◆Qaatilaane Imam Husain Par Tarah Tarah Ka Azaab
Qatilane Imam Aali Maqam Mai Se Jo Bad Bakht Qatal Se Bache Wo Tarha Tarha Ke Zillat Aamez -O- Ibrat Khez Qudrati Azabo'n Main Mubtela Ho Gaye. Chunanche Wo Bad-Naseeb Jis Ne Hazrat Imam Ka Sare Aqdas Shikar Band Se Bandha Tha. Bada Hi Khubsurat Aur Haseen Jawan Tha. Magar Is Waqiye Ke Ba'd Iski Surat Aisi Masakh Ho Kar Bigad Gayi Ke Wo Ek Dam Kala Rusiya Aur Karihul Manzar Ho Gaya. Logo'n Ne Iska Haal Pucha To Isne Bataya Ke Karbala Se Wapasi Ke Ba'd Main Rozana Khwab Me 2-Khouf Naak Aadmiyo'n Ko Dekhta Hon Ke Wo Mujhe Ghaseete Huwe Jalti Huwi Aag Per Aoundha Latkate Hain. Isi Tarha Har Roz Mera Chehra Jalta Aur Pigalta Rehta Hai. Yahi Wajah Hai Ke Mera Chand Sa Muh Siyah Aur Mera Haal Tabah Ho Gaya. Ye Khabees Ta Dame Marg Isi Bala Main Giraftar Rah Kar Mar Gaya.
Isi Tarha Jabir Bin Yazeed Azdi Jis Ne Hazrat Imam Ka Amama Sare Mubarak Se Utar Kar Apne Sar Per Bandh Kar Khushi Mai Raqs Kiya Tha. Us Per Ye Qahre Eelaahi Toot Pada Ke Fouran Hi Pagal Ho Gaya. Gandi Naliyo'n Ka Pani Pita Aur Gobar Aur Dusri Najasate'n Khata Phirta Tha. Majburan Uske Ghar Walo'n Ne Isko Zanjeer Main Jakadh Diya Aur Isi Halat Main Wo Zameen Per Naak Ragad Ragad Kar Mar Gaya.
Ju'una Hazrami Jis Ne Hazrat Imam Ka Kurta Utar Kar Pehan Liya Tha 2o Mardood Bhi Kodhi Ho Gaya. Aur Iske Jism Ki Khal Aur Sar Aur Dadhi Ke Baal Sadh Sadh Kar Zameen Per Gir Padhe.
Aswad Bin Hanzalah Ne Hazrat Imam Ki Talwar Per Qabza Kar Liya Tha Wo Bhi Juzam Mai Mubtela Huwa Aur Iske Tamam Badan Per Bade Bade Aabile Padh Gaye, Yahan Tak Ke Iska Sara Badan Sadh Gaya.
Hurmila Bin Kahil Jis Ne Hazrat Ali Asgar Ke Halqoom Per Teer Mara Tha, Wo Is Azab Mai Giraftar Huwa Ke Iska Agla Rukh Shikam Ki Janib Har Waqt Aag Ki Tarha Jalta Tha. Aur Peet Ki Taraf Pichla Hissah Baraf Se Ziyada Thanda Rehta Tha. Pusht Ki Taraf Wo Hamesha Aag Jalaye Rakhta Aur Shikam Ki Taraf Har Waqt Paani Chidakta Aur Pankah Jhulasta Rehta Tha. Aur Usko Pyaas Ki Aisi Shiddat Raha Karti Thi Ke Har Waqt Paani Pita Rehta Tha. Magar Uski Pyaas Nahi Bujhti Thi. Aakhir Isi Musibat Main Giraftar Rehte Huwe Sar Patak Patak Kar Halaak Ho Gaya. Algharaz Gulshane Zahra Ke Lehlahate Baagh Ko Ujadh Kar Rahmate Aalam Ke Sisha -E- Dil Ko Paash Paash Karne Wale Dushmanane Imam Main Se Koyi Bhi Qudrat Ke Qahirana Inteqaam Se Nahi Bacha. Aur Sab Ke Sab Qahre Qahhar -O-Ghazabe Jabbar Main Giraftar Ho Kar Aazabe Darain Ke Sazawaar Huwe.
