Topic-3 : Roze Aur Zakaat Ke Masayil
Topic-3 : Roze Aur Zakaat Ke Masayil
◆ Sawal No. 1) Roze Se Kya Muraad Hai?
Jawab ▶️ Subah Sadiq Se Suraj Ghuroob Hone Tak Raza-e-ILaahi Ki Niyyat Se Khaane Peene Aur Gunahon'n Se Baaz Rehne Ka Naam Rozah Hai.
◆Sawal No. 2) Rozo'n Ki Farziyat Ka Maqsad Kya Hai?
Jawab ▶️ Irshad Baari Ta'Ala Huwa, "Aye Eemaan Waalo'n ! Tum Par Roze Farz Kiye Gaye Jaise Aglo'n Par Farz Huwe The Ke Kahi'n Tumhe'n Parhezgaari Mile".
(Surah Al-Baqarah: 183, Kanzul Eemaan)
Ma'loom Huwa Ke Rozo'n Ki Farziyat Ka Maqsad Taqwa Aur Parhezgaari Haasil Karna Hai.
◆ Sawal No. 3) Jo Rozah Rakh Kar Bure Kaam Naa Chhode, Uske Muta'alliq Kya Hukm Hai?
Jawab ▶️ Aaqa-o-Maula ﷺ Ne Farmaya, "Jo Roze Daar Buri Baat Kehna Aur Bure Kaam Naa Chhode, Allah Ta'Ala Ko Uske Bhooke Pyaase Rehne Ki Kuchh Parwah Nahi".
Ek Aur Irshad Hai, "Rozah Mahez Khaane Peene Se Baaz Rehne Ka Naam Nahi Balke Rozah Ki Asal Yeh Hai Ke Laghw Aur Behudah Baato'n Se Bacha Jaye.
◆ Sawal No. 4) Agar Rozah_Daar Bhool Kar Khaa Pee Le To Kya Rozah Toot Jayega?
Jawab ▶️ Bhool Kar Khaane Peene Se Rozoah Nahi Tootta Lekin Jab Yaad Aajaye To Fauran Ruk Jaye Aur Jo Cheez Muh Me'n Ho, Use Muh Se Nikaal De. Agar Ise Nigal Liya To Rozah Toot Jayega.
◆Sawal No. 5) Agar Koyi Cheez Daanto'n Me'n Phansi Thi Aur Use Nigal Liya To Kya Hukm Hai?
Jawab ▶️ Daanto'n Me'n Koyi Cheez Chane Ke Barabar Ya Zyadah Hoto Use Nigal Lene Se Roza Toot Jata Hai.
◆ Sawal No. 6) Agar Roze Me'n Qay Hojaye To Kya Hukm Hai?
Jawab ▶️Agar Roze Me'n Qay Aajaye To Koyi Harj Nahi Albatta Qasdan Muh Bhar Kar Qay Karne Se Rozah Toot Jata Hai Jabke Rozah_Daar Hona Yaad Ho.
◆ Sawal No. 7) Ghiza Ke Elawah Kin Chizo'n Ka Zaayiqah Mahsoos Hoto Rozah Toot Jata Hai?
Jawab ▶️ Aansu Ya Paseenah Muh Me'n Chala Jaye Aur Uski Namkini Pure Muh Me'n Ma'loom Hoto Roza Toot Jata Hai. Agar Daanto'n Se Khoon Nikle Aur Uska Zaayiqah Halaq Me'n Mahsoos Ho To Bhi Rozah Toot Jata Hai.
◆ Sawal No. 8) Agar Koyi Cheez Ghalti Se Halaq Se Niche Utar Gayi To Kya Hukm Hai?
Jawab ▶️ Agar Rozah_Daar Hona Yaad Ho Aur Kulli Karte Huwe Paani Bila Iradah Halaq Se Niche Utar Jaye Yaa Naak Me'n Paani Chadhate Huwe Damagh Tak Ponhach Jaye To Rozah Toot Jayega.
◆ Sawal No. 9) Jaan Bujhkar Kar Khaane Peene Aur Ghalti Se Khaane Peene Me'n Kya Farq Hai?
Jawab ▶️ Qasdan Khaane Peene Se Rozah Ki Qaza Aur Kaffarah Dono'n Laazim Honge Jabke Ghalti Se Khaane Peene Ki Surat Me'n Sirf Qaza Laazim Hogi.
◆ Sawal No. 10) Rozah Todne Ka Kaffarah Kya Hai?
Jawab ▶️ Roze Ka Kaffarah Yeh Hai Ke Musalsal 60 Roze Rakhe Jaye'n.
◆ Sawal No. 11) Rozah Kin Kin Chizo'n Se Toot Jata Hai?
Jawab ▶️ Jaan Bujhkar Ya Ghalti Se Khaane Peene Se Ya Jima Karne Se Rozah Toot Jata Hai. Aankh Ya Kaan Ya Naak Me'n Dawayi Daalne Se Neez Kaan Me'n Tel Daalne Se Bhi Rozah Toot Jata Hai.
◆Sawal No. 12) Agar Sehri Khaane Ke Dauran Waqt Khatam Hojaye To Kya Kare?
