◆Hidayat
Nikah Ke Ba'd Kabhi Shauhar Biwi Me'n Naa-Ittafaqi Hojati Hai Jiski Waja Se Shauhar Aurat Ki Surat Se Bezaar Hota Hai Aur Aurat Shauhar Ke Naam Se Ghabrati Hai Jis Me'n Kabhi To Aurat Ka Qusoor Hota Hai Kabhi Mard Ka. Mard To Dusra Nikah Kar Leta Hai Aur Apni Zindagi Aaram Se Guzarta Hai. Magar Bechari Aurat Hi Nahi Balke Uske Mayke Walo'n Ki Zindagi Talkh Hojati Hai. Jiska Din Raat Tajruba Ho Raha Hai Ladki Wale Ro Rahe Hai. Kabhi Mard Ghayeb Ya Diwana Pagal Hojata Hai Jiski Talaaq Ka SharAn Aetabar Nahi. Ab Aurat Be-Bas Hai.
Ghair Muslim Qaume'n Musalmano'n Par Ta'an Deti Hain Ke IsLam Me'n Aurato'n Par Zulm Aur Mardo'n Ko Be-Jaa Aazadi Hai.. Iska ILaaj Aurato'n Ne To Ye Socha Ke Wo Mard Se Talaaq Haasil Karne Ke Liye Murtad Hone Lage'n. Yaani Kuch Rooz Ke Liye Isayi Ya Aarya Waghairah Ban Gaye'n Phir Dubara IsLam Lakar Dusre Nikah Me'n Chali Gayi'n.. Ye ILaaj Khatarnaak Hai Aur Ghalat Bhi Kyunke Isme Qaume Muslim Ke Daaman Par Nihayat Bad-Numa Dhabba Lagta Hai Aur Bohat Si Aurate'n Phir Islam Me'n Wapas Nahi Aaye'n Jiski Misale'n Mere Samne Maujood Hain.
Nez Aurat Be-Eemaan Ban Jane Se Pehla Nikah Tuta Bhi Nahi Balke Qaayim Rehta Hai Ba'z Leaderane Qaum Ne Iska Ye ILaaj Socha Ke Faskh Nikah Ka Qanoon Banwa Diya Lekin Is Qanoon Se Bhi Shar'An Nikah Nahi Totta. Talaaq Shauhar De Tab Hi Ho Sakti Hai Ba'z Aqalmand Logo'n Ne Ye Tadbeer Sochi Ke Bade Bade Maher Bandhwaye'n 50,000 , 100,000 Rupeya Ya Apni Ladkiyo'n Ke Naam Dulha Se Makaan Ya Jayedaad Likhwaye
Magar Ye Bhi Mufeed Saabit Na Huwa. Kyunke Itne Bade Maher Ke Wasool Karne Ke Liye Aurat Ke Paas Kaafi Rupeya Chahiye Aur Bahot Dafa Aisa Huwa Ke Muqaddama Chala, Shauhar Ne Adaye Maher Ke Jhute Gawah Khade Kar Diye Ke Me'n Ne Maher De Diya Hai Ya Usne Muaf Kar Diya Hai. Iski Bhi Misale'n Maujood Hain. Agar Koyi Makaan Waghairah Naam Kara Liya To Bhi Bekaar Kyunke Jab Mard Aurat Se Aankh Pher Leta Hai To Phir Makaan Ya Thodi Zameen Ki Parwah Nahi karta Agar Wo Makaan Chod Bethe To Kya Aurat Makaan Chaategi. Aise Hi Shauhar Se Kuch Mah waar Tankhwah Likhwayi To Awwalan To Wasool Karna Mushkil Agar Shauhar Ghayeb Hogaya Wo Ghareeb Aadmi Hai To Kis Tarah Ada Kare Aur Tankhwa Milti Rahi To Jawani Ki Umar Kyunker Guzare. Dosto Ye Saare ILaaj Ghalat Hain. Iska Sirf Ek ILaaj Hai Wo Ye Ke Nikah Ke Waqt KaaBain Naama