◆ Moharram, Shabe Baraat, Eid, Baqra_Eid Ki Rasme'n
◆Murawajjah Rasme'n
Hamare Mulk Me'n In Mubarak Mahino'n Me'n Hasbe Zail Rasme'n Hoti Hain Moharram Ke Pehle 10-Din Aur Khas Kar 10we'n Moharram Yaani Aashora Ka Din Khel Kood , Tamasha Aur Melo'n Ka Zamana Samjha Gaya Hain Khathiya Waad Me'n Is Zamane Me'n Taziyadari Ke Sath Kutte, Gadhe ,Bandar Ki Surate Bana Kar Musalman Taziyo'n Ke Aage Koodte Huwe Nikalte Hain Aur Sabiliyo'n Ki khoob Zaiba'ish Karte Hain Aur Sharabe'n Pipi Kar Chaukaro'n Me'n Khade Ho Kar Matam Ke Bahane Se Koodte Huwe Nikalte Hain Aur U.p Me'n Musalman In 10-Dino'n Me'n Barabar Rafziyo'n Ki Majliso'n Me'n Marsiye Sunne Aur Mithayi Lene Pohach Jate Hain Phir 8wi'n Tareekh Ko Alam Aur 9wi'n Tareekh ko Taziyo'n Ki Ghasht Aur 10wi'n Ka Juloos Khud Bhi Nikaalte Hain Aur Rafziyo'n Ke Taziyo'n Ke Juloos Me'n Bhi Shirkat Karte Hai Ba'z Jahil Log Matam Bhi Karte Huwe Jate Hain. Phir 10wi'n Moharram Ko Taziyo'n Ka Teejah Aur 20-Saffar Ko Taziyo'n Ka 40wa'n Nikaala Jata Hai Jis Me'n Chand Tarah Ke Juloos Nikalte Hai Saffar Ke Aakhri Budh Ko Musalman Ke Ghar Puriya'n Pakayi Jati Hain Khushi Manayi Jati Hai Aur Kathiya_Waad Me'n Log Asar Ke Ba'd Sawab Ki Niyyat Se Jangal Me'n Tafreeh Karne Jate Hain Aur U.P Me'n Ba'z Jaga Is Din Purani Mitti Ke Bartan Phood Kar Naye Kharide Jate Hain. Ye Tamam Baate'n Isliye Hoti Hain Ke Musalman Me'n Mash'hoor Ye Hai Ke Aakhri Chahar Shamba Ko Nabi Kareem ﷺ Ne Ghusl Sihat Farmaya Aur Tafreeh Ke Liye Madinah Muwwarah Se Bahar Tashreef Le Gaye The.
Rabi-ul-Awwal Me'n Aam Musalman Mehfile Milaad Shareef Ki Majlise'n Karte Hain Jin Me'n Huzoor Anwar ﷺ Ki Pai'da'ishe Paak Ka Zikr Aur Qayaame Naat Khwani, Durood Shareef Ki Kasrat Hoti Hai Aur 12wi'n Rabi-ul-Awwal Ko Juloos Nikala Jata Hai Aur Rabi-ul-Aakhir Me'n 11wi'n Shareef Huzoor Ghause Paak RadiyAllahu Ta'Aala Anhu Ki Majlise'n Karte Hain Jis Me'n Huzoor Ghause Paak RadiyAllahu Ta'Aala Anhu Ke HaaLaat Padh Kar Saa'ma'een Ko Sunate Hain Aur Ba'd Fateha Shirni Taqseem Karte Hain Ya Musalmano'n Ko Khana Khilate Hain Magar Is Zamane Ke Muslim Numa Murtadeen Yaani Dev_Bandi, Wahabi In Paak Majliso'n Ko Bid'at Keh Kar Rokte Hain Chunanche Punjab Ke Aksar ILaqah Me'n Ye Rasme'n Bilkul Band Kar Di Gayi Hain.
Rajab Me'n 27 Tareekh Ko Musalman Eide Meraaj-un-Nabi Ki Taqreeb Me'n Jalse Karte Hain Jisko Rajabi Shareef Kehte Hai Ise Kuffar Rokte Hain Shabe Baraat Yaani 15wi'n Sha'baan Ko Musalman Bacche Is Qadar Aatish Baazi Chalate Hain Ke Rasta Chalna Mushkil Hota Hai Aur Bahot Jaga Isse Aag Lag Jati Hai.
Ramzan Shareef Me'n Ba'z Be-Ghairat Musalman Roza_Daaro'n Ke Samne Sare Bazaro'n Me'n Khate Peete Hain Balke Roti Ki Dukano'n Me'n Bhi Parda Daal Kar Khate Hain, Eid Aur Baqra_Eid Ki Namaz Padh Kar Saara Din Khel Kood Me'n Guzarte Hain Aur Shehro'n Me'n In Dino'n Me'n Eid Baqra_Eid Ki Khushi Me'n Cinema Ke Chaar Chaar Show Hote Hain. Cinema Ke Haal Musalmano'n Se Kacha Khach Bhare Rehte Hain. Aur Jinki Nayi Shadi Ho Wo Pehli Eid Zaroor Sasuraal Me'n Karte Hain Aur Jin Ladko'n Ki Mangni Hogayi Hai Unke Ghar Se Dulhan Ke Ghar Joda Jana Zaruri Hai.
Allah Kareem Aise Bekaar Ki Rasmo'n se Ham SabKo Bachaye...Aameen
◆ In Rasumo'n Ki Kharabiya'n
Muharram-ul-Haram
Muharram Ka Mahinah Nihayat Mubarak Hai. Khaas Kar Aashurah Ka Din Bahot Mubarak Hai Ke 10wi'n Muharram JumuAh Ke Din Hazrat Nuh Alaihissalam Kashti Se Zameen Par Tashreef Laaye Aur Isi Tareekh Aur Isi Din Hazrat Musa Alaihissalam Ne Firon Se Najaat Paayi Aur Firon Gharq Huwa. Isi Din Aur Isi Tareekh Me'n Sayyadush_Shohda Imame Husain RadiyAllahu Ta'Aala Anhu Ne Karbala Ke Maidaan Me'n Shahadat Paayi Aur Isi JumuAh Ka Din Aur Ghaliban Isi 10wi'n Muharram Ko Qayamat Aayegi. Gharz Ke JumuAh Ka Din Aur 10wi'n Muharram Bahot Mubarak Din Hai. Islam Me'n Sab Se Pehle Sirf Aashurah Ka Roza Farz Huwa. Phir Ramzan Shareef Ke Rozo'n Se Is Roze Ki Farziyat To Mansookh Hogayi Magar Is Din Ka Rozah Ab Bhi Sunnat Hai. Lihaza In Dino'n Me'n Jis Tarah Nek Kaam Karne Ka Sawab Zyada Hai Isi Tarah Gunah Karne Ka Azaab Bhi Zyada.