Yaad Rakhiye Ke Is Duniya Main Jis Tarha Har Cheez Ki Khaas Khaas Tasire'n Hain Isi Tarha Adal Aur Zulm Ki Bhi Khaas Khaas Tasiraat Hain. Yaad Rakhiye Ke Adal Ki Taseer Aabadi Hai, Aur Zulm Ki Taseer Barbadi. Hazrat Maulana Rumi AlaihirRahmah Ne Kya Khoob Farmaya Ke
Gandam Az Gandam Buroyad Jo
Az Jo
Az Makafate Amal Ghafil Mashau
Yani Geho'n Bone Se Geho'n Ugta Hai , Aur Jau Bone Se Jau Ugta Hai. Jo Bo'o'ge Wahi Katoge Isliye Apne Amal Ki Jaza Aur Paadasah Se Ghafil Na Ho. Mashoor Misl Hai Ke..
"Jaisa Karoge Waisa Bharoge."
Maqame Ibrat Hai Ke Sirf Chand Barso'n Main Dushmanane Imam Qudarat Ke Qahirana Inteqaam Mai Mubtela Ho Kar Duniya Se Neest -O- Nabood Ho Gaye. Aur Inka Naam -O- Nishan Bhi Mit Gaya. Sach Kaha Kisi Shayer Ne Ke..
Dedi? Ke Khoone Naahaq Parwana Shamma Ra
Chandaa'n Amaa'n Na-Daad Ke Shab Ra Sahar Kund
Yani Shamma Ne Parwane Ka Khoone Naa-Haq Kiya To Tumne Iska Anjam Bhi Dekha. Ke Parwane Ke Khoone Naa-Haq Main Shamma Ko Itni Der Bhi Amaa'n Nahi Di Ke -O- Subh Tak Roshan Rah Sake. Balke Subh Hone Se Pehle Hi Shamma Bhi Bujha Di Gayi.
Qatilane Imam Aali Maqam Mai Se Jo Bad Bakht Qatal Se Bache Wo Tarha Tarha Ke Zillat Aamez -O- Ibrat Khez Qudrati Azabo'n Main Mubtela Ho Gaye. Chunanche Wo Bad-Naseeb Jis Ne Hazrat Imam Ka Sare Aqdas Shikar Band Se Bandha Tha. Bada Hi Khubsurat Aur Haseen Jawan Tha. Magar Is Waqiye Ke Ba'd Iski Surat Aisi Masakh Ho Kar Bigad Gayi Ke Wo Ek Dam Kala Rusiya Aur Karihul Manzar Ho Gaya. Logo'n Ne Iska Haal Pucha To Isne Bataya Ke Karbala Se Wapasi Ke Ba'd Main Rozana Khwab Me 2-Khouf Naak Aadmiyo'n Ko Dekhta Hon Ke Wo Mujhe Ghaseete Huwe Jalti Huwi Aag Per Aoundha Latkate Hain. Isi Tarha Har Roz Mera Chehra Jalta Aur Pigalta Rehta Hai. Yahi Wajah Hai Ke Mera Chand Sa Muh Siyah Aur Mera Haal Tabah Ho Gaya. Ye Khabees Ta Dame Marg Isi Bala Main Giraftar Rah Kar Mar Gaya.
Isi Tarha Jabir Bin Yazeed Azdi Jis Ne Hazrat Imam Ka Amama Sare Mubarak Se Utar Kar Apne Sar Per Bandh Kar Khushi Mai Raqs Kiya Tha. Us Per Ye Qahre Eelaahi Toot Pada Ke Fouran Hi Pagal Ho Gaya. Gandi Naliyo'n Ka Pani Pita Aur Gobar Aur Dusri Najasate'n Khata Phirta Tha. Majburan Uske Ghar Walo'n Ne Isko Zanjeer Main Jakadh Diya Aur Isi Halat Main Wo Zameen Per Naak Ragad Ragad Kar Mar Gaya.
