◆Sawal_1) Kya Zakaat Farz Hai?
Jawab▶️ Jee Haan, Zakaat Farz Hai. Iska Munkir Kaafir Aur Naa Dene Waala Faasiq Aur Qatl Ka Mustahiq Aur Ada Me'n Taakheer Karne Waala Gunehgaar Hai.
(Aalamgiri, Bahare Shari'at)
◆Sawal_2) Zakaat Wajib Hone Ke Liye Kitni Sharte'n Hain?
Jawab▶️ Chand Sharte'n Hain.
Pehli Shart: Musalman Hona, Kafir Par Zakaat Wajib Nahi.
Dusri Shart: Baaligh Par Zakaat Wajib Hai, Naa-Baaligh Par Nahi.
Tisri Shart: Aaqil: Junoon Agar Pure Saal Ko Gherle To Zakaat Wajib Nahi, Aur Agar Saal Ke Awwal Aakhir Me'n Ifaqah Hota Hai, Agarche Baaqi Zamanah Junoon Me'n Guzara To Zakaat Wajib Hai.
Chauthi Shart: Aazaad Hona: Ghulam Par Zakaat Wajib Nahi.
Paanchwi'n Shart: Maal Ba-Qadr Nisaab Uski Milk Me'n Hona. Agar Hisaab Se Kam Hai To Zakaat Wajib Nahi.
Chatti Shart: Pure Taur Par Uska Maalik Ho Yaani Uspar Qaabiz Bhi Ho.
Saatwi'n Shart: Nisaab Ka Dain (Qarz) Se Faarigh Hona.
Aathiwi'n Shart: Nisaab Haajate Asliyah Se Faarigh Ho. Haajate Asliyah Se Muraad Wo Chize'n Hain Jinki Taraf Zindagi Basar Karne Me'n Aadmi Ko Zarurat Hai, Is Me'n Zakaat Wajib Nahi. Jaise Rehne Ka Makaan, Jaade Garmiyo'n Ke Kapde, Khaana_Daari Ke Saman, Pesha_Waro'n Ke Auzaar, Ahle_ILm Ke Liye Haajat Ki Kitaabe'n, Khaane Ke Liye Ghallah, Gaadiya'n Waghairah.
Nawwi'n Shart: Maal Naami Hona Yaani Badhne Waala, Khwah Haqiqatan Badhe Ya Hukman.
Daswi'n Shart: Saal Guzarna, Saal Se Muraad Qamri Saal Hai Yaani Chaand Ke Mahino'n Ke Baara Mahine.
(Bahare Shari'at)
◆Sawal_3) Ek Baaligh Talibe ILm Jo Kamata Nahi Usne Apni Jeb Kharch Se Kuch Raqam Jama Kar Rakhi Hai, Kya Uspar Bhi Zakaat Dena Wajib Hoga?
Jawab▶️ Zakaat Waajib Hone Ke shara'it Paaye Jane Ki Surat Me'n Us Shakhs Par Bhi Zakaat Wajib Hai. Kamayi Naa Karna Ya Talibe ILm Hona Zakaat Wajib Hone Se Maane Nahi.
◆Sawal_4) Zakaat Farz Hone Ke Liye Nisaab Ki Kya Miqdaar Hai?
Jawab▶️ Zakaat Farz Hone Ke Liye Haajate Aaliyah Ke Aelawah 7.50 Tola Sona Ya 52.50 Tola Chandi Ho Ya 52.50 Tola Chandi Ki Qimat Ke Barabar Samaane Tijarat Ho, Jab Uspar Saal Guzar Jaye To Zakaat Dena Wajib Hojayega.
◆Sawal_5) Currency Aur Prize Bond Kis Ke Taabe Hain?
Jawab▶️ Chaandi Ke Taabe Hain.
(Fatawa Ahle_Sunnat)
◆Sawal_6) Sahabe Nisaab Hone Ke Ba'd Darmiyan Saal Me'n Kami Beshi Hoti Rahe, To Iska Aetabar Hoga Ya Nahi?