Taaziyah_Daari Aur Alam Nikaalna, Koodna, Naachana Ye Wo Kaam Hain Jo Yazeed Logo'n Ne Kiye The Ke Imame Husain-O-Digar Shoda-E-Karbala RadiyAllahu Ta'Aala Anhum Ajma'een Ke Sar Nezo'n Par Rakh Kar Unke Aage Koodte Naachte Khushiya'n Manaate Huwe Karbala Se Kufa Aur Kufa Se Dimishq Yazeed Paleed Ke Paas Le Gaye. Baaqi Ahle_Bait Ne Na Khabhi Taaziyah_Daari Ki Aur Na Alam Nikaale, Na sine Kote, Na Maatam Kiye.
Lihaza Aye Musalmano'n! In Mubarak Dino'n Me'n Ye Kaam Hargiz Na Karo, Warna Sakht Gunehgar Hoge. Khud Bhi In Jalso'n Aur Maatam Me'n Shareek Na Ho Aur Apne Baccho'n Apni Biwiyo'n Dosto Ko Bhi Roko.
Raafziyo'n Ki Majlis Me'n Hargiz Shirkat Na Karo, Balke Khud Apni Sunniyo'n Ki Majlise'n Karo Jis Me'n Shahadat Ke Sacche Waqi'aat Bayan Hon.
Aakhri Chahar Shamba Maahe Safar Ke Muta'lliq Jo Riwayat Mash'hoor Hai Ke Huzoor Alaihissalam Ne Is Tareekh Me'n Ghusle Sihat Farmaya Wo Mahez Ghalat Hai. 27/Safar Ko Marz Shareef Yaani Darde Sir Aur Bukhar Shuru Huwa Aur 12wi'n Rabi-ul-Awwal Do Shamba Ke Din Wafaat Hogayi Darmiyan Me'n Sihat Nahi Huwi.
Fateha QurAan Khwani Jab Bhi Karo, Harj Nahi Magar Ghade Bartan PhoodNa Maal Ka Barbaad Karna Hai Jo Haraam Hai.
Rabi-ul-Awwal Me'n Mehfile Milaad Shareef Aur Rab-ul-Saani Me'n Majlis 11wi'n Shareef Bahot Majlise'n Hain Unko Band Karna Bahot NaaDaani Hai. Tafsire Ruhul Bayan Me'n Hai Ke Mehfile Milaad Shareef Ki Barkat Saal Bhar Tak Ghar Me'n Rehti Hai Is Ke Liye Hamari Kitaab Jaal Haque Dekho. In Majliso'n Ki Waja Se Musalmano'n Ko Nasihat Karne Ka Mauqa Mil Jata Hai Aur Musalmano'n Me'n Huzoor Alaihissalam Ki Mohabbat Paida Hoti Hai, Jo Eemaan Ki Jad Hai Bukhari Shareef Me'n Hai Ke Abu Lahab Ne Huzoor Alaihissalam Ke Paida Hone Ki Khushi Me'n Apni Londi Suwaibah Ko Aazaad Kiya Tha. Uske Karne Ke Ba'd Usko Kisi Ne Khwab Me'n Dekha. Pucha, Tera Haal Kya Hai? Usne Kaha, Haal To Bahot Kharab Hai Magar Somwar(Peer) Ke Din Azaab Me'n Kami Hojati Hai Kyunke Me'n Ne Huzoor Alaihissalam Ke Paida Hone Ki Khushi Ki Thi. Jab Kafir Abu_Lahab Ko Huzoor AlaihisSalatu Wassalaam Ki Pai'da'ish Ki Khushi Ka Kuch Na Kuch Faidah Mil Gaya To Musalman Magar Iski Khushi Manaaye To Zaroor Sawaab Payega Lekin Ye Khayal Rahe Ke Jawan Aurato'n Ka Is Tarah Ghazle'n Padhna Ke Unki Aawaaz Ghair Mardo'n Ko Pohche Haraam Hai Kyunke Aurat Ki Aawaaz Ka Ghair Mardo'n Se Pardah Hai.
Isi Tarah Rabi-ul-Awwal Me'n Juloos Nikaalna Bahot Mubarak Kaam Hai Jab Huzoor AlaihisSalatu Wassalaam Madinah Munawwarah Me'n Hijrat Karke Tashreef Laaye To Madinah Paak Ke Jawan-O-Bacche Waha'n Ke Bazaro'n, Kucho'n Aur Galiyo'n Me'n Ya RasoolAllah Ke Naare Lagate Phirte The Aur Juloos Nikaale Gaye The.
(Muslim)
Aur Is Juloos Ke Zariah Se Wo Kuffaar Aur Dusri Qaume'n Bhi Huzoor AlaihisSalatu Wassalaam Ke Mubarak Haalaat Sun Lenge, Jo Islami Jalso'n Me'n Nahi Aate Unke Dilo'n Me'n Islam Ki Haibat Aur Baani-E-IsLaam Alaihissalam Ki Izzat Paida Hogi Magar Juloos Ke Aage Baaja Waghairah Ka Hona Ya Sath Me'n Aurato'n Ka Jana Haraam Hai.
Rajab Shareef
Is Mahinah Ki 22 Tareekh Ko U.P Me'n Kunde Hote Hain Yaani Naye Kunde Mangaye Jate Hain Aur Sawa Pao Maidah, Sawa Pao Shakar, Sawa Pao Ghee Ki Puriya'n Bana Kar Hazrat Imam Jafar Sadiq RadiyAllahu Ta'Aala Anhu Ki Fateha Karte Hain. Is Rasam Me'n Sirf 2-Kbarabiya'n Paida Kardi Gayi Hain. Ek To Ye Ke Fateha Dilane Walo'n Ka Aqeedah Ye Hogaya Hai Ke Agar Fateha Ke Awwal Lakdi Wale Ka Qissah Na Padha Jaye To Fateha Na Hogi Aur Ye Puriya'n Ghar Se Bahar Nahi Ja Sakti'n Aur Baghair Naye Kunde Ke Ye Fateha Nahi Ho Sakti. Ye Saare Khayal Ghalat Hain. Fateha Har Kunde Par Aur Har Bartan Me'n Hojayegi. Agar Sirf Zyada Safayi Ke Liye Naye Kunde Mangale'n To Harj Nahi. Dusri Fateha Ke Khano'n Ki Tarah Isko Bhi Bahar Bheja Ja Sakta Hai.
