●••Shafa'ee Maalik Ahmed Imame Haneef••●
●••Chaar Baaghe Imamat Pe Lakho'n Salam••●
●••Chaar Baaghe Imamat Pe Lakho'n Salam••●
◆Hazrat Imam Maalik Bin Anas RadiyAllahuTa'AalaAnhu
Aapki Wiladat San Hijri-93 Me'n Huwi.
Aapka Naam Maalik,
Kunniyat Abu AbdullAh,
Laqab Imam Darul Hijrah,
Aapka Nisbati Ta'Alluq Yaman Ke Shaahi KhaanDaan Hameer Ki Mash'hoor Shaakh "Asbah" Se Hai.
Jab Aap San Sha'oor Ko Pohnche To Madina Ka Chappah Chappah ILm-O- Irfaan Ke Noor Se Jagmaga Raha Tha, Aap Quboole ILm Ki Ghair Ma'muli Salahiyyat Ke Sath Tehseele ILm Me'n Munhamik (Kaamil Tawajjuh Se Kaam Me'n Laga Huwa) Hogaye.
Aap 17-Baras Ki Umr Me'n Sanade Dars-O- Ifta Par Mutamakkin (Qayim) Huwe. Aapko RasoolAllah ﷺ Ki Zaate Aqdas Se Walihana Ishq Tha, Dayare Habeeb Se Is Darje Uns(Mohabbat) Tha Ke Haj Ke Aelawah Kabhi Madina Se Juda Rehna Gawara Na Karte The.
Wo Farmaya Karte The Ke Mujhe Madina Taiba Ki Mitti Se Khushbu Aati Hai Aur Teen (3) Din Me'n Ek Baar Qazaye Haajat Ke Liye Jate Aur Farmate Ke Mujhe Baar Baar Jate Sharm Aati Hai.
Aapka Wisaal 14/Rabi-ul-Awwal San Hijri-179 Barooz Shamba Madina Munawwara Me'n Huwa. Wasiyat Ke Mutabiq Amire Madina Abdul Azeez Bin Muhammed Ibraheem Ne Namaze Janazah Padhayi Aur Jannat -ul- Baqee'a Me'n Dafn Kiye Gaye.