Jawab▶️ Sahabe Nisaab Hone Ke Ba'd Darmiyan Saal Me'n Kami Beshi Hoti Rahe To Iska Aetabar Nahi. Saal Ke Ibtada Aur Intaha Par Agar Nisaab Ki Miqdaar Maal Hoga To Zakaat Farz Hojayegi. Aur Saal Pura Hone Se Pehle Pehle Darmiyan Me'n Kitna Hi Zyada Maal Kyun Na Aajaye Us Sab Ka Naya Saal Shumar Nahi Hoga Balke Pehle Se Jo Saal Shuru Ho Chuka Wahi Sabka Saal Hoga Aur Saal Pura Hone Par Sabki Zakaat Deni Hogi, Jitna Maal Milk Me'n Maujood Hai. Haan Agar Sahabe Nisaab Hone Ke Ba'd Pura Nisaab Hi Khatam Hogaya To Ab Dubara Jab Sahabe Nisaab Hoga To Saal Ki Ibteda Hogi.
(Fatawa Ahle_Sunnat)
◆Sawal_7) Agar Kisi Shakhs Ke Paas Sona 7.50 Tole Se Kam Ho Aur Iske Aelawah Uske Paas Koyi Raqam Waghairah Nahi Hai, Naa Hi Aisa Maal Ke Jis Par Zakaat Hoti Hai. Uspar Zakaat Wajib Hogi Ya Nahi?
Jawab▶️ Shakhs Mazkurah Par Zakaat Wajib Naa Hogi Kyunke Zakaat Farz Hone Ke Liye Nisaab Ka Mukammal Hona Shart Hai Aur Sone Ka Nisaab 7.50 Tole Hai. Sone Ke Aelawah Aur Maale Zakaat Bhi Nahi Ke Sona Aur Uske Jama Karne Se Chandi Ka Nisaab Pura Hojaye Lihaza Zakaat Farz Nahi.
(Fatawa Ahle_Sunnat)
◆Sawal_8) Agar Ladki Ki Shadi Ke Liye 4 Tola Sona Rakha Huwa Hai To Ladki Ke Maa'n Baap Par Zakaat Wajib Hai Ya Nahi?
Jawab ▶️ Ladki Ki Shadi Se Pehle Aam Taur Par Sona Waghairah Ladki Ki Milk Nahi Hota. Agar Puchi Gayi Surat Me'n Aisa Hi Hai To Ladki Ke Maa'n Baap Me'n Se Jis Ki Milkiyat Me'n Ye Sona Hai, Dekha Jayega Ke Unke Paas Iske Aelawa Bhi Haajate Asliyah Ke Aelawa Sona Ya Chandi Ya Raqam Waghairah Hai Aur Ye Sona Aur Chandi Ya Raqam Waghairah Mil Kar 52.50 Tola Chandi Ki Qimat Ko Pohanch Jate Hon To Jis Din Nisaab Mukammal Huwa Qamri Maah Ke Aetabar Se Saal Pura Hone Par Ladki Ke Maa'n Baap Yaani Jo Sone Ka Maalik Hai Uspar Zakaat Hogi Aur Agar Ladki Ki Maa'n Ya Baap Ke Paas Iske Aelawa Itni Chandi Ya Raqam Nahi Jo Is Sone Ke Sath Mil Kar 52.50 Tola Chandi Ki Raqam Ko Ponhche To Is Surat Me'n Zakaat Wajib Nahi Hai.
(Fatawa Ahlesunnat)
◆Sawal_9) Aaj Kal Currency Aur Maale Tijarat Me'n Zakaat Ka Nisaab Kitni Raqam Par Hai? Nisaab Ka Aetabar Sone Ke Hisaab Se Hoga Ya Chandi Ke Aetabar Se? Jabke Aaj Kal Tijarat Ka Aetabar Sone Se Kiya Jata Hai Aur Paisa Bhi Sone Ke Taabe Hota Hai, To Aisi Surat Me'n Kis Ka Aetabar Karenge?