Rajabi Shareef Bhi Haqiqat Me'n Huzoor AlaihisSalatu Wassalaam Ki Meraaj Ki Khushi Hai Is Me'n Koyi Harj Nahi Magar Is Me'n Bhi Jawan Aurato'n Ko Ghazle'n Buland Aawaz Se Padhna Ke Jisse Bahar Aawaz Pohche, Haraam Hai.
Shab-E-BaRaat Ki Raat Bahot Mubarak Hai Is Raat Me'n Saal Bhar Me'n Hone Wale Saare Intazamaat Farishto'n Ke Supurd Kar Diye Jate Hain Ke Is Saal Me'n Falaa'n Falaa'n Ki Maut Hai, Falaa'n Falaa'n Jagah Itna Paani Barsa Diya Jayega, Falaa'n Ko Maal-Daar Aur Falaa'n Ko Gharib Banaya Jayega Aur Jo Is Raat Me'n Ibadat Karte Hain Unko Azaabe ILaahi Se Chutkara Yaani Rihayi Milti Hai. Isliye Is Raat Ka Naam Shab-E-BaRaat Hai Arbi Me'n Baraat Ke Maani Rihayi Aur Chutkara Hain Yaani Ye Raat Rihayi Ki Raat Hai.
QurAan Kareem Farmata Hai:
فیھا یفرق کل امر حکیم
(Tarjumah: Is Me'n Baant Diya Jata Hai Har Hikmat Wala Kaam)
Is Raat Ko Zam-Zam Ke Ku'nwe'n Me'n Paani Badhaya Jata Hai Is Raat Haq Ta'Aala Ki Rahmate'n Bahot Zyada Utarti Hain.
(Tafseer Ruhul Bayaan, Surah Dukhaan)
Is Raat Ko Gunah Me'n Guzarna Badi Mehrumi Ki Baat Hai Aatish Baazi Ke Muta'lliq Mash'hoor Ye Hai Ke Ye Namrood Badshah Ne Aejaad Ki Jabke Usne Hazrat Ibraheem Alaihissalam Ko Aag Me'n Daala Aur Aag Gulzaar Hogayi To Uske Aadmiyo'n Ne Aag Ke Anaar Bhar Kar Un Me'n Aag Laga Kar Hazrat Khailullah Alaihissalam Ki Taraf Phenke.
Kathiya_Waad Me'n Hindu Log Holi Aur Diwali Ke Mauqa Par Aatish_Baazi Chalate Hain. Hindustan Me'n Ye Rasam Musalmano'n Ne Hindu'o'n Se Sikhi. Magar Afsoos Ke Hindu To Isko Cchod Chuke Magar Musalman Ka Lakho'n Rupeya Salana Is Rasam Me'n Barbad Hojata Hai Aur Har Saal Khabre'n Aati Hain Ke Falaa'n Jagah Itne Ghar Aatish_Baazi Se Jal Gaye Aur Itne Aadmi Marjal Kar Margaye Is Me'n Jaan Ka Khatrah Aur Maal Ki Barbadi, Makano'n Me'n Aag Lagne Ka Andeshah Hai, Apne Maal Me'n Apne Hath Se Aag Lagana Aur Phir Khuda-E-Ta'Aala Ki Nafarmani Ka Wabaal Sar_Par Daalna Hai.
Khuda Ke Liye Is Behudah Aur Haraam Kaam Se Bacho. Apne Baccho'n Aur Qarabat_Daaro'n Ko Roko. Jaha'n Aawarah Bacche Ye Khel Khel Rahe Hon Waha'n Tamasha Dekhne Ke Liye Bhi Na Jao. Aatish_Baazi Banana, Uska Bechna, Uska Kharidna Aur Kharidwana Uska Chalana Ya Chalwana Sab Haraam Hai.
Ramadan Shareef
Ramadan Shareef Me'n Din Ko Sab Ke Saamne Khana Pina Sakht Gunah Aur Be-Hayayi Hai. Pehle Zamana Me'n Hindu Aur Dusre Kuffar Bhi Ramadan Me'n Bazaro'n Me'n Khane Pine Se Bachte The Ke Ye Musalmano'n Ke Roze Ka Zamana Hai Magar Jab Musalman Ne Khud Hi Is Mahinah Ka Adab Cchod Diya To Dusro'n Ki Shikayat Kya Hai.
Eid, Baqra_Eid
Eid, Baqra_Eid Bhi Ibadat Ka Din Hain, In Me'n Bhi Musalman Gunah Aur Be-Hayayi Karte Hain Agar Musalman Qaum Hisaab Lagaye To Hindustan Me'n Hazar_Ha Rupeya Rozana Cinemao'n Theatero'n Aur Dusri Ayyashi Me'n Kharch Ho Raha Hai. Agar Qaum Ka Ye Rupeya Bach Jaye Aur Kisi Qaumi Kaam Me'n Kharch Hoto Qaum Ke Gharib Log Pal Jaye'n Aur Musalmano'n Ke Din Badal Jaye'n Gharz Ke In Dino'n Me'n Ye Kaam Sakht Gunah Hain.
◆In Dino'n Ki Islami Rasme'n
In Mahino'n Me'n Kya Kaam Karna Chahiye'n Ye To Ham In Shaa Allah Is Kitaab Ke Aakhir Me'n Arz Karenge Kuch Zaruri Baate'n Yaha Batate Hain. Muharram Ki 10wi'n Tareekh Ko Haleem (Khichda) Karna Bahot Behtar Hai Kyunke Jab Hazrat Nuh Alaihissalam Is Din Apni Kashti Se Zameen Par Aaye To Koyi Ghallah Na Raha Tha Kashti Walo'n Ke Paas Jo Kuch Ghallah Ke Daane The Wo Sab Mila Kar Pakaye Gaye.
(Tafseer Ruhul Bayaan, Paara:12, Aayat Qissah Nuh)
Aur Hadees Shareef Me'n Aaya Hai Ke Jo Koyi Aashurah Ke Din Apne Ghar Khaane Me'n Us'at Kare Yaani Khoob Pakaye Aur Khilaye To Saal Bhar Uske Ghar Me'n Barkat Rahegi.
(Shaami)
Aur Khichde (Haleem) Me'n Har Khana Padta Hai Lihaza Ummeed Hai Ke Har Khaane Me'n Saal Bhar Tak Barkat Rahengi. Sadqah-O-Khairaat Kare, Apne Ghar Aur Muhallah Me'n Zikr Shahadate Imame Husain RadiyAllahu Ta'Aala Anhu Ki Majlis Kare, Jis Me'n Agar Rona Aaye To Aansuo'n Se Roye.
