Makkah MuAzzamah Me'n Dakhil Hone Ke Ahkaam

on

◆Makkah MuAzzamah Me'n Dakhil Hone Ke Ahkaam

 1_Makkah MuAzzamah Ke Ird Gird Kayi Kos Tak Haram Ka ILaqa Hai Har Taraf Uski Hade'n Bani Huwi Hain In Hado'n Ke Andar Tar Ghaas Ukhedna Khudru Ped Kaatna Waha'n Ke Wehshi Janwar Ko Takleef Dena Haraam Hai. Makkah MuAzzamah Me'n Jangli Kabutar Bakasrat Hain Kaha Jata Hai Ke Ye Kabutar Us Mubarak Jode Ki Nasal Se Hain Jisne Huzoor Ki Hijrat Ke Waqt Ghaare Saur Me'n Ande Diye The. Allah Azza-O-Jal Ne Is Khidmat Ke Silah Me'n Unko Apne Harame Paak Me'n Jagah Bakhshi. Ye Kabutar Har Makaan Me'n Rehte Hain Khabardar Hargiz Hargiz Unhe'n Naa Udaye'n, Naa Daraye'n, Naa Koyi Eza Pohnchaye'n. Ba'z Log Jo Makkah Me'n Base Kabutaro'n Ka Adab Nahi Karte Unse Naa Uljhe'n Aur Naa Hi Unhe'n Bura Kahe'n Kyunke Jab Waha'n Ke Janwar Ka Adab Hai To Musalman Insan Ka Kya Kehna. Aadabe Haram Ke Muta'alliq Ye Baate'n Jo Bayan Ki Gaye'n Aharaam Ho Ya Naa Ho Har Haal Me'n Haraam Hain.

 2_ Jab Aapki Bus Makkah MuAzzamah Ke Qareeb Pohnche Aur Waha'n Ke Daro Diwar Nazar Aane Lage'n To Aap Apna Sar Jhukaye Aankhe'n Gunah Ke Sharm Se Nichi Kiye Khushu-O-Khuzu Se Labbaik-O-Dua Ki Kasrat Rakhe'n Aur Ye Dua Padhe'n: 
"Allahumaj Al_li Biha Qararaw_War_Zuqni Feeha Rizqan Halala"

 (Aye Allah Tu Mujhe Is Me'n Barqaraar Rakh Aur Mujhe Is Me'n Halaal Rozi De)

 3_ Behtar Ye Hai Ke Din Me'n Ghusl Karke Dakhil Hon Aur Jannatul MuAlla Ke Madfoon Ke Liye Fateha Padhe'n Phir Makka-E-MuAzzamah Me'n Dakhil Hote Waqt Ye Dua Padhe'n:
"Allahumma Anta Rabbi Wa-Ana Abduka Wal_Baladuka Jituka Haari Bamminka ELaika Li-u-Waddiya Fara'e'daka Wa-Atluba Rahmataka Wa-Altamisa Ridwanaka As'aluka Mas'alatal Mudtarreena ELaikal Khaa'e'feena Aqubataka As'aluka An-Taqabbalniyal Yauma Bi-Afwika Wa-Tudkhilani Fee Rahmatika Wa-Tataja Waza Anni Bi-Maghfiratika Wa-Tu'ee'Nani Ala Aadaa'e Fara'e'dika Allahumma Najjini Min Azabika Waftahli Abwaba Rahmatika Wa-Adkhilni Feeha Wa-A'Izni Minash Shaytaanir Rajerem"
(Aye Allah Tu Mera Rab Hai Aur Me'n Tera Banda Hu'n Aur Ye Shahar Tera Shahar Hai Me'n Tere Paas Tere Azaab Se Bhaag Kar Haazir Huwa Ke Tere Fara'iz Ko Ada Karu'n Aur Teri Rahmat Talab Karu'n Aur Teri Raza Ko Talash Karu'n Me'n Tujhe Se Is Tarah Suwal Karta Hu'n Jaise Muztar Aur Tere Azaab Se Darne Waale Suwal Karte Hain. Me'n Tujhe Se Suwal Karta Hu'n Ke Aaj Tu Apne Afwa Ke Sath Mujhko Qubool Kar Aur Apni Rahmat Me'n Mujhe Dakhil Kar. Apni Maghfirat Ke Sath Mujhse Dar Guzar Farma Aur Fara'iz Ki Adayegi Par Meri Ae'aanat Farma. Aye Allah Mujhko Apne Azaab Se Najaat De Aur Mere Liye Apni Rahmat Ke Darwaze Khool De Aur Is Me Mujhe Dakhil Kar Aur Shaytaan Mardood Se Mujhe Panah Me'n Rakh)
Makkah MuAzzamah Me'n Dakhil Hote Waqt Padhne Ke Liye Kayi Duae'n Manqool Hain Agar Yaad Hon To Unhe'n Padhe'n Warna Labbaik Aur Durood Shareef Ki Kasrat Kare'n.
Index