◆Meraaj Shareef Ke Liye Huzoor ﷺ Ki Tayyari
Huzoor Aqdas Alehissalaat Wassalaam Ne Irada-E- Taharat Farmaya To Darogaa-E- Jannat Aabe Kausar Ki Du(2) Suraahiyaa(n) Lekar Hazir Hogaya. Aabe Kausar Se Ghusl Diya Gaya ....
● Maahe Wannajam Tasadduq Ho Rahe Hain , Unhe Dulha Banaya Jaa Raha He ●
● Maahe Wannajam Bhi Madham Padh Rahe Hain , Naqaabe Rukh Othaya Jaa Raha He ●
◆Aalahazrat (RadiyAllahu Ta'aala Anhu) Farmate Hain......
● Khuda Hi De Sabr Jaane Purgham , Dikhao(n) Kyun Kar Tujhe Wo Aalam
Jab Unko Jhurmat Main Lake Qudsi Jinaa(n) Ka Dulha Bana Rahe The
● Utar Ker Unke Rukh Ka Sadqa Ye Noor Ka Butt Raha Tha Bada !
Ke Chand Suraj Machal Machal Ker Jabee(n) Ki Khairat Mangte The
● Wohi To Ab Tak Chalak Raha Hai Wohi To Joban Tapak Raha Hai
Nahaane Main Jo Gira Tha Paani Katore Taaro(n) Ne Bhar Liye The
● Bacha Jo Talwo(n) Ka Unke Dhouwan Bana Woh Jannat Ka Rang -O- Roghan
Jinho(n) Ne Dulha Ki Paayi Utran Woh Phool Gulzare Noor Ke The
● Khabar Ye Tehweele Mahr Ki Thi Ke Rut Sunhani Ghadi Phire Gi
Waha Ki Poshaak Zebe- Tan Ki
Yaha(n) Ka Joda Badha Chuke The ●
Ghusl Ke Ba'd Aapne Nuraani Juda Zeb- Tan Farmaya , To Phir Shabe Asraa Ki Jalwah Reziyo(n) Ka Aalam Kuch Aur Hi Hogaya.....
● Shabe Asraa Ke Dulha Pe Daayim Durood , Nausha-E- Bazme Jannat Pe Laakho(n) Salaam ●
Shabe Asraa Ke Dulha , TaajDaare Ambiyaa Hazrate Umme Haani (RadiyAllahu Ta'aala Anha) Ke Ghar Se Oth Ker Baitullah Shareef Laaye , To Waha Aap Ka Shaqqe Sadr Huwa. Huzoor Akram ﷺ Farmate Hain.......
(Pas jibra'eel Alehissalam Utre , Unhone Mera Sina Khola , Phir Zam-Zam Ke Paani Se Dhoya , Phir Sone Ka Tasht Hikmate Eemaan Se Bhara Huwa Laaye , Use Mere Sine Main Palat Diya , Phir Use Milaa Diya (Yaani Si Diya)
(📙Mishkaat Shareef , S-539)
(📙Na'eemi Khutbaat, J-1, S-282 to 284)