◆MUSLIM BIN AUSAJA◆
Isi Tarha Muslim Bin Ausaja Jo Hazrat Shere-Khuda Ali Murtada رضى الله تعالى عنهم Ke Khaas Shagird Aur Ahle_Bait Ke Intehayi Wafadaar-O-Jaanisaar The. Aur Joshe Jihaad Aur Jazba-E- Shahadat Se Sar Shaar The. Hazrat Imam Ke Qadmo'n Ka Bosa Lekar Maidane KaareZaar Main Nikle To Ek Intehayi Maghroor Pehalwaan Aap Se Jang Ke Liye Talwar Chamkata Huwa Aage Badha Aur Aap Per Talwar Se Qaatilana Waar Kiya Lekin Aap Ne Uske Waar Ko Rad Karke Iske Seene Main Is Tarah Neza Mara Ke Pusht Se Paar Hogaya. Aur Isko Neza Ki Nook Per Utha Kar Is Zoor Se Zameen Per Patka Ke Iske Sar Ka Bheja Pash Pash Ho Kar Bikhar Gaya.
Phir Aage Piche Kayi Jang Aazma Sheh-Sawar Feel Mast Ki Tarah Aap Se Takraye. Magar Jab Aap Ki Burraaq Talwar Ka Haath Bada To Aap Ne Sab Ko Kheere Aur Kakdi Ki Tarha Kaat Kar Rakh Diya. Aur Aap Ki Haibat-O-Shuja'At Se Dushmano'n Ki Fouj Zer -O- Zabar Hone Lagi. Aur Pure Lashkar Main Tehlaka Mach Gaya. Aakhir Ibne Sa'ad Ne Apni Fouj Ko Lalkara.... Ke Ae_Buz-Dilo'n Tumhe Sharam Nahi Aati ??? Ke Ek Aadmi Ko Tum Log Qatal Nahi Kar Sakte ???
Majburan Usne Fouj Ka Ek Dasta Ko Hukm Diya Ke Tum Log Charo'n Taraf Se Yalghar Karke Isko Muhasire Main LeLo Aur Phir Sab Ke Sab YedBaargi Hamla Karke Iska Sar Kaat Lo.
Chunanche Ruba Sift Kufiyo Ne Is Shere Haq Ko Narge Main Le Liya Aur Teer -O-Talwar Aur Nezo'n Ki Maar Se Is ShehSawar Ko Ghode Se Gira Diya Aur Aap Ko Ghode Se Girta Huwa Dekh Kar Hazrat Imam Aur Habeeb Bin Mazahir Fouran Doudh Pade. Aur Sar'hane Khade Ho Kar Pukare Ke Muslim Bin Ausaja Shahadat Mubarak !
Ae_Mujahide Jaanbaaz ! Ghabrao Nahi... Tumhare Bahot Se Saathi Jannat Main Pohach Chuke Hai Aur Ham Bhi Bahot Jald Tumhare Peeche Aa Rahe Hain..
Muslim Bin Ausaja Main Zara Zara Si Jaan Baqi Thi. Imam Ki Aawaaz Sun Kar Aap Ne Aankhe'n Khool Di Aur Jab Dekha Ke Ibne Rasool Allah ﷺ Khade Hain ____ To Labo'n Per Muskurahat Ke Asaar Namudaar Huwe Aur Ek Dam Ruh Parwaz Kar Gayi.
●•• Nishane Mard Momin Ba-Too Goyam
ChooMarg Aayad Tabassum Bar Labe Ausat ••●
SubhanAllah ! SubhanAllah !
Is Joshe Jihaad Per Qurbaan Jayiye Aur Is Zouqe Shahadat Ki Lazzat Ka Kya Kehna????
【Ref>>> Haqqani Taqrire'n, S:223 to 224】