◆Masjide Haram Ki Pehli Haziri
Jab Aap Makkah MuAzzamah Me'n Pohanch Jaye'n To Sab Se Pehle Apna Saman Apne Makaan Me'n Rakh De'n Aur Apni Tamam Zaruriyat Se Farigh Hojaye'n Aur Afzal Ye Hai Ke Ghusl Karle'n Warna Wazu Karke Masjid-ul-Haram Ki Taraf Rawana Ho Jaye'n. Ye Kahyal Rahe Ke Apne Sath Zyada Raqam Naa Rakhe'n Kyunke Haram Me'n Jeb Katro'n Se Khatrah Hai. Apni Gardan Jhukaye Apne Gunaho'n Ko Yaad KarLe Larazte Kaanpte Sharam Se Nigahe'n Nichi Kiye Huwe Apne Qadam Aage Badhaye'n. Is Yaqeen Ke Sath Ke Aap Allah Zul Jalaal Ki Bargah Me'n Hazir Hone Ja Rahe Hain. Jo Aapke Tamam Gunaho'n Se Ba-Khabar Hai Aur Wo Ye Bhi Janta Hai Ke Aap Kis Irade Se Yaha'n Aaye Hain. Aap Zikre Khuda Jal-O-Ala Aur Rasool ﷺ Karte Huwe Aur Apne Aur Tamam Musalmano'n Ke Liye Dua'en Falahe Darain Karte Huwe Aur Labbaik Kehta Huwe Masjide Haram Tak Pohnche'n. Afzal Ye Hai Ke Aap Haram Shareef Me'n Baabus Salaam Se Dakhil Hon. Ye Baab, Safa Aur Marwah Ke Darmiyan Drwazo'n Me'n Se Ek Hai. Sunnat Ye Hai Ke Pehle Apna Baya'n Paao'n Chappal Se Nikale'n Phir Dahna Paao'n Chappal Se Nikale'n Aur Unko Hifazat Se Juto'n Ki Almari Me'n Rakh De'n Taake Jab Aap Masjid Se Nikle'n To Unko Istamaal Kar Sake'n. Ab Aastana-E-Paak Ko Bosa De Kar Pehle Dahna Paao'n Rakh Kar Masjid Shareef Me'n Dakhil Hon Aur Ye Kahe'n:
"A-Uzu BillAhil Azeemi Wabi Wajhihil Kareemi Wa-Sultaanihil Qadeemi Minash Shaytaanir Rajeemi BismillAhi AlhamdulillAhi Wassalamu Ala Rasulillah.
"Allahumma Salle Ala Sayyidina Mohammadiw Wa Ala Ali Sayyidina Mohammadiw Wa Azwaji Sayyidina Mohammadin Allahummagh Firli Zunubi Waftahli Abwaba Rahmatik"
(Me'n Khuda-E-Azeem Ki Panah Mangta Hu'n Aur Uske Wajhu Kareem Ki Aur Qadeem Saltanat Ki Mardood Shaytaan Se Allah Ke Naam Ki Madad Se Sab Khubiya'n Allah Ke Liye Aur RasoolAllah Par Salam Aye Allah Durood Bhej Hamare Aaqa Mohammed Aur Unki Aal Aur Biwiyo'n Par ILaahi Mere Gunah Bakhsh De Aur Mere Liye Apni Rahmat Ke Darwaze Khol De)
Ye Dua Khoob Yaad Rakhe'n Jab Kabhi Masjid-ul-Haram Shareef Yaa Aur Kisi Masjid Me'n Dakhil Hon Ye Dua Padh Liya Kare'n. Us Waqt Khususiyat Ke Sath Is Dua Ke Sath Itna Aur Milaye'n:
"Allahumma Antas Salamu Wa-Minkassalamu Wa-Elaika Yar Ji'Ussalamu Hayyina Rabbana Bissalami Wa-Adkhilna Darassalami Tabarakta Rabbana Wa-Ta'Aalaita Ya Zal Jalali Wal Ikraami Allahumma Inna Haaza Haramuka Wa Maudi'u Amnika Faharrim Lahmi Wa-Bashshiri Wa-dami Wa-Mukhkhi Wa-Ezaami Alannaar"
(Aye Allah Tu Salam Hai Aur Tujhi Se Salamati Hai Aur Teri Hi Taraf Salamati Lotti Hai Aye Hamare Rab Hamko Salamati Ke Sath Zindah Rakh Aur DarusSalam(Jannat) Me'n Dakhil Kar. Aye Hamare Rab Tu Barkat Waala Aur Buland Hai Aur Jalal-O-Buzrugi Waale, ILaahi Ye Tera Haram Hai Aur Teri Aman Ki Jagah Hai Mere Gosht-O-Post Aur Khoon-O-Maghz Aur Haddiyo'n Ko Jahannam Par Haraam Karde)
Masjid Shareef Me'n Dakhil Hote Waqt Aetakaaf Ki Niyyat Karle'n:
"Nawaitu Sunnatal Aetakaaf"
(Me'n Ne Sunnat Aetakaaf Ki Niyyat Ki)
Iska Faidah Ye Hai Ke Aap Masjide Haram Me'n Jab Tak Rahe'nge Aetakaaf Ka Sawaab Milta Rahega. Chu'n Ke Aap Ko Masjide Haram Me'n Taweel Waqt Tak Rukna Padega Us Dauran Agar Zarurat Pade To Khana Peena Aur Sona Jaaiz Hoga. Anqareeb Aap BaitullAh Ki Ziyrat Karne Waale Hain Allah Ka Wo Ghar Jo Saare Aalam Ka Qiblah Hai Jis Ki Taraf Rukh Karke Aap Ne Umar Bhar Sajde Kiye Hain Ab Allah Ke Fadl Se Wo Ghadi Aane Waali Hai Jab Wo Ka'aba-E-MuAzzamah Aapki Nazar Ke Samne Hoga Jiske Bare Me'n Hamare Buzrugo'n Ne Farmaya Hai Ke Jis Waqt Us Par Pehli Nazar Padti Hai Aur Jo Dua Mangi Jati Hai Wo Qubool Hoti Hai. Aap Masjid Shareef Me'n Jab Andar Pohnchenge Aapko Masjid Ke Wast Me'n Ka'aba-E-MuAzzamah Ki Imarat Nazar Aayegi, Aap Apni Nazre'n Uspar Jama De'n Aur Teen Baar
"Laa ILaha ILlallahu Wallahu Akbar"
Kahe'n.
