◆Hikayate Fatima RadiyAllahu Ta'Aala Anha
Hazrat Anas RadiyAllahu Ta'Aala Anhu Farmate Hain Ke Hain Main Ne Sayyeda Fatima RadiyAllahu Ta'Aala Anha Se Aapke Kisi Bacche Ko Manga To Aap Ne Parde Ke Peeche Hath Badha Diya.
【Fathul Qadeer】
Halanke Hazrat Anas RadiyAllahu Ta'Aala Anhu Huzoor ﷺ Ke Khaadime Khaas The Aur Azeezo'n Ki Tarah Aap ﷺ Ke Paas Rehte The Phir Bhi Sayyeda Ne Unse Parda Farmaya Aur Samne Na Huwe.
★Allah Ta'Aala Ne Irshaad Farmaya :
"من ورآء ، حجاب"
Aur Sayyeda Ke Mubarak Aur Pakeezah Amal Se Ma'aloom Huwa Ke Rubaru Hona Fitna Ka Maujib Ho Sakta Hai. Ye Bhi Ma'aloom Huwa Ke Bu'waqte Zarurat Ajnabi Mard Aurato'n Se Koyi Cheez Waghaira Le Sakte Aur Guftagu Bhi Kar Sakte Hain Aur Aurato'n Ko Bhi Bu'waqte Zarurat Unse Guftagu Karne Ki Ijazat Hai Magar Is Main Ye Shart Hain.
Farmaya: Ghairo'n Se Naram Aur DiLkash Lehja Main Baat Na Karo , Warna Jiske Dil Main Bimari Hai , Wo Tumhara LaLach Karega.
Chunke Aurat Ki Aawaaz Main Qudrati Taur Par Ek Narmi Aur Nazakat -O-Halawat Hoti Hai Jo Asar Kiye Baghair Nahi Rehti. Isliye Allah Ta'Aala Ne Aurato'n Ko Hukm De Diya Ke Ghair Mardo'n Se Jab Guftagu Karo To Naram -O- Nazuk Aur Sheeri'n Lehja Ikhtiyaar Na Karo Balke Apni Aawaaz Main Qadre Sakhti Aur Rokhapan Paida Karo Taake Koyi Bad-Baatin Ghalat Fehmi Ka Shikaar Hokar Tum Se Koyi Ummeed Wabasta Na Kare.
Ahle_Insaaf Se Ummeed Hai Ke Wo In Chand Satoor Ko Padh Kar Parda Ki Ahmiyat Ko Samjhege Aur JaanLenge Ke Hamari Izzat -O- Aabru Ka Tahaffuz Islami Parda Main Hi Hai.
◆ Malfooze Fatima RadiyAllahu Ta'Aala Anha
Hazrat Bibi Fatima RadiyAllahu Ta'Aala Anha Farmati Thi Ke Aurate'n Baghair Kisi Ashad Zarurat Ke Dusri Aurat Ko Nange Badan Na Dekha Kare'n Agar Koyi Aurat Kisi Dusri Aurat Ko Nange Badan Dekh Le To Uski Saakht Apne Shuhar Ke Aage Na Bayaan Kare.