◆Shara'ite Ada
Mandarje Zail Sharte'n Paayi Jaye'n To Khud Hajj Ko Jana Zaruri Hai Aur Sab Naa Paayi Jaye'n To Khud Jana Zaruri Nahi Balke Dusre Se Kara Sakta Hai Ya Wasiyat Kar Jaye.
1_ Rastah Me'n Aman Hona: Yaani Agar Ghalib Guman Salamati Ka Hoto Jana Wajib Aur Ghalib Guman Ye Ho Ke Bad-Amni Se Jaan Zaya Hojayegi To Jana Zaruri Nahi.
2_ Aurat Ke Sath Mehram Hona: Aurat Ko Makkah Tak Jane Me'n Teen Din Ya Zyada Ka Rastah Ho Yaani 92km Ka Faslah To Uske Hamrah Shauhar Ya Mehram Hona Shart Hai Khwah Wo Aurat Jawan Ho Ya Budhiya Aur Teen(3) Din Se Kam Ki Rah Hoto Baghair Mehram Aur Shauhar Ke Bhi Ja Sakti Hai.
3_ Aurat Ka Iddat Me'n Naa Hona: Wo Iddat Wafat Ki Ho Ya Talaaq Ki, Baa'yin Ki Ho Ya Raja'ee Ki.
4_ Qaid Me'n Naa Hona: Magar Jab Kisi Haq Ki Wajah Se Qaid Me'n Ho Aur Uske Ada Karne Par Qadir Hoto Ye Uzr Nahi Aur Badshah Agar Hajj Ko Jane Se Rokta Hoto Ye Uzr Hai.
Index