Shuahar Se Likhwa Liya Jaye KaaBain Naama Ye Hai Ke Ek Tehreer Likhi Jaye Jis Me'n Shauhar Ki Taraf Se Likha Ho Ke Agar Me'n Laapata Ho Jao'n Ya Is Biwi Ki Maujoodgi Me'n Dusra Nikah Karke Is Par Zulm Karu'n Ya Uske Huqooqe Shara'ee Ada Na Karu'n Waghairah Waghairah To Is Aurat Ko Talaaqe Baayinah Lene Ka Haq Hai Lekin Ye Tehreer Nikah Ke Aejaab-O-Qubool Ke Ba'd Karayi Jaye Ya Nikah Khwa'n Qaazi Aejaab To Mard Ki Taraf Se Kare Aur Aurat Is Shart Par Qubool Kare Ke Mujhko Falaa'n Falaa'n Surat Me'n Talaaq Lene Ka Haq Hoga Aur Mukhtaar Phir In Shaa Allah Shauhar Kisi Qism Ki Bad_Suluki Na Kar Sakega Aur Agar Kare To Aurat Khud Talaaq Lekar Mard Se Aazaad Hosakegi. Is Me'n Shar'An Kuch Harj Nahi Aur Ye ILaaj Bahot Mufeed Saabit Hoga. Isse Ye Maqsood Nahi Hai Ke Musalmano'n Ke Ghar Bigde'n Balke Me'n Ye Chahta Hu'n Ke Bigadne Se Bache'n Mard Is Dar Se Aurato'n Ke Sath Bad_Suluki Karne Se Baaz Rahe'n. Punjab Aur Kathiya_Waad Me'n Talaaq Ka Bahot Riwaj Hai Mamuli Si Baato'n Par Teen Talaqe'n De Dete Hain Aur Hindu Muharriro'n Se Talaaq Naama Likhwate Hain. Jo Islami Masayil Se Bilkul Jaahil Hain. Phir Ba'd Me'n Pachta Kar Mufti Sahab Ke Paas Rote Huwe Aate Hain Ke Molvi Sahab Khuda Ke Liye Koyi Surath Nikalo Ke Meri Biwi Phir Nikah Me'n Aajaye.
(Musannif) Me'n Chunke Fatwa'o'n Ka Kaam Karta Hu'n Isliye Mujhe In Waqi'aat Se Bahot Sabiqa Padta Rehta Hai. Phir Bahana Ye Batate Hain Ke Gussah Me'n Aagaya Hogaya.
Dosto ! Talaaq Gussah Me'n Hi Di Jati Hai Khushi Me'n Kon Deta Hai.
Phir Ye Hulyah Karte Hain Ke Wahabiyo'n Se Mas'alah Likhwate Hain Ke Ek Dam Teen Talaqe'n Ek Hoti Hai. Is Me'n Ruju Jaaiz Hai.
Dosto ! Ye Hulyah Bahana Be-Kaar Hai. Agar Tum Wahabi Kya Isayi Aarya Se Bhi Likhwa'o Ke Talaaq Na Huwi, Kya Isse Shara'ee Hukm Badal Jayega Hargiz Nahi.
(Iski Tehqeeq Ke Talaaqe'n Ek Hoti Hai Ya Nahi Hamare (Musannif Ke ) Fatawa Me'n Dekho, Jis Me'n Is Mas'alah Ki Puri Tehqeeq Kardi Gayi Hai Aur Muslim Shareef Ki Hadees Se Jo Dhoka Diya Jata Hai Usko Bhi Saaf Kar Diya Gaya Hai)
Lihaza Mera (Musannif Ka ) Mashwarah Ye Hai Ke Awwal Talaaq Ka Naam Hi Na Lo Ye Bahot Buri Cheez Hai.
ابغض المباحات الطلاق
Agar Aisa Karna Hi Hoto Sirf Ek Talaaq Do. Taake Agar Ba'd Ko Aur Dubara Nikah Ki Gunja'ish Rahe Aur Hamesha Talaaq Naama Musalman Waaqif Ka Muharrir Ya Kisi Aalime Deen Ki Raay Se Likhwa'o.
