◆ Nikah Aur Rukhsat Ki Rasme'n
•Maujudah Ghalat Rasme'n
Nikah Ke Waqt Du(2) Tarah Ki Rasme'n Hoti Hain. Kuch Wo Jo Dulha Ke Ghar Ki Jati Hain Aur Kuch Wo Jo Dulhan Ke. Dulha Ke Ghar To Ye Hota Hai Ke Dulha Ko Naayi Ghusl Deta Hai, Wahi Kapde Badalwata Hai, Surkh Rang Ki Pagdi Baandh Kar Uspar Sunehri Gota Lapet Diya Jata Hai Phir Uspar Sehra Baandhta Hai, Jis Me'n Phool Patti Aur Nalkiya'n Lagi Hoti Hain. Naayi Ye Kaam Karke Ek Thaali Rakh Deta Hai Jis Me'n Tamam Qarabat_Daar Mard Rupaiya Paisa Nichawar Karke Daalte Hain. Iske Ba'd Aurate'n Nichawar Karti Hain Jo Naayi Ki Biwi Naayin Ka Haq Hota Hai Aur Aaj Se Pehle Saare Qarabat_Daar Jama Hojate Hain Jo Khana Khate Jate Hain Aur Newte Ke Rupaiye Diye Jate Hain, Likhne Wala Wo Rupe Likhta Jata Hai Is Khane Ka Naam Baraat Ki Roti Hai.
Is Waqt Zyada Qaabil Raham Dulha Ke Nana Mamu'n Ki Haalat Hoti Hai Kyunke Inpar Zaruri Hai Ke Bhaat Lekar Aaye'n. Warna Naak Cut Jayegi. Is Bhaat Ki Rasam Ne Sad'ha Ghar Barbaad Kar Diye. Bhaat Me'n Zaruri Hai Ke Dulha Aur Uske Tamaam Qarabat_Daaro'n Ke Liye Kapde Ke Jode, Kuch Naqdi Aur Kuch Ghalla De'n. Ba'z Jaga 40-50 Jode Tak Laane Padte Hain. Agar Ek Joda 5-Rupe Me'n Bhi Bana'o To 250 Rupe Thande Hogaye. (Aaj Ke Daur Me'n Laakho'n Rupe Barbad Hai). Khud Me'n Ne Ek Dukan_Daar Ko Dekha Bade Maze Se Guzar Kar Raha Tha. Bhanji Ki Shadi Aan Padi. Me'n Ne Unko Bahot Samjhaya Ke Bhaat Na De Ya Apni Haisiyat Ke Mutabiq De Wo Na Maana. Aakhir Kaar Uski Dukaan Bhaat Ki Nazar Hogayi Ab Bahot Musibat Me'n Hai.
Bhanji Ke Nikah Me'n Ye Bhi Zaruri Hota Hai Ke Kapdo'n Ke Jodo'n Ke Siwa Bhanji Ko Zewar Ya Bhaat Ki Roti Mamu Kare.
Gharz Ke Ek Shadi Me'n Chaar Gharo'n Ki Barbadi Hojati Hai. Jab Ye Sab Rasme'n Ho Chuke'n To Ab Baraat Chali. Jiske Sath Bari Aur Aage Baaja. Balke Ba'z Dafa'a Aage Aage Naachne Wali Randiya'n Bhi Hoti Hain. Gole Chalte Jate Hai. Aatish_Baazi Me'n Aag Lagti Jati Hai, Bari Us Mewa (Fruit) Ko Kehte Hai Jo Dulha Ki Taraf Se Jati Hai Jis Me'n Shakkar 1-Man Naryal, Makkhana Waghairah 30-Sair Kaccha Doodh Waghairah Bhi Hota Hai. Dulhan Ke Ghar Ye Chize'n Di Jati Hai Jo Ba'd Shadi Taqseem Hoti Hai.
Jab Baraat Dulhan Ke Makaan Par Pohachti Hai To Awwal Waha'n Aatish Baazi Me'n Aag Lagayi Gayi Phir Phool Patti Lutayi Gayi Phir Tamam Baaratiyo'n Ko Dulhan Ki Taraf Se Aam Dawat Di Gayi Phir Nikah Huwa Dulha Makaan Me'n Gaya Jaha'n Pehle Se Aurto'n Ka Majma Laga Huwa Hai. IS Mauqa Par Badi Parda Nasheen Aurate'n Bhi Dulha Ke Samne Be-Takalluf Baghair Parda Aajati Hai , Gaaliyo'n Se Bhare Huwe Gaane Gaye Jate Hain, Saaliya'n Behnawi Se Qism Qism Ka Mazaaq Karti Hain (Halanke Saaliyo'n Ka Behnawi Se Parda Sakht Zaruri Hai) MiraSan Waghairah Apne Huqooq Wasool Karti Hain Phir Rukhsat Ki Tayyari Hoti Hai Jahez Dikhaya Jata Hai.
•In Rasumo'n Ki Kharabiya'n
In Rasoom Ki Kbarabiya'n Me'n Kya Bayaan Karo'n. Sirf Itna Arz Kar Deta Hon Ke In Rasumo'n Ne Musalman Maal-Daro'n Ko Ghareeb Kangaal Bana Diya. Ghar Walo'n Ko Be-Ghar Kar Diya Musalmano'n Ke Muhalle Hindo'o'n Ke Paas Pohanch Gaye Har Shakhs Apne Shahar Me'n Sadha Misale'n Apni Aankho'n Se Dekhta Hai.
Ab Chand Kbarabiya'n Jo Moti Moti Hain. Arz Karta Hon.
●Awwal Kharabi Ye Ke Is Me'n Maal Ki Barbadi Aur Haq Ta'Aala Ki NaFarmani Hai.
• Na Khuda Hi Mila
Na Wisale Sanam
• Na Idhar Ke Rahe
Na Udhar Ke Rahe
●Dusre Ye Ke Ye Sare Kaam Apne Naam Ke Liye Kiye Jate Hain Magar Dosto ! Siwaye Bad-Naami Ke Kuch Bhi Haasil Nahi Hota.
Khane Wale To Khane Me'n Aib Nikalte Huwe Jate Hain Ke Is Me'n Ghi WilaYati Tha, Namak Zyada Tha , Mirch Acchi Na Thi Aur Dulha Wale Hamesha Shikayat Hi Karte Dekhte Gaye Ladki Ke Liye Waha'n Ta'ane Hi Ta'ane Hote Hain.
