◆Maahe Muharram-ul-Haram
Ye Mahina Allah Ka Mahina Hai. Aur Allah Ke Mahino'n Main Neki Ka Sawab Azeem Hai. Magar Gunah Ka Azaab Bhi Isi Qadar Hai. Afsoos Ke Is Mubarak Mahine Main Aksar Musalmaan Bid'aat, Bad-Rusumaat, Gunah-o-Khurafaat Main Zyada Mubtila Rehte Hain. Shehar Aur Dihaat Main Khawateen Ka Sajh Ban Kar Gharo'n Se Nikalna Aur Ghair-Mehramo'n Ko Dawate Nazara Dena Aur Khud Ghair-Mehramo'n Ko Dekhna Hi Mamuli Gunah Nahi. Us Per Ghazab Ye Ke Damane Ismat Ki Dhajjiyan Hona. Ghair Muslimo'n Se ISLam Ka Muzhaka udhwana.
◆Mamno'ah Kaam Na Kiye Jaye'n
※Ashura Ke Din Siyah Kapde Pahenna,
※Seena Kubi Karna,
※Baal Noochna,
※Nuha(Matam) Karna,
※Muh Peetna,
※Churi Ya Chakhoo Waghaira Se Badan Zakhmi Karna Jaisa Ke Rafziyo'n Ka Tareeqa Hai. Haraam Aur Gunah Hai...
※Aise Af'aale Shani'aa se Ijtinabe kulli(Bachna Aur Door Rehna) Karna CHahiye.
※Aise Af'aal Per sakht Tareen Wayide'n Aayi Hain.
【Mouzu'aatul Kabeer ,Mishkat,S:150, Muslim Shareef】
Musalmano'n Ko chahiye Ke Rawafiz Ki Iqtida Se Khud Bhi Bache'n Aur Apni Aurato'n Ko Bhi Bachaye'n.
Alam , Takht ,Taaziyo'n s)Se Ahle_Sunnat Ko Koyi Lagao Nahi. Na Deene Mubeen Main Iski Asliyat Hai. Phir Baajah Waghaira To Yazeedi Afaal Hain. Aur Gunahe Kabeerah.
Haan Niyaaz Fatehah Karna Mehmood -O- Maqboole Baargaahe Elaahi Hai.
Khoob Aesaale Sawab karen. Apne Ghar ke Murdo'n Aur Khususan Shaheedaane Karbala -O- Deegar Buzurgaane Deen Ko Iska Sawab Pohchana Bahot Achcha Amal Hai. Aur Jo Sawab Bakshega Usko Iska Das Gunah Ajar Milta Hai.
【Pakistani Panj Surah , S-308 to 309】
◆Fazail Muharramul Haraam Aur Dua -E- Aashura
Huzoor ﷺ Farmate Hain Ke Mujhe Allah Ta'aala Per Gumaan Hai Ke Allah TA'aala Aashurah Ka Roza Ek Saal Pehle Ke Gunah Mita Deta Hai.【Sahi Muslim】
Auliya -E- Kiraam Farmate Hain Jo Shakhs Aashurah Yani 10vi Muharram Ko 2-Rakat Namaz Is Tarha Padhe Ke Pehli Rakaat Main Alhamd Shareef , Sure In'aam Aur Dusri Rakaat Main B'ad Alhamd Shareef Ke Sure Yaseen padhe Usko Hazaar(1000) Baras Ki Iba'dat Ka Sawab Milta Hai. Is Mah Ko Bahot Buzurgi Ata Farmayi Hai. Aur Iski Fazilat Main Bahot Si Hadeese'n Warid Hain.
Chunanche Ek Hadees Main Hai Ke Farmaya Rasoole Khuda ﷺ Ne Ke Fazil Tareen Roza B'ad Mahe Ramzaan Ke Mahe Muharram Ka Hai. Aur Fazil Tareen Namaz B'ad Farz Namazo'n Me Namaze Tahajjud Ki Hai.
Aur Farmaya Huzoor ﷺ Ne Jis Ne Mahe Muharram Ke Pehle Din Aur Zil-Hajjah Ke Aakhri Din Ka Roza Rakha Usne Naya saal Roze Se Shuru Kiya Aur Guzishta Saal Roze Se Khatam Kiya. Aur Haq Ta'Aala In Duno Rozo'n Ko Uske 50_saala Gunaho'n Ka Kaffara Kar Dega.
Muharram Main 10vi Tareekh Ke Din Ka Roza Rakhna Bahot Bada Sawaab Hai. Ibtida -E- ISLam Main Musalmaano'N Per Ye Roza Farz Tha. Aur Mehbube khuda ﷺ Ne Is Din Main Roza Rakhne Ka Hukm Farmaya Tha. Magar Jab Ramzan Mubarak Ke Roze Farz Kiye Gaye To Moharram Ke Roze NAfil Reh Gaye.
Ibne Abbas (RadiyAllahuAnhu) Se Marwi Hai Ke Farmaya Huzoor ﷺ Ne Kisi Roze Ko Kisi Roze Per Fazilat Nahi Hai Roza Rakhne Main , Magar Mahe Ramzan Aur Aashurah Ko.