Jawab▶️ Jiske Paas 52.50 Tole Chandi Ki Qimat Ke Barabar Naqdi Ya Maale Tijarat Waghairah Uski Haajate Asliyah Se Zaa'id Saal Bhar Tak Maujood Hai To Uspar Zakaat Laazim Hogi. Currency Aur Maale Tijarat Me'n Nisaab Ka Aetabar Sone Se Nahi Balke Chandi Ke Aetabar Se Hoga. Kyunke Nisaab Me'n Buniyad Us Cheez Ko Banaya Jata Hai Jis Me'n Fuqara Ka Faidah Ho Aur Wo Chandi Ke Nisaab Me'n Hai Isi Liye Chandi Ke Nisaab Ko Mi'yaar Banaya Gaya.
(Fatawa Ahle_Sunnat)
◆Sawal_10) Plot Waghairah Par Zakaat Kaise Hogi Yaani Kitni Qimat Ka Plot Hoga To Uspar Zakaat Hogi?
Jawab ▶️ Plot Ki Qimat Agar 52.50 Tola Chandi Ki Qimat Jitni Hai Ya Usse Zyada Hai Aur Plot Kharidte Waqt Yaani Jab Plot Kharidne Ka Aqd Ho, Us Waqt Ye Niyyat Thi Ke Usko Bechne Ke Liye Le Raha Hu'n To Zakaat Wajib Hogi. Jabke Nisaab Ka Saal Pura Hone Par Ye Plot Mlikiyat Me'n Maujood Ho Aur Saal Ke Ikhtetaam Par Niyyat Tijarat Naa Badli Ho.
◆Sawal_11) Kya Plot, Makaan Aur Machinery Par Bhi Zakaat Wajib Hai?
Jawab ▶️ Plot Aur Makaan Agar Bechne Ki Niyyat Se Kharida Hai To Uspar Zakaat Hogi Warna Nahi, Isliye Ke Wajube Zakaat Ke Liye Maal Ka Naami Hona Zaruri Hai Aur Plot Niyyate Tijarat Hi Se Maale Naami Tehrega. Yunhi Wo Machinery Jisse Maal Tayar Kiya Jata Hai Uspar Zakaat Wajib Nahi Hogi Ke Wo Aala Ki Misl Hai Aur Aalaat Par Zakaat Wajib Nahi Hoti Ke Aalaat Haajate Asliyah Me'n Shumar Kiya Gaya.
◆Sawal_12) Istamaal Ki Gaadiyo'n Par Zakaat Hai Ya Nahi?
Jawab ▶️ Nahi Hai.
◆Sawal_13)Agar Kisi Shakhs Ke Paas Nisaab Ya Usse Zaayid Qimat Ka Mobile Ho Aur Wo Use Istamaal Bhi Karta Ho Magar Usse Saste Mobile Se Bhi Uska Kaam Hosakta Hai, Kya Uspar Zakaat Ya Qurbani Wajib Hogi?
Jawab ▶️ Shakhs Mazkoor Par Us Mobile Ki Wajah Se Naa Zakaat Wajib Hogi Aur Naa Hi Qurbani, Kyunke Zakaat-O-Qurbani Wajib Hone Ke Liye Nisaab Ka Haajate Asliyah Se Zaayid Hona Shart Hai Aur Jab Ye Shakhs Mobile Istamaal Karta Hai To Uski Haajate Asliyah Me'n Shumar Hoga, Lihaza Uski Maliyat Khwah Kam Ho Ya Zyada Agarche Uski Qimat Ke Mobile Se Bhi Guzara Hojata Ho, Zakaat-O-Qurbani Wajib Naa Hogi. Yunhi Zakaat Wajib Hone Ke Liye Maal Ka Naami Hona Bhi Shart Hai Jabke Istamaal Ka Mobile Maale Naami Nahi.
◆Sawal_14) Computer Haajate Asliyah Me'n Shamil Hain Ya Nahi?