•Latifa: Ye Ajeeb Baat Hai Ke Hamare Ghar Baraati Umda Umda Mazedaar Maal Kha Kar Jayenge Magar Unka Muh Sidha Nahi Hota. Khane Me'n Aeb Nikalte Hain Magar Auliya-E-Allah Aur Peer Murshido'n Ke Ghar Sukhi Rotiya'n Aur Daal Daliya Khushi Se Kha Kar Tabarruk Samajh Kar Ta'arife'n Karte Hain. Wo Sukhi Rotiya'n Apne Baccho'n Ko Pardes Bhejte Hain. Jakar Dekho ! Ajmer Shareef Ka Daliya Aur Baghdaad Shareef Aur Dusre Aastano'n Ki Daal Rotiya'n Iski Waja Kya Hai? Dosto ! Waja Sirf Ye Hai Ke Ye Khane Makhlooq Ko Raazi Karne Ke Liye Hain Aur Wo Khushk Rotiya'n Khaaliq Ke Liye. Agar Ham Bhi Shadi Biyah Ke Mauqa Par Khana, Jahez Waghairah Dawat Sunnat Ki Niyyat Se Sunnat Tariqa Par Kare'n To Kabhi Koyi Aetaraaz Hosakta Hi Nahi. (Musannif Kehte Hai) Hamare Dost Seth Abdul Ghani Sahab Har Saal Baqra-Eid Ke Mauqa Par Huzoor Nabi Kareem ﷺ Ki Taraf Se Qurbani Karte Hain Aur Pulao Paka Kar Aam Musalmano'n Ki Dawat Karte Hain. Me'n Ne Dekha Ke Wo MuAzziz Musalman Jo Kisi Ki Shadi Biyah Me'n Bade Nakhre Se Jate Hain Aur Wo Baghair Bulaye Yaha Aajate Hain Aur Agar Aakhri Ek Asar Bhi Pa Lete Hai To Tabarruk Samajh Kar Khate Hain. Abhi Qareeb Hi Me'n Anjuman Khuddam Al-Sofiyah Ke Sadar Fazl EeLaahi Sahab Pagano Elahi Ra'ees Gujrat Ne Walima Ki Dawat Sunnat Niyyat Se Ki, Na Kisi Ko Shikayat Paida Huwi Aur Na Kisi Ne Aeb Nikala.
Arz Ye Hai Ke Huzoor Nabi Kareem ﷺ Ka Naame Paak Aeb Posh Hai Jis Cheez Par Unka Naam Aajaye Uske Sab Aeb Chup Jate Hain. Agar Ham Walima Ka Khana Sunnat Ki Niyyat Se Kare'n To Agar Daal Roti Bhi Musalmano'n Ke Samne Rakh Denge, Wo Bhi Musalman Tabarruk Ki Niyyat Se Sair Hokar Khayege.
•Tisri Kharabi In Rasumo'n Me'n Hai Ke Inki Waja Se Shareef Gharibo'n Ki Ladkiya'n Bethi Rehti Hain Aur MaalDaaro'n Ki Ladkiya'n Thikane Lag Jati Hain Kyunke Log Apne Beto'n Ka Paigham Waha'n Hi Le Jate Hain Jaha'n Zyada Jahez Mile Agar Har Jaga Ke Liye Jahez Muqarrar Hojaye Ke Ameer-O-Ghareeb Sab Itna Hi Jahez Waghairah De'n To Har Musalman Ki Ladki Jald Thikane Lag Jayegi.
•Chauthi Kharabi Ye Hai Ke In Rasomo'n Ki Waja Se Musalmano'n Ki Apni Aulaad Wabaal Jaan Ma'aloom Hone Lagi Ke Agar Kisi Ke Ladki Paida Huwi Samjha Ke Ya To Ab Mere Makaan Ki Khabar Nahi Ya Jaayedaad -O-Dukaan Chali. Isliye Log Ladki Paida Hone Par Ghabrate Hain Ye In Rasomo'n Ki Barkat Hai. AllahuAkbar
•Paanchvin Kharabi Ye Hai Ke Nikah Se Maqsood Hota Hai Do Qaumo'n Ka Mil Jana Yaani Ladke Wale Ladki Ke Qarabat_Daar Aur Muhib Ban Jaye Aur Ladki Wale Ladke Wale Ke. Isliye Iska Naam Nikah Hai. Nikah Ke Maani Hain Mil Jana. To Ye Nikah Qabilo'n Aur Jama'ato'n Ke Milane Wali Cheez Hai. Misl Mash'hoor Hai Ke Nikah Me'n Ladke De Kar Ladka Lete Hain Aur Ladka De Kar Ladki Haasil Karte Hain
Magar Ab Musalman Ne Samajh Liya Ke Nikah Maal Haasil Karne Ka Zari'ah Hai Jiske Chaar Farzand Hogaye Wo Samjha Ke Meri Chaar Jayedade'n Hogaye'n Ke Inka Biya Honga Jahezo'n Se Ghar Bhar Lunga Ab Jab Dulhan Khautir Khwah Jahez Na Laayi , Ladayi Qaayim Hogayi Aur Ab Aam Taur Par Nikah Ladayi Ki Jad Ban Kar Reh Gaya Hai Ke Apne Azizo'n Me'n Ladki Do To Aapas Ka Purana Rishta Bhi Khatam Hojata Hai Kyun? Isliye Ke Nikah Ko Ek Maali Karobar Samajh Liya Gaya Hai.
•Chatti Kharabi Ye Hai Ke Agar Kisi Shakhs Ke Chand Aulaad Hain Pehle Ka Nikah To Bahot Dhoom Dhaam Se Kiya. Us Nikah Me'n Uska Musaleha Khatam Ho Ya Baqi Aulaad Ke Faqat Nikah Hi Huwe. Koyi Rasam Ada Na Huwi Kyunke Rupeya Na Tha To Ab Is Aulaad Ko Maa'n Baap Se Shikayat Paida Hoti Hai Ke Hamare Bade Bhai Me'n Kya Khubi Thi Jo Ham Me'n Na Thi To Baap Aur Aulaad Me' Aisi Bigdi Hai Ke Khuda Ki Panah !
