane Waliyo'n Ko Meethe Chawal Khilana Haraam Kaam Ka Badlah Hai Lihaza Ye Chatti Ka Rasam Bilkul Band Kar Dena Zaruri Hai. Aqeeqah Aur Khatnah Main Is Qadar Kharchah Karane Ka Ye Asar Padega Ke Log Kharchah Ke Khauf Se Ye Sunnat Hi Cchod De'n Ge. Aqeeqah Aur Khatnah Karna Sunnat Hai Aur Sunnat Ibadat Hai. Ibadat Ko Isi Tarah Nabi Kareem ﷺ Se Saabit Hai.
Apni Taraf Se Rasme'n Daakhil Karna Lagu Hai Namaz Padhna, Zakaat Dena , Haj Karna Ibadat Hai Ab Agar Koyi Shakhs Namaz Ko Gaata Bajata Jaye Aur Zakaat Dete Waqt Biradari Ki Roti Ko Zaruri Samjhe To Ye Mahez Behudah Baat Hai. Main Ne Ek Naujawan Shakhs Ko Kehte Suna Hai Ke Mera Khatnah Nahi Huwa.
Main Ne Pucha Kyun? Usne Jawab Diya Ke Mere Baap Ke Paas Biradari Ki Roti Karne Ke Liye Rupeyah Na Tha Isliye Mera Khatnah Nahi Huwa.
Dekha In Rasmo'n Ki Pabandiyo'n Main Ye Kharabi Hai. Bacche Ka Kharchah Baap Ke Zimmah Hai Uska Aqeeqah Aur Khatnah Baap Kare'n Ye Pabandi Laga Dena Ke Pehle Bacchah Ka Khatnah Nana Mamu'n Kare'n Islami Qayide Ke Khilaaf Hai Isi Tarah Biradari Ki Roti Aur Naayi Ko Is Qadar Chandah Kar Ke Dena Sakht Buri Rasam Hai Isko Band Kar Dena Chahiye.
Newta Bhi Bahot Buri Rasam Hai Jo Ghaliban Dusri Qaumo'n Se Ham Ne Seekhi Hai Is Main Kharabi Ye Hai Ke Ye Jhagde Aur Ladayi Ki Jad Hai Wo Is Tarah Ke Farz Karo Ke Ham Ne Kisi Ke Ghar Chaar Mauqo'n Par 2-2 Rupe Diye Hain To Ham Bhi Hissah Lagate Rehte Hain Aur Wo Bhi Jisko Ye Rupeyah Ponhcha. Ab Hamare Ghar Koyi Khushi Ka Mauqa Aaya Ham Ne Usko Bulaya To Hamari Puri Niyyat Ye Hoti Hai Ke Wo Shakhs Kam Az Kam 10_Rupe Hamare Ghar De Taake 8_Rupe Ada Hojaye'n Aur 2_Rupe Ham Par Chad Jaye'n. Idhar Usko Bhi Ye Hi Khayal Hai Agar Mere Paas Itni Raqam Hoto Main Waha'n Dawat Khane Jao'n Warna Na Jao'n. Ab Agar Uske Paas Is Waqt Rupeyah Nahi To Wo Sharmindagi Ki Waja Se Aata Hi Nahi Aur Agar Aaya To 2_4 Rupe De Gaya. Behre Haal Idhar Se Shikayt Paida Huwi, Ta'ane Baaziya'n Huwe'n Dil Bigde Ba'z Log To Qarz Le Kar Newta Ada Karte Hain. Bolo ! Ye Khushi Hai Ya Aelaane Jang. Log Kehte Hain Ke Newta Se Ek Shakhs Ki Waqti Madad Hojati Hai. Isliye Ye Rasam Acchi Hai Magar Dosto ! Madad To Hojati Hai Lekin Dil Kaise Bure Hote Hain Aur Rupeyah Kis Tarah Phans Jata Hai. Na Ma'aloom Ye Rasam Kab Se Shuru Huwi, Baahami Imdaad Karna Aur Baat Hai. Lekin Ye Baahami Imdaad Nahi. Agar Baahami Imadaad Hoti To Phir Badlah Ka Taqaza Kaisa? Lihaza Ye Newta Ki Rasam Bilkul Band Honi Chahiye. Haan Agar Qurabat_Daar Ko Bature Madad Kuch Diya Jaye Aur Uske Badlah Ki Tauwaqqu Na Rakhi Jaye To Waqayi Madad Hai Is Main Koyi Mazayeqah Nahi, Hadyah Se Mohabbat Badhti Hai Aur Qarz Se Mohabbat Tootti Hai. Ab Newta Behudah Qarz Hogaya Hai.
Note Zaruri: Aqeeqah , Khatnah , Shadi , Muat Har Waqt Hi Newta Ki Rasam Jari Hai Ye Bilkul Band Honi Chahiye.
◆Aqeeqah Aur Khatnah Ka Islami Tariqah
Tariqah Sunnat Ye Hai Ke Bacchah Ki Paida'ish Ke 7we'n Roz Aqeeqah Ho Aur Agar Na Ho Sake To 15we'n Din Ya 21we'n Roz Yaani Paida'ish Ke Din Se Ek Din Beshtar Agar JumuAh Ko Bacchah Paida Huwa To Jab Bhi Aqeeqah , Jumeraat Ko Ho Aqeeqah Ka Hukm Ye Hai Ke Ladke Ki Taraf Se Du Bakriya'n Ek Saal Ki Aur Ladki Ki Taraf Se Ek Bakri Ek Saal Ki Zibah Kar Di Jaye. Ek Hissah Fuqara Ko Khairaat Kar Diya Jaye, Dusra Hissah Ahle_Qarabat Main Taqseem Ho, Tisra Hissah Apne Ghar Main Khaya Jaye. Behtar Ye Hai Ke Aqeeqah Ke Janwar Ki Haddiya'n Todi Na Jaye Balke Jodo'n Se Alehdah Kar Di Jaye'n Aur Gosht Waghairah Khakar Haddiya'n Dafan Kar Di Jaye'n.
