◆Fawa'yid Az Ahaadeese Mubaraka
☆Ahle_Baite Rasool Akram ﷺ Musalmano'n Ke Liye Duniya Main Kashti-E- Nuh Alaihissalam Ki Manind Hain , Ahle_Bait Ki Mohabbat , Unki Ita'at -O- Itteba'a Zariya-E- Najaat Hain.
☆ Ahle_Bait Se Mohabbat RasoolAllah ﷺ Se Mohabbat Ki Alamat Aur Daleel Hai.
☆ Huzoore Akram ﷺ Ke Ghar Walo'n , Azwaaje Mutehharaat , Aulaade Paak Ki Mohabbat Huzoore Akram ﷺ Ki Mohabbat Ka Zinah Hai Aur Huzoor ﷺ Unse Raazi Aur Khush Hote Hain.
☆ Ahle_Baite Athaar Ki Mohabbat Ka Taqaza Hai Ke Tamaam Sahaba -E- Rasool ﷺ Se Mohabbat Rakhi Jaye Jo Sahaba Kiraam Se Mohabbat Nahi Rakhta Wo Ahle_Baite Athaar Ka Bhi Mukhalif Hai Aur RasoolAllah ﷺAur Allah Ta'Aala Ka Mukhalif -O-Baaghi Mardood Aur Jahannami Hai.
☆Ahle_Bait Ki Mohabbat Ka Taqaza Hai Ke Unke Maqaam Ki Ma'arifat Haasil Ki Jaye Unki Kama Haqqa Ta'azeem -O- Takreem Ki Jaye Unke Naqshe Qadam Ki Pairwi Ki Jaye.
☆ Aale Rasool ﷺ Ki Ma'arifat (Pehchaan) Naare Jahannam Se Aazadi Ka Maujib Aur Pull Siraath Se Salamat Guzarne Main Aasani Ka Baa'is Hai Aur Azaab Se Bachne Ka Zariya Hai.
☆ Ahle_Bait Ki Mohabbat Ka Matlab Ye Hai Ke Unpar Aetemaad Kiya Jaye Unke Farmaan Ki Ta'ameel Ki Jaye.
☆ Ahle_Bait Ki Ita'at Bhi Unhi Ahkaam Main Hai. Jo Khilaafe Shara'a Na Hon.
☆ Ahle_Bait Aur QurAan Laazim -O- Malzoom Hain Ahle_Baite Athaar Ke Aqaa'id Aamaal-O-Hadees Ke Khilaaf Nahi Ho Sakte. Ye PaakBaaz Hain Mulhid Be-Deen Aur Gumrah Nahi Ho Sakte Isi Liye Farmaya Gaya Ke Tum QurAan Aur Ahle_Bait Ko Mazboti Se Thaame Rahoge To Gumrah Na Hoge.
☆Ahle_Bait Ke Bare Main Allah Se Darte Rehna Laazim Hai Ke Kahi Unki Be-Adbi , Gustaakhi Ya Unki Tauheen -O- Tanqees Na Hone Paye.
☆Eemaan Ki Zeenat , Deen Ki Raunaq , QurAan Majeed Aur Ahle_Baite Athaar Se Hai Ye Duno'n Aisi Bhaari Bhar Kam Ya Nafees Tareen Cheeze'n Hain Jo Mata'a Eemaan Main Sabse Zyada Qeemti Hain.
☆ QurAan -O-Ahle_Bait Maidane Mehshar Main Hauze Kausar Par RasoolAllah ﷺ Ki BaarGaahe Aaliyah Main Apne Muhibbeen Aur Mutabaiyeen Ki Sifarish Kare'n Ge Aur Unki Sifarish Maqbool Hogi.
Allah Ta'Aala Se ILtej Hai Ke Apne Habeebe Labeeb , Sarkaare Du Aalam , Muhammad Mustafa ﷺ Ke Sadqe Main Hame Apne Mahboob QurAan Majeed Aur Ahle_Baite Athaar Ki Sacchi Mohabbat Ata Farmaye Aur Unke Huqooq Ada Karne Ki Taufeeqe Marhamat Farmaye.... Aameen
Wazeh Rahe Ke Ahle_Bait Ki Mohabbat Ka Dawa Karne Wale Jahil Peer , Faqeer Aur Unke Hawari Jo Khilaafe Shari'at Hain Bhang Ghuot Rahe Hain Aur Gaate Jaate Hain ........ 'Ghatte Bhang To Chadhe Rang Ya Ai Madad Panjatane Paak Ki Jey' Ya Chars Pee Rahe Hain Aur Kehte Jaate Hain 'sauta Le Arsh Daa Jhota'
Waghera Waghera Ye Mohabbate Ahle_Bait Nahi Adawate Ahle_Bait Hai.
Ahle_Bait Ne Kabhi Namaaz Cchodi Nahi , Inhone Kabhi Padhi Nahi Ahle_Baite Athaar Deene Islaam Ki Zeenat Hain Aur Ye Jhote Mudda'ee'yaan Mohabbate Ahle_Bait Deene Islaam Ke Liye Baa'is Nang -O- Aar Hain.