•Saatvi'n Kharabi Ye Hai Ke Ladki Walo'n Ne Dulha Ke Nikah Ke Waqt Itna Kharch Karaya Ke Uska Makaan Bhi Rahan Hogaya. Bahot Qarza Sarpar Sawar Hogaya. Ab Dulhan Saheba Jab Ghar Me'n Aaye'n To Makaan Hath Se Gaya Aur Musibt Bhi Aa Padi. To Naam Ye Hota Hai Ye Dulhan Aisi Manhoos Aayi Ke Iske Aate Hi Hamare . Ghar Ki Khair-o-Barkat Ud Gayi. Isse Phir Ladayiya'n Shuru Hojati Hain. Ye Khabar Nahi Ke Be-Chari Dulhan Ka Qusoor Nahi Balke Tumhari In Hinduwani Rasmo'n Ki Barkt Hai.
•Aathwi'n Kharabi Ye Hai Ke In Rasumo'n Ko Pura Karne Ke Liye Ghareeb log Ladki Ke Paida Hote Hi Fikr Karne Lagte Hain. Ju'n Ju'n Aulaad Jawaan Huwi Hai Unki Fikre'n Badhti Hain Ab Na Roti Acchi Ma'aloom Hoti Hai Na Paani Fikr Ye Hoti Hai Ke Kisi Surat Se Rupeya Jama'a Karo Ke Ye Rasme'n Puri Hon Ab Rupeya Jama'a Kar Rahe Hain Is Rupeya Me'n Zakaat Bhi Wajib Hai Hajj Bhi Farz Hojata Hai Wo Nahi Ada Karte Kyunke Agar In Ibadaat Me'n Ye Rupeya Kharch Hogaya To Wo Shaytani Rasme'n Kis Tarah Puri Hongi. Me'n Ne Ek Sahab Ko Dekha Ke Unke Paas Taqriban 2000 Rupeya Tha Me'n Ne Kaha Aap Par Hajj Farz Hai Hajj Ko Jao Farmane Lage Ke Bada Hajj To Ladki Ki Shadi Aur Uska Jahez Hai Me'n Ne Kaha Shadi Ke Akhrajaat Jo Apni Qaum Ne Bana Liye Hain Wo Farz Nahi Hain Aur Hajj Farz Hai. Farmane Lage ,Kuch Bhi Ho Naak To Nahi Katwayi Jati. Aakhir Hajj Na Kiya Ladki Ki Shadi Me'n Gulchade Udaye. Aapne Maal-Daro'n Ko Dekha Hoga Ke Hajj Unko Naseeb Nahi Hota Lagatar Shadiyo'n Se Hi Unhe'n Chutkara Nahi Milta. Idhar Tawajjuh Kaise Kare'n Ye Bhi Khayaal Rahe Ke Hajj Karna Har Us Shakhs Ka Farz Hai Jiske Paas Makka MuAzzamah Jane Aane Ka Kiraya Aur Baaqi Masarif Hon Ye Jo Mash'hoor Hai Ke Budhape Me'n Hajj Karo Ghalat Hai Kya Khabar Budhapa Hamko Lega Ya Nahi Aur Ye Maal Rahega Ya Nahi.
•9vi Kharabi Ye Hai Ke Ghareeb Log Ladki Ke Bachpan Hi Se Kapde Jama Karne Shuru Karte Hain Kyunke Itne Jode Wo Ek Dam Nahi Bana Sakte Jab Tak Ladki Jawan Hoti Hai Kapde Gal Jate Hain. Unhe' Gale Huwe Kapdo'n Ke Jode Bana Kar Dete Hain. Jab Wo Pehne Jate To Do Din Me'n Phat Jate Hain Jisse Pahenne Wale Galiya'n Dete Hain Ke Aise Kapde Dene Ki Kya Zarurat Thi?
•10vi Kharabi Ye Hai Ke Dulhan Wale Musibat Utha Kar Paisa Barbad Karke Kaath Kabaad Yaani Mez-O-Kursiya , Sehriya'n Ladki Ko De To Dete Hain Magar Dulha Ka Ghar Itna Tang Aur Cchot Rehta Hai Ke Waha'n Rakhne Ko Jaga Nahi Aur Agar Dulha Miya'n Kiraya Ke Makaan Me'n Rehte Hain To Jab Du Chaar Dafa'a Makaan Badalna Padta Hai To Ye Tamaam Kaath Kabaad Toot Kar Zaga Hojata Hai.
Jitne Rupe Ka Jahez Diya Gaya Agar Itna Rupeya Naqad Diya Jata Ya Us Rupeya Ki Koyi Dukaan Ya Makaan Ladki Ko De Diya Jata To Ladke Ke Kaam Aata Aur Uski Aulaad Umar Bhar Aapko Duaye'n Deti Aur Ladki Ki Bhi Sasuraal Me'n Izzat Hoti Aur Agar Khuda Na Kare Ke Kabhi Ladki Par Koyi Musibat Aati To Use Kiraya Se Apna Bura Waqt Nikal Leti.
◆ Musalmano'n Ke Kuch Bahane
Jab Ye Kharabiya'n Musalmano'n Ko Batayi Jati Hain To Unko Chand Qism Ke Uzr Hote Bain. Ek To Ye Ke Sahab Ham Kya Kare'n , Hamari Aurate'n Aur Ladke Nahi Maante, Ham Unki Waja Se Majboor Hain , Ye Uzr Mahaz Be-Kaar Hain. Haqiqat Ye Hai Ke Aadhi Marzi Khud Mardo'n Ki Bhi Hoti Hai. Tab Unki Aurate'n Aur Ladke Ishara Ya Narmi Pakar Zid Karte Hain. Warna Mumkin Nahi Ke Hamare Ghar Me'n Hamari Marzi Ke Baghair Koyi Kaam Hojaye Agar Haandi Me'n Namak Zyada Hojaye To Aurat Bechari Ki Shamat Aur Agar Aulad Ya Biwi Kisi Waqt Namaz Na Padhe To Bilkul Parwah Nahi.