Jawab ▶️ Agar Khaane Peene Ke Dauran Sehri Ka Waqt Khatam Hojaye To Niwala Ugal Lene Se Rozah Nahi Hoga. Agar Ba'd Me'n Maloom Huwa Ke Waqt Khatam Ho Chuka Tha To Bhi Rozah Naa Huwa Qaza Lazim Hai.
◆ Sawal No. 13) Roze Me'n Kya Kya Baate'n Makruh Hain?
Jawab ▶️ Jhoot, Gheebat, Chugli, Gaali, Behuda Guftagu Ya Kisi Ko Takleef Dene Se Rozah Makruh Hojata Hai. Roze Me'n Baar Baar Thookna, Muh Me'n Tookh Ekattha Karke Nigal Lena Aur Kulli Karne Aur Naak Me'n Paani Chadhane Me'n Mubalagha Karna Bhi Makruh Hai. Yuhi Istenja Karne Me'n Mubalagha Karna Bhi Makruh Hai Yaani Roze_Daar Ko Istenja Karne Me'n Niche Ko Zor Nahi Dena Chahiye.
◆ Sawal No. 14) Kin Kin Chizo'n Se Rozah Nahi Tootta?
Jawab ▶️ Bhool Kar Khaane Peene Ya Jima Karne Se, Be-Ikhtiyar Qay Aajane Se Khwah Thodi Ho Ya Zyada, Kaan Me'n Paani Chale Jane Se Ya Aehtalam Hone Se Rozah Nahi Tootta. Isi Tarah Makkhi, Dhuwa'n Ya Gard Halaq Me'n Chali Jaye To Bhi Rozah Nahi Tootta. Roze Me'n Tel Ya Surmah Lagane Se Rozah Nahi Tootta.
◆Sawal No. 15) Roze Me'n Miswaak Aur Toothpaste Ka Kya Hukm Hai?
Jawab ▶️ Miswaak Karna Jaaiz Hai Magar Toothpaste Jaaiz Nahi Kyunke Iska Zaayiqah Halaq Me'n Ponhachta Hai.
◆ Sawal No. 16) Agar Koyi Rozah Rakhne Par Qaadir Naa Hoto Kya Kare?
Jawab ▶️ Agar Roze Rakhne Par Qudrat Naa Ho Yaani Koyi Bimari Hai Aur Achhe Hone Ki Ummeed Nahi Ya Zyadah Budhape Ke Baa'is Roze Rakhna Mumkin Nahi To 60 Masakeen Ko Pet Bhar Kar Dono'n Waqt Khana Khilane Se Kaffarah Ada Hoga. Ya Phir Har Miskeen Ko Sadqah-e-Fitr Ke Barabar Raqam De Di Jaye.
◆ Sawal No. 17) Zakaat Ki Ahmiyat QurAan-o-Hadees Ki Roshni Me'n Bayan Kijiye.
Jawab ▶️ Zakaat Farz Hai, Iska Naa Dene Wala Fasiq Aur Qatl Ka Mustahiq Hai, Aur Ise Ada Karne Me'n Takheer Karne Wala Gunahgar Hai. QurAan Kareem Me'n Beshumar Martabah Zakaat Dene Ka Hukm Diya Gaya. Aaqa-o-Maula ﷺ Ka Irshade Girami Hai, "Khushki Aur Tari Me'n Jo Maal Barbad Hota Hai Woh Zakaat Naa Dene Ke Baa'is Barbad Hota Hai". Ek Aur Irshad Hai, "Jo Qaum Zakaat Naa De Allah Ta'Ala Use Qahet Me'n Mubtela Farma Deta Hai".
◆ Sawal No. 18) Sahebe Nisaab Kon Hota Hai?
Jawab ▶️ Jo Shakhs Nisaab Ke Barabar Maal Ka Malik Ho Aur Woh Maal Hajate Asliyah Ke ELawah Ho, Woh Saheba Nisaab Hai. Uspar Zakaat Wajib Hai. Zindagi Basar Karne Ke Liye Jis Cheez Ki Zarurat Ho Woh Hajate Asliyah Hai Uspar Zakaat Nahi. Jaise Rehne Ka Makaan, Sardi Garmi Me'n Pahenne Ke Kapde, Khana_Daari Ke Saman, Sawari Ke Janwar Ya Gaadi, Jang Ke Aalaat, Peshah_Waro'n Ke Awzar, Ahle ILm Ke Liye Zarurat Ki Kitabe'n, Khaane Ke Liye Anaaj-o-Ghallah.
◆ Sawal No.19) Zakaat Ke Nisaab Se Kya Murad Hai? Zakaat Ki Miqdaar Kitni Hai.
Jawab ▶️ Zakaat Ka Nisaab 7.5 Tole Sona Ya 52.5 Tole Chandi Hai. Agar Kisi Ke Pas 7.5 Tole Sona Ya 52.5 Tole Chandi Ya In Me'n Se Kisi Ki Qeemat Ke Barabar Raqam Ho Hajate Asliyah Se Zaayid Ho Aur Uspar Saal Guzar Jaye To Uspar Zakaat Wajib Hai. Zakaat Kul Maal Ka Dhaayi Fisad (2.5%) Ada Karna Wajib Hai.
