Sa'ee Ki Niyyat

on

◆Sa'ee Ki Niyyat

 Dua Khatam Hone Ke Ba'd Sa'ee Ki Niyyat Yu'n Kare'n: 
"Allahumma Inni Ureedus Sa'ya Bainas Safa Wal-Marwata Fayassirhu Li Wa-Taqabbalhu Minni"

 (Aye Allah Me'n Ne Safa-O-Marwah Ke Darmiyan Sa'ee Ka Iradah Kiya Tu Ise Mere Liye Aasaan Farma De Aur Meri Taraf Se Qubool Farma)

 Phir Safa Se Utar Kar Marwah Ko Chale'n, Zikr Barabari Jari Rakhe'n, Jab Pehla Meel Aaye Jo Safa Se Thode Hi Faasle Par Hai, Jaha'n Dono'n Taraf Ki Diwar Aur Chhat Me'n Sabz Lighte'n Lagi Hain Yaha'n Se Daudna Shuru Kare'n Magar Sirf Itna Tez Ke Kisi Ko Eza Naa Ho Yaha'n Tak Ke Dusre Meel Se Nikal Jaye'n. Meelain Ke Darmiyaan Ye Dua Padhe'n:
"Rabbighfir WarHam Wa-Taja Waz Ammaa Ta'lam. Wa-Ta'lamu Maalaa Ta'lam. Innaka Anatal A'azzul Akram. Allahummaj Alhu Hajjam Mabruraw Wa-Sa'yam Mashkuraw Wa-Zambam Maghfura"
(Aye Parwardigar Bakhshish Aur Raham Kar Aur Dar Guzar Kar Usse Jise Tu Janta Hai Aur Use Tu Janta Hai Jise Ham Nahi Jante Beshak Tu Izzat-O-Karam Waala Hai. Aye Allah Tu Ise Hajje Mabroor Kar Aur Sa'ee Kar Aur Gunah Bakhsh)

 Dusre Meel Se Nikal Kar Ahista Chale'n Aur Ye Dua Bar Bar Padhte Rahe'n:
"Laa ILaaha ILlallahu Wahdahu Laa Sharika Lahu Lahul Mulku Walahul Hamdu Yuhyi Wa-Yumeetu Wa-Huwa Hayyul Laa Yamutu Biyadihil Khairu Wa-Huwa Alaa Kulli Shay'in Qadeer"

 (Koyi Ma'bood Nahi Siwaye Allah Ke Wo Akela Hai Uska Koyi Shareek Nahi Tamam Mulk Usi Ke Liye Hai Aur Tamam Ta'reefe'n Usi Ke Liye Hai Wahi Jilata Hai Aur Wahi Maarta Hai Aur Wo Hamesha Se Hai Aur Hamesha Rahega Tamam Bhalayi Usi Ki Taraf Se Hai Aur Wo Har Cheez Par Qudrat Rakhta Hai)

 Aap Jab Marwah Pohnche'n Yaha'n Kuch Uppar Chadhe'n Bilkul Diwar Se Mutasil Naa Hojaye'n Ke Ye Jahilo'n Ka Tariqah Hai. Yaha'n Bhi Agarche Diwar Aur Sutoon Ki Wajah Se Ka'aba Nazar Nahi Aata Magar Ka'aba Ki Taraf Muh Karke Jaisa Safa Par Kiya Tha Tasbeeh-O-Takbeer-O-Hamd-O-Sana Durood-O-Dua Kare'n Ye Ek Phera Huwa.

 Phir Yaha'n Se Safa Ko Zikr-O-Durood Aur Dua Padhte Huwe Jaye'n Sabz Meel Ke Paas Pohnche'n To Isi Tarah Daude'n Aur Dono'n Meelo'n Se Guzar Kar Aahista Hole'n. Safa Par Pahonch Kar Phir Zikr-O-Dua Aur Durood Padhe'n. Ye Dusra Chakkar Pura Huwa. Phir Aap Marwah Ki Taraf Lote'n Yaha'n Tak Ke Saatwa'n (7wa'n) Phera Marwah Par Khatam Kare'n. Har Phera Me'n Jab Safa Ya Marwah Par Pohnche'n To Zikr-O-Durood Aur Dua Padhe'n Aur Meelain Ke Darmiyan Daude'n Iska Naam Sa'ee Hai.
Index