Hajj Wajib Hone Ki Sharte'n

◆Hajj Wajib Hone Ki Sharte'n

Hajj Wajib Hone Ki Chand Sharte'n Hain Jab Tak Wo Sab Naa Paayi Jaye'n Hajj Nahi Hota.

1_ IsLaam: Musalman Hona.
2_ Darul Harab Me'n Hoto Ye Bhi Zaruri Hai Ke Jaanta Ho Ke Hajj IsLaam Ke Fara'iz Me'n Daakhil Hai Aur Darul IsLaam Me'n Hoto Hajj Farz Hojayega Agarche Hajj Ka Farz Hona Use Ma'loom Naa Ho.
3_ Baaligh Hona: Naa-Baaligh Par Hajj Wajib Nahi.
4_ Aaqil Hona: Hajj Majnoon Par Farz Nahi.
5_ Tandrust Hona: Ke Hajj Ko Ja Sake Yaani Ke Uske Aaza Salamat Hon Ankhiyar Ho APahij Aur Faalij Waale Ya Jis Ke Paao'n Kate Hon Aur Aise Budhe Par Ke Sawari Par Khud Naa Beth Sakta Ho Hajj Farz Nahi. Yunhi Andhe Par Bhi Wajib Nahi.
6_ Safar Ke Kharch Ka Maalik Hona: Apne Watan Se Makkah MuAzzamah Tak Jaane Aur Waha'n Se Wapas Aane Ke Ausaat Darje Ke Akhrajaat Par Qadir Ho Aur Wapasi Tak Ayaal Ka Nafaqah Aur Makaan Ki Marammat Ke Liye Kaafi Maal Cchod Jaye.
7_ Sawari Par Qadir Hona: Khwah Sawari Uski Milk Ho Ya Uske Paas Itna Maal Hoke Kiraya Par Le Sake.
8_ Waqt Hona: Yaani Hajj Ke Mahino'n Me'n Tamam Shara'it Paaye Jaye'n.
Index