◆ Sawal No. 20) Agar Kisi Ke Paas Koyi Ek Nisaab Pura Naa Hoto Uska Kya Hukm Hai?
Jawab ▶️ Kisi Ke Paas Kuch Sona Aur Kuch Chandi Hai Aur Dono'n Ki Miqdaar Nisaab Se Kam Hai To Dono'n Ki Maliyyat Ka Hisaab Kare'n, Agar Kul Raqam Mila Kar Kam Maliyyat Wale Nisaab Yaani 52.5 Tole Chandi Ki Qeemat Ke Barabar Hoto Zakaat Wajib Hai. Isi Tarah Agar Nisaab Se Kam Sona Aur Kuch Rupe Hain To Sone Ki Maliyyat Nikale'n, Agar Maliyyat Aur Naqd Raqam Mila Kar 52.5 Tole Chandi Ki Maliyyat Ke Barabar Hoto Bhi Zakaat Wajib Hai.
◆ Sawal No. 21) Agar Kisi Par Haq Maher Ya Mi'aadi Qarz Hoto Kya Woh Zakaat Dega?
Jawab ▶️ Jo Qarz Mi'aadi Ho Woh Zakaat Se Nahi Rokta. Chunke Adatan Maher Ki Raqam Ka Mutalebah Nahi Hota Isliye Shauhar Ke Zimmah Kitna Hi Maher Kyun Naa Ho, Uspar Zakaat Wajib Hai. Albattah Agar Kisi Par Qarz Ho Aur Woh Qarz Ada Karne Ke Ba'd Malike Nisaab Nahi Rehta To Uspar Zakaat Nahi.
◆ Sawal No. 22) Kya Maale Tijarat Par Bhi Zakaat Hai?
Jawab ▶️ Jee Haan! Maale Tijarat Par Bhi Zakaat Hai Jabke Uski Qeemat Kam Az Kam Nisaab Ke Barabar Ho. Agar Samane Tijarat Ki Qeemat Nisaab Ko Nahi Ponhachti Magar Uske Paas Maale Tijarat Ke Elawah Sona Aur Chandi Bhi Hai To In Teeno'n Ki Maliyyat Jama Kare'n Agar Majmuah Nisaab Ko Ponhche To Zakaat Wajib Hai. Agar Kisi Ke Chaar Bete Hain Aur Usne Unhe'n Dene Ki Zarurat Se Chaar Makaan Kharide To Unpar Zakaat Nahi. Agar Koyi Makaan Ya Plot Bechne Ki Niyat Se Liya To Uspar Zakaat Hai.
◆ Sawal No. 23) Awrat Jo Zewar Pahenti Hai Uski Zakaat Kiske Zimmah Hai?
Jawab ▶️ Woh Zewar Jo Awrat Ki Milkiyat Hai Ya Uske Shauhar Ne Uski Milkiyat Kar Diya, Uski Zakaat Shauhar Ke Zimmah Nahi Agarche Woh Maal_Daar Ho Aur Naa Uski Zakaat Naa Dene Ka Shauhar Par Koyi Gunah. Aur Woh Zewar Jo Shauhar Ne Sirf Pahenne Ko Diya Aur Apni Hi Milkiyat Rakha Jaisa Ke Ba'z Gharano'n Me'n Riwaj Hai To Uski Zakaat Beshak Mard Ke Zimmah Hai Jabke Woh Zewar Khud Ya Dusre Maal Se Mil Kar Nisaab Ko Ponhche.
◆ Sawal No. 24) Zakaat Ke Saal Ka Hisaab Kis Tarah Kiya Jaye?
Jawab ▶️ Chand Ki Tareekh Ke Hisaab Se Jis Tareekh Aur Jis Waqt Koyi Saheb Nisaab Huwa, Jab Saal Guzar kar Wahi Tareekh Aur Waqt Aayega Uspar Fauran Zakaat Ada Karna Wajib Hoga. Ab woh Jitni Der Kare Gunahgar Hoga. Isliye Zakaat Saal Pura Hone Se Pehle Peshgi Ada Karni Chahiye. Saal Pura Hone Par Us Raqam Ka Hisaab Kar Liya Jaye, Jo Raqam Kam Ho Fauran Dedi Jaye Aur Agar Zyada Dedi To Use Aaindah Saal Ke Hisaab Me'n Shumar Kar Liya Jaye.
◆ Sawal No. 25) Zakaat Kin Rishtedaro'n Ko Nahi Di Ja Sakti?
Jawab ▶️ Mard Ya Awrat Jinki Aulad Me'n Khud Hai Yaani Maa'n Baap, Dada Dadi, Nana Nani, Waghairah Aur Jo Unki Aulad Me'n Hai Yaani Beta Beti, Pota, Poti, Nawasa Nawasi Waghairah Aur Shauhar Ya Biwi, Inko Zakaat Aur Sadqah Dena Jaaiz Nahi Albattah Unhe'n Nafli Sadqah Dena Behtar Hai.
◆ Sawal No. 26) Kin Rishtedaro'n Ko Zakaat Di Ja Sakti Hai?
