●Sawal:- Ba'z Khawateen Kehte Hai Ke Chehre Ka Pardah Karne Ka Quran -O- Hadees Main Kahi Zikr Nahi Hai. Aap Farmaiye Ke Maujuda Daur Ke Taqazo'n Ko Madde Nazar Rakhte Huwe Parde Ke Ahkam Par Kis Had Tak Amal Kiya Jana Chahiye??
▶Jawaab:-
Pehli Baat To Yeh Zahen Nasheen Rakhiye Ke Hame Deene IsLaam Ke Mutabiq Amal Karna Chahiye Na Yeh Ke Hum Deene IsLaam Ko Apni Marzi Ke MutabiQ Dhaalne Ki Aarzo Kare..
Baari Ta'Aala Ka Irshade Girami Hai ,
"Jo Hukm Na Mane Allah Aur Uske Rasool Ka Wo Beshak Sareeh Gumrahi Main Behka".
( Surah Al-Ahzab :36,Kanzul EEmAan )
Dusri Jaga Yeh Hukm Farmaya Gaya Hai,
" Aur Jo Kuch Rasool Tumhe'n Ata Farmaye Wo Lo Aur Jis Se Mana Farmaye Baaz Raho"
(Surah Al-Hashr:7, Kanzul EemAan )
Qabl Azee'n Surah Noor Main Satre Aurat Se Muta'alliq Ahkaam Bayaan Kiye Gaye Ab Hum Khaas Hijaab Se Muta'Alliq Guftagu Karte Hai Taake Un Khawateen Ki Ghalat Fehmi Door HoJaye Jo Kehti Hain Ke Chehre Ke Parde Ka Kahi Zikr Nahi Hai. Rabbe Kareem Haq Ko Samajh Ne Aur Usper Amal Krne Ki Taufiq Ata Kare.... AAmeen..
Irshade Bari Ta'Aala Huwa,
"Aye ( Gaib Batane wale ) Nabi ! Apni Bibiyo'n Aur Saheb Zaadiyo'n Aur Musalmano'n Ki Aurto'n Se Farmado Ke Apni Chadaro'n Ka Ek Hissah Apne Muh Par Daale Rahe'n Ye Usse Nazdeek Tar Hai Ke Inki Pehchan Ho To Satayi Na Jaye".
( Surah Al-Ahzabh:59, Kanzul Eemaan )
Yeh Zimnan Ye Baat Arz Karta Chalu Ke Ba'z Jahla Aur Ahle_Baite Athar Ke Dushman Sirf Sayyedah Fatima (RadiyAllahuTa'AalaAnha) Ke Binte Rasool Hone Ke Mudda'Ee Hain Aur Nabi-E-kareem ﷺ Ki Digar Teen Saheb Zaadiyo'n Ka Inkar Karte Hain.
Mazkurah Aayate Kareema par Ghaur Kijiye Is Main Lafz "Banatika" Aaya Hai. Qur'Aane Kareem Ne Bint (Ek Beti) Nahi Kaha Balke Jama Ka Lafz Banaat Istemaal Farmaya Jisse Saabit Hota Hai Ke Aaqa -O- Maula ﷺ Ki Ek Se Zyada Saheb Zaadiyaa'n The'n..
Sahi Riwayat Se Sabit Hai Ke Huzoor ﷺ Ki Chaar Saheb-Zaadiyaa'n The'n.
Hazrat Zainab
Hazrat Ruqaiyah
Hazrat Umme Kulsum
Hazrat Fatima ( RadiyAllahuAnhunnah)
( Sirate Ibn Hishshaam , J:1, S-202)
(Tabqate Ibn Saad, J:1, S-133)
( Al-Isti'Aab , J:2 , S- 718 )
Shi'ah Firqah Ki Motabar Tareen Kitaab Usool Kaafi Se Bhi Yeh Baat Sabit Hai.
Is Main Tehreer Hai Ke
Hazrat Khadija (RadiyAllahuTa'AalaAnha) Ke Batn Se Huzoor Ki Yeh Aulaad Paida Huwi Bi'sat Se Pehle Qaasim, Ruqaiyah ,Zainab , Umme Kulsum Aur Bi'sat Ke Baad Tayyab , Taahir , Aur Fatima AlaihiSsalaam.
(Usoole Kaaafi , J:1 , S- 439 Mat'Bu'Aa Tehran)
Mudada'Ee LAakh Pe Bhari Hai Gawahi Teri
Ab Hum Apne Asal Mouzu Ki Taraf Lautte Hain. Mazkurah Aayat Ki Tafseer Main Sayyedul Mufassireen Sayyedina AbdullAh Ibn Abbaas (RadiyAllahuTa'AalaAnhu) Farmate Hai,
"Apni Chadare'n Apne Chehro'n Per Latkaye'n Yaani Chehra ChupaLe'n Aur Chadaro'n Ko Is Tarah Odhe'n Ke Sina , Shikm , Pusht Aur Gala Dhaka Rahe, Yeh Is Liye Behtar Hai Ke Wo Pehchani Jaaye Ke Wo Badkaar Nahi Hain..
(Tanvirul Maqyaas Zer Aayat Haaza)
Hazrat Qatada Ibn Jareer Tabri , Ibn Abi Haatim Aur Marduya RehmahuMullAh Ne Bhi Is Aayat Ki Yahi Tafseer Bayan Ki Hai.
Allama Abu Bakar Hasaas RehmathullAhi Alaih Farmate Hai,
" Yeh Aayat Is Baat Ki Daleel Hai Ke Jawan Aurto'n Ko Na-Mehramo'n Se Chehra Chupane Ka Hukm Hai..