Jawab ▶️ Computer Haajate Asliyah Me'n Shamil Honge Khwah Wo Istamaal Gharelu Ho Ya Karobari Aur Agar Unka Ghair Zaruri Istamaal Karta Hoto Haajate Asliyah Se Kharij Hai Lekin Zakaat Ka Hukm Phir Bhi Nahi, Haan Nisaab Ki Miqdaar Ko Pohanch Jaye'n To Zakaat Lena Haram Hai.
◆Sawal_15) Rickshaw Aur Taxi Par Zakaat Hogi Ya Nahi?
Jawab ▶️ Mazkurah Ashya Agar Bechne Ki Niyyat Se Kharidi Hain To Unpar Zakaat Hai Aur Agar Kiraye Par Chalane Ke Liye Honto Unpar Zakaat Naa Hogi.
◆Sawal_16) Aurat Ko Maa'n Baap Ke Yaha'n Se Jo Jahez Milta Hai Kya Uski Wajah Se Aurat Ghani Kehlayegi.
Jawab ▶️ Is Jahez Ki Maalik Aurat Hi Hai, Is Me'n Do Tarah Ki Chize'n Hoti Hai. Ek Haajat Ki Jaise Khaana_Daari Ke Samaan, Pahenne Ke Kapde, Istamaal Ke Bartan Is Qism Ki Chize'n Kitni Hi Qimat Ki Hon Unki Wajah Se Aurat Ghani Nahi. Dusri Wo Chize'n Jo Haajate Asliyah Se Zaayid Hain Zeenat Ke Liye Di Jati Hain Jaise Zewraat Aur Haajat Ke Aelawa Asbaab Aur Bartan Aur Aane Jaane Ke Besh Qimat Bhari Jode, In Chizo'n Ki Qimat Agar Baqdr Nisaab Hai To Aurat Ghani Hai Zakaat Nahi Le Sakti.
(Rudul-Mukhtar, Bahare Shari'at)
◆Sawal_17) Kya Zakaat Ramadan Me'n Hi Nikali Jaye?
Jawab ▶️ Zakaat Ada Karne Ke Liye Ramadan Ke Mahine Ka Hona Zaruri Nahi Hai Balke Saal Ki Jis Tareekh Ko Nisaab Ka Saal Khatam hoga Usi Tareekh Ko Zakaat Nikalna Zaruri Hai.
◆Sawal_18) Zakaat Ka Pura Hone Par Zakaat Fauran Ada Karna Wajib Hai Ya Kuch Taakheer Bhi Ki Ja Sakti Hai?
Jawab ▶️ Saal Pura Hone Par Zakaat Ka Ada Karna Fauran Wajib Hai, Bila Uzr Shara'ee Zakaat Ki Adayegi Me'n Taakheer Karna Gunah Hai.
◆Sawal_19) Zakaat Kitni Wajib Hai?
Jawab ▶️ Chaleeswa'n (40wa'n) Hissah Wajib Hai.
◆Sawal_20) Jise Zakaat Di Jaye Kya Use Batana Zaruri Hai Ke Ye Zakaat Ki Raqam Hai Ya Baghair Btaye Bhi Di Ja Sakti Hai?
Jawab ▶️ Faqeer Ko Zakaat Dete Waqt Zuban Se Kehna Ke Ye Raqam Zakaat Ki Hai Kuch Zaruri Nahi, Balke Dil Me'n Zakaat Ki Niyyat Hai To Bhi Ada Hojayegi.
◆Sawal_21) Adayegi Ke Ba'd Zakaat Ki Niyyat Karne Se Zakaat Ada Hogi Ya Nahi?
Jawab ▶️ Dete Waqt Niyyat Nahi Ki Thi Ba'd Ko Ki To Agar Wo Maal Faqeer Ke Paas Maujood Hai To Ye Niyyat Kaafi Hai. Agar Faqeer Ko Zakaat De Chuke The Aur Usne Usko Kharch Kar Diya Ab Niyyat Ki To Zakaat Ada Naa Hogi.