Jawab ▶️ Jo Azeez Shar'an Hajatmand Hon Jaise Bahen Bhai, Bhatija Bhatiji, Bhanja Bhanji, Mamu'n Khala, Chacha Phuphi Waghairah Zakaat Ka Behtreen Masraf Hain Ke Isme'n Sulah Rehmi Ka Sawab Bhi Hoga. Neez Nafs Par Baar Bhi Nahi Hoga Kyunke Aadmi Apne Sage Bahen Bhai Ya Unki Aulaad Ko Dena Goya Apne Hi Kaam Me'n Istemal Karna Samajhta Hai.
◆ Sawal No. 27) Kin Logo'n Ko Zakaat Dena Jaaiz Hai?
Jawab ▶️ Jiske Paas Maal Ho Magar Nisaab Se Kam Ho Ya Itna Maqrooz Hoke Qarz Nikalne Ke Ba'd Sahebe Nisaab Naa Rahe, Woh Faqeer Hai. Ise Aur Miskeen Ko Zakaat Dena Jaaiz Hai. Miskeen wo Hai Jiske Paas Kuch Naa Ho Aur Wo Khane Aur Pahenne Ke Liye Mangne Ka Mohtaaj Ho. Faqeer Ko Mangna Naa-Jaaiz Hai Jabke Miskeen Ko Jaaiz.
◆ Sawal No. 28) Kya Maal_Daar Musafir Ko Zakaat Dena Jaaiz Hai?
Jawab ▶️ Aise Musafir Ko Zakaat Dena Jaazi Hai Jiske Paas Apne Ghar Me'n Maal Ho Magar Safar Me'n Uske Paas Kuch Naa Ho. Woh Ba-Qadre Zarurat Maal Le Sakta Hai.
◆ Sawal No. 29) Zakaat Dene Me'n Niyyat Ki Ahmiyat Hai?
Jawab ▶️ Zakaat Ada Karne Ke Liye Niyyat Zaruri Hai. Agar Saal Bhar Khairaat Ki, Ba'd Me'n Niyyat Ki Ke Jo Diya Zakaat Hai, Is Tarah Zakaat Ada Naa Huwi.
◆ Sawal No. 30) Kya Mustahiq Ko Dene Me'n Zakaat Ka Batana Zaruri Hai?
Jawab ▶️ Zakaat Dene Me'n Ye Batana Zaruri Nahi Ke Yeh Zakaat Hai Isliye Dil Me'n Zakaat Ki Niyyat Karke Mustahiq Azeezo'n Ko Maali Madad Ya Eidi Waghairah Ke Taur Par Bhi Zakaat De Sakte Hai.
◆ Sawal No. 31) Deeni Madaris Ke Talaba Ko Zakaat Dena Kaisa?
Jawab ▶️ Woh Talibe ILm Jo ILme Deen Padhte Hain Unhe'n Bhi Zakaat De Sakte Hain Balke Talibe ILm Sawal Karke Bhi Zakaat Le Sakta Hai Jabke Usne Khud Ko Isi Kaam Ke Liye Farigh Kar Rakha Ho Agarche Kama Sakta Ho. Deeni Talaba Ko Zakaat Dene Ka Ajr Zyada Hai Kyunke Yeh Sadqa-e-Jariyah Hai.
◆ Sawal No. 32) Gumrah-o- Bad-Mazhab Ko Zakaat Dene Ka Kya Hukm Hai?
Jawab ▶️ Bad-Mazhab Ko Zakaat Dena Jaaiz Nahi Jo Zuban Se To IsLami Ka Dawa Karte Hain Lekin Khuda Aur Rasool Ki Shaan Ghatate Ya Kisi Aur Deeni Zarurat Ka Inkaar Karte Hain. Unko Dene Se Zakaat Ada Naa Hogi.
◆ Sawal No.33) Sadqa-e-Fitr Ki Miqdar Kya Hai? Ise Kab Tak Ada Karna Chahiye?
Jawab ▶️ 2-Kilo Garam Gandam Ya Iski Qeemat Fee-Kas (Har Aadmi Ki Taraf Se) Sadqa-e-Fitr Hai. Har Maalike Nisaab Ko Chahiye Ke Woh Apne Ahl-o-Ayaal Ki Taraf Se Namaze Eid Se Pehle Ada Kar De. Behtar Hai Ke Ramadan Me'n Hi Dede.
◆ Sawal No.34) Qurbani Kis Par Wajib Hai?
Jawab ▶️ Har Ghani Mard Awrat Par Jo Nisaab Ke Barabar Ka Maalik Ho, Qurbani Wajib Hai.
◆Sawal No. 35) Kin Janwaro'n Ki Qurbani Jaaiz Hai?
Jawab ▶️ Oont, Gaay, Bhains, Bakra, Dumba, Nar-o-Madah, Khasi-o-Ghair Khasi Sabki Qurbani Jaaiz Hai. Oont Ki Umr 5-Saal, Gaay Bell Ki Umr 2-Saal, Aur Bakra Dumba Ki Umr 1-Saal Se Kam Naa Ho Albatta Dumba Ya Bhed Ka 6-Mah Ka Bachhah Itna Farbah Ho Ke Dekhne Me'n Saal Ka Ma'loom Hota Hoto Uski Qurbani Jaaiz Hai.
