◆Sayyed Banaya Nahi Jata
Allama Ibne Hajar Makki Farmate Hain Ke Iraaq Ka Ek Ameer SaaDaat Se Shadeed Mohabbat Rakhta Tha Aur Unki Intehayi Ta'azeem -O- Takreem Karta Tha, Iski Majlis Main Jab Koyi Sayyed Maujood Hota To Unhe Sabse Aaghe Bithata Agarche Waha Unse Zyada MaaLDaar Aur Bade Martabe Wala Duniya-Daar Maujood Hota.
Ek Dafa Ek Sayyed Is Ameer Ki Majlis Main Aaye Us Waqt Waha Ek Bahot Bada Aalim Maujood Tha , Sayyed Sahab Ko Bethne Ke Liye Jo Jaga Mili Wo Aalim Se Unchi Thi Wo Us Jaga Beth Gaye Wo Iske Mustahiq Bhi The Aur Jante The Ke Ameer Isse Raazi Hoga Isse Aalim Ke Chehre Par Na-Gawari Ke Aasaar Zaahir Huwe Aur Usne Na-Munasib Guftagu Shuru Kardi. Ameer Ne Uski Baat Par Tawajjuh Na Di Aur Dusri Baat Shuru Kardi.
Kuch Der Ba'd Hasbe Ma'mool Bhool Gaya To Ameer Ne Us Aalim Ke Bete Ke Muta'alliq Pucha Jo Tehseele ILm Main Masroof Tha Us Aalim Ne Kaha , Wo Mutawwan Yaad Karta Hai Asbaaq Padhta Hai Usne Ye Padha Wo Padha Hai , Uska Ek Sabaq Subah Ke Waqt Muqarrar Hai Ek Sabaq Dusre Waqt Mu'ayyan Hai, Isi Tarah Uske Digar HaaLaat Bayaan Karta Raha.
Ameer Ne Kaha Kya Tune Uske Liye Aisa Nasab Bhi Muhayya Kiya Hai Aur Use Aisi Sharaft Bhi Sikhayi Hai Ke Wo Nabi Akram ﷺ Ki Aulaad Se Hojaye. Aalim Apni Harkat Faramoosh Kar Chuka Tha Usne Kaha , Ye Fazilat Farham Karne Aur Sikhane Se Haasil Nahi Ho Sakti , Ye To Allah Ta'Aala Ki Inayat Hai Isme Kasb Ko Dakhal Nahi Hai.
Ameer Ne Bade Zoor Se Kaha Khabees ! Jab Tujhe Ye Baat Ma'loom Hai To Tune Sayyed Sahab Ke Unchi Jaga Bethne Ko Kyun Na-Gawaar Mehsoos Kiya
Ba-Khuda ! Aaindah Tum Meri Majlis Main Nahi Aaoge Phir Hukm Diya Aur Use Waha Se Nikalwa Diya.
◆Qaatil Ki Rihayi
Baghdaad Ke Haakim Ibraheem Bin Is'haaq Ne Ek Raat Khwaab Main Huzoore Akram ﷺ Ko Dekha Aur Huzoor Ne Usse Farmaya , Qaatil Ko Riha Kardu. Ye Sun Kar Haakime Baghdaad Kaanpta Huwa Otha Aur Ma'Tahet A'mala Se Pucha Ke Aisa Koyi Mujrim Bhi Hai Jo Qaatil Ho?
Unhone Bataya Ke Haan Ek Aisa Shakhs Bhi Hai Jis Par ILzaame Qatl Hai. Haakime Baghdaad Ne Kaha , Use Mere Saamne Laa'o. Chunanche Use Laya Gaya. Haakime Bhagdaad Ne Pucha Sach Sach Bata'o Waqi'ab Kya Hai? Usne Kaha Sach Kahon Ga Jhoot Harghiz Na Bulo'n Ga... Baat Ye Huwi Ke
Ham Chand Aadmi Mil Kar Ayyashi -O- Bad'Maashi Kiya Karte The. Ek Budhi Aurat Ko Ham Ne Muqarrar Kar Rakha Tha Jo Har Raat Kisi Bahane Se Koyi Na Koyi Aurat Le Aati Thi. Ek Raat Wo Ek Aisi Aurat Ko Laayi Jisne Meri Zindagi Main Inqelaab Barpa Kar Diya. Baat Ye Huwi Ke Wo Nau'warid Aurat Jab Hamare Saamne Aayi To Cheenkh Maar Kar Be'Hosh Hokar Gir Gayi. Main Ne Use Otha Kar Ek Dusre Kamre Main Laa Kar Use Hosh Main Laane Ki Koshish Ki Aur Jab Wo Hosh Main Aagayi To Usse Cheenkh Ne Aur Be'Hosh Hone Ki Waja Puchi.
Wo Boli Ae_NauJawaan ! Mere Haqq Main Allah Se Dar Phir Kehti Hon Ke Allah Se Dar ! Ye Budhiya To Mujhe Bahane Hi Bahane Se Is Jaga Le Aayi Hai.
Dekh ! Main Ek Shareef Aurat Hon Aur Sayyed Hon ' Mere Nana RasoolAllah ﷺ Aur Meri Maa'n Fatima Tuz Zahra RadiyAllahu Ta'Aala Anha Hai. KhabarDaar ! Is Nisbat Ka Lihaaz Rakhna Aur Meri Taraf Bad-Nigahi Se Na Dekhna. Main Ne Jab Us Paak Aurat Se Jo Sayyedah Thi Ye Baat Suni To Larz Gaya Aur Apne Dosto'n Ke Paas Aakar Unhe Haqeeqate Haal Se Aagah Kiya Aur Kaha Agar Aaqibat Ki Khair Chahte Ho To Is Mukarrama-O- Mu'Azzama Khatoon Ki Be-Adbi Na Hone Paaye. Mere Dosto'n Ne Mere Is Wa'z Se Ye Samjha Ke Shayad Main Inko Hata Ker Khud Tanha Main Irtekaabe Gunah Karna Chahta Hon Aur Unse Dhoka Kar Raha Hon. Is Khayaal Se Wo Mujh Se Ladne Par Aamadah Hogaye. Main Ne Kaha , Main Tum Logo'n Ko Kisi Surat Man Is Amr Sha'fee'a Ki Ijazat Na Dunga, Ladunga Mar Jao'nga Is Sayyedah Ki Taraf Bad-Nigahi Manzoor Na Karunga. Chunanche Wo Mujhe Par Jhapat Padhe. Aur Mujhe Unke Hamle Se Ek Zakhm Bhi Aagaya Aur Isi Asna Main Ek Shakhs Jo Us Sayyedah Ke Kamre Ki Taraf Jana Chahta Tha. Mere Rokne Par Mujh Par Hamla Aawar Huwa To Main Uspar Churi Se Hamla Kar Diya Aur Use Maar Daala. Phir Us Sayyedah Ko Apni Hifazat Main Le Kar Bahar Nikla To Shoor Mach Gaya , Churi Mere Hath Main Thi Main Pakda Gaya Aur Aaj Ye Bayaan De Raha Hon.
Haakime Baghdaad Ne Kaha , Jao Tumhe RasoolAllah ﷺ Ke Hukm Se Riha Kiya Jata Hai.
【HujjaTullAhi Alal Aalameen , S:813】