(Bahare Shari'at)
Jawab▶️ Jee Haan, Zakaat Farz Hai. Iska Munkir Kaafir Aur Naa Dene Waala Faasiq Aur Qatl Ka Mustahiq Aur Ada Me'n Taakheer Karne Waala Gunehgaar Hai.
(Aalamgiri, Bahare Shari'at)
◆Sawal_2) Zakaat Wajib Hone Ke Liye Kitni Sharte'n Hain?
Jawab▶️ Chand Sharte'n Hain.
Pehli Shart: Musalman Hona, Kafir Par Zakaat Wajib Nahi.
Dusri Shart: Baaligh Par Zakaat Wajib Hai, Naa-Baaligh Par Nahi.
Tisri Shart: Aaqil: Junoon Agar Pure Saal Ko Gherle To Zakaat Wajib Nahi, Aur Agar Saal Ke Awwal Aakhir Me'n Ifaqah Hota Hai, Agarche Baaqi Zamanah Junoon Me'n Guzara To Zakaat Wajib Hai.
Chauthi Shart: Aazaad Hona: Ghulam Par Zakaat Wajib Nahi.
Paanchwi'n Shart: Maal Ba-Qadr Nisaab Uski Milk Me'n Hona. Agar Hisaab Se Kam Hai To Zakaat Wajib Nahi.
Chatti Shart: Pure Taur Par Uska Maalik Ho Yaani Uspar Qaabiz Bhi Ho.
Saatwi'n Shart: Nisaab Ka Dain (Qarz) Se Faarigh Hona.
Aathiwi'n Shart: Nisaab Haajate Asliyah Se Faarigh Ho. Haajate Asliyah Se Muraad Wo Chize'n Hain Jinki Taraf Zindagi Basar Karne Me'n Aadmi Ko Zarurat Hai, Is Me'n Zakaat Wajib Nahi. Jaise Rehne Ka Makaan, Jaade Garmiyo'n Ke Kapde, Khaana_Daari Ke Saman, Pesha_Waro'n Ke Auzaar, Ahle_ILm Ke Liye Haajat Ki Kitaabe'n, Khaane Ke Liye Ghallah, Gaadiya'n Waghairah.
Nawwi'n Shart: Maal Naami Hona Yaani Badhne Waala, Khwah Haqiqatan Badhe Ya Hukman.
Daswi'n Shart: Saal Guzarna, Saal Se Muraad Qamri Saal Hai Yaani Chaand Ke Mahino'n Ke Baara Mahine.
(Bahare Shari'at)
◆Sawal_3) Ek Baaligh Talibe ILm Jo Kamata Nahi Usne Apni Jeb Kharch Se Kuch Raqam Jama Kar Rakhi Hai, Kya Uspar Bhi Zakaat Dena Wajib Hoga?
Jawab▶️ Zakaat Waajib Hone Ke shara'it Paaye Jane Ki Surat Me'n Us Shakhs Par Bhi Zakaat Wajib Hai. Kamayi Naa Karna Ya Talibe ILm Hona Zakaat Wajib Hone Se Maane Nahi.
◆Sawal_4) Zakaat Farz Hone Ke Liye Nisaab Ki Kya Miqdaar Hai?
Jawab▶️ Zakaat Farz Hone Ke Liye Haajate Aaliyah Ke Aelawah 7.50 Tola Sona Ya 52.50 Tola Chandi Ho Ya 52.50 Tola Chandi Ki Qimat Ke Barabar Samaane Tijarat Ho, Jab Uspar Saal Guzar Jaye To Zakaat Dena Wajib Hojayega.
◆Sawal_5) Currency Aur Prize Bond Kis Ke Taabe Hain?
Jawab▶️ Chaandi Ke Taabe Hain.
(Fatawa Ahle_Sunnat)
◆Sawal_6) Sahabe Nisaab Hone Ke Ba'd Darmiyan Saal Me'n Kami Beshi Hoti Rahe, To Iska Aetabar Hoga Ya Nahi?