◆Sawal No.36) Gaay Waghairah Me'n Kitne Shareek Ho Sakte Hain? Kya Aqeeqe Wala Shareek Ho Sakta Hai?
Jawab ▶️ Zyada Se Zyada 7-Log Shareek Ho Sakte Hain Aur 7 Se Kam Hon To Bhi Harj Nahi. In Sab Ki Niyyat Sawab Ki Honi Chahaiye Isliye Aqeeqah Ka Hissah Bhi Shamil Kiya Ja Sakta Hai.
◆Sawal No.37) Qurbani Ki Khaal Kise Deni Chahiye Aur Kise Nahi?
Jawab ▶️ Qurbani Ki Khaal AhleSunnat Ke Kisi Madrasah Ko Deni Chahiye, Kisi Mustahiq Ghareeb Ko Bhi De Sakte Hain Albatta Qasayi Ko Mazduri Me'n Dena Jaaiz Nahi Aur Naa Hi Kisi Bad-Mazhab Ko Dena Jaaiz Hai.
Jawab ▶️ Bhool Kar Khaane Peene Se Rozoah Nahi Tootta Lekin Jab Yaad Aajaye To Fauran Ruk Jaye Aur Jo Cheez Muh Me'n Ho, Use Muh Se Nikaal De. Agar Ise Nigal Liya To Rozah Toot Jayega.
◆Sawal No. 5) Agar Koyi Cheez Daanto'n Me'n Phansi Thi Aur Use Nigal Liya To Kya Hukm Hai?
Jawab ▶️ Daanto'n Me'n Koyi Cheez Chane Ke Barabar Ya Zyadah Hoto Use Nigal Lene Se Roza Toot Jata Hai.
◆ Sawal No. 6) Agar Roze Me'n Qay Hojaye To Kya Hukm Hai?
Jawab ▶️Agar Roze Me'n Qay Aajaye To Koyi Harj Nahi Albatta Qasdan Muh Bhar Kar Qay Karne Se Rozah Toot Jata Hai Jabke Rozah_Daar Hona Yaad Ho.
◆ Sawal No. 7) Ghiza Ke Elawah Kin Chizo'n Ka Zaayiqah Mahsoos Hoto Rozah Toot Jata Hai?
Jawab ▶️ Aansu Ya Paseenah Muh Me'n Chala Jaye Aur Uski Namkini Pure Muh Me'n Ma'loom Hoto Roza Toot Jata Hai. Agar Daanto'n Se Khoon Nikle Aur Uska Zaayiqah Halaq Me'n Mahsoos Ho To Bhi Rozah Toot Jata Hai.
◆ Sawal No. 8) Agar Koyi Cheez Ghalti Se Halaq Se Niche Utar Gayi To Kya Hukm Hai?
Jawab ▶️ Agar Rozah_Daar Hona Yaad Ho Aur Kulli Karte Huwe Paani Bila Iradah Halaq Se Niche Utar Jaye Yaa Naak Me'n Paani Chadhate Huwe Damagh Tak Ponhach Jaye To Rozah Toot Jayega.
◆ Sawal No. 9) Jaan Bujhkar Kar Khaane Peene Aur Ghalti Se Khaane Peene Me'n Kya Farq Hai?
Jawab ▶️ Qasdan Khaane Peene Se Rozah Ki Qaza Aur Kaffarah Dono'n Laazim Honge Jabke Ghalti Se Khaane Peene Ki Surat Me'n Sirf Qaza Laazim Hogi.
◆ Sawal No. 10) Rozah Todne Ka Kaffarah Kya Hai?
Jawab ▶️ Roze Ka Kaffarah Yeh Hai Ke Musalsal 60 Roze Rakhe Jaye'n.
◆ Sawal No. 11) Rozah Kin Kin Chizo'n Se Toot Jata Hai?
Jawab ▶️ Jaan Bujhkar Ya Ghalti Se Khaane Peene Se Ya Jima Karne Se Rozah Toot Jata Hai. Aankh Ya Kaan Ya Naak Me'n Dawayi Daalne Se Neez Kaan Me'n Tel Daalne Se Bhi Rozah Toot Jata Hai.
◆Sawal No. 12) Agar Sehri Khaane Ke Dauran Waqt Khatam Hojaye To Kya Kare?
Jawab ▶️ Agar Khaane Peene Ke Dauran Sehri Ka Waqt Khatam Hojaye To Niwala Ugal Lene Se Rozah Nahi Hoga. Agar Ba'd Me'n Maloom Huwa Ke Waqt Khatam Ho Chuka Tha To Bhi Rozah Naa Huwa Qaza Lazim Hai.
◆ Sawal No. 13) Roze Me'n Kya Kya Baate'n Makruh Hain?
Jawab ▶️ Jhoot, Gheebat, Chugli, Gaali, Behuda Guftagu Ya Kisi Ko Takleef Dene Se Rozah Makruh Hojata Hai. Roze Me'n Baar Baar Thookna, Muh Me'n Tookh Ekattha Karke Nigal Lena Aur Kulli Karne Aur Naak Me'n Paani Chadhane Me'n Mubalagha Karna Bhi Makruh Hai. Yuhi Istenja Karne Me'n Mubalagha Karna Bhi Makruh Hai Yaani Roze_Daar Ko Istenja Karne Me'n Niche Ko Zor Nahi Dena Chahiye.