JaanLo Haq Ta'Aala Niyyat Se KhabarDaar Hai. Ba'z Buzrugo'n Ko Dekha Gaya Hai Ke Aage Aage Farzand Ki Baraat Ma'a Naach Baaje Kiye Jate Hai Aur Peeche Peeche Ye Hazrat LaHoul Padhte Huwe Chale Ja Rahe Hain Aur Kehte Hain Kya Kare'n Baccha Nahi Maanta Yaqinan Ye Lahoul Khushi Ki Hai. Hazrat Sa'adi AlaihirRahma Ne Kya Khoob Farmaya.
Ke Lahoul Goyand Shadi Kuna'
Dusre Panjab Me'n Ye Qanoon Hai Ke Maa'n Bap Ke Maal Se Ladki Miraas Nahi Paati Lakho_Pati Baap Ke Ba'd Sara Maal Jayedaad , Makanaat Sab Kuch Ladke Ka Hai. Ladki Ek Paayi Ki Haqdaar Nahi. Bahana Ye Karte Hain Ke Ham Ladki Ki Miraas Ke Badla Uski Shadi Dhoom Dhaam Se Kar Dete Hain.
Apne Naam Ke Liye Rupeya Haraam Kaamo'n Me'n Barbad Karo Aur Ladki Ke Hisse Se Kaato.
Kyun Janab! Aap Jo Ladke Ki Shadi Aur Uski Padhayi Likhayi Par Jo Rupeya Kharch Karte Hain. B.A.M.A Ki Digree Dilawate Hain Kya Wo Bhi Farzand Ke Miraas Se Kaate Hain, Hargiz Nahi. Phir Ye Uzr Kaisa , Ye Mahaz Dhoka Dena Hai.
Tisre Ye Ke Hamko Ulmaye Kiraam Ne Ye Baate'n Batayi Hi Nahi ... Isliye Ke Ham Log Isse Ghafil Rahe. Ab Jabke Ye Rasoom Chal Pade'n. Lihaza Inka Band Hona Mushkil Hai Lekin Ye Bahana Bhi Ghalat Hai. Ulmaye Alhle_Sunnat Ne Iske MutaAlliq Kitaabe'n Likhe'n Musalmano'n Ne Qubool Na Kiya..
Chunanche Imama Ahle_Sunnat AalaHazrat Fazile Bareilwi Qudda Sirrahu Ne Ek Kitaab Likhi جلی الصوت Jis Me'n Saaf Saaf Farmaya Ke Mayyat Ki Roti Amiro'n Ke Liye Haraam Hai Sirf Ghareeb Log Khaye'n.
Ek Kitaab Likhi ھادی الناس الی احکام الاعراس Jis Me'n Shadi Biyah Ki Murawajjah Rasmo'n Ki Buraiya'n Bataye'n Aur Shara'ee Rasme'n Bayaan Farmaye'n.
Ek Kitaab Likhi مروجہ النجاء Jis Me'n Saabit Farmaya Ke Siwa Chand Mauqao'n Ke Baaqi Jaga Aurat Ko Ghar se Nikalna Haaraam Hai Aur Bhi Ulmaye Ahle_Sunnat Ne In Baato'n Ke MutaAlliq Bahot Kitaabe'n Likhe'n Afsoos Ke Apna Qusoor Ulma Ke Sar Lagate Ho.
Chautha Bahana Ye Karte Hain Ke Agar Shadi Biyaho'n Me'n Rasme'n Na Hon To Hamare Ghar Log Jama Na Honge Jisse Shadi Me'n Ronaq Na Hogi. Magar Ye Faqat Wahem -o- Dhoka Hai.
Haq Ye Hai Ke Shadi -O- Nikah Me'n Shirkat Agar Sunnat Ki Niyyat Se Hoto Ibadat Hai Ab To Hamare Nikaho'n Me'n Log Tamaashayi Ban Kar Ya Khane Ke Liye Aate Hain. Jiska Kuch Sawaab Nahi Paate.
Aur Phir In Shaa Allah ibadat Ki Niyyat Se Aaya Karenge Jaise Ab Log Eid Ki Namaz Ke Liye Eid-Gah Me'n Jate Hain Tab In Shaa Allah Ronaq Hi Kuch Aur Hogi Aur Bahar Hi Kuch Aur Aayegi. Abhi Yahi Gujrat Me'n Azfal EeLaahi Sahab Ke Ghar Aisi Hi Seedhi Saadhi Shadi Huwi. Is Qadar Majma'a Tha Ke Me'n Ne Ab Tak Kisi Baraat Me'n Aisa Majma'a Na Dekha Bahot Se Musalman To Wazu Karke Durood Shareef Padhte Huwe Is Sare Juloos Me'n Shareek Huwe.
Paanchwa'n Bahana Ye Karte Hain Ke Log Ham Par Ta'ana Karenge Ke Kharch Kam Karne Ke Liye Ye Rasme'n Band Ki Hain Aur Ba'z Log Ye Kahenge Ke Ye Maatam Ki Majlis Hai Yaha'n Naach Nahi, Baaja Nahi. Goya Teejah Padh Raha Hai. Ye Uzr Bhi Be-Kaar Hai. Ek Sunnat Ko Zindah Karne Me'n 100-Shahido'n Ka Sawaab Milta Hai. Kya Ye Sawab Muft Mil Jayega. Logo'n Ke Ta'ane Awwam Ke Mazaaq , Awwal Awwal Bardasht Karne Padenge..
Aur Dosto Ab Bhi Log Ta'ane Dene Se Kab Baaz Aate Hain. Koyi Khane Ka Mazaaq Udata Hai Koyi Jahez Ka Koyi Aur Tarah Ki Shikayat Karta Hai. Gharz Ke Logo'n Ke Ta'ane Se Koyi Kisi Waqt Nahi Bach Sakta. Logo'n Ne Khuda Ta'Aala Aur Uske Rasulo'n Ko Aib Lagaye Aur Ta'ane Diye. Tum Unki Zaban Se Kis Tarah Bach Sakte Ho. Ye Bhi Yaad Rakho Ke Pehle To Kuch Mushkil Padegi Magar Ba'd Me'n In Shaa Allah Wahi Ta'ane Dene Wale Log Tumko Duaye'n Denge Aur Ghareeb -O- Ghurba Ki Mushkile'n Aasaan Hojayengi. Allah Aur Huzoor ﷺ Bhi Raazi Honge Aur Musalman Bhi Mazbuti Se Qaayim Rehna Shart Hai.
