◆Masa'ile Fiqhiyah
Hajj Naam Hai Ahraam Baandh Kar 9wi'n Zul-Hijjah Ko Arfaat Me'n Thaherne Aur Ka'aba-E-MuAzzamah Ke Tawaaf Ka Aur Uske Liye Ek Khaas Waqt Muqarrar Hai Ke Us Me'n Ye Af'aal Kiye Jaye'n To Ye Hajj Hai. Hajj Hijri-9 Me'n Farz Huwa Uski Farziyat Qata'ee Hai Jo Uski Farziyat Ka Inkar Kare Wo Kaafir Hai. Magar Umar Bhar Me'n Sirf Ek Baar Farz Hai.
Dikhawe Ke Liye Hajj Karna Aur Maale Haraam Se Hajj Ko Jana Haraam Hai.
Hajj Ko Jane Ke Liye Jisse Ijazat Lena Wajib Hai Hai Baghair Uski Ijazat Ke Jana Makruh Hai Maslan Maa'n Baap Agar Uski Khidmat Ke Mohtaaj Hon Aur Maa'n Baap Naa Honto Dada Dadi Ka Bhi Yahi Hukm Hai. Ye Hukm Sirf Hajje Farz Ka Hai Aur Hajje Nafl Hoto Mutlaqan Waledain Ki Ita'at Kare.
Jab Hajj Ke Liye Jane Par Qadir Ho Hajj Fauran Farz Hogaya Yaani Usi Saal Me'n Aur Ab Taa-Kheer Gunah Hai Aur Chand Saal Tak Naa Kiya To Faasiq Hai Aur Uski Gawahi Mardood Magar Jab Karega Ada Hi Hai Qaza Nahi.
Maal Maujood Tha Aur Hajj Naa Kiya Phir Wo Maal Khatam Hogaya To Qarz Lekar Jaye Agarche Jaanta Ho Ke Ye Qarz Ada Naa Hoga Magar Niyyat Ye Ho Ke Allah Ta'Aala Qudrat Dega To Ada Kar Dunga Phir Agar Ada Naa Hosaka Aur Niyyat Ada Ki Thi To Ummeed Hai Ke Allah Ta'Aala Uspar Muwakhizah Naa Farmaye. Hajj Ka Sawaab Shawwal Se 10wi'n Zil-Hajjah Tak Hai Ke Isse Peshtar Hajj Ke Af'aal Nahi Ho Sakte.
Index