Sawal: Allah Ta'Aala Ke Bare Main Kaisa Aqeeda Rakhna Chahiye?
Jawaab▶Allah Ta'Aala Ek Hai Uska Koyi Shareek Nahi. Aasmaan -O-Zameen Aur Saari Makhluqaat Ka Paida Karne Wala Wahi Hai. Wahi Ibadat Ka Mustahiq Hai Dusra Koyi Mustahiqe Ibadat Nahi. Wahi Sabko Rozi Deta Hai. Amiri Gharibi Aur Izzat-O-Zillat Sab Uske Ikhtiyaar Main Hai
Jise Chahta Hai Izzat Deta Hai Aur Jise Chahta Hai Zillat Deta Hai. Uska Har Kaam Hikmat Hai Bando'n Ki Samajh Main Aaye Ya Na Aaye Wo Kamaal-O-Khobi Wala Hai.
Jhoot , Dagha , Khayanat , Zulm-O-Jahal Waghera Har Aeb Se Paak Hai. Uske Liye Kisi Aeb Ka Manna Kufr Hai.
Lihaza Jo Ye Aqeeda Rakhe Ke Khuda Jhoot Bol Sakta Hai Wo Gumrah -O- Bad_Mazhab Hai.
Sawaal: Kya Allah Ta'Aala Ko "Badho" Kehna Jaaiz Hai?
Jawaab▶Allah Ta'Aala Ki Shaan Main Aisa Lafz Bolna Kufr Hai.
Sawaal: Ba'z Log Kehte Hain Ke "Uppar Wala Jaisa Chahega Waisa Hoga" Aur Kehte Hain "Uppar Allah Hai Neeche Tum Ho" Ya Is Tarah Kehte Hain Ke "Uppar Allah Hai Neeche Panch Hai" Aise Kehna Kaisa Hai?
Jawaab▶Ye Sab Jumle Gumrahi Ke Hain Musalmano'n Ko Inse Bachna Nihayat Zaruri Hai.
Sawaal:Allah Ta'Aala Ko Allah Miya'n Kehna Chahiye Ya Nahi?
Jawaab▶Allah Miya Nahi Kehna Chahiye Ke Mana Hai.
(Ref>>Anware Shari'at)