•Maujudah Ghalat Rasme'n
Nikah Ke Waqt Du(2) Tarah Ki Rasme'n Hoti Hain. Kuch Wo Jo Dulha Ke Ghar Ki Jati Hain Aur Kuch Wo Jo Dulhan Ke. Dulha Ke Ghar To Ye Hota Hai Ke Dulha Ko Naayi Ghusl Deta Hai, Wahi Kapde Badalwata Hai, Surkh Rang Ki Pagdi Baandh Kar Uspar Sunehri Gota Lapet Diya Jata Hai Phir Uspar Sehra Baandhta Hai, Jis Me'n Phool Patti Aur Nalkiya'n Lagi Hoti Hain. Naayi Ye Kaam Karke Ek Thaali Rakh Deta Hai Jis Me'n Tamam Qarabat_Daar Mard Rupaiya Paisa Nichawar Karke Daalte Hain. Iske Ba'd Aurate'n Nichawar Karti Hain Jo Naayi Ki Biwi Naayin Ka Haq Hota Hai Aur Aaj Se Pehle Saare Qarabat_Daar Jama Hojate Hain Jo Khana Khate Jate Hain Aur Newte Ke Rupaiye Diye Jate Hain, Likhne Wala Wo Rupe Likhta Jata Hai Is Khane Ka Naam Baraat Ki Roti Hai.
Is Waqt Zyada Qaabil Raham Dulha Ke Nana Mamu'n Ki Haalat Hoti Hai Kyunke Inpar Zaruri Hai Ke Bhaat Lekar Aaye'n. Warna Naak Cut Jayegi. Is Bhaat Ki Rasam Ne Sad'ha Ghar Barbaad Kar Diye. Bhaat Me'n Zaruri Hai Ke Dulha Aur Uske Tamaam Qarabat_Daaro'n Ke Liye Kapde Ke Jode, Kuch Naqdi Aur Kuch Ghalla De'n. Ba'z Jaga 40-50 Jode Tak Laane Padte Hain. Agar Ek Joda 5-Rupe Me'n Bhi Bana'o To 250 Rupe Thande Hogaye. (Aaj Ke Daur Me'n Laakho'n Rupe Barbad Hai). Khud Me'n Ne Ek Dukan_Daar Ko Dekha Bade Maze Se Guzar Kar Raha Tha. Bhanji Ki Shadi Aan Padi. Me'n Ne Unko Bahot Samjhaya Ke Bhaat Na De Ya Apni Haisiyat Ke Mutabiq De Wo Na Maana. Aakhir Kaar Uski Dukaan Bhaat Ki Nazar Hogayi Ab Bahot Musibat Me'n Hai.
Bhanji Ke Nikah Me'n Ye Bhi Zaruri Hota Hai Ke Kapdo'n Ke Jodo'n Ke Siwa Bhanji Ko Zewar Ya Bhaat Ki Roti Mamu Kare.
Gharz Ke Ek Shadi Me'n Chaar Gharo'n Ki Barbadi Hojati Hai. Jab Ye Sab Rasme'n Ho Chuke'n To Ab Baraat Chali. Jiske Sath Bari Aur Aage Baaja. Balke Ba'z Dafa'a Aage Aage Naachne Wali Randiya'n Bhi Hoti Hain. Gole Chalte Jate Hai. Aatish_Baazi Me'n Aag Lagti Jati Hai, Bari Us Mewa (Fruit) Ko Kehte Hai Jo Dulha Ki Taraf Se Jati Hai Jis Me'n Shakkar 1-Man Naryal, Makkhana Waghairah 30-Sair Kaccha Doodh Waghairah Bhi Hota Hai. Dulhan Ke Ghar Ye Chize'n Di Jati Hai Jo Ba'd Shadi Taqseem Hoti Hai.
Jab Baraat Dulhan Ke Makaan Par Pohachti Hai To Awwal Waha'n Aatish Baazi Me'n Aag Lagayi Gayi Phir Phool Patti Lutayi Gayi Phir Tamam Baaratiyo'n Ko Dulhan Ki Taraf Se Aam Dawat Di Gayi Phir Nikah Huwa Dulha Makaan Me'n Gaya Jaha'n Pehle Se Aurto'n Ka Majma Laga Huwa Hai. IS Mauqa Par Badi Parda Nasheen Aurate'n Bhi Dulha Ke Samne Be-Takalluf Baghair Parda Aajati Hai , Gaaliyo'n Se Bhare Huwe Gaane Gaye Jate Hain, Saaliya'n Behnawi Se Qism Qism Ka Mazaaq Karti Hain (Halanke Saaliyo'n Ka Behnawi Se Parda Sakht Zaruri Hai) MiraSan Waghairah Apne Huqooq Wasool Karti Hain Phir Rukhsat Ki Tayyari Hoti Hai Jahez Dikhaya Jata Hai.
•In Rasumo'n Ki Kharabiya'n
In Rasoom Ki Kbarabiya'n Me'n Kya Bayaan Karo'n. Sirf Itna Arz Kar Deta Hon Ke In Rasumo'n Ne Musalman Maal-Daro'n Ko Ghareeb Kangaal Bana Diya. Ghar Walo'n Ko Be-Ghar Kar Diya Musalmano'n Ke Muhalle Hindo'o'n Ke Paas Pohanch Gaye Har Shakhs Apne Shahar Me'n Sadha Misale'n Apni Aankho'n Se Dekhta Hai.
Ab Chand Kbarabiya'n Jo Moti Moti Hain. Arz Karta Hon.
●Awwal Kharabi Ye Ke Is Me'n Maal Ki Barbadi Aur Haq Ta'Aala Ki NaFarmani Hai.
• Na Khuda Hi Mila
Na Wisale Sanam
• Na Idhar Ke Rahe
Na Udhar Ke Rahe
●Dusre Ye Ke Ye Sare Kaam Apne Naam Ke Liye Kiye Jate Hain Magar Dosto ! Siwaye Bad-Naami Ke Kuch Bhi Haasil Nahi Hota.
Khane Wale To Khane Me'n Aib Nikalte Huwe Jate Hain Ke Is Me'n Ghi WilaYati Tha, Namak Zyada Tha , Mirch Acchi Na Thi Aur Dulha Wale Hamesha Shikayat Hi Karte Dekhte Gaye Ladki Ke Liye Waha'n Ta'ane Hi Ta'ane Hote Hain.