Ye Azeem Ijabat-O-Maqbuliyat Ka Waqt Hai, Yaha'n Thehre'n Aur Sidq Dil Se Apne Aur Tamam Azizo'n Dosto'n Musalmano'n Ke Liye Maghfirat-O-Aafiyat Aur Ishqe Rasool Ki Daulat Mange'n, Jannat Bila Hisaab Ki Dua Kare'n Aur Yu'n Bhi Arz Kare'n Ke ILaahi Me'n Jab Bhi Jaaiz Duae'n Tujh Se Karu'n To Unhe'n Qubool Farma. Is Mauqa Par Durood Ki Kasrat Kare'n, Nihayat Aham Maqamaat Hai. Agar Yaad Rahe To Is Kitaab Ke Musannif Ko Bhi Apni Duao'n Me'n Shamil Rakhe'n. Phir Ye Dae'n Jame Padhe'n:
"Rabbana Aatina Fiddunya Hasanataw Wa Fil Aakhirati Hasanataw Wa Qina Azabannar"
"Allahumma Inni As-Aluka Min Khairin Maa Sa'a'Laka Minhu Nabiyyuka Mohammadun Sallallahu Ta'Aala Alaihi Wa sallama Wa Auzubika Min Sharri Mas-ta'aa'zaka Minhu Nabiyyuka Mohammadun Sallallahu Ta'Aala Alaihi Wa Sallam.
(Aye Hamre Rab! To Dunya Me'n Hame'n Bhalayi De Aur Aakhirat Me'n Bhalayi De Aur Jahannam Ke Azaab Se Hame'n Bacha. Aye Allah! Me'n Is Khair Me'n Suwal Karta Hu'n Jis Ka Tere Nabi Mohammed ﷺ Ne Tujhse Suwal Kiya Aur Teri Panah Mangta Hu'n Un Chizo'n Ke Shar Se Jin Se Tere Nabi Mohammed ﷺ Ne Panah Mangi)
Aur Ye Dua Kam Az Kam Teen Baar Is Jagah Padhe'n:
"Allahumma Haaza Baituka Wa Ana Abduka As-Alukal Afwa Wal Aafeeta Fiddeeni Waddunya Wal Aakhirati Li Wali Waali Dayya Wa-Lilmumineena Wal Muminaati Wali Sadrishshariati Mohammed Amjad Ali Wali Ubaidika Mahmood Akhtaral Qadariyi"
(Aye Allah Ye Tera Ghar Hai Aur Me'n Tera Banda Hu'n Afwa-O-Aafiyat Ka Suwal Tujh Se Karta Hu'n Deen-O-Dunya-O-Aakhirat Me'n Mere Liye Aur Mere Waledain -O-Tamam Momimneen-O-Mominaat Ke Liye Aur Sadrushshariah Mohammed Amjad Ali Aur Tere Bande Mahmood Akhtar Al-Qadri Ke Liye)
Aur Ye Dua Bhi Padhe'n:
"Allahumma Zid Baitaka Haaza Ta'zimaw Wa Tashrifaw Wa Takrimaw Wa Barri Awwa Mahabatan Allahumma Adkhilnal Jannata Bila Hisabin Allahumma Inni As-Aluka An Taghfirli Wa Tar Hamni Wa Tuqila Ashrati Wa Tada'a Wizri Birahmatika Ya Ar-Hamar Rahimeen Allahumma Inni Abduka Wazaa E Ruka Wa Alaa Kulli Mazurin Wa Anta Khairum Mazurin Fa-As-Aluka An Tar Hamani Wattafukka Raqabati Minannaar"
(Aye Allah Tu Apne Is Ghar Ki Azmat-O-Sharafat-O-Burugi-O-Nakuyi-O-Haibat Zyadah Kar, Aye Allah Hamko Jannat Me'n Bila Hisaab Dakhil Farma, Ya ILaahi Me'n Tujh Se Suwal Karta Hu'n Ke Meri Maghfirat Farma De Aur Mujh Par Raham Kar Aur Meri Laghzish Door Kar Aur Apni Rahmat Se Mere Gunah Dafa Kar. Aye Sab Maherbano'n Se Zyada Maherba'n ILaahi Me'n Tera Banda Hu'n Aur Tara Zaayir Hu'n Aur Jiski Ziyarat Ki Jaye Uspar Haq Hota Hai Aur Tu Sabse Behtar Ziyarat Kiya Huwa Hai Me'n Tujh Se Ye Suwal Karta Hu'n Ke Mujh Par Raham Farma Aur Meri Gardan Jahannam Se Aazad Kar)
Index