Kapde Phaadna, Maatam Karna, Muh Pitna, Soog Karna Haraam Hai. Rafziyo'n Ki Majliso'n Me'n Hargiz Na Jao Ke Waha'n Aksar Tabarra Hota Hai Yaani Sahaba Kiraam AlaihiMurRidwaan Ko Gaaliya'n Dete Hain.
Rabi-ul-Awwal Me'n Mahinah Bhar Tak Jab Chaho, Mehfile Milaad Shareef Karo Magar Uske Padhne Wale Ya Mard Hon Ya Choti Ladkiya'n Aur Agar Jawaan Ladkiya'n Aur Aurate'n Padhe'n To Itni Nichi Aawaaz Se Riwayate'n Padhe'n Ke Unki Aawaaz Bahar Na Jaye Aur Mehfile Milaad Shareef Me'n Roze, Namaz Aur Parde Waghairah Ke Ahkaam Bhi Sunaye Jaye'n Taake Naat Shareef Ke Sath Ahkaame IsLaam Ki Bhi Tableegh Ho Aur Jis Qadar Khushi Manao, Itr Malo, Ghulaab Chidko, Haar Phool Dalo Bahot Sawaab Hai. Huzoor AlaihisSalatu Wassalaam Ki Pai'da'ish Allah Ta'Aala Ki Rahmat Hai Aur Allah Ta'Aala Ki Rahmat Par Khushi Manana QurAane Kareem Ka Hukm Hai.
QurAan Shareef Farmata Hai:
قل بفضل اللہ و برحمته فبذلك فليفر حوا
Balke Har Khushi-O-Gham Ke Mauqa Par Milaad Shareef Karo. Shadi Biyah, Maut Bimari Har Waqt Unke Geet Gaao Kyunke
•Unke Nisaar Koyi Kaise Hi Ranj Me'n Ho•
•Jab Yaad Aagaye Hain Sab Gham Bhula Diye Hain•
Rajab Ke Mahinah Me'n 22-Tareekh Ko Kundo'n Ki Rasam Bahot Acchi Aur Barkat Wali Hai Magar Is Me'n Se Ye Qaid Nikaal Do Ke Fateha Ki Cheez Bahar Na Jaye Aur Lakdi Wale Ka Qissah Zaroor Padha Jaye.
Shabe Baraat Me'n Raat Bhar Jago Qabro'n Ki Ziyarat Karo, Raat Bhar Nafl Padho, Halwe Par Fateha Padh Kar Khairaat Karo Aur Baaqi Uske Ahkaam Aakhir Post Me'n Likhe Jayenge.
Ramadan Shareef Me'n Jo Koyi Kisi Uzr Ki Wajah Se Rozah Na Rakhe Wo Bhi Kisi Ke Saamne Na Khaye Piye. Chaar Wajah Se Rozah Muaf Hai.
Aurat Ko Haiz Ya Nifaas Aana, Aisi Bimari Jis Me'n Rozah Nuqsaan Kare, Safar Magar In Sab Surto'n Me'n Qaza Karni Padegi.
27we'n Ramdan Ghaliban Shab-E-Qadr Hai Is Raat Ko Ho Sake To Saari Raat Jaag Kar Ibadat Karo, Warna Sehri Kha Kar Phir Na So'o. Subah Tak QurAan Majeed Aur Nafl Padho. Ramadan Shareef Me'n Har Nek Kaam Ka Sawaab Sattar Guna Milta Hai Isliye Pura Maahe Ramadan QurAan Majeed Ki Tilawat Aur Nawafil Padhne Aur Sadqa-O-Khairaat Me'n Guzzar Do. Eid Ke Din Acche Kapde Pahenna, Ghusl Karna, Khushbu Malna Sunnat Hai. Ek Dusre Ko Mubarak Baad Do. Agar Tumhare Paas 56 Rupe Naqd Ya Is Qeemat Ka Koyi Tijarati Maal Ya Saadhe Bawan Taule Chandi Ya Saadhe Saat Taule Sona Hai Aur Qarz Waghairah Nahi Hai To Apni Taraf Se Apne Chote Baccho'n Ki Taraf Se Fitrah Ada Karo. Fitrah Khwah Ramadan Me'n Dedo, Ya Eid Ki Namaz Se Pehle Eid Ke Din Dedo. Fitrah Ek Shakhs Ki Taraf Se 175 Rupeya Uthni Bhar Gehu'n Ya Isse Dugna Jaw Ya Iski Qimat Ka Baajrah Chawal Waghairah Hai Phir Kuch Khurme Kha Kar Eid_Gah Jao. Rasta Me'n Ahista Ahista Takbeer Kehte Jao Ek Raste Se Wapas Aao Dusre Rasta Se.
Baqra_Eid Ke Din Ye Kaam Karo. Ghusl Karna, Kapde Badalna, Khushbu Lagana Magar Is Din Baghair Khaye Eid_Gah Jao. Rasta Me'n Buland Aawaaz Se Takbeer Kehte Huwe Jao Aur Agar Tumhare Paas Itna Maal Hai Jo Fitre Ke Liye Bayan Kiya Gaya To Ba'd Namaz Ke Apni Taraf Se Qurbani Karo. Yaad Rakho Ke Saal Bhar Me'n Paanch Din Rozah Rakhna Mana Hai. Ek Eid-ul-Fitr Ka Aur Chaar Din Baqra_Eid Ke Yaani 10wi'n, 11wi'n, 12wi'n, 13wi'n. Baaqi Ahkaam Ke Liye Bahare Shari'at Dekho. Fazool Kharchiyo'n Ko Band Karo Aur Isse Jo Paisa Bache Usse Apne Qarabat_Daaro'n Aur Mohalle Waalo'n Yateem Khaano'n Aur Deeni Madraso'n Ki Madad Karna Chahiye.
Yaqeen Jano Ke Muslim Qaum Ki Eid Jab Hi Hogi Jab Saari Qaum Khush_Haal, Hunar_Mand Aur Parhezgaar Ho. Agar Tum Ne Apne Baccho'n Ko Eid Ke Din Kapdo'n Se Laad Diya Lekin Tumhare Muslim Qaum Ke Gharib Bacche Is Din Dar Badar Bheek Maangte Phire To Samajh Lo Ke Ye Eid Qaum Ki Nahi.