Nikah Ke Ba'd Kabhi Shauhar Biwi Me'n Naa-Ittafaqi Hojati Hai Jiski Waja Se Shauhar Aurat Ki Surat Se Bezaar Hota Hai Aur Aurat Shauhar Ke Naam Se Ghabrati Hai Jis Me'n Kabhi To Aurat Ka Qusoor Hota Hai Kabhi Mard Ka. Mard To Dusra Nikah Kar Leta Hai Aur Apni Zindagi Aaram Se Guzarta Hai. Magar Bechari Aurat Hi Nahi Balke Uske Mayke Walo'n Ki Zindagi Talkh Hojati Hai. Jiska Din Raat Tajruba Ho Raha Hai Ladki Wale Ro Rahe Hai. Kabhi Mard Ghayeb Ya Diwana Pagal Hojata Hai Jiski Talaaq Ka SharAn Aetabar Nahi. Ab Aurat Be-Bas Hai.
Ghair Muslim Qaume'n Musalmano'n Par Ta'an Deti Hain Ke IsLam Me'n Aurato'n Par Zulm Aur Mardo'n Ko Be-Jaa Aazadi Hai.. Iska ILaaj Aurato'n Ne To Ye Socha Ke Wo Mard Se Talaaq Haasil Karne Ke Liye Murtad Hone Lage'n. Yaani Kuch Rooz Ke Liye Isayi Ya Aarya Waghairah Ban Gaye'n Phir Dubara IsLam Lakar Dusre Nikah Me'n Chali Gayi'n.. Ye ILaaj Khatarnaak Hai Aur Ghalat Bhi Kyunke Isme Qaume Muslim Ke Daaman Par Nihayat Bad-Numa Dhabba Lagta Hai Aur Bohat Si Aurate'n Phir Islam Me'n Wapas Nahi Aaye'n Jiski Misale'n Mere Samne Maujood Hain.
Nez Aurat Be-Eemaan Ban Jane Se Pehla Nikah Tuta Bhi Nahi Balke Qaayim Rehta Hai Ba'z Leaderane Qaum Ne Iska Ye ILaaj Socha Ke Faskh Nikah Ka Qanoon Banwa Diya Lekin Is Qanoon Se Bhi Shar'An Nikah Nahi Totta. Talaaq Shauhar De Tab Hi Ho Sakti Hai Ba'z Aqalmand Logo'n Ne Ye Tadbeer Sochi Ke Bade Bade Maher Bandhwaye'n 50,000 , 100,000 Rupeya Ya Apni Ladkiyo'n Ke Naam Dulha Se Makaan Ya Jayedaad Likhwaye
Magar Ye Bhi Mufeed Saabit Na Huwa. Kyunke Itne Bade Maher Ke Wasool Karne Ke Liye Aurat Ke Paas Kaafi Rupeya Chahiye Aur Bahot Dafa Aisa Huwa Ke Muqaddama Chala, Shauhar Ne Adaye Maher Ke Jhute Gawah Khade Kar Diye Ke Me'n Ne Maher De Diya Hai Ya Usne Muaf Kar Diya Hai. Iski Bhi Misale'n Maujood Hain. Agar Koyi Makaan Waghairah Naam Kara Liya To Bhi Bekaar Kyunke Jab Mard Aurat Se Aankh Pher Leta Hai To Phir Makaan Ya Thodi Zameen Ki Parwah Nahi karta Agar Wo Makaan Chod Bethe To Kya Aurat Makaan Chaategi. Aise Hi Shauhar Se Kuch Mah waar Tankhwah Likhwayi To Awwalan To Wasool Karna Mushkil Agar Shauhar Ghayeb Hogaya Wo Ghareeb Aadmi Hai To Kis Tarah Ada Kare Aur Tankhwa Milti Rahi To Jawani Ki Umar Kyunker Guzare. Dosto Ye Saare ILaaj Ghalat Hain. Iska Sirf Ek ILaaj Hai Wo Ye Ke Nikah Ke Waqt KaaBain Naama Shuahar