◆ Shehzadi-E-IsLam Malika Darul IsLam Hazrat FatimatuzZahra RadiyAllahu Ta'Aala Anha Ka Nikah
Goshe Dil Se Momino SunLo Zara
Hai Ye Qissah Fatima Ke Aqd Ka !
Pandra(15) Saala Nabi Ki LaadLi
Aur Thi Baayees(22) Saal Umre Ali
Aqd Ka Paigham Haidar Ne Diya
Mustafa Ne Marhaba Ahlan Kaha
Peer Ka Din Satrah(17) Maahe Rajjab
Dusra San Hijrate Shahe Arab
Phir Madinah Me'n Huwa Aelaane Aam
Zuhar Ke Waqt Aaye'n Saare Khaas-O-Aam
Is Khabar Se Shour Barpa Hogaya
Koche-O-Bazar Me'n Gul Saa Macha
Aaj Hai Maula Ki Dukhtar Ka Nikah
Aaj Hai Us Nek Akhtar Ka Nikah
Aaj Hai Us paak-O- Sacchi Ka Nikah
Aaj Hai Be-Maa'n Ki Bacchi Ka Nikah
Khair Se Jab Waqt Aaya Zuhar Ka
Masjide Nabwi Me'n Majma Hogaya
Ek Janib Hai Abu Bakr -O- Umar
Ek Taraf Usmaan Bhi Hai Jalwagar
Har Taraf As'haab Aur Ansaar Hai
Darmiyan Me'n Ahmade Mukhtaar Hai
Samne Nausha Ali Murtaza
Haidare Karraar Shahe Laa-Fataa
Aaj Goya Arsh Aaya Hai Utar
Ya Ke Qudsi Aa Gaye Hai Farsh Par
Jama Jab Ye Saara Majma Ho Gaya
Sayyadul Kaunain Ne Khutba Padha
Jab Huwe Khutbe Se Farig Mustafa
Aqd Zahra Ka Ali Se Kar Diya
400 Miskaal Chaandi Mehar Tha
Wazan Jis Ka 150 Tola Huwa
Ba'd Me'n Khurme Lutaye Laa-Kalaam
Masiwa Iske Na Tha Koyi Ta'aam
Unke Haq Me'n Phir DuA-E-Khair Ki
Aur Har Ek Ne Mubarak Baad Di
Ghar Se Rukhsat Jis Ghadi Zahra Huwi
Walida Ki Yaad Me'n Rone Lagi
Di Tasalli Ahmade Mukhtaar Ne
Aur Farmaya Shahe Abraar Ne
Fatima Har Tarah Se Baala Ho Tum
Maika -O- Sasuraal Me'n Aala Ho Tum
Baap Tera Hai Imamul Ambiya
Aur Shauhar Auliya Ke Peshwa
Mahe Zilhijja Me'n Jab Rukhsat Huwi
Tab Ali Ke Ghar Me'n Ek Dawat Huwi
Jis Me'n Thi 10 Ser Jau Ki Rotiya'n
Kuch Paneer Aur Thode Khurme Beguma
Is Ziyafat Ka Walima Naam Hai
Aur Ye Dawat Sunnat-E- IsLaam Hai
Sab Ko Inki Raah Chalna Chahiye
Aur Buri Rasmo'n Se Bachna Chahiye
◆ Shehzadi-E-IsLam Malika Darul IsLam Hazrat FatimatuzZahra RadiyAllahu Ta'Aala Anha Ka Jahez
Fatima Zahra Ka Jis Din Aqd Tha
SunLo Unke Saath Kya Kya Naqd Tha
Ek Chadar 70 Paiwand Ki,
Mustafa Ne Apni Dukhtar Ko Jo Di
Ek Toshak Jiska Chamde Ka Ghilaaf,
Ek Takiya, Ek Aisa Hi Lihaaf
Jiske Ander Oon Na Resham Ruyi
Balke Usme Chaal Khurme Ki Bhari
Ek Chakki Peesne Ke Waaste,
Ek Mashkija Tha Paani Ke Liye
Ek Lakdi Ka Pyaala Saath Me'n
Naqri Kangan Ki Jodi Haath Me'n
Aur Gale Mein Haar Haathi Daant Ka
Ek Joda Bhi Khadau Ka Diya
Shehzadi Sayyedul Konain Ki
Be-Sawari Hi Ali Ke Ghar Gayi
Waste Jinke Bane Dono'n Jaha'n
Unke Ghar Thi'n Sidhi Saadhi Shadiya'n
Is Jahez PaaK Par Laakho'n Salam
Sahibe Loulaak Par Laakho'n Salam
◆ Shehzadi-E-Konain Ki Zindagi