•Latifa: Ye Ajeeb Baat Hai Ke Hamare Ghar Baraati Umda Umda Mazedaar Maal Kha Kar Jayenge Magar Unka Muh Sidha Nahi Hota. Khane Me'n Aeb Nikalte Hain Magar Auliya-E-Allah Aur Peer Murshido'n Ke Ghar Sukhi Rotiya'n Aur Daal Daliya Khushi Se Kha Kar Tabarruk Samajh Kar Ta'arife'n Karte Hain. Wo Sukhi Rotiya'n Apne Baccho'n Ko Pardes Bhejte Hain. Jakar Dekho ! Ajmer Shareef Ka Daliya Aur Baghdaad Shareef Aur Dusre Aastano'n Ki Daal Rotiya'n Iski Waja Kya Hai? Dosto ! Waja Sirf Ye Hai Ke Ye Khane Makhlooq Ko Raazi Karne Ke Liye Hain Aur Wo Khushk Rotiya'n Khaaliq Ke Liye. Agar Ham Bhi Shadi Biyah Ke Mauqa Par Khana, Jahez Waghairah Dawat Sunnat Ki Niyyat Se Sunnat Tariqa Par Kare'n To Kabhi Koyi Aetaraaz Hosakta Hi Nahi. (Musannif Kehte Hai) Hamare Dost Seth Abdul Ghani Sahab Har Saal Baqra-Eid Ke Mauqa Par Huzoor Nabi Kareem ﷺ Ki Taraf Se Qurbani Karte Hain Aur Pulao Paka Kar Aam Musalmano'n Ki Dawat Karte Hain. Me'n Ne Dekha Ke Wo MuAzziz Musalman Jo Kisi Ki Shadi Biyah Me'n Bade Nakhre Se Jate Hain Aur Wo Baghair Bulaye Yaha Aajate Hain Aur Agar Aakhri Ek Asar Bhi Pa Lete Hai To Tabarruk Samajh Kar Khate Hain. Abhi Qareeb Hi Me'n Anjuman Khuddam Al-Sofiyah Ke Sadar Fazl EeLaahi Sahab Pagano Elahi Ra'ees Gujrat Ne Walima Ki Dawat Sunnat Niyyat Se Ki, Na Kisi Ko Shikayat Paida Huwi Aur Na Kisi Ne Aeb Nikala.
Arz Ye Hai Ke Huzoor Nabi Kareem ﷺ Ka Naame Paak Aeb Posh Hai Jis Cheez Par Unka Naam Aajaye Uske Sab Aeb Chup Jate Hain. Agar Ham Walima Ka Khana Sunnat Ki Niyyat Se Kare'n To Agar Daal Roti Bhi Musalmano'n Ke Samne Rakh Denge, Wo Bhi Musalman Tabarruk Ki Niyyat Se Sair Hokar Khayege.
•Tisri Kharabi In Rasumo'n Me'n Hai Ke Inki Waja Se Shareef Gharibo'n Ki Ladkiya'n Bethi Rehti Hain Aur MaalDaaro'n Ki Ladkiya'n Thikane Lag Jati Hain Kyunke Log Apne Beto'n Ka Paigham Waha'n Hi Le Jate Hain Jaha'n Zyada Jahez Mile Agar Har Jaga Ke Liye Jahez Muqarrar Hojaye Ke Ameer-O-Ghareeb Sab Itna Hi Jahez Waghairah De'n To Har Musalman Ki Ladki Jald Thikane Lag Jayegi.
•Chauthi Kharabi Ye Hai Ke In Rasomo'n Ki Waja Se Musalmano'n Ki Apni Aulaad Wabaal Jaan Ma'aloom Hone Lagi Ke Agar Kisi Ke Ladki Paida Huwi Samjha Ke Ya To Ab Mere Makaan Ki Khabar Nahi Ya Jaayedaad -O-Dukaan Chali. Isliye Log Ladki Paida Hone Par Ghabrate Hain Ye In Rasomo'n Ki Barkat Hai. AllahuAkbar
•Paanchvin Kharabi Ye Hai Ke Nikah Se Maqsood Hota Hai Do Qaumo'n Ka Mil Jana Yaani Ladke Wale Ladki Ke Qarabat_Daar Aur Muhib Ban Jaye Aur Ladki Wale Ladke Wale Ke. Isliye Iska Naam Nikah Hai. Nikah Ke Maani Hain Mil Jana. To Ye Nikah Qabilo'n Aur Jama'ato'n Ke Milane Wali Cheez Hai. Misl Mash'hoor Hai Ke Nikah Me'n Ladke De Kar Ladka Lete Hain Aur Ladka De Kar Ladki Haasil Karte Hain
Magar Ab Musalman Ne Samajh Liya Ke Nikah Maal Haasil Karne Ka Zari'ah Hai Jiske Chaar Farzand Hogaye Wo Samjha Ke Meri Chaar Jayedade'n Hogaye'n Ke Inka Biya Honga Jahezo'n Se Ghar Bhar Lunga Ab Jab Dulhan Khautir Khwah Jahez Na Laayi , Ladayi Qaayim Hogayi Aur Ab Aam Taur Par Nikah Ladayi Ki Jad Ban Kar Reh Gaya Hai Ke Apne Azizo'n Me'n Ladki Do To Aapas Ka Purana Rishta Bhi Khatam Hojata Hai Kyun? Isliye Ke Nikah Ko Ek Maali Karobar Samajh Liya Gaya Hai.
•Chatti Kharabi Ye Hai Ke Agar Kisi Shakhs Ke Chand Aulaad Hain Pehle Ka Nikah To Bahot Dhoom Dhaam Se Kiya. Us Nikah Me'n Uska Musaleha Khatam Ho Ya Baqi Aulaad Ke Faqat Nikah Hi Huwe. Koyi Rasam Ada Na Huwi Kyunke Rupeya Na Tha To Ab Is Aulaad Ko Maa'n Baap Se Shikayat Paida Hoti Hai Ke Hamare Bade Bhai Me'n Kya Khubi Thi Jo Ham Me'n Na Thi To Baap Aur Aulaad Me' Aisi Bigdi Hai Ke Khuda Ki Panah !
