Sawal) Kya Mard Aur Awrato'n Ke Upar Aaseeb Ke Elawa Buzrugaane Deen Wali Auliya Allah Jaise Ghaus-e-Paak, Khwaja Ya Sabir Piya, Makhdoom Shah Ki Sawari Aati Hai? Aur Woh Jo Apne Muh Se Bolte Hain Kya Unki Baato'n Par Amal Karna Chahiye?
Jawab ▶️ Surat Mustafsirah Me'n Hukm Hai Ke Yeh Sab Jahalat Aur Khurafaat Ki Baate'n Hai.
Haan! Jinn-O-Shayateen Aasakte Hain. Auliya Ko Allah Tabarak-O-Ta'Ala Ne Agarche Ikhtiyaraat-O-Tasarrufaat Zaroor Ata Farmaya Hai. Magar Woh Kisi Insan Ke Badan Me'n Dakhil Nahi Hote. Kisi Ke Upar Sawar Nahi Hote.
Jaisa Ke Fatawa Markaze Tarbiyat Ifta, Jild:2, Safha:392, Bahawala Fatawa Ridawiyyah, Jild:11, Safha:19 Par Hai Ke: Jinn-O-Shayateen Ba'z Auqaat Aadmi Par Dakhil Hote Hain. Kabhi Be-Hosh Kar Dete Hain, Aur Kabhi Aur Tarah Tarah Ke Harkaat Karte Hain. Lihaza Aise Shakhs Par Jis Par Jinn Ya Shayateen Sawaar Huwa Ho. Usse Ta'weez Karana, Use Rupeya Paise Taha'yif Me'n Pesh Karna, Uski Baato'n Ko Sach Manna, Uspar Amal Karna, Naa-Jaaiz-O-Haraam-O-Gunah Hai.
Aur Agar Uske Kehne Par Koyi Shirkiyah Kaam Kiya , To Yeh Kufr-O-Shirk Hai. Aisa Karne Waalo'n Par Aelaniyah Tauba-O-Istighfar-O-Tajdide Eemaan Laazim Hai. Aur Agar Biwi Waale Hon, To Tajdide Nikah Bhi Zaruri Hai.
Beshak Ambiya Auliya Tasarruf Kar Sakte Hain Aur Karte Bhi Hain. Lekin !!! Yeh Unki Shaan Nahi Ke Woh Kisi Insaan Ke Andar Hulool-O-Sarayat Kare'n Aur Use Makhloot-ul-Hawaas Banaye'n. Woh Aisa Hargiz Nahi Karte.
Lihaza Ambiya, Auliya Ka Naam Batane, Ya Koyi Aayat-O-Hadees Sunane Ki Bunyad Par Uska Adab-O-Aehtaraam Karna, Hargiz Jaaiz Nahi Ke Jinn-O-Shayateen Bohat Makkar Hote Hain. Woh Ba-Kasrat Hain.
WAllahu Ta'Aala Aalam
(Mahanama Muslime Khatoon March 2019, Safha:26)
https://www.facebook.com/NooriBareilviSisters/
https://www.instagram.com/nooribareilvisisters/