Haq Ta'Aala Muslim Qaum Ko Sacchi Eid Naseeb Farma De.... Aameen
◆Murawajjah Rasme'n
Hamare Mulk Me'n In Mubarak Mahino'n Me'n Hasbe Zail Rasme'n Hoti Hain Moharram Ke Pehle 10-Din Aur Khas Kar 10we'n Moharram Yaani Aashora Ka Din Khel Kood , Tamasha Aur Melo'n Ka Zamana Samjha Gaya Hain Khathiya Waad Me'n Is Zamane Me'n Taziyadari Ke Sath Kutte, Gadhe ,Bandar Ki Surate Bana Kar Musalman Taziyo'n Ke Aage Koodte Huwe Nikalte Hain Aur Sabiliyo'n Ki khoob Zaiba'ish Karte Hain Aur Sharabe'n Pipi Kar Chaukaro'n Me'n Khade Ho Kar Matam Ke Bahane Se Koodte Huwe Nikalte Hain Aur U.p Me'n Musalman In 10-Dino'n Me'n Barabar Rafziyo'n Ki Majliso'n Me'n Marsiye Sunne Aur Mithayi Lene Pohach Jate Hain Phir 8wi'n Tareekh Ko Alam Aur 9wi'n Tareekh ko Taziyo'n Ki Ghasht Aur 10wi'n Ka Juloos Khud Bhi Nikaalte Hain Aur Rafziyo'n Ke Taziyo'n Ke Juloos Me'n Bhi Shirkat Karte Hai Ba'z Jahil Log Matam Bhi Karte Huwe Jate Hain. Phir 10wi'n Moharram Ko Taziyo'n Ka Teejah Aur 20-Saffar Ko Taziyo'n Ka 40wa'n Nikaala Jata Hai Jis Me'n Chand Tarah Ke Juloos Nikalte Hai Saffar Ke Aakhri Budh Ko Musalman Ke Ghar Puriya'n Pakayi Jati Hain Khushi Manayi Jati Hai Aur Kathiya_Waad Me'n Log Asar Ke Ba'd Sawab Ki Niyyat Se Jangal Me'n Tafreeh Karne Jate Hain Aur U.P Me'n Ba'z Jaga Is Din Purani Mitti Ke Bartan Phood Kar Naye Kharide Jate Hain. Ye Tamam Baate'n Isliye Hoti Hain Ke Musalman Me'n Mash'hoor Ye Hai Ke Aakhri Chahar Shamba Ko Nabi Kareem ﷺ Ne Ghusl Sihat Farmaya Aur Tafreeh Ke Liye Madinah Muwwarah Se Bahar Tashreef Le Gaye The.
Rabi-ul-Awwal Me'n Aam Musalman Mehfile Milaad Shareef Ki Majlise'n Karte Hain Jin Me'n Huzoor Anwar ﷺ Ki Pai'da'ishe Paak Ka Zikr Aur Qayaame Naat Khwani, Durood Shareef Ki Kasrat Hoti Hai Aur 12wi'n Rabi-ul-Awwal Ko Juloos Nikala Jata Hai Aur Rabi-ul-Aakhir Me'n 11wi'n Shareef Huzoor Ghause Paak RadiyAllahu Ta'Aala Anhu Ki Majlise'n Karte Hain Jis Me'n Huzoor Ghause Paak RadiyAllahu Ta'Aala Anhu Ke HaaLaat Padh Kar Saa'ma'een Ko Sunate Hain Aur Ba'd Fateha Shirni Taqseem Karte Hain Ya Musalmano'n Ko Khana Khilate Hain Magar Is Zamane Ke Muslim Numa Murtadeen Yaani Dev_Bandi, Wahabi In Paak Majliso'n Ko Bid'at Keh Kar Rokte Hain Chunanche Punjab Ke Aksar ILaqah Me'n Ye Rasme'n Bilkul Band Kar Di Gayi Hain.
Rajab Me'n 27 Tareekh Ko Musalman Eide Meraaj-un-Nabi Ki Taqreeb Me'n Jalse Karte Hain Jisko Rajabi Shareef Kehte Hai Ise Kuffar Rokte Hain Shabe Baraat Yaani 15wi'n Sha'baan Ko Musalman Bacche Is Qadar Aatish Baazi Chalate Hain Ke Rasta Chalna Mushkil Hota Hai Aur Bahot Jaga Isse Aag Lag Jati Hai.
Ramzan Shareef Me'n Ba'z Be-Ghairat Musalman Roza_Daaro'n Ke Samne Sare Bazaro'n Me'n Khate Peete Hain Balke Roti Ki Dukano'n Me'n Bhi Parda Daal Kar Khate Hain, Eid Aur Baqra_Eid Ki Namaz Padh Kar Saara Din Khel Kood Me'n Guzarte Hain Aur Shehro'n Me'n In Dino'n Me'n Eid Baqra_Eid Ki Khushi Me'n Cinema Ke Chaar Chaar Show Hote Hain. Cinema Ke Haal Musalmano'n Se Kacha Khach Bhare Rehte Hain. Aur Jinki Nayi Shadi Ho Wo Pehli Eid Zaroor Sasuraal Me'n Karte Hain Aur Jin Ladko'n Ki Mangni Hogayi Hai Unke Ghar Se Dulhan Ke Ghar Joda Jana Zaruri Hai.
Allah Kareem Aise Bekaar Ki Rasmo'n se Ham SabKo Bachaye...Aameen
◆ In Rasumo'n Ki Kharabiya'n
Muharram-ul-Haram
Muharram Ka Mahinah Nihayat Mubarak Hai. Khaas Kar Aashurah Ka Din Bahot Mubarak Hai Ke 10wi'n Muharram JumuAh Ke Din Hazrat Nuh Alaihissalam Kashti Se Zameen Par Tashreef Laaye Aur Isi Tareekh Aur Isi Din Hazrat Musa Alaihissalam Ne Firon Se Najaat Paayi Aur Firon Gharq Huwa. Isi Din Aur Isi Tareekh Me'n Sayyadush_Shohda Imame Husain RadiyAllahu Ta'Aala Anhu Ne Karbala Ke Maidaan Me'n Shahadat Paayi Aur Isi JumuAh Ka Din Aur Ghaliban Isi 10wi'n Muharram Ko Qayamat Aayegi. Gharz Ke JumuAh Ka Din Aur 10wi'n Muharram Bahot Mubarak Din Hai. Islam Me'n Sab Se Pehle Sirf Aashurah Ka Roza Farz Huwa. Phir Ramzan Shareef Ke Rozo'n Se Is Roze Ki Farziyat To Mansookh Hogayi Magar Is Din Ka Rozah Ab Bhi Sunnat Hai. Lihaza In Dino'n Me'n Jis Tarah Nek Kaam Karne Ka Sawab Zyada Hai Isi Tarah Gunah Karne Ka Azaab Bhi Zyada.
