◆ Wasiyate Rasool Akram ﷺ
Nabi Paak ﷺ Ne Farmaya Ke Ahle_Bait Se Pesh Aane Ke Muta'alliq Meri Wasiyat SunLu Kyun Ke Qayamat Main Main Unki Taraf Se Tum Se Jhagduga Aur Jisse Jhagda Karoga Use Allah Ta'Aala Malghoob Farmayega Aur Jise Allah Ta'Aala Malghoob Farmayega Use Jahannam Main Daakhil Farma Dega. Hadees Saheeh Main Hai Jaisa Ke Bahot Se Ahle_Sunan Ne Bayaan Kiya.
◆Abu Lahab Ki Beti (Jahnnami Baap Ki Jannati Beti)
Jab Abu Lahab Ki Beti Hijrat Karke Madina Tayyeba Tashreef Laayi To Unhe Kaha Gaya Ke Tumhari Hijrat Tumhe Be-Niyaaz Karegi , Tum To Jahannam Ke Indhan Ki Beti Ho. Unhone Ye Baat Nabi Kareem ﷺ Se Arz Ki To Aap Sakht Naraaz Huwe Aur Bar Sare Mimbar Farmaya , Un Logo'n Ka Kya Haal Hai Jo Mere Nasab Aur Rishtedaro'n Ke Bare Main Aziyat Dete Hain. Jis Ne Mere Nasab Aur Rishtedaro'n Ko Aziyat Di Usne Mujhe Aziyat Di Aur Jisne Mujhe Aziyat Di Usne Allah Ta'Aala Ko Aziyat Di.
◆ Aa'daa-E- Ahle_Bait:
Hazrat Ibne Abbaas RadiyAllahu Ta'Aala Anhu Se Marwi Hai Ke RasoolAllah ﷺ Ne Farmaya , Ae_Banu Abdul Muttalib ! Main Tumhare Liye Allah Ta'Aala Se Teen(3) Cheezo'n Ki Dua Ki Hai.
1____ Tum Main Jo Deen Par Qaayim Hai Use Saabit Qadmi Ata Farmaye.
2____ Tumhare Be_ILm Ko ILm Ata Farmaye.
3____ Tumhare Be-Rah Ko Hidayat Ata Farmaye.
Agar Koyi Shakhs BaitullAh Shareef Ke Ek Kone Aur Maqaame Ibraheem Ke Darmiyaan Chala Jaye Aur Namaaz Padhe Aur Roze Rakhe Phir Wo Ahle_Bait Ki Dushmani Par Marjaye To Wo Jahannam Main Jayega.
【Tibraani -O-Haakim】
◆Bugz Ki Saza:
Hazrat Ibne Abbaas RadiyAllahu Ta'Aala Anhu Se Marwi Hai ,Banu Haashim Aur Ansaar Ka Bugz Kufr Aur Arab Ka Bugz Munafiqat Hai.
【Tibrani】
◆ Aale Rasool ﷺ Ka Dushman Waldul Haraam:
Hazrat Ali Murtada RadiyAllahu Ta'Aala Anhu Rawi Hain Ke RasoolAllah ﷺ Ne Farmaya , Jo Shakhs Meri Itrat Tayba -O- Ansaar Ko Nahi Pehchanta (Yaani Ta'azeem Nahi Karta) To Uski Teen(3) Main Se Koyi Ek Waja Hogi , Ya To Munafiq Hai ..... Ya Waldul Zina Hai Ya Jab Uski Maa'n Usse Hamila Huwi To Wo Paak Nahi Hogi.
(Baihaqi Fee Shu'abul Eemaan)
◆Bugze Ahle_Bait
Hazrat Jabir RadiyAllahu Ta'Aala Anhu Se Rawi Hain Wo Farmate Hain, Hame Nabi Kareem ﷺ Ne Khutba Irshaad Farmaya Main Ne Aapko Farmate Suna Ke Ae_Logo'n! Jo Shakhs Ahle_Bait Ko Mabghooz Rakhega , Allah Ta'Aala Qayamat Ke Din Use Yahudi Bana Kar Othayega.
(Tibrani Fil Ausat)
◆Bughz Wala
Hazrat Abu Sa'eed Khudri RadiyAllahu Ta'Aala Anhu Se Riwayat Hai Ke RasoolAllah ﷺ Ne Farmaya , Ham Ahle_Bait Ko Koyi Shakhs Mabghooz Nahi Rakhega Magar Allah Ta'Aala Use Jahannam Main Daakhil Farmayega. (Ye Hadees Imam Haakim Ne Riwayat Ki Aur Ise Shart Shaykhain Par Saheeh Qaraar Diya)
◆Haasid
Hazrat Ali Murtada Radiyallahu Ta'Aala Anhu Se Marwi Hai Ke Unhone Hazrat Ameer Mu'aviyah RadiyAllahu Ta'Aala Anhu Ko Farmaya , Hamare Bughz Se Ijtenaab Karna Kyunke RasoolAllah ﷺ Ne Farmaya , Jo Shakhs Ham Se Bughz Ya Hasad Karega Use Qayamat Ke Din Hauze Kausar Se Aag Ke Chaabuko'n Se Door Kiya Jayega.
【Tibrani】
◆Mal'oon
Hadees Shareef Main Imaam Ahmed Ne Marfu'an (Yani Nabi Kareem ﷺ Ka Irshaad) Riwayat Kiya , Jo Shakhs Ahle_Bait Se Bughz Rakhe Wo Munafiq Hai.
☆Sarware Aalam ﷺ Ne Farmaya , Jis Shakhs Ne Mere Ahle_Bait Par Zulm Kiya Aur Mujhe Meri Itrate Paak Ke Baare Main Azee'yat Di , Uspar Jannat Haraam Kar Di Gayi.
☆Imamul Ambiya-O-Mursaleen ﷺ Ne Farmaya , Main Ne Saat(7) Qism Ke Logo'n Par La'anat Ki Hai Aur Har Nabi Ki Dua Qubool Hoti Hai, Un Main Se Aap Ne Us Shakhs Ko Shumaar Kiya Jo Aapki Aulaad Ke Saath Wo Mu'amilah Jaa'iz Samajhta Hai Jise Allah Ta'Aala Ne Haraam Kiya Hai.