Aaye Jab Khatoone Jannat Apne Ghar
Pad Gaye Sab Kaam Unki Zaat Par
Kaam Se Kapde Bhi Kaale Pad Gaye
Hath Me'n Chakki Se Chaale Par Gaye
Di Khabar Zahra Ko AsadullAh Ne
Baante Hain Qaidi RasulullAh Ne
Ek Laundi Bhi Agar Hamko Mile
Is Musibat Se Tumhe'n Raahat Mile
Sun Kar Zahra Aaye'n Siddiqua Ke Ghar
Taake Dekhe'n Hath Ke Chaale Pidar
Par Na The Daulat Kadah Me'n Shah Dee'n
Walidah Se Arz Karke Aagaye'n
Ghar Me'n Jab Aaye Habibe Kibriya
Walidah Ne Maajrah Saara Kaha
Fatima Chaale Dikhane Aayi The'n
Mujhse Sab Dukh Dard Apna Keh Gaye'n
Ek Khaadim Aap Agar Unko Bhi De'n
Chakki Aur Chulhe Ke Wo Dukh Se Bache'n
Shab Ko Aaye Mustafa Zahra Ke Ghar
Aur Kaha Dukhtar Se Aye Jaane Pidar
Hain Ye Khadim Un Yateemo'n Ke Liye
Baap Jinke Jung Me'n Maare Gaye'n
Tum Pe Saaya Hai RasulullAh Ka
Aasra Rakho Faqat Allah Ka
Ham Tumhe Tasbeeh Ek Aisi Bataye'n
Aap Jisse Khadimo'n Ko Bhool Jaye'n
Awwalan SubhanAllah 33 Baar Ho
Aur Phir AlhamdulillAh Itni Hi Padho
Aur 34 Baar Ho Takbeer (Allahu Akbar) Bhi
Taake 100 Hojaye'n Ye Mil Kar Sabhi
Padh Liya Karna Ise Subh-O-Shaam
Dard Me'n Rakhna Ise Apne Mudaam
Khuld Ki Mukhtaar Raazi Hogaye'n
Sun Ke Ye Guftaar Khush Khush Hogaye'n
Saalik Unki Rah Jo Koyi Chale
Deen-O-Duniya Ki Musibat Se Bache
-SallallahuTa'AalaAlaihiWaSallam
-RadiyAllahuTa'AalaAnha
Goshe Dil Se Momino SunLo Zara
Hai Ye Qissah Fatima Ke Aqd Ka !
Pandra(15) Saala Nabi Ki LaadLi
Aur Thi Baayees(22) Saal Umre Ali
Aqd Ka Paigham Haidar Ne Diya
Mustafa Ne Marhaba Ahlan Kaha
Peer Ka Din Satrah(17) Maahe Rajjab
Dusra San Hijrate Shahe Arab
Phir Madinah Me'n Huwa Aelaane Aam
Zuhar Ke Waqt Aaye'n Saare Khaas-O-Aam
Is Khabar Se Shour Barpa Hogaya
Koche-O-Bazar Me'n Gul Saa Macha
Aaj Hai Maula Ki Dukhtar Ka Nikah
Aaj Hai Us Nek Akhtar Ka Nikah
Aaj Hai Us paak-O- Sacchi Ka Nikah
Aaj Hai Be-Maa'n Ki Bacchi Ka Nikah
Khair Se Jab Waqt Aaya Zuhar Ka
Masjide Nabwi Me'n Majma Hogaya
Ek Janib Hai Abu Bakr -O- Umar
Ek Taraf Usmaan Bhi Hai Jalwagar
Har Taraf As'haab Aur Ansaar Hai
Darmiyan Me'n Ahmade Mukhtaar Hai
Samne Nausha Ali Murtaza
Haidare Karraar Shahe Laa-Fataa
Aaj Goya Arsh Aaya Hai Utar
Ya Ke Qudsi Aa Gaye Hai Farsh Par
Jama Jab Ye Saara Majma Ho Gaya
Sayyadul Kaunain Ne Khutba Padha
Jab Huwe Khutbe Se Farig Mustafa
Aqd Zahra Ka Ali Se Kar Diya
400 Miskaal Chaandi Mehar Tha
Wazan Jis Ka 150 Tola Huwa
Ba'd Me'n Khurme Lutaye Laa-Kalaam
Masiwa Iske Na Tha Koyi Ta'aam
Unke Haq Me'n Phir DuA-E-Khair Ki
Aur Har Ek Ne Mubarak Baad Di
Ghar Se Rukhsat Jis Ghadi Zahra Huwi
Walida Ki Yaad Me'n Rone Lagi