•Saatvi'n Kharabi Ye Hai Ke Ladki Walo'n Ne Dulha Ke Nikah Ke Waqt Itna Kharch Karaya Ke Uska Makaan Bhi Rahan Hogaya. Bahot Qarza Sarpar Sawar Hogaya. Ab Dulhan Saheba Jab Ghar Me'n Aaye'n To Makaan Hath Se Gaya Aur Musibt Bhi Aa Padi. To Naam Ye Hota Hai Ye Dulhan Aisi Manhoos Aayi Ke Iske Aate Hi Hamare . Ghar Ki Khair-o-Barkat Ud Gayi. Isse Phir Ladayiya'n Shuru Hojati Hain. Ye Khabar Nahi Ke Be-Chari Dulhan Ka Qusoor Nahi Balke Tumhari In Hinduwani Rasmo'n Ki Barkt Hai.
•Aathwi'n Kharabi Ye Hai Ke In Rasumo'n Ko Pura Karne Ke Liye Ghareeb log Ladki Ke Paida Hote Hi Fikr Karne Lagte Hain. Ju'n Ju'n Aulaad Jawaan Huwi Hai Unki Fikre'n Badhti Hain Ab Na Roti Acchi Ma'aloom Hoti Hai Na Paani Fikr Ye Hoti Hai Ke Kisi Surat Se Rupeya Jama'a Karo Ke Ye Rasme'n Puri Hon Ab Rupeya Jama'a Kar Rahe Hain Is Rupeya Me'n Zakaat Bhi Wajib Hai Hajj Bhi Farz Hojata Hai Wo Nahi Ada Karte Kyunke Agar In Ibadaat Me'n Ye Rupeya Kharch Hogaya To Wo Shaytani Rasme'n Kis Tarah Puri Hongi. Me'n Ne Ek Sahab Ko Dekha Ke Unke Paas Taqriban 2000 Rupeya Tha Me'n Ne Kaha Aap Par Hajj Farz Hai Hajj Ko Jao Farmane Lage Ke Bada Hajj To Ladki Ki Shadi Aur Uska Jahez Hai Me'n Ne Kaha Shadi Ke Akhrajaat Jo Apni Qaum Ne Bana Liye Hain Wo Farz Nahi Hain Aur Hajj Farz Hai. Farmane Lage ,Kuch Bhi Ho Naak To Nahi Katwayi Jati. Aakhir Hajj Na Kiya Ladki Ki Shadi Me'n Gulchade Udaye. Aapne Maal-Daro'n Ko Dekha Hoga Ke Hajj Unko Naseeb Nahi Hota Lagatar Shadiyo'n Se Hi Unhe'n Chutkara Nahi Milta. Idhar Tawajjuh Kaise Kare'n Ye Bhi Khayaal Rahe Ke Hajj Karna Har Us Shakhs Ka Farz Hai Jiske Paas Makka MuAzzamah Jane Aane Ka Kiraya Aur Baaqi Masarif Hon Ye Jo Mash'hoor Hai Ke Budhape Me'n Hajj Karo Ghalat Hai Kya Khabar Budhapa Hamko Lega Ya Nahi Aur Ye Maal Rahega Ya Nahi.
•9vi Kharabi Ye Hai Ke Ghareeb Log Ladki Ke Bachpan Hi Se Kapde Jama Karne Shuru Karte Hain Kyunke Itne Jode Wo Ek Dam Nahi Bana Sakte Jab Tak Ladki Jawan Hoti Hai Kapde Gal Jate Hain. Unhe' Gale Huwe Kapdo'n Ke Jode Bana Kar Dete Hain. Jab Wo Pehne Jate To Do Din Me'n Phat Jate Hain Jisse Pahenne Wale Galiya'n Dete Hain Ke Aise Kapde Dene Ki Kya Zarurat Thi?
•10vi Kharabi Ye Hai Ke Dulhan Wale Musibat Utha Kar Paisa Barbad Karke Kaath Kabaad Yaani Mez-O-Kursiya , Sehriya'n Ladki Ko De To Dete Hain Magar Dulha Ka Ghar Itna Tang Aur Cchot Rehta Hai Ke Waha'n Rakhne Ko Jaga Nahi Aur Agar Dulha Miya'n Kiraya Ke Makaan Me'n Rehte Hain To Jab Du Chaar Dafa'a Makaan Badalna Padta Hai To Ye Tamaam Kaath Kabaad Toot Kar Zaga Hojata Hai.
Jitne Rupe Ka Jahez Diya Gaya Agar Itna Rupeya Naqad Diya Jata Ya Us Rupeya Ki Koyi Dukaan Ya Makaan Ladki Ko De Diya Jata To Ladke Ke Kaam Aata Aur Uski Aulaad Umar Bhar Aapko Duaye'n Deti Aur Ladki Ki Bhi Sasuraal Me'n Izzat Hoti Aur Agar Khuda Na Kare Ke Kabhi Ladki Par Koyi Musibat Aati To Use Kiraya Se Apna Bura Waqt Nikal Leti.
◆ Musalmano'n Ke Kuch Bahane
Jab Ye Kharabiya'n Musalmano'n Ko Batayi Jati Hain To Unko Chand Qism Ke Uzr Hote Bain. Ek To Ye Ke Sahab Ham Kya Kare'n , Hamari Aurate'n Aur Ladke Nahi Maante, Ham Unki Waja Se Majboor Hain , Ye Uzr Mahaz Be-Kaar Hain. Haqiqat Ye Hai Ke Aadhi Marzi Khud Mardo'n Ki Bhi Hoti Hai. Tab Unki Aurate'n Aur Ladke Ishara Ya Narmi Pakar Zid Karte Hain. Warna Mumkin Nahi Ke Hamare Ghar Me'n Hamari Marzi Ke Baghair Koyi Kaam Hojaye Agar Haandi Me'n Namak Zyada Hojaye To Aurat Bechari Ki Shamat Aur Agar Aulad Ya Biwi Kisi Waqt Namaz Na Padhe To Bilkul Parwah Nahi.
