◆Sharm-O-Haya:
☆Hazrat Abu Hurerah RadiyAllahu Ta'Aala Anhu Farmate Hain Ke Huzoor ﷺ Ne Farmaya:
Haya Eemaan Ka Ek Juzu Hai Aur EemaanDaar Jannat Main Jayega Aur Be-Hayayi Badi se Hai Aur Bad'Kaar Duzakh Main Jayega.
【Tirmazi , Ahmad Mishkaat, S:431】
☆Hazrat Imraan Hussain RadiyAllahu Ta'Aala Anhu Farmate Hain Ke Huzoor ﷺ Ne Farmaya:
Haya-O-Eemaan Duno'n Laazim -O- Malzoom Hain Jab In Duno'n Main Se Ek Otha Liya Jaye To Dusra Khud Ba-Khud Oth Jata Hai.
【Beyhaqi, Mishkaat , S:432】
☆Hazrat AbdullAh Bin Masood RadiyAllahu Ta'Aala Anhu Farmate Hain Ke Huzoor ﷺ Ne Farmaya
Ye Baat Ambiyaye Saabiqeen Ke Kalaam Main Se Hai: Ke Jab Tune Sharm-O-Haya Nahi Ki To Ab Jo Tera Dil Chahe Kare.
【Bukhari】
☆Nabi Kareem ﷺ Ke Ausaafe Hameeda Main Se Ek Wasf Ye Bhi Bayaan Kiya Gaya Hai Ke Aap ﷺ Kunwari Ladkiyo'n Se Bhi Zyada Sharm-O-Haya Wale The.
◆Faida:
Kunwari Ladkiyo'n Ki Sharm-O-Haya Mash'hoor Thi Chunancha Log Misaal Diya Karte The Ke Fala'n To Kunwari Ladkiyo'n Ki Tarah Sharmata Hai.
Lekin Aaj Kal School Collego'n Main Padhne Wali Kunwari Ladkiya'n Aur Ladke Jo Kuch Kar Rahe Hain Wo Kisi Se Poshida Nahi Hai.
Na-Ma'aloom Musalman Quom Ghairat -O-Sharafat Aur Sharm -O- Haya Ko Cchod Kar Kyun Be Be-Ghairat-O-BeHaya Hoti Ja Rahi Hain.
•Hawa Masmoom Hoti Ja Rahi Hai•
•Fiza Maghmoom Hoti Ja Rahi Hai•
•Sitam Hai Binte Muslim Ki Nazar Se•
•Haya Ma'adoom Hoti Ja Rahi Hai•
◆ Haqeeqat Main Ye Sari Kharabi Cinema Be-Pardagi Aur Aaj Kal Ki Ta'aleem Ki Hai. Kitaab-O-Sunnat Aur Buzrugaane Deen Ki Muqaddas Zindagiyo'n Ke HaaLaat Ki Bajaye Hamare Peshe Nazar Nawel Ashqiya Afsane Aur Filmi Sitaro'n Ke HaaLaat Hain Schoolo'n Aur Collego'n Main Darame , Naach Aur Gaana Waghera Bhi Sikhaya Jata Hai. In Cheezo'n Ke Tasuraat Ke Khatar Naak Nata'ij Hamare Samne Hain Khuda Kare Ke Musalman Bacche Aur Bacchiya Nawelo'n Aur Afsano' Ki Bajaye Kitaab -O-Sunnat Aur Buzrugaane Deen Ke HaaLaate Zindagi Ka Mutalle'a Kare'n Aur Waledain Ko Deeni Ta'aleem Dilane Ka Shouq Ho. Aameen Allahumma Aameen
Bad'Qismati Se Musalmano'n Mian Chand Afraad Aise Bhi Paida Hogaye Hain Jinka Dawa Hai QurAan Main Kahi Parde Waghera Ka Suboot Ka Nahi Hai Aur Na Hi Ye Koyi Zaruri Hai Kyunke Isse Sihat Kharab Hojati Hai Aur Aurate'n Bimariyo'n Ka Shikaar Hojati Hain. Parda Ek Qism Ki Qaid Aur Habs BeJa Hai. Mane'a Ta'aleem -O- Taraqqi Hai Waghera Waghera. Isliye Munasib Ma'aloom Huwa Ke Parde Ke Muta'alliq Bhi Chand Aqli-O-Naqli Dala'il Hadiya Nazireen Kardiye Jaye Bila Shuba Ye Tamam Khayalaat Europ Ki Tarah Zindagi Main Fariftah Hojane Ka Natija Hain Aur Isi Ka Naam Deene Farmaoshi Aur Nafs Parasti Hai. Firangi Aqwaam Ki Rang Raliya'n Dekh Kar Gumrah Nafs Chahta Hai Ke Isi Tarah Rang Raliya'n Manaye Jaye Aur Nafsani Lutf -O- Suroor Haasil Kiya Jaye Baqi Ta'aleem -O-Taraqqi Ke Sab Bahane Hain Warna Islami Parda Na Mane'a Taraqqi-O-Ta'aleem Hai Aur Na Ba'ise Kharabi Sihat.......... Ye Ek Wahem Aur Ghalat Khayaal Hai Ek Zamana Wo Tha Jabke Musalman Tamam Duniya Main Izzat -O- Bartari Ke Waahid Malik The Taraqqiyaat Ki Tamam Manazil Main Duniya Ki Sari Aqwaam Se Aaghe Aaghe The Islami Parda Us Waqt Bhi Maujood Tha Us Zamane Ki Badi Badi Aalim-O-Faazil Khwateen Ke Tazkiro'n Se Kitabe'n Bhari Padi Hain. Bila Shuba Unke ILmi Aur Mujahidana Karname Laayiqe Tehseen Aur Musalmano'n Ke Liye Qabile Ghour Hain.
Un Khwateene Islaam Ne Kabhi Ye Na Chaha Ke Hame Parde Se Aazadi Milni Chahiye Kyun Ke Ye Mane'a Taraqqi Aur Baa'ise Kharabi Sihat Hai Aur Na Us Waqt Ke Ghuyoor Aur Bahaddur Musalmano'n Ke Dil Main Kabhi Ye Kahyal Paida Huwa Ke Parda Mane'a Taraqqi Aur Baa'ise Kharabi Sihat Hai.
Baat Dar Asal Ye Hai Ke Ham Musalmano'n Ne Kitaab -O-Sunnat Ko Padhna Aur Un Par Amal Karna Cchod Diya Hai , Allah Ta'Aala Aur Uske Rasool ﷺ Se Muh Mod Bethe. To Ham Se Sar Bulandiya'n Cheen Li Gayi Aur Ham Pasti -O- Tanzuli Ki Gehrayiyo'n Main Ja Gire Agar Parda Ko Mane'a Taraqqi Waraar Diya Jaye To Phir Qurone ULa Ke Musalmaan Jo Parda Niswa'n Ke Sakhti Se Paband The Kyun Ker Taraqqi Kar Gaye Haqeeqata Hamare Tanzul Ka Baa'is Parda Nahi Balke Be-Pardagi Aur Tarke Mazhab Hai.