Jawab▶️ Sahabe Nisaab Hone Ke Ba'd Darmiyan Saal Me'n Kami Beshi Hoti Rahe To Iska Aetabar Nahi. Saal Ke Ibtada Aur Intaha Par Agar Nisaab Ki Miqdaar Maal Hoga To Zakaat Farz Hojayegi. Aur Saal Pura Hone Se Pehle Pehle Darmiyan Me'n Kitna Hi Zyada Maal Kyun Na Aajaye Us Sab Ka Naya Saal Shumar Nahi Hoga Balke Pehle Se Jo Saal Shuru Ho Chuka Wahi Sabka Saal Hoga Aur Saal Pura Hone Par Sabki Zakaat Deni Hogi, Jitna Maal Milk Me'n Maujood Hai. Haan Agar Sahabe Nisaab Hone Ke Ba'd Pura Nisaab Hi Khatam Hogaya To Ab Dubara Jab Sahabe Nisaab Hoga To Saal Ki Ibteda Hogi.
(Fatawa Ahle_Sunnat)
◆Sawal_7) Agar Kisi Shakhs Ke Paas Sona 7.50 Tole Se Kam Ho Aur Iske Aelawah Uske Paas Koyi Raqam Waghairah Nahi Hai, Naa Hi Aisa Maal Ke Jis Par Zakaat Hoti Hai. Uspar Zakaat Wajib Hogi Ya Nahi?
Jawab▶️ Shakhs Mazkurah Par Zakaat Wajib Naa Hogi Kyunke Zakaat Farz Hone Ke Liye Nisaab Ka Mukammal Hona Shart Hai Aur Sone Ka Nisaab 7.50 Tole Hai. Sone Ke Aelawah Aur Maale Zakaat Bhi Nahi Ke Sona Aur Uske Jama Karne Se Chandi Ka Nisaab Pura Hojaye Lihaza Zakaat Farz Nahi.
(Fatawa Ahle_Sunnat)
◆Sawal_8) Agar Ladki Ki Shadi Ke Liye 4 Tola Sona Rakha Huwa Hai To Ladki Ke Maa'n Baap Par Zakaat Wajib Hai Ya Nahi?
Jawab ▶️ Ladki Ki Shadi Se Pehle Aam Taur Par Sona Waghairah Ladki Ki Milk Nahi Hota. Agar Puchi Gayi Surat Me'n Aisa Hi Hai To Ladki Ke Maa'n Baap Me'n Se Jis Ki Milkiyat Me'n Ye Sona Hai, Dekha Jayega Ke Unke Paas Iske Aelawa Bhi Haajate Asliyah Ke Aelawa Sona Ya Chandi Ya Raqam Waghairah Hai Aur Ye Sona Aur Chandi Ya Raqam Waghairah Mil Kar 52.50 Tola Chandi Ki Qimat Ko Pohanch Jate Hon To Jis Din Nisaab Mukammal Huwa Qamri Maah Ke Aetabar Se Saal Pura Hone Par Ladki Ke Maa'n Baap Yaani Jo Sone Ka Maalik Hai Uspar Zakaat Hogi Aur Agar Ladki Ki Maa'n Ya Baap Ke Paas Iske Aelawa Itni Chandi Ya Raqam Nahi Jo Is Sone Ke Sath Mil Kar 52.50 Tola Chandi Ki Raqam Ko Ponhche To Is Surat Me'n Zakaat Wajib Nahi Hai.
(Fatawa Ahlesunnat)
◆Sawal_9) Aaj Kal Currency Aur Maale Tijarat Me'n Zakaat Ka Nisaab Kitni Raqam Par Hai? Nisaab Ka Aetabar Sone Ke Hisaab Se Hoga Ya Chandi Ke Aetabar Se? Jabke Aaj Kal Tijarat Ka Aetabar Sone Se Kiya Jata Hai Aur Paisa Bhi Sone Ke Taabe Hota Hai, To Aisi Surat Me'n Kis Ka Aetabar Karenge?