JaanLo Haq Ta'Aala Niyyat Se KhabarDaar Hai. Ba'z Buzrugo'n Ko Dekha Gaya Hai Ke Aage Aage Farzand Ki Baraat Ma'a Naach Baaje Kiye Jate Hai Aur Peeche Peeche Ye Hazrat LaHoul Padhte Huwe Chale Ja Rahe Hain Aur Kehte Hain Kya Kare'n Baccha Nahi Maanta Yaqinan Ye Lahoul Khushi Ki Hai. Hazrat Sa'adi AlaihirRahma Ne Kya Khoob Farmaya.
Ke Lahoul Goyand Shadi Kuna'
Dusre Panjab Me'n Ye Qanoon Hai Ke Maa'n Bap Ke Maal Se Ladki Miraas Nahi Paati Lakho_Pati Baap Ke Ba'd Sara Maal Jayedaad , Makanaat Sab Kuch Ladke Ka Hai. Ladki Ek Paayi Ki Haqdaar Nahi. Bahana Ye Karte Hain Ke Ham Ladki Ki Miraas Ke Badla Uski Shadi Dhoom Dhaam Se Kar Dete Hain.
Apne Naam Ke Liye Rupeya Haraam Kaamo'n Me'n Barbad Karo Aur Ladki Ke Hisse Se Kaato.
Kyun Janab! Aap Jo Ladke Ki Shadi Aur Uski Padhayi Likhayi Par Jo Rupeya Kharch Karte Hain. B.A.M.A Ki Digree Dilawate Hain Kya Wo Bhi Farzand Ke Miraas Se Kaate Hain, Hargiz Nahi. Phir Ye Uzr Kaisa , Ye Mahaz Dhoka Dena Hai.
Tisre Ye Ke Hamko Ulmaye Kiraam Ne Ye Baate'n Batayi Hi Nahi ... Isliye Ke Ham Log Isse Ghafil Rahe. Ab Jabke Ye Rasoom Chal Pade'n. Lihaza Inka Band Hona Mushkil Hai Lekin Ye Bahana Bhi Ghalat Hai. Ulmaye Alhle_Sunnat Ne Iske MutaAlliq Kitaabe'n Likhe'n Musalmano'n Ne Qubool Na Kiya..
Chunanche Imama Ahle_Sunnat AalaHazrat Fazile Bareilwi Qudda Sirrahu Ne Ek Kitaab Likhi جلی الصوت Jis Me'n Saaf Saaf Farmaya Ke Mayyat Ki Roti Amiro'n Ke Liye Haraam Hai Sirf Ghareeb Log Khaye'n.
Ek Kitaab Likhi ھادی الناس الی احکام الاعراس Jis Me'n Shadi Biyah Ki Murawajjah Rasmo'n Ki Buraiya'n Bataye'n Aur Shara'ee Rasme'n Bayaan Farmaye'n.
Ek Kitaab Likhi مروجہ النجاء Jis Me'n Saabit Farmaya Ke Siwa Chand Mauqao'n Ke Baaqi Jaga Aurat Ko Ghar se Nikalna Haaraam Hai Aur Bhi Ulmaye Ahle_Sunnat Ne In Baato'n Ke MutaAlliq Bahot Kitaabe'n Likhe'n Afsoos Ke Apna Qusoor Ulma Ke Sar Lagate Ho.
Chautha Bahana Ye Karte Hain Ke Agar Shadi Biyaho'n Me'n Rasme'n Na Hon To Hamare Ghar Log Jama Na Honge Jisse Shadi Me'n Ronaq Na Hogi. Magar Ye Faqat Wahem -o- Dhoka Hai.
Haq Ye Hai Ke Shadi -O- Nikah Me'n Shirkat Agar Sunnat Ki Niyyat Se Hoto Ibadat Hai Ab To Hamare Nikaho'n Me'n Log Tamaashayi Ban Kar Ya Khane Ke Liye Aate Hain. Jiska Kuch Sawaab Nahi Paate.
Aur Phir In Shaa Allah ibadat Ki Niyyat Se Aaya Karenge Jaise Ab Log Eid Ki Namaz Ke Liye Eid-Gah Me'n Jate Hain Tab In Shaa Allah Ronaq Hi Kuch Aur Hogi Aur Bahar Hi Kuch Aur Aayegi. Abhi Yahi Gujrat Me'n Azfal EeLaahi Sahab Ke Ghar Aisi Hi Seedhi Saadhi Shadi Huwi. Is Qadar Majma'a Tha Ke Me'n Ne Ab Tak Kisi Baraat Me'n Aisa Majma'a Na Dekha Bahot Se Musalman To Wazu Karke Durood Shareef Padhte Huwe Is Sare Juloos Me'n Shareek Huwe.
Paanchwa'n Bahana Ye Karte Hain Ke Log Ham Par Ta'ana Karenge Ke Kharch Kam Karne Ke Liye Ye Rasme'n Band Ki Hain Aur Ba'z Log Ye Kahenge Ke Ye Maatam Ki Majlis Hai Yaha'n Naach Nahi, Baaja Nahi. Goya Teejah Padh Raha Hai. Ye Uzr Bhi Be-Kaar Hai. Ek Sunnat Ko Zindah Karne Me'n 100-Shahido'n Ka Sawaab Milta Hai. Kya Ye Sawab Muft Mil Jayega. Logo'n Ke Ta'ane Awwam Ke Mazaaq , Awwal Awwal Bardasht Karne Padenge..
Aur Dosto Ab Bhi Log Ta'ane Dene Se Kab Baaz Aate Hain. Koyi Khane Ka Mazaaq Udata Hai Koyi Jahez Ka Koyi Aur Tarah Ki Shikayat Karta Hai. Gharz Ke Logo'n Ke Ta'ane Se Koyi Kisi Waqt Nahi Bach Sakta. Logo'n Ne Khuda Ta'Aala Aur Uske Rasulo'n Ko Aib Lagaye Aur Ta'ane Diye. Tum Unki Zaban Se Kis Tarah Bach Sakte Ho. Ye Bhi Yaad Rakho Ke Pehle To Kuch Mushkil Padegi Magar Ba'd Me'n In Shaa Allah Wahi Ta'ane Dene Wale Log Tumko Duaye'n Denge Aur Ghareeb -O- Ghurba Ki Mushkile'n Aasaan Hojayengi. Allah Aur Huzoor ﷺ Bhi Raazi Honge Aur Musalman Bhi Mazbuti Se Qaayim Rehna Shart Hai.