Se Likhwa Liya Jaye KaaBain Naama Ye Hai Ke Ek Tehreer Likhi Jaye Jis Me'n Shauhar Ki Taraf Se Likha Ho Ke Agar Me'n Laapata Ho Jao'n Ya Is Biwi Ki Maujoodgi Me'n Dusra Nikah Karke Is Par Zulm Karu'n Ya Uske Huqooqe Shara'ee Ada Na Karu'n Waghairah Waghairah To Is Aurat Ko Talaaqe Baayinah Lene Ka Haq Hai Lekin Ye Tehreer Nikah Ke Aejaab-O-Qubool Ke Ba'd Karayi Jaye Ya Nikah Khwa'n Qaazi Aejaab To Mard Ki Taraf Se Kare Aur Aurat Is Shart Par Qubool Kare Ke Mujhko Falaa'n Falaa'n Surat Me'n Talaaq Lene Ka Haq Hoga Aur Mukhtaar Phir In Shaa Allah Shauhar Kisi Qism Ki Bad_Suluki Na Kar Sakega Aur Agar Kare To Aurat Khud Talaaq Lekar Mard Se Aazaad Hosakegi. Is Me'n Shar'An Kuch Harj Nahi Aur Ye ILaaj Bahot Mufeed Saabit Hoga. Isse Ye Maqsood Nahi Hai Ke Musalmano'n Ke Ghar Bigde'n Balke Me'n Ye Chahta Hu'n Ke Bigadne Se Bache'n Mard Is Dar Se Aurato'n Ke Sath Bad_Suluki Karne Se Baaz Rahe'n. Punjab Aur Kathiya_Waad Me'n Talaaq Ka Bahot Riwaj Hai Mamuli Si Baato'n Par Teen Talaqe'n De Dete Hain Aur Hindu Muharriro'n Se Talaaq Naama Likhwate Hain. Jo Islami Masayil Se Bilkul Jaahil Hain. Phir Ba'd Me'n Pachta Kar Mufti Sahab Ke Paas Rote Huwe Aate Hain Ke Molvi Sahab Khuda Ke Liye Koyi Surath Nikalo Ke Meri Biwi Phir Nikah Me'n Aajaye.
(Musannif) Me'n Chunke Fatwa'o'n Ka Kaam Karta Hu'n Isliye Mujhe In Waqi'aat Se Bahot Sabiqa Padta Rehta Hai. Phir Bahana Ye Batate Hain Ke Gussah Me'n Aagaya Hogaya.
Dosto ! Talaaq Gussah Me'n Hi Di Jati Hai Khushi Me'n Kon Deta Hai.
Phir Ye Hulyah Karte Hain Ke Wahabiyo'n Se Mas'alah Likhwate Hain Ke Ek Dam Teen Talaqe'n Ek Hoti Hai. Is Me'n Ruju Jaaiz Hai.
Dosto ! Ye Hulyah Bahana Be-Kaar Hai. Agar Tum Wahabi Kya Isayi Aarya Se Bhi Likhwa'o Ke Talaaq Na Huwi, Kya Isse Shara'ee Hukm Badal Jayega Hargiz Nahi.
(Iski Tehqeeq Ke Talaaqe'n Ek Hoti Hai Ya Nahi Hamare (Musannif Ke ) Fatawa Me'n Dekho, Jis Me'n Is Mas'alah Ki Puri Tehqeeq Kardi Gayi Hai Aur Muslim Shareef Ki Hadees Se Jo Dhoka Diya Jata Hai Usko Bhi Saaf Kar Diya Gaya Hai)
Lihaza Mera (Musannif Ka ) Mashwarah Ye Hai Ke Awwal Talaaq Ka Naam Hi Na Lo Ye Bahot Buri Cheez Hai.
ابغض المباحات الطلاق
Agar Aisa Karna Hi Hoto Sirf Ek Talaaq Do. Taake Agar Ba'd Ko Aur Dubara Nikah Ki Gunja'ish Rahe Aur Hamesha Talaaq Naama Musalman Waaqif Ka Muharrir Ya Kisi Aalime Deen Ki Raay Se Likhwa'o.