Jawab▶️ Jiske Paas 52.50 Tole Chandi Ki Qimat Ke Barabar Naqdi Ya Maale Tijarat Waghairah Uski Haajate Asliyah Se Zaa'id Saal Bhar Tak Maujood Hai To Uspar Zakaat Laazim Hogi. Currency Aur Maale Tijarat Me'n Nisaab Ka Aetabar Sone Se Nahi Balke Chandi Ke Aetabar Se Hoga. Kyunke Nisaab Me'n Buniyad Us Cheez Ko Banaya Jata Hai Jis Me'n Fuqara Ka Faidah Ho Aur Wo Chandi Ke Nisaab Me'n Hai Isi Liye Chandi Ke Nisaab Ko Mi'yaar Banaya Gaya.
(Fatawa Ahle_Sunnat)
◆Sawal_10) Plot Waghairah Par Zakaat Kaise Hogi Yaani Kitni Qimat Ka Plot Hoga To Uspar Zakaat Hogi?
Jawab ▶️ Plot Ki Qimat Agar 52.50 Tola Chandi Ki Qimat Jitni Hai Ya Usse Zyada Hai Aur Plot Kharidte Waqt Yaani Jab Plot Kharidne Ka Aqd Ho, Us Waqt Ye Niyyat Thi Ke Usko Bechne Ke Liye Le Raha Hu'n To Zakaat Wajib Hogi. Jabke Nisaab Ka Saal Pura Hone Par Ye Plot Mlikiyat Me'n Maujood Ho Aur Saal Ke Ikhtetaam Par Niyyat Tijarat Naa Badli Ho.
◆Sawal_11) Kya Plot, Makaan Aur Machinery Par Bhi Zakaat Wajib Hai?
Jawab ▶️ Plot Aur Makaan Agar Bechne Ki Niyyat Se Kharida Hai To Uspar Zakaat Hogi Warna Nahi, Isliye Ke Wajube Zakaat Ke Liye Maal Ka Naami Hona Zaruri Hai Aur Plot Niyyate Tijarat Hi Se Maale Naami Tehrega. Yunhi Wo Machinery Jisse Maal Tayar Kiya Jata Hai Uspar Zakaat Wajib Nahi Hogi Ke Wo Aala Ki Misl Hai Aur Aalaat Par Zakaat Wajib Nahi Hoti Ke Aalaat Haajate Asliyah Me'n Shumar Kiya Gaya.
◆Sawal_12) Istamaal Ki Gaadiyo'n Par Zakaat Hai Ya Nahi?
Jawab ▶️ Nahi Hai.
◆Sawal_13)Agar Kisi Shakhs Ke Paas Nisaab Ya Usse Zaayid Qimat Ka Mobile Ho Aur Wo Use Istamaal Bhi Karta Ho Magar Usse Saste Mobile Se Bhi Uska Kaam Hosakta Hai, Kya Uspar Zakaat Ya Qurbani Wajib Hogi?
Jawab ▶️ Shakhs Mazkoor Par Us Mobile Ki Wajah Se Naa Zakaat Wajib Hogi Aur Naa Hi Qurbani, Kyunke Zakaat-O-Qurbani Wajib Hone Ke Liye Nisaab Ka Haajate Asliyah Se Zaayid Hona Shart Hai Aur Jab Ye Shakhs Mobile Istamaal Karta Hai To Uski Haajate Asliyah Me'n Shumar Hoga, Lihaza Uski Maliyat Khwah Kam Ho Ya Zyada Agarche Uski Qimat Ke Mobile Se Bhi Guzara Hojata Ho, Zakaat-O-Qurbani Wajib Naa Hogi. Yunhi Zakaat Wajib Hone Ke Liye Maal Ka Naami Hona Bhi Shart Hai Jabke Istamaal Ka Mobile Maale Naami Nahi.
◆Sawal_14) Computer Haajate Asliyah Me'n Shamil Hain Ya Nahi?