◆ Sawal No. 14) Kin Kin Chizo'n Se Rozah Nahi Tootta?
Jawab ▶️ Bhool Kar Khaane Peene Ya Jima Karne Se, Be-Ikhtiyar Qay Aajane Se Khwah Thodi Ho Ya Zyada, Kaan Me'n Paani Chale Jane Se Ya Aehtalam Hone Se Rozah Nahi Tootta. Isi Tarah Makkhi, Dhuwa'n Ya Gard Halaq Me'n Chali Jaye To Bhi Rozah Nahi Tootta. Roze Me'n Tel Ya Surmah Lagane Se Rozah Nahi Tootta.
◆Sawal No. 15) Roze Me'n Miswaak Aur Toothpaste Ka Kya Hukm Hai?
Jawab ▶️ Miswaak Karna Jaaiz Hai Magar Toothpaste Jaaiz Nahi Kyunke Iska Zaayiqah Halaq Me'n Ponhachta Hai.
◆ Sawal No. 16) Agar Koyi Rozah Rakhne Par Qaadir Naa Hoto Kya Kare?
Jawab ▶️ Agar Roze Rakhne Par Qudrat Naa Ho Yaani Koyi Bimari Hai Aur Achhe Hone Ki Ummeed Nahi Ya Zyadah Budhape Ke Baa'is Roze Rakhna Mumkin Nahi To 60 Masakeen Ko Pet Bhar Kar Dono'n Waqt Khana Khilane Se Kaffarah Ada Hoga. Ya Phir Har Miskeen Ko Sadqah-e-Fitr Ke Barabar Raqam De Di Jaye.
◆ Sawal No. 17) Zakaat Ki Ahmiyat QurAan-o-Hadees Ki Roshni Me'n Bayan Kijiye.
Jawab ▶️ Zakaat Farz Hai, Iska Naa Dene Wala Fasiq Aur Qatl Ka Mustahiq Hai, Aur Ise Ada Karne Me'n Takheer Karne Wala Gunahgar Hai. QurAan Kareem Me'n Beshumar Martabah Zakaat Dene Ka Hukm Diya Gaya. Aaqa-o-Maula ﷺ Ka Irshade Girami Hai, "Khushki Aur Tari Me'n Jo Maal Barbad Hota Hai Woh Zakaat Naa Dene Ke Baa'is Barbad Hota Hai". Ek Aur Irshad Hai, "Jo Qaum Zakaat Naa De Allah Ta'Ala Use Qahet Me'n Mubtela Farma Deta Hai".
◆ Sawal No. 18) Sahebe Nisaab Kon Hota Hai?
Jawab ▶️ Jo Shakhs Nisaab Ke Barabar Maal Ka Malik Ho Aur Woh Maal Hajate Asliyah Ke ELawah Ho, Woh Saheba Nisaab Hai. Uspar Zakaat Wajib Hai. Zindagi Basar Karne Ke Liye Jis Cheez Ki Zarurat Ho Woh Hajate Asliyah Hai Uspar Zakaat Nahi. Jaise Rehne Ka Makaan, Sardi Garmi Me'n Pahenne Ke Kapde, Khana_Daari Ke Saman, Sawari Ke Janwar Ya Gaadi, Jang Ke Aalaat, Peshah_Waro'n Ke Awzar, Ahle ILm Ke Liye Zarurat Ki Kitabe'n, Khaane Ke Liye Anaaj-o-Ghallah.
◆ Sawal No.19) Zakaat Ke Nisaab Se Kya Murad Hai? Zakaat Ki Miqdaar Kitni Hai.
Jawab ▶️ Zakaat Ka Nisaab 7.5 Tole Sona Ya 52.5 Tole Chandi Hai. Agar Kisi Ke Pas 7.5 Tole Sona Ya 52.5 Tole Chandi Ya In Me'n Se Kisi Ki Qeemat Ke Barabar Raqam Ho Hajate Asliyah Se Zaayid Ho Aur Uspar Saal Guzar Jaye To Uspar Zakaat Wajib Hai. Zakaat Kul Maal Ka Dhaayi Fisad (2.5%) Ada Karna Wajib Hai.
◆ Sawal No. 20) Agar Kisi Ke Paas Koyi Ek Nisaab Pura Naa Hoto Uska Kya Hukm Hai?
Jawab ▶️ Kisi Ke Paas Kuch Sona Aur Kuch Chandi Hai Aur Dono'n Ki Miqdaar Nisaab Se Kam Hai To Dono'n Ki Maliyyat Ka Hisaab Kare'n, Agar Kul Raqam Mila Kar Kam Maliyyat Wale Nisaab Yaani 52.5 Tole Chandi Ki Qeemat Ke Barabar Hoto Zakaat Wajib Hai. Isi Tarah Agar Nisaab Se Kam Sona Aur Kuch Rupe Hain To Sone Ki Maliyyat Nikale'n, Agar Maliyyat Aur Naqd Raqam Mila Kar 52.5 Tole Chandi Ki Maliyyat Ke Barabar Hoto Bhi Zakaat Wajib Hai.