Di Tasalli Ahmade Mukhtaar Ne
Aur Farmaya Shahe Abraar Ne
Fatima Har Tarah Se Baala Ho Tum
Maika -O- Sasuraal Me'n Aala Ho Tum
Baap Tera Hai Imamul Ambiya
Aur Shauhar Auliya Ke Peshwa
Mahe Zilhijja Me'n Jab Rukhsat Huwi
Tab Ali Ke Ghar Me'n Ek Dawat Huwi
Jis Me'n Thi 10 Ser Jau Ki Rotiya'n
Kuch Paneer Aur Thode Khurme Beguma
Is Ziyafat Ka Walima Naam Hai
Aur Ye Dawat Sunnat-E- IsLaam Hai
Sab Ko Inki Raah Chalna Chahiye
Aur Buri Rasmo'n Se Bachna Chahiye
◆ Shehzadi-E-IsLam Malika Darul IsLam Hazrat FatimatuzZahra RadiyAllahu Ta'Aala Anha Ka Jahez
Fatima Zahra Ka Jis Din Aqd Tha
SunLo Unke Saath Kya Kya Naqd Tha
Ek Chadar 70 Paiwand Ki,
Mustafa Ne Apni Dukhtar Ko Jo Di
Ek Toshak Jiska Chamde Ka Ghilaaf,
Ek Takiya, Ek Aisa Hi Lihaaf
Jiske Ander Oon Na Resham Ruyi
Balke Usme Chaal Khurme Ki Bhari
Ek Chakki Peesne Ke Waaste,
Ek Mashkija Tha Paani Ke Liye
Ek Lakdi Ka Pyaala Saath Me'n
Naqri Kangan Ki Jodi Haath Me'n
Aur Gale Mein Haar Haathi Daant Ka
Ek Joda Bhi Khadau Ka Diya
Shehzadi Sayyedul Konain Ki
Be-Sawari Hi Ali Ke Ghar Gayi
Waste Jinke Bane Dono'n Jaha'n
Unke Ghar Thi'n Sidhi Saadhi Shadiya'n
Is Jahez PaaK Par Laakho'n Salam
Sahibe Loulaak Par Laakho'n Salam
◆ Shehzadi-E-Konain Ki Zindagi
Aaye Jab Khatoone Jannat Apne Ghar
Pad Gaye Sab Kaam Unki Zaat Par
Kaam Se Kapde Bhi Kaale Pad Gaye
Hath Me'n Chakki Se Chaale Par Gaye
Di Khabar Zahra Ko AsadullAh Ne
Baante Hain Qaidi RasulullAh Ne
Ek Laundi Bhi Agar Hamko Mile
Is Musibat Se Tumhe'n Raahat Mile
Sun Kar Zahra Aaye'n Siddiqua Ke Ghar
Taake Dekhe'n Hath Ke Chaale Pidar
Par Na The Daulat Kadah Me'n Shah Dee'n
Walidah Se Arz Karke Aagaye'n
Ghar Me'n Jab Aaye Habibe Kibriya
Walidah Ne Maajrah Saara Kaha
Fatima Chaale Dikhane Aayi The'n
Mujhse Sab Dukh Dard Apna Keh Gaye'n
Ek Khaadim Aap Agar Unko Bhi De'n
Chakki Aur Chulhe Ke Wo Dukh Se Bache'n
Shab Ko Aaye Mustafa Zahra Ke Ghar
Aur Kaha Dukhtar Se Aye Jaane Pidar
Hain Ye Khadim Un Yateemo'n Ke Liye
Baap Jinke Jung Me'n Maare Gaye'n
Tum Pe Saaya Hai RasulullAh Ka
Aasra Rakho Faqat Allah Ka
Ham Tumhe Tasbeeh Ek Aisi Bataye'n
Aap Jisse Khadimo'n Ko Bhool Jaye'n
Awwalan SubhanAllah 33 Baar Ho
Aur Phir AlhamdulillAh Itni Hi Padho
Aur 34 Baar Ho Takbeer (Allahu Akbar) Bhi
Taake 100 Hojaye'n Ye Mil Kar Sabhi
Padh Liya Karna Ise Subh-O-Shaam
Dard Me'n Rakhna Ise Apne Mudaam
Khuld Ki Mukhtaar Raazi Hogaye'n
Sun Ke Ye Guftaar Khush Khush Hogaye'n
Saalik Unki Rah Jo Koyi Chale
Deen-O-Duniya Ki Musibat Se Bache
-SallallahuTa'AalaAlaihiWaSallam
-RadiyAllahuTa'AalaAnha