Taaziyah_Daari Aur Alam Nikaalna, Koodna, Naachana Ye Wo Kaam Hain Jo Yazeed Logo'n Ne Kiye The Ke Imame Husain-O-Digar Shoda-E-Karbala RadiyAllahu Ta'Aala Anhum Ajma'een Ke Sar Nezo'n Par Rakh Kar Unke Aage Koodte Naachte Khushiya'n Manaate Huwe Karbala Se Kufa Aur Kufa Se Dimishq Yazeed Paleed Ke Paas Le Gaye. Baaqi Ahle_Bait Ne Na Khabhi Taaziyah_Daari Ki Aur Na Alam Nikaale, Na sine Kote, Na Maatam Kiye.
Lihaza Aye Musalmano'n! In Mubarak Dino'n Me'n Ye Kaam Hargiz Na Karo, Warna Sakht Gunehgar Hoge. Khud Bhi In Jalso'n Aur Maatam Me'n Shareek Na Ho Aur Apne Baccho'n Apni Biwiyo'n Dosto Ko Bhi Roko.
Raafziyo'n Ki Majlis Me'n Hargiz Shirkat Na Karo, Balke Khud Apni Sunniyo'n Ki Majlise'n Karo Jis Me'n Shahadat Ke Sacche Waqi'aat Bayan Hon.
Aakhri Chahar Shamba Maahe Safar Ke Muta'lliq Jo Riwayat Mash'hoor Hai Ke Huzoor Alaihissalam Ne Is Tareekh Me'n Ghusle Sihat Farmaya Wo Mahez Ghalat Hai. 27/Safar Ko Marz Shareef Yaani Darde Sir Aur Bukhar Shuru Huwa Aur 12wi'n Rabi-ul-Awwal Do Shamba Ke Din Wafaat Hogayi Darmiyan Me'n Sihat Nahi Huwi.
Fateha QurAan Khwani Jab Bhi Karo, Harj Nahi Magar Ghade Bartan PhoodNa Maal Ka Barbaad Karna Hai Jo Haraam Hai.
Rabi-ul-Awwal Me'n Mehfile Milaad Shareef Aur Rab-ul-Saani Me'n Majlis 11wi'n Shareef Bahot Majlise'n Hain Unko Band Karna Bahot NaaDaani Hai. Tafsire Ruhul Bayan Me'n Hai Ke Mehfile Milaad Shareef Ki Barkat Saal Bhar Tak Ghar Me'n Rehti Hai Is Ke Liye Hamari Kitaab Jaal Haque Dekho. In Majliso'n Ki Waja Se Musalmano'n Ko Nasihat Karne Ka Mauqa Mil Jata Hai Aur Musalmano'n Me'n Huzoor Alaihissalam Ki Mohabbat Paida Hoti Hai, Jo Eemaan Ki Jad Hai Bukhari Shareef Me'n Hai Ke Abu Lahab Ne Huzoor Alaihissalam Ke Paida Hone Ki Khushi Me'n Apni Londi Suwaibah Ko Aazaad Kiya Tha. Uske Karne Ke Ba'd Usko Kisi Ne Khwab Me'n Dekha. Pucha, Tera Haal Kya Hai? Usne Kaha, Haal To Bahot Kharab Hai Magar Somwar(Peer) Ke Din Azaab Me'n Kami Hojati Hai Kyunke Me'n Ne Huzoor Alaihissalam Ke Paida Hone Ki Khushi Ki Thi. Jab Kafir Abu_Lahab Ko Huzoor AlaihisSalatu Wassalaam Ki Pai'da'ish Ki Khushi Ka Kuch Na Kuch Faidah Mil Gaya To Musalman Magar Iski Khushi Manaaye To Zaroor Sawaab Payega Lekin Ye Khayal Rahe Ke Jawan Aurato'n Ka Is Tarah Ghazle'n Padhna Ke Unki Aawaaz Ghair Mardo'n Ko Pohche Haraam Hai Kyunke Aurat Ki Aawaaz Ka Ghair Mardo'n Se Pardah Hai.
Isi Tarah Rabi-ul-Awwal Me'n Juloos Nikaalna Bahot Mubarak Kaam Hai Jab Huzoor AlaihisSalatu Wassalaam Madinah Munawwarah Me'n Hijrat Karke Tashreef Laaye To Madinah Paak Ke Jawan-O-Bacche Waha'n Ke Bazaro'n, Kucho'n Aur Galiyo'n Me'n Ya RasoolAllah Ke Naare Lagate Phirte The Aur Juloos Nikaale Gaye The.
(Muslim)
Aur Is Juloos Ke Zariah Se Wo Kuffaar Aur Dusri Qaume'n Bhi Huzoor AlaihisSalatu Wassalaam Ke Mubarak Haalaat Sun Lenge, Jo Islami Jalso'n Me'n Nahi Aate Unke Dilo'n Me'n Islam Ki Haibat Aur Baani-E-IsLaam Alaihissalam Ki Izzat Paida Hogi Magar Juloos Ke Aage Baaja Waghairah Ka Hona Ya Sath Me'n Aurato'n Ka Jana Haraam Hai.
Rajab Shareef
Is Mahinah Ki 22 Tareekh Ko U.P Me'n Kunde Hote Hain Yaani Naye Kunde Mangaye Jate Hain Aur Sawa Pao Maidah, Sawa Pao Shakar, Sawa Pao Ghee Ki Puriya'n Bana Kar Hazrat Imam Jafar Sadiq RadiyAllahu Ta'Aala Anhu Ki Fateha Karte Hain. Is Rasam Me'n Sirf 2-Kbarabiya'n Paida Kardi Gayi Hain. Ek To Ye Ke Fateha Dilane Walo'n Ka Aqeedah Ye Hogaya Hai Ke Agar Fateha Ke Awwal Lakdi Wale Ka Qissah Na Padha Jaye To Fateha Na Hogi Aur Ye Puriya'n Ghar Se Bahar Nahi Ja Sakti'n Aur Baghair Naye Kunde Ke Ye Fateha Nahi Ho Sakti. Ye Saare Khayal Ghalat Hain. Fateha Har Kunde Par Aur Har Bartan Me'n Hojayegi. Agar Sirf Zyada Safayi Ke Liye Naye Kunde Mangale'n To Harj Nahi. Dusri Fateha Ke Khano'n Ki Tarah Isko Bhi Bahar Bheja Ja Sakta Hai.
