Tahajjud____Ki___Namaz
Ishaa Padh Kar Soye Rehne Ke Ba'd Jis Waqt Jaage Wo Tahajjud Ka Waqt Hai Magar Raat Ke Pichle Tahayi Hisse Me'n Padhna Afzal Hai.
Tahajjud Sunnat Hai Aur Ba-Niyat Sunnat Padhi Jati Hai Kam Se Kam 2-Raka'ate'n Aur Zyada Se Zyada 8-Raka'aten.
(Fathul Qadeer, AalamGiri)
Mas'alah: Din Ke Nafl Me'n Ek Salaam Se 4-Raka'at Se Zyada Aur Raat Ke Nafl Me'n Ek Salaam Se 8-Raka'at Se Zyada Padhna Makruh Hai Aur Afzal Ye Hai Ke Din Ho Ya Raat Ho 4-Raka'at Par Salaam Pher De.
(Durre Mukhtaar)
Mas'alah: Jab 2-Raka'at Se Zyada Nafl Ki Niyyat Hoto Har 2-Rakat Par Qaayedah Karna Hoga.
Tambiyah : Ek Saath 2-Raka'at Se Zaayid Nafl Me'n Shara'it Dushwaar Hain Isliye Aasaani 2-2 Raka'at Karke Padhne Me'n Hai.
Niyyat Is Tarah Kare:
Niyyat Ki Me'n Ne 2 Raka'at Namaz Sunnat Tahajjud Ki Waaste Allah Ta'Aala Ke Liye Muh Mera Ka'aaba Shareef Ki Taraf Allahu Akbar
Tahajjud Ki Namaz Sunnat Hai Yaha'n Sunnat Se Muraad Sunnate Ghair Mokidah Hai Yani Nafl Namaz Ke Hukm Me'n Hai.
Ref:Qanoon-E-Shari'at