Ju'una Hazrami Jis Ne Hazrat Imam Ka Kurta Utar Kar Pehan Liya Tha 2o Mardood Bhi Kodhi Ho Gaya. Aur Iske Jism Ki Khal Aur Sar Aur Dadhi Ke Baal Sadh Sadh Kar Zameen Per Gir Padhe.
Aswad Bin Hanzalah Ne Hazrat Imam Ki Talwar Per Qabza Kar Liya Tha Wo Bhi Juzam Mai Mubtela Huwa Aur Iske Tamam Badan Per Bade Bade Aabile Padh Gaye, Yahan Tak Ke Iska Sara Badan Sadh Gaya.
Hurmila Bin Kahil Jis Ne Hazrat Ali Asgar Ke Halqoom Per Teer Mara Tha, Wo Is Azab Mai Giraftar Huwa Ke Iska Agla Rukh Shikam Ki Janib Har Waqt Aag Ki Tarha Jalta Tha. Aur Peet Ki Taraf Pichla Hissah Baraf Se Ziyada Thanda Rehta Tha. Pusht Ki Taraf Wo Hamesha Aag Jalaye Rakhta Aur Shikam Ki Taraf Har Waqt Paani Chidakta Aur Pankah Jhulasta Rehta Tha. Aur Usko Pyaas Ki Aisi Shiddat Raha Karti Thi Ke Har Waqt Paani Pita Rehta Tha. Magar Uski Pyaas Nahi Bujhti Thi. Aakhir Isi Musibat Main Giraftar Rehte Huwe Sar Patak Patak Kar Halaak Ho Gaya. Algharaz Gulshane Zahra Ke Lehlahate Baagh Ko Ujadh Kar Rahmate Aalam Ke Sisha -E- Dil Ko Paash Paash Karne Wale Dushmanane Imam Main Se Koyi Bhi Qudrat Ke Qahirana Inteqaam Se Nahi Bacha. Aur Sab Ke Sab Qahre Qahhar -O-Ghazabe Jabbar Main Giraftar Ho Kar Aazabe Darain Ke Sazawaar Huwe.
Yaad Rakhiye Ke Is Duniya Main Jis Tarha Har Cheez Ki Khaas Khaas Tasire'n Hain Isi Tarha Adal Aur Zulm Ki Bhi Khaas Khaas Tasiraat Hain. Yaad Rakhiye Ke Adal Ki Taseer Aabadi Hai, Aur Zulm Ki Taseer Barbadi. Hazrat Maulana Rumi AlaihirRahmah Ne Kya Khoob Farmaya Ke
Gandam Az Gandam Buroyad Jo
Az Jo
Az Makafate Amal Ghafil Mashau
Yani Geho'n Bone Se Geho'n Ugta Hai , Aur Jau Bone Se Jau Ugta Hai. Jo Bo'o'ge Wahi Katoge Isliye Apne Amal Ki Jaza Aur Paadasah Se Ghafil Na Ho. Mashoor Misl Hai Ke..
"Jaisa Karoge Waisa Bharoge."
Maqame Ibrat Hai Ke Sirf Chand Barso'n Main Dushmanane Imam Qudarat Ke Qahirana Inteqaam Mai Mubtela Ho Kar Duniya Se Neest -O- Nabood Ho Gaye. Aur Inka Naam -O- Nishan Bhi Mit Gaya. Sach Kaha Kisi Shayer Ne Ke..
Dedi? Ke Khoone Naahaq Parwana Shamma Ra
Chandaa'n Amaa'n Na-Daad Ke Shab Ra Sahar Kund
Yani Shamma Ne Parwane Ka Khoone Naa-Haq Kiya To Tumne Iska Anjam Bhi Dekha. Ke Parwane Ke Khoone Naa-Haq Main Shamma Ko Itni Der Bhi Amaa'n Nahi Di Ke -O- Subh Tak Roshan Rah Sake. Balke Subh Hone Se Pehle Hi Shamma Bhi Bujha Di Gayi.