Rajabi Shareef Bhi Haqiqat Me'n Huzoor AlaihisSalatu Wassalaam Ki Meraaj Ki Khushi Hai Is Me'n Koyi Harj Nahi Magar Is Me'n Bhi Jawan Aurato'n Ko Ghazle'n Buland Aawaz Se Padhna Ke Jisse Bahar Aawaz Pohche, Haraam Hai.
Shab-E-BaRaat Ki Raat Bahot Mubarak Hai Is Raat Me'n Saal Bhar Me'n Hone Wale Saare Intazamaat Farishto'n Ke Supurd Kar Diye Jate Hain Ke Is Saal Me'n Falaa'n Falaa'n Ki Maut Hai, Falaa'n Falaa'n Jagah Itna Paani Barsa Diya Jayega, Falaa'n Ko Maal-Daar Aur Falaa'n Ko Gharib Banaya Jayega Aur Jo Is Raat Me'n Ibadat Karte Hain Unko Azaabe ILaahi Se Chutkara Yaani Rihayi Milti Hai. Isliye Is Raat Ka Naam Shab-E-BaRaat Hai Arbi Me'n Baraat Ke Maani Rihayi Aur Chutkara Hain Yaani Ye Raat Rihayi Ki Raat Hai.
QurAan Kareem Farmata Hai:
فیھا یفرق کل امر حکیم
(Tarjumah: Is Me'n Baant Diya Jata Hai Har Hikmat Wala Kaam)
Is Raat Ko Zam-Zam Ke Ku'nwe'n Me'n Paani Badhaya Jata Hai Is Raat Haq Ta'Aala Ki Rahmate'n Bahot Zyada Utarti Hain.
(Tafseer Ruhul Bayaan, Surah Dukhaan)
Is Raat Ko Gunah Me'n Guzarna Badi Mehrumi Ki Baat Hai Aatish Baazi Ke Muta'lliq Mash'hoor Ye Hai Ke Ye Namrood Badshah Ne Aejaad Ki Jabke Usne Hazrat Ibraheem Alaihissalam Ko Aag Me'n Daala Aur Aag Gulzaar Hogayi To Uske Aadmiyo'n Ne Aag Ke Anaar Bhar Kar Un Me'n Aag Laga Kar Hazrat Khailullah Alaihissalam Ki Taraf Phenke.
Kathiya_Waad Me'n Hindu Log Holi Aur Diwali Ke Mauqa Par Aatish_Baazi Chalate Hain. Hindustan Me'n Ye Rasam Musalmano'n Ne Hindu'o'n Se Sikhi. Magar Afsoos Ke Hindu To Isko Cchod Chuke Magar Musalman Ka Lakho'n Rupeya Salana Is Rasam Me'n Barbad Hojata Hai Aur Har Saal Khabre'n Aati Hain Ke Falaa'n Jagah Itne Ghar Aatish_Baazi Se Jal Gaye Aur Itne Aadmi Marjal Kar Margaye Is Me'n Jaan Ka Khatrah Aur Maal Ki Barbadi, Makano'n Me'n Aag Lagne Ka Andeshah Hai, Apne Maal Me'n Apne Hath Se Aag Lagana Aur Phir Khuda-E-Ta'Aala Ki Nafarmani Ka Wabaal Sar_Par Daalna Hai.
Khuda Ke Liye Is Behudah Aur Haraam Kaam Se Bacho. Apne Baccho'n Aur Qarabat_Daaro'n Ko Roko. Jaha'n Aawarah Bacche Ye Khel Khel Rahe Hon Waha'n Tamasha Dekhne Ke Liye Bhi Na Jao. Aatish_Baazi Banana, Uska Bechna, Uska Kharidna Aur Kharidwana Uska Chalana Ya Chalwana Sab Haraam Hai.
Ramadan Shareef
Ramadan Shareef Me'n Din Ko Sab Ke Saamne Khana Pina Sakht Gunah Aur Be-Hayayi Hai. Pehle Zamana Me'n Hindu Aur Dusre Kuffar Bhi Ramadan Me'n Bazaro'n Me'n Khane Pine Se Bachte The Ke Ye Musalmano'n Ke Roze Ka Zamana Hai Magar Jab Musalman Ne Khud Hi Is Mahinah Ka Adab Cchod Diya To Dusro'n Ki Shikayat Kya Hai.
Eid, Baqra_Eid
Eid, Baqra_Eid Bhi Ibadat Ka Din Hain, In Me'n Bhi Musalman Gunah Aur Be-Hayayi Karte Hain Agar Musalman Qaum Hisaab Lagaye To Hindustan Me'n Hazar_Ha Rupeya Rozana Cinemao'n Theatero'n Aur Dusri Ayyashi Me'n Kharch Ho Raha Hai. Agar Qaum Ka Ye Rupeya Bach Jaye Aur Kisi Qaumi Kaam Me'n Kharch Hoto Qaum Ke Gharib Log Pal Jaye'n Aur Musalmano'n Ke Din Badal Jaye'n Gharz Ke In Dino'n Me'n Ye Kaam Sakht Gunah Hain.
◆In Dino'n Ki Islami Rasme'n
In Mahino'n Me'n Kya Kaam Karna Chahiye'n Ye To Ham In Shaa Allah Is Kitaab Ke Aakhir Me'n Arz Karenge Kuch Zaruri Baate'n Yaha Batate Hain. Muharram Ki 10wi'n Tareekh Ko Haleem (Khichda) Karna Bahot Behtar Hai Kyunke Jab Hazrat Nuh Alaihissalam Is Din Apni Kashti Se Zameen Par Aaye To Koyi Ghallah Na Raha Tha Kashti Walo'n Ke Paas Jo Kuch Ghallah Ke Daane The Wo Sab Mila Kar Pakaye Gaye.
(Tafseer Ruhul Bayaan, Paara:12, Aayat Qissah Nuh)
Aur Hadees Shareef Me'n Aaya Hai Ke Jo Koyi Aashurah Ke Din Apne Ghar Khaane Me'n Us'at Kare Yaani Khoob Pakaye Aur Khilaye To Saal Bhar Uske Ghar Me'n Barkat Rahegi.
(Shaami)
Aur Khichde (Haleem) Me'n Har Khana Padta Hai Lihaza Ummeed Hai Ke Har Khaane Me'n Saal Bhar Tak Barkat Rahengi. Sadqah-O-Khairaat Kare, Apne Ghar Aur Muhallah Me'n Zikr Shahadate Imame Husain RadiyAllahu Ta'Aala Anhu Ki Majlis Kare, Jis Me'n Agar Rona Aaye To Aansuo'n Se Roye.
