●••Shafa'ee Maalik Ahmed Imame Haneef••●
●••Chaar Baaghe Imamat Pe Lakho'n Salam••●
◆Hazrat Imam Ahmad Bin Hambal Sheebani RadiyAllahuTa'AalaAnhu
Kunniyat Abu AbdullAh Aapke Aaba-O-Ajdaad Basrah Me'n Aabaad The.
Aapki Paida'ish San Hijri-164 Me'n Huwi,
Aap Ne Ibteda Me'n Imam Abu Usuf AlaihirRahma Ke Paas Fiqh-O- Hadees Ka ILm Haasil Kiya, Teen(3) Saal Tak Unki Khidmat Me'n Rahe Aur Unke Aelawah Dusre Ulma-O- Mashayikh Se Kasb Faiz Kiya, Tehseele ILm Ke Liye Kufa, Basrah, Shaam, Yaman, Haramain Sharifain, Jazirah Abadaani Ka Safar Kiya Aur Waha'n Ke Fuqaha-O-Muhaddiseen Ki Baargaho'n Se Wabasta Hokar Khoob Faiz Hasil Kiya. San Hijri-187 Me'n Hijaaz Ke Pehle Safar Me'n Unki Mulaqaat Imam Shafa'ee Se Huwi Thi.
Imam Ahmad RadiyAllahuTa'AalaAnhu Ne Chalees(40) Saal Ke Umr Me'n Baghdaad Ke Andar Halqa-E-Dars -O- Ifta Qaayim Kiya Jis Me'n Taalibaani ILm Aur Masayile Shar'eeyah Dariyaft Karne Walo'n Ka Bada AzDahaam Hota, Aap Buland Paaya Faqiyah Aur Mujtahid Fil_Mazhab The.
Maah Rabi-ul-Awwal San Hijri-241 Barooz JumuAh Daare Faani Se Rahlat Kar Gaye. Amire Baghdaas Muhammed Bin AbdullAh Bin Taahir Ne Namaze Janazah Padhayi. Baabe Harab Ke Maqbarah Me'n Dafn Kiye Gaye. 230 Saal Ba'd Aapki Qabr Ke Pehlu Me'n Qabar Khodi Gayi Jisse Qabr Ka Ek Hissah Khul Gaya , Dekha Gaya To Aapka Kafan Saheeh -O- Saalim Tha, Jism Me'n Koyi Taghaiyur(Tabdili) Waqa'a Nahi Huwa Tha.