7we'n Roz Hi Bacchah Ka Naam Bhi Rakha Jaye.
Sabse Behtar Naam Muhammed Hai Magar Jinka Naam Muhammed Ho Usko Bigad Kar Na Pukara Jaye. AbdullAh , AbdurRahmaan Aur Ambiya-E-Kiraam -O- Sahabah Kiraam Ke Naam Par Naam Rakhna Bhi Accha Hai. Jaise EeSa , Musa , Ibraheem , Isma'eel , Abbaas , Umar Waghairah.
Aur Be-Maani Naam Na Rakhe Jaye'n. Jaise___ Buddhu , Jumeraati , Khairaati Waghairah Isi Tarah Jin Namo'n Main Fakhr Zahir Hota Ho Na Rakhe Jaye'n Jaise___ Shahajaan , Nawaab , Raaja , Badhshah Waghairah.
Ladkiyo Ke Naam Qamrunnisa , Jaha'n Aara Begum Waghairah Na Rakho Balke Unke Naam Fatimah , Aaminah , Aayehsah , Maryam , Zainab, Kulsum Waghairah Rakho.
Aqeeqah Ke Waqt Jab Janwar Zibah Ho Tab Bacchah Ke Baal Bhi Mundwa Diye Jaye'n Aur Balo'n Ko Chandi Se Wazan Karke Khairaat Kardi Jaye Aur Sar Par Za'fraan Bhigo Kar Mal Diya Jaye. Ye Jo Mash'hoor Hai Ke Bacchah Ke Maa'n Baap Aqeeqah Ka Gosht Na Khaye, Mahez Ghalat Hai. Aqeeqah Wale Ko Ikhteyaar Hai Ke Khwa Kaccha Gosht Taqseem Karde Ya Paka Kar Dawat Karde Magar Khayaal Rahe Ke Naam-O-Namood Ko Is Me'n Dakhal Na Ho, Faqat Sunnat Ki Niyyat Se Ho. Naayi Aur Qasayi Ki Ujrat Pehle Se Muqarrar Ho Jo Aqeeqah Ke Ba'd Di Jaye. Agar Naayi Apna Qadimi Khidmat Guzar Hai To Usko Zyada Ujrat Do. Jisse Uska Haq Ada Hojaye Aur Agar Nahi To Wajabi Ujrat De Do. Ye Bhi Jaaiz Hai Ke Gaay Khareed Kar Chand Baccho'n Ka Aqeeqah Ek Hi Gaay Me'n Kar Diya Jaye Yaani Ladke Ke Liye Gaay Ke Ladkey ke Liye 2/7 Hissey. (YaAni 7 Me'n se 2 Hisse) Aur Ladki Ke Liye 1-Hissah Ye Bhi Jaaiz Hai Agar Qurbani Ki Gaay Me'n Aqeeqah Ka Hissah Daal Diya Jaye Ke Ladke Ke Liye 2-Hisse Aur Ladki Ke Liye 1-Hissah.
Zaruri Note:
Aqeeqah Farz Ya Wajib Nahi Hai Sirf Sunnate Mustahebah Hai. Ghareeb Aadmi Ko Hargiz Jaaiz Nahi Ke Sudi Qarzah Lekar Aqeeqah Kare Qarz Lekar To Zakaat Dena Jaaiz Nahi. Aqeeqah Zakaat Se Badh Kar Nahi Hai. Me'n Ne Ba'z Ghareeb Musalmano'n Ko Dekha Hai Ke Qarz Le Kar Aqeeqah Karte Hain Agar Aqeeqah Na Kare'n To Be-Charo'n Ki Naak Jaye Wo Baghair Naak Ke Reh Jaye'n Gharz Ke Sunnat Ka Khayal Nahi Apni Naak Ka Khayal Hai Aisi Naak Khuda Kare Kat Hi Jaye.
Khatnah Ka Sunnat Tariqah Ye Hai Ke 7we'n Baras Bacchah Ka Khatnah Kara Diya Jaye. Khatnah Ki Umar 7-Saal Se 12-Baras Tak Hai Yaani 12-Baras Se Zyada Der Lagana Mana Hai.
(AalamGiri)
Aur Agar 7-Saal Se Pehle Khatnah Kar Diya Gaya Jab Bhi Harj Nahi. Ba'z Log Aqeeqah Ke Sath Hi Khatnah Karne Me'n Ye Aasani Aur Aaram Samajhte Hain Kyunke Us Waqt Bacchah Chalne Phirne Ke Qabil To Hai Nahi Taake Zakham Badhale. Agar Maa'n Ka Doodh Uspar Dala Jata Rahe To Bahot Jald Zakham Bhar Jata Hai. Khatnah Karne Se Pehle Naayi Ki Ujrat Tay Hona Zaruri Hai Jo Ke Usko Khatnah Ke Ba'd De Di Jaye. EeLaaj Me'n Khaas Kar Nigrani Rakhi Jaye. Tajruba Kaar Naayi Se Khatnah Karaya Jaye.