Jawab ▶️ Computer Haajate Asliyah Me'n Shamil Honge Khwah Wo Istamaal Gharelu Ho Ya Karobari Aur Agar Unka Ghair Zaruri Istamaal Karta Hoto Haajate Asliyah Se Kharij Hai Lekin Zakaat Ka Hukm Phir Bhi Nahi, Haan Nisaab Ki Miqdaar Ko Pohanch Jaye'n To Zakaat Lena Haram Hai.
◆Sawal_15) Rickshaw Aur Taxi Par Zakaat Hogi Ya Nahi?
Jawab ▶️ Mazkurah Ashya Agar Bechne Ki Niyyat Se Kharidi Hain To Unpar Zakaat Hai Aur Agar Kiraye Par Chalane Ke Liye Honto Unpar Zakaat Naa Hogi.
◆Sawal_16) Aurat Ko Maa'n Baap Ke Yaha'n Se Jo Jahez Milta Hai Kya Uski Wajah Se Aurat Ghani Kehlayegi.
Jawab ▶️ Is Jahez Ki Maalik Aurat Hi Hai, Is Me'n Do Tarah Ki Chize'n Hoti Hai. Ek Haajat Ki Jaise Khaana_Daari Ke Samaan, Pahenne Ke Kapde, Istamaal Ke Bartan Is Qism Ki Chize'n Kitni Hi Qimat Ki Hon Unki Wajah Se Aurat Ghani Nahi. Dusri Wo Chize'n Jo Haajate Asliyah Se Zaayid Hain Zeenat Ke Liye Di Jati Hain Jaise Zewraat Aur Haajat Ke Aelawa Asbaab Aur Bartan Aur Aane Jaane Ke Besh Qimat Bhari Jode, In Chizo'n Ki Qimat Agar Baqdr Nisaab Hai To Aurat Ghani Hai Zakaat Nahi Le Sakti.
(Rudul-Mukhtar, Bahare Shari'at)
◆Sawal_17) Kya Zakaat Ramadan Me'n Hi Nikali Jaye?
Jawab ▶️ Zakaat Ada Karne Ke Liye Ramadan Ke Mahine Ka Hona Zaruri Nahi Hai Balke Saal Ki Jis Tareekh Ko Nisaab Ka Saal Khatam hoga Usi Tareekh Ko Zakaat Nikalna Zaruri Hai.
◆Sawal_18) Zakaat Ka Pura Hone Par Zakaat Fauran Ada Karna Wajib Hai Ya Kuch Taakheer Bhi Ki Ja Sakti Hai?
Jawab ▶️ Saal Pura Hone Par Zakaat Ka Ada Karna Fauran Wajib Hai, Bila Uzr Shara'ee Zakaat Ki Adayegi Me'n Taakheer Karna Gunah Hai.
◆Sawal_19) Zakaat Kitni Wajib Hai?
Jawab ▶️ Chaleeswa'n (40wa'n) Hissah Wajib Hai.
◆Sawal_20) Jise Zakaat Di Jaye Kya Use Batana Zaruri Hai Ke Ye Zakaat Ki Raqam Hai Ya Baghair Btaye Bhi Di Ja Sakti Hai?
Jawab ▶️ Faqeer Ko Zakaat Dete Waqt Zuban Se Kehna Ke Ye Raqam Zakaat Ki Hai Kuch Zaruri Nahi, Balke Dil Me'n Zakaat Ki Niyyat Hai To Bhi Ada Hojayegi.
◆Sawal_21) Adayegi Ke Ba'd Zakaat Ki Niyyat Karne Se Zakaat Ada Hogi Ya Nahi?
Jawab ▶️ Dete Waqt Niyyat Nahi Ki Thi Ba'd Ko Ki To Agar Wo Maal Faqeer Ke Paas Maujood Hai To Ye Niyyat Kaafi Hai. Agar Faqeer Ko Zakaat De Chuke The Aur Usne Usko Kharch Kar Diya Ab Niyyat Ki To Zakaat Ada Naa Hogi.
(Bahare Shari'at)