(Ahkamul Qur'Aan , J:3 , S- 458 )
Imam RAazi RehmathullAhi Alaih Raqm Taraaz Hain, Yeh Hukm Is Liye Diya Gaya Taake Logo'n Ko Ma'loom Ho Jaye Ke Yeh Badkaar Aurte'n Nahi Hain Kyun Ke Jo Aurat Chehra Chupa Rahi Hai Halake Yeh Satr Main Dhakill NaHi. To Isse Yeh Tauqa Kaise Ki Ja Sakti Hai Ke Woh Apna Satar Ghair Ke Samne Zaahir Karne Par Raazi Hogi..
(Tafseer Kabeer, J:6 ,S- 591)
In Dala'il Se Saabit Hogaya Ke Musalmaan Aurate'n Jab Kisi Shara'ee Zarurat Ke Tahet Ghar Se Bahar Nikle'n To Inka Sara Jism Kisi Badi Chadar Ya Burqa Se Dhakaa Huwa Hona Chahiye, Chehra Bhi HijAab Main Chupa Huwa Ho, Sirf Aakhe'n Khuli Rakhne Ki Ijazat Hai.
Jaisa Ke Hazrat Ibn Sireen (RadiyAllahuTa'AalaAnhu) Ne
Hazrat Ubaidatul Salmani (RadiyAllahTa'AalaAnhu) Se ( Jo Faqiyah Taaba'ee The) Riwayat Kiya Hai.
Allama Ibn Hayan Farmate Hain Ke Andlas Main Musalmaan Aurte'n Istarah Pardah Karti Hai Ke Inka Saara Chehra Chupa Hota Hai Sirf Ek Aankh Khuli Hoti Hai.
( Behre Muheet )
Maujuda Daur Ke Halaat -O- Waqi'aat Ke Tanazur Main Dekha Jaye To Aurat Ko Shadeed Majburi Ke Siwa Ghar Se Nikalna Hi Nahi Chahiye , Isi Main Aurat Ki Bhalayi Aur Ismat -O- Aabru Ki Salamti Hai.
Allah Ta'Aala Azz-O-Jal Ka Irshaad Hai,
"Apne Gharo'n Main Thehri Raho Aur Be-Pardah Na Raho Jaise Agli Jahiliyat Ki Be-Pardagi".
( Surah Al-Ahzab:33 Kanzul EEmaan)
Agli Jahiliyat Se Muraad Islam Se Qabl Ka Zamana Hai , Us Zamane Main Aurte'n Itraati Nikalti Thi Aur Apni Zinat-O-Muhaasin Ka Izhar Karti Thi Taa Ke Ghair Mard Dekhe'n.
Libaas Aise Pahenti Thi Jis Se Jism Ke Aaza Achhi Tarah Na Dhaken.
Aur Pichhli Jahiliyat Se Aakhri Zamana Murad Hai. Jis Main Logo'n Ke Af'aal Pehlo'n Ke Misl Hojayenge..
(Tafseer Khaza'yin-ul-Irfaan)
Hazrat Aaisha Siddiqua (RadiyallahuTa'AalaAnha) Ki Bargah Main Banu Tameem Qabile Ki Chand Aurte'n Aayi Jinhone Baareek Libaas Pehna Huwa Tha
Aap Ne Unse Farmaya , " Agar Tum Eemaan
Waali Aurte'n Hoto Jaan Lo Ke Ye Libaas Momin Aurto'n Ka Nahi Hai Aur Agar Tum Momin Nahi Hoto Phir Jo Chaho Karo".
(Tafseer Qurtabi )
Hazrat Fatima (RadiyAllahuTa'AalaAnhu) Ka Ye Irshaade Giraami Bhi Peshe Nazar Rakhiye Ke Jab Inse Pocha Gaya ,
Aurato'n Ke Liye Konsi Baat Sab Se Behtar Hai?
To Aapne Farmaya, "Na Wo Ghair Mardo'n Ko Dekhe'n Aur Na Hi Ghair Mard Unhe'n Dekhe'n".
(Sunni Baheshti Zewar , S:204 ,Ba'Hawala Daar Qatni)
Aalahazrat Imam Ahmad Raza Bareillvi (RadiyAllahuTa'AalaAnhu) Imam Faqiyah Abu Lais Aur Fath-ul-Qadeer Waghairah Kutube Fiqh Ke Hawale Se Likhte Hain Ke Shauhar Ke Liye Jaaiz Hai Ke Wo Apni Biwi Ko Saat Mauqa Par Ghar Se Nikalne Ki Ijazat De.
1 } Waledain Ya In Main Se Kisi Se Mulaqaat ( Hafta Main Ek Bar Din Bhar Ke Liye)
2 } Unki Eyaadat
3 } Unki Taa'Ziyat
4 } Digar Mehram RishtaDaro'n Se Mulaqaat , (Saal Main Ek Baar , Din Hi Ke Waqt Main)
5 } Agar Daya Ho Yaa
6 } Murdah Nehlane Wali Ho Ya
7 } Uska Kisi Dusre Par Haq Ho Ya Dusre Ka Us Par Haq ho
In Aakhri Teen Surtho'n Main Baa-Ijazat Aur Zaruratan Bila-Ijazat Bhi Nikal Sakti Hai , Hajj Bhi Isi Hukm Main Hai , In Mauqa Ke Aelawa Ajnabiyo'n (Aur Ghair Mehram RishtaDaro'n ), Ki Mulaqaat Unki Eyaadat Aur Unke Yaha'n Ghami Yaa Shadi Main Shirkat Ke Liye Shauhar Ijazat Na De Agar Ijazat Di To Dono'n Gunehgaar Honge.
(Jamal Al-Noor Fee Nahi Al-Nisaa Ziyaratul Quboor)
Ab QurAan -O-Sunnat Se Pesh Kardah Dala'il Ki