◆ Sawal No. 21) Agar Kisi Par Haq Maher Ya Mi'aadi Qarz Hoto Kya Woh Zakaat Dega?
Jawab ▶️ Jo Qarz Mi'aadi Ho Woh Zakaat Se Nahi Rokta. Chunke Adatan Maher Ki Raqam Ka Mutalebah Nahi Hota Isliye Shauhar Ke Zimmah Kitna Hi Maher Kyun Naa Ho, Uspar Zakaat Wajib Hai. Albattah Agar Kisi Par Qarz Ho Aur Woh Qarz Ada Karne Ke Ba'd Malike Nisaab Nahi Rehta To Uspar Zakaat Nahi.
◆ Sawal No. 22) Kya Maale Tijarat Par Bhi Zakaat Hai?
Jawab ▶️ Jee Haan! Maale Tijarat Par Bhi Zakaat Hai Jabke Uski Qeemat Kam Az Kam Nisaab Ke Barabar Ho. Agar Samane Tijarat Ki Qeemat Nisaab Ko Nahi Ponhachti Magar Uske Paas Maale Tijarat Ke Elawah Sona Aur Chandi Bhi Hai To In Teeno'n Ki Maliyyat Jama Kare'n Agar Majmuah Nisaab Ko Ponhche To Zakaat Wajib Hai. Agar Kisi Ke Chaar Bete Hain Aur Usne Unhe'n Dene Ki Zarurat Se Chaar Makaan Kharide To Unpar Zakaat Nahi. Agar Koyi Makaan Ya Plot Bechne Ki Niyat Se Liya To Uspar Zakaat Hai.
◆ Sawal No. 23) Awrat Jo Zewar Pahenti Hai Uski Zakaat Kiske Zimmah Hai?
Jawab ▶️ Woh Zewar Jo Awrat Ki Milkiyat Hai Ya Uske Shauhar Ne Uski Milkiyat Kar Diya, Uski Zakaat Shauhar Ke Zimmah Nahi Agarche Woh Maal_Daar Ho Aur Naa Uski Zakaat Naa Dene Ka Shauhar Par Koyi Gunah. Aur Woh Zewar Jo Shauhar Ne Sirf Pahenne Ko Diya Aur Apni Hi Milkiyat Rakha Jaisa Ke Ba'z Gharano'n Me'n Riwaj Hai To Uski Zakaat Beshak Mard Ke Zimmah Hai Jabke Woh Zewar Khud Ya Dusre Maal Se Mil Kar Nisaab Ko Ponhche.
◆ Sawal No. 24) Zakaat Ke Saal Ka Hisaab Kis Tarah Kiya Jaye?
Jawab ▶️ Chand Ki Tareekh Ke Hisaab Se Jis Tareekh Aur Jis Waqt Koyi Saheb Nisaab Huwa, Jab Saal Guzar kar Wahi Tareekh Aur Waqt Aayega Uspar Fauran Zakaat Ada Karna Wajib Hoga. Ab woh Jitni Der Kare Gunahgar Hoga. Isliye Zakaat Saal Pura Hone Se Pehle Peshgi Ada Karni Chahiye. Saal Pura Hone Par Us Raqam Ka Hisaab Kar Liya Jaye, Jo Raqam Kam Ho Fauran Dedi Jaye Aur Agar Zyada Dedi To Use Aaindah Saal Ke Hisaab Me'n Shumar Kar Liya Jaye.
◆ Sawal No. 25) Zakaat Kin Rishtedaro'n Ko Nahi Di Ja Sakti?
Jawab ▶️ Mard Ya Awrat Jinki Aulad Me'n Khud Hai Yaani Maa'n Baap, Dada Dadi, Nana Nani, Waghairah Aur Jo Unki Aulad Me'n Hai Yaani Beta Beti, Pota, Poti, Nawasa Nawasi Waghairah Aur Shauhar Ya Biwi, Inko Zakaat Aur Sadqah Dena Jaaiz Nahi Albattah Unhe'n Nafli Sadqah Dena Behtar Hai.
◆ Sawal No. 26) Kin Rishtedaro'n Ko Zakaat Di Ja Sakti Hai?
Jawab ▶️ Jo Azeez Shar'an Hajatmand Hon Jaise Bahen Bhai, Bhatija Bhatiji, Bhanja Bhanji, Mamu'n Khala, Chacha Phuphi Waghairah Zakaat Ka Behtreen Masraf Hain Ke Isme'n Sulah Rehmi Ka Sawab Bhi Hoga. Neez Nafs Par Baar Bhi Nahi Hoga Kyunke Aadmi Apne Sage Bahen Bhai Ya Unki Aulaad Ko Dena Goya Apne Hi Kaam Me'n Istemal Karna Samajhta Hai.
◆ Sawal No. 27) Kin Logo'n Ko Zakaat Dena Jaaiz Hai?
Jawab ▶️ Jiske Paas Maal Ho Magar Nisaab Se Kam Ho Ya Itna Maqrooz Hoke Qarz Nikalne Ke Ba'd Sahebe Nisaab Naa Rahe, Woh Faqeer Hai. Ise Aur Miskeen Ko Zakaat Dena Jaaiz Hai. Miskeen wo Hai Jiske Paas Kuch Naa Ho Aur Wo Khane Aur Pahenne Ke Liye Mangne Ka Mohtaaj Ho. Faqeer Ko Mangna Naa-Jaaiz Hai Jabke Miskeen Ko Jaaiz.
