◆Sayyed Unchaa Hai
Muhtasib (Governor) The Wo Apne Naayibo'n Aur Khadimo'n Ke Hamrah Sayyed Abdur Rahmaan TabaTee Mu'Azzin Ke Ghar Tashreef Le Gaye Unse Ijazat Talab Ki Wo Apne Ghar se Bahar Aaye To Unhe Muhtasib Ke Unke Haan Aane Par Hairat Huwi Wo Unhe Andar Le Gaye Ham Bhi Unke Sath Andar Chale Gaye To Qaazi Jamaluddeen Ne Kaha,
Hazrat Mujhe Muaf Kar Dijiye!
Unhone Pucha Janab Kyun Muaf Kardo'n ?
Unhone Kaha Kal Raat Main Qil'ah Par Gaya Aur Badshah Yani Mulke Zaahir Barqooq Ke Samne Betha To Aap Tashreef Laye Aur Mujh Se Buland Jaga Beth Gaye. Main Ne Apne Dil Main Ye Kaha Ye Badshah Ki Majlis Main Mujhse Unche Kyun Bethe Hain?
Raat Ko Main Soya To Mujhe Nabi Kareem ﷺ Ki Ziyarat Huwi Aap Ne Mujhe Farmaya, Mehmood! To Is Baat Se Aar Mehsoos Karta Hai Ke .Meri Aulaad Se Neeche Bethe?
Ye Sun Kar AbdurRahmaan Ru Padhe Aur Kaha Janab Main Kon Hon Ke Nabi Kareem ﷺ Mujhe Yaad Farmayen, Ye Sunna Tha Ke Tamam Hazireen Ki Aankhe'n Ashkabar Hogaye'n. Sab Ne Sayyed Sahab Se Dua Ki Darkhwast Ki Aur Wapas Aagaye.
☆Sayyed Muhammad Faasi Farmate Hain Ke Main Madina Munawwara Ke Ba'z Hasani SaaDaat Ko Na-Pasand Rakhta Tha Kyun Ke Bazahir Unke Af'aal Sunnat Ke Mukhalifat The Khwaab Main Nabi Kareem ﷺ Ne Mera Naam Le Kar Farmaya , Ae_Fala'n ! Kya Baat Hai Main Dekhta Hon Ke Tum Meri Aulaad Se Bughz Rakhte Ho?
Main Ne Arz Kiya, Khuda Ki Panah Yaa RasoolAllah ﷺ ! Main Unke Khilafe Sunnat Af'aal Ko Na-Pasand Rakhta Hon.
Farmaya Kya Ye Faqhi Masla Nahi Hai Ke Na-Farmaan Aulaad Nasab Se Mulhaq Hoti Hai?
Main Ne Arz Kiya Haan Yaa RasoolAllah ﷺ !
Farmaya , Ye Nafarmaan Aulaad Hai.
Jab Main Bedaar Huwa To Un Main Se Jisse Bhi Milta Uski Be-Had Ta'azeem Karta.