Kapde Phaadna, Maatam Karna, Muh Pitna, Soog Karna Haraam Hai. Rafziyo'n Ki Majliso'n Me'n Hargiz Na Jao Ke Waha'n Aksar Tabarra Hota Hai Yaani Sahaba Kiraam AlaihiMurRidwaan Ko Gaaliya'n Dete Hain.
Rabi-ul-Awwal Me'n Mahinah Bhar Tak Jab Chaho, Mehfile Milaad Shareef Karo Magar Uske Padhne Wale Ya Mard Hon Ya Choti Ladkiya'n Aur Agar Jawaan Ladkiya'n Aur Aurate'n Padhe'n To Itni Nichi Aawaaz Se Riwayate'n Padhe'n Ke Unki Aawaaz Bahar Na Jaye Aur Mehfile Milaad Shareef Me'n Roze, Namaz Aur Parde Waghairah Ke Ahkaam Bhi Sunaye Jaye'n Taake Naat Shareef Ke Sath Ahkaame IsLaam Ki Bhi Tableegh Ho Aur Jis Qadar Khushi Manao, Itr Malo, Ghulaab Chidko, Haar Phool Dalo Bahot Sawaab Hai. Huzoor AlaihisSalatu Wassalaam Ki Pai'da'ish Allah Ta'Aala Ki Rahmat Hai Aur Allah Ta'Aala Ki Rahmat Par Khushi Manana QurAane Kareem Ka Hukm Hai.
QurAan Shareef Farmata Hai:
قل بفضل اللہ و برحمته فبذلك فليفر حوا
Balke Har Khushi-O-Gham Ke Mauqa Par Milaad Shareef Karo. Shadi Biyah, Maut Bimari Har Waqt Unke Geet Gaao Kyunke
•Unke Nisaar Koyi Kaise Hi Ranj Me'n Ho•
•Jab Yaad Aagaye Hain Sab Gham Bhula Diye Hain•
Rajab Ke Mahinah Me'n 22-Tareekh Ko Kundo'n Ki Rasam Bahot Acchi Aur Barkat Wali Hai Magar Is Me'n Se Ye Qaid Nikaal Do Ke Fateha Ki Cheez Bahar Na Jaye Aur Lakdi Wale Ka Qissah Zaroor Padha Jaye.
Shabe Baraat Me'n Raat Bhar Jago Qabro'n Ki Ziyarat Karo, Raat Bhar Nafl Padho, Halwe Par Fateha Padh Kar Khairaat Karo Aur Baaqi Uske Ahkaam Aakhir Post Me'n Likhe Jayenge.
Ramadan Shareef Me'n Jo Koyi Kisi Uzr Ki Wajah Se Rozah Na Rakhe Wo Bhi Kisi Ke Saamne Na Khaye Piye. Chaar Wajah Se Rozah Muaf Hai.
Aurat Ko Haiz Ya Nifaas Aana, Aisi Bimari Jis Me'n Rozah Nuqsaan Kare, Safar Magar In Sab Surto'n Me'n Qaza Karni Padegi.
27we'n Ramdan Ghaliban Shab-E-Qadr Hai Is Raat Ko Ho Sake To Saari Raat Jaag Kar Ibadat Karo, Warna Sehri Kha Kar Phir Na So'o. Subah Tak QurAan Majeed Aur Nafl Padho. Ramadan Shareef Me'n Har Nek Kaam Ka Sawaab Sattar Guna Milta Hai Isliye Pura Maahe Ramadan QurAan Majeed Ki Tilawat Aur Nawafil Padhne Aur Sadqa-O-Khairaat Me'n Guzzar Do. Eid Ke Din Acche Kapde Pahenna, Ghusl Karna, Khushbu Malna Sunnat Hai. Ek Dusre Ko Mubarak Baad Do. Agar Tumhare Paas 56 Rupe Naqd Ya Is Qeemat Ka Koyi Tijarati Maal Ya Saadhe Bawan Taule Chandi Ya Saadhe Saat Taule Sona Hai Aur Qarz Waghairah Nahi Hai To Apni Taraf Se Apne Chote Baccho'n Ki Taraf Se Fitrah Ada Karo. Fitrah Khwah Ramadan Me'n Dedo, Ya Eid Ki Namaz Se Pehle Eid Ke Din Dedo. Fitrah Ek Shakhs Ki Taraf Se 175 Rupeya Uthni Bhar Gehu'n Ya Isse Dugna Jaw Ya Iski Qimat Ka Baajrah Chawal Waghairah Hai Phir Kuch Khurme Kha Kar Eid_Gah Jao. Rasta Me'n Ahista Ahista Takbeer Kehte Jao Ek Raste Se Wapas Aao Dusre Rasta Se.
Baqra_Eid Ke Din Ye Kaam Karo. Ghusl Karna, Kapde Badalna, Khushbu Lagana Magar Is Din Baghair Khaye Eid_Gah Jao. Rasta Me'n Buland Aawaaz Se Takbeer Kehte Huwe Jao Aur Agar Tumhare Paas Itna Maal Hai Jo Fitre Ke Liye Bayan Kiya Gaya To Ba'd Namaz Ke Apni Taraf Se Qurbani Karo. Yaad Rakho Ke Saal Bhar Me'n Paanch Din Rozah Rakhna Mana Hai. Ek Eid-ul-Fitr Ka Aur Chaar Din Baqra_Eid Ke Yaani 10wi'n, 11wi'n, 12wi'n, 13wi'n. Baaqi Ahkaam Ke Liye Bahare Shari'at Dekho. Fazool Kharchiyo'n Ko Band Karo Aur Isse Jo Paisa Bache Usse Apne Qarabat_Daaro'n Aur Mohalle Waalo'n Yateem Khaano'n Aur Deeni Madraso'n Ki Madad Karna Chahiye.
Yaqeen Jano Ke Muslim Qaum Ki Eid Jab Hi Hogi Jab Saari Qaum Khush_Haal, Hunar_Mand Aur Parhezgaar Ho. Agar Tum Ne Apne Baccho'n Ko Eid Ke Din Kapdo'n Se Laad Diya Lekin Tumhare Muslim Qaum Ke Gharib Bacche Is Din Dar Badar Bheek Maangte Phire To Samajh Lo Ke Ye Eid Qaum Ki Nahi.
Haq Ta'Aala Muslim Qaum Ko Sacchi Eid Naseeb Farma De.... Aameen