◆ Sawal No. 28) Kya Maal_Daar Musafir Ko Zakaat Dena Jaaiz Hai?
Jawab ▶️ Aise Musafir Ko Zakaat Dena Jaazi Hai Jiske Paas Apne Ghar Me'n Maal Ho Magar Safar Me'n Uske Paas Kuch Naa Ho. Woh Ba-Qadre Zarurat Maal Le Sakta Hai.
◆ Sawal No. 29) Zakaat Dene Me'n Niyyat Ki Ahmiyat Hai?
Jawab ▶️ Zakaat Ada Karne Ke Liye Niyyat Zaruri Hai. Agar Saal Bhar Khairaat Ki, Ba'd Me'n Niyyat Ki Ke Jo Diya Zakaat Hai, Is Tarah Zakaat Ada Naa Huwi.
◆ Sawal No. 30) Kya Mustahiq Ko Dene Me'n Zakaat Ka Batana Zaruri Hai?
Jawab ▶️ Zakaat Dene Me'n Ye Batana Zaruri Nahi Ke Yeh Zakaat Hai Isliye Dil Me'n Zakaat Ki Niyyat Karke Mustahiq Azeezo'n Ko Maali Madad Ya Eidi Waghairah Ke Taur Par Bhi Zakaat De Sakte Hai.
◆ Sawal No. 31) Deeni Madaris Ke Talaba Ko Zakaat Dena Kaisa?
Jawab ▶️ Woh Talibe ILm Jo ILme Deen Padhte Hain Unhe'n Bhi Zakaat De Sakte Hain Balke Talibe ILm Sawal Karke Bhi Zakaat Le Sakta Hai Jabke Usne Khud Ko Isi Kaam Ke Liye Farigh Kar Rakha Ho Agarche Kama Sakta Ho. Deeni Talaba Ko Zakaat Dene Ka Ajr Zyada Hai Kyunke Yeh Sadqa-e-Jariyah Hai.
◆ Sawal No. 32) Gumrah-o- Bad-Mazhab Ko Zakaat Dene Ka Kya Hukm Hai?
Jawab ▶️ Bad-Mazhab Ko Zakaat Dena Jaaiz Nahi Jo Zuban Se To IsLami Ka Dawa Karte Hain Lekin Khuda Aur Rasool Ki Shaan Ghatate Ya Kisi Aur Deeni Zarurat Ka Inkaar Karte Hain. Unko Dene Se Zakaat Ada Naa Hogi.
◆ Sawal No.33) Sadqa-e-Fitr Ki Miqdar Kya Hai? Ise Kab Tak Ada Karna Chahiye?
Jawab ▶️ 2-Kilo Garam Gandam Ya Iski Qeemat Fee-Kas (Har Aadmi Ki Taraf Se) Sadqa-e-Fitr Hai. Har Maalike Nisaab Ko Chahiye Ke Woh Apne Ahl-o-Ayaal Ki Taraf Se Namaze Eid Se Pehle Ada Kar De. Behtar Hai Ke Ramadan Me'n Hi Dede.
◆ Sawal No.34) Qurbani Kis Par Wajib Hai?
Jawab ▶️ Har Ghani Mard Awrat Par Jo Nisaab Ke Barabar Ka Maalik Ho, Qurbani Wajib Hai.
◆Sawal No. 35) Kin Janwaro'n Ki Qurbani Jaaiz Hai?
Jawab ▶️ Oont, Gaay, Bhains, Bakra, Dumba, Nar-o-Madah, Khasi-o-Ghair Khasi Sabki Qurbani Jaaiz Hai. Oont Ki Umr 5-Saal, Gaay Bell Ki Umr 2-Saal, Aur Bakra Dumba Ki Umr 1-Saal Se Kam Naa Ho Albatta Dumba Ya Bhed Ka 6-Mah Ka Bachhah Itna Farbah Ho Ke Dekhne Me'n Saal Ka Ma'loom Hota Hoto Uski Qurbani Jaaiz Hai.
◆Sawal No.36) Gaay Waghairah Me'n Kitne Shareek Ho Sakte Hain? Kya Aqeeqe Wala Shareek Ho Sakta Hai?
Jawab ▶️ Zyada Se Zyada 7-Log Shareek Ho Sakte Hain Aur 7 Se Kam Hon To Bhi Harj Nahi. In Sab Ki Niyyat Sawab Ki Honi Chahaiye Isliye Aqeeqah Ka Hissah Bhi Shamil Kiya Ja Sakta Hai.
◆Sawal No.37) Qurbani Ki Khaal Kise Deni Chahiye Aur Kise Nahi?
Jawab ▶️ Qurbani Ki Khaal AhleSunnat Ke Kisi Madrasah Ko Deni Chahiye, Kisi Mustahiq Ghareeb Ko Bhi De Sakte Hain Albatta Qasayi Ko Mazduri Me'n Dena Jaaiz Nahi Aur Naa Hi Kisi Bad-Mazhab Ko Dena Jaaiz Hai.