Mustahab Hai Ke 9vi Aur 10vi Ko Roza Rakhe'n Ke Ba'z Ulma Ne Tanha Aashurah Ke Roza Ko Bo-waJhe Mushabahate Yahood Ke Makruh Kaha Hai, Aur Agar 11vi Ko Hi Roza Rakhe To Afzal Hai. Shabe Aashurah Ko Ta'at -O- Ibadat Main Masroof Rehna Bade Sawaab Ka Muwajjib Hai.
Aashurah Main Rooz Dua -E- Aashurah padhe Yani Ek(1) Paher Din Chadhe Ba'd Ghusul Kare Aur 4-Rakaat Namaze Nafil Ek Niyyat Se Ada Kare Har Rakaat Main B'ad Alhamd ke Sure Ikhlaas Yani
Qull Hu-Wallahu Ahad ......15-Baar Padhe B'ad Salam Ke 10-Martaba Main Darje Zail Dua Padhe Aur Is Namaz Ka Sawab Sayyadina Imame Hassan Aur Sayyadina Imame Hussain (RadiyAllahuAnhum) Ki Arwahe Purfutuh Ko Baksh De Ke Sawabe Aazeem Hai.
Ye Dono Hazraat Uski Shafa'at Farma Kar Apne Hamrah Behisht Main Le Jayenge. Ye Namaz Aur Dua Aksar Mashaikhe Kiram -O- Buzurgane Uz'zam Se Manqool Hai. Aur Uski Bahot Badi Fazilat Hai.
◆ Ashurah Ki Dua
●Ek Saal Tak Zindagi Ka Beema (Dua-E-Aashura) :
Ye Dua Bahot Mujarrab Hai.
Hazrat Imam Zainul Aabedeen (RadiyAllahuTa'AalaAnhu) Se Riwayat Hai Ke Jo Shakhs Aashura Muharram Ko Tulu Aaftaab Se Ghuroob Aaftaab Tak Is Dua Ko PadhLe Ya Kisi Se Padhwa Kar Sunle Tu In Shaa Allah Ta'Aala Yaqinan Saal Bhar Tak Uski Zindagi Ka Beema Hojayega.
Hargiz Moat Na Aayegi Aur Agar Moat Aani Hai To Ajeeb Ittefaaq Hai Ke Padhne Ki Taufeeq Na Hogi.
◆ Yakam Muharram Shareef Ko Ye Dua Padhe In Shaa Allah Ta'Aala Shaytaan La'een se Mahefooz Rahega ⬇
◆Ye Dua 10vi Muharram Shareef Ko Ba'd Namaaze Zuhar 10-Martaba Padhe.. ⬇
◆Aadab -E- Aashura
Is Roz Ke Aadab Ye Hai :
※ Ghusul Karna
※ Roza Rakhna
※ Roza Iftaar karana,
※ Nafil Namaz padhne,
※ Dua Mangna,
※ Ulma -E- Deen Ki Ziyarat Karna,
※ Bimaar Pursi Karna,
※ Yateem Ke Sar Per Shafaqat Se HAlath Pherna,
※ Sadqa Karna,
※ Do(2) Mukahlifo'n Ke Darmiyaah Sulaah Karana ,
※ Khuda Ke Khouf Se Rona,
※ Surma Lagana,
※ Mud'dayiyoun Ko Razi Karna,
※ Apni Khatayen Muaf Karana,
※ Ahlo Ayaal Ko khana Wafar Dena,
※ Khusbu Lagana,
※ Gumraho'n Ki RahnumaYi Karna,
※ Qur'Aan Paak Ki Tilawat Karna,
※ 70-Martaba Kalmaye Tamjeed Padhna,
※ Qabro'n Ki Ziyarat Karna,
※Aqrabaat Se Milna,
※ Maa Baap Ki Khidmat Karna,
※ Laghu Aur Behuda Kamo'n Se Door Rehna,
Is Maah Ki Pehli TareeKh Ko Sayyidina Farooqe Aazam (RadiyAllahuAnhu) Shaheed Huwe ,Lihaza Masajid Aur Digar Azeem Ijtimaat Main Youme Farooqe Aazam Per Aap Ki Seerat Khususan Dushmane Rasoolﷺ Munafiq Gustakhane Rasool ﷺ Se inteha Darje Ka Bughz -O- Adawat Jaisi Misali Sifaat Se Musalmano'n Ko Aagah Kiya Jata Hai.
Is Maah Ki 10-Tareekh Ko Duniya Bhar Ke Musalmaan IsLam Ke Liye Sayyadina Imam Hussain(RadiYAllahuAnhu) Aur Ahle_Bait Ki Shahadat-O- Qurbani Per In Nufuse Qudsiya Ko Khiraje Aqidat Jalso'n,Conferenson, Paani ki Sabilo'n,Sharbat, Khane Ki ziyafat Se Pesh Karte Hain.
Yazeed Aur Yazeediyoun Ke Karnamon Se Nafrat Ka Izhaar Karte Hain Aur Hazrat Sayyadina Imam Hussain (RadiYAlalhuTa'AalaAnhu) Ki Seerat Apnate Aur Apnane Ki Talqeen Karte Hain.
Is Maah Ki 14-Tareekj Ko Aalim Ba-Amal Mufti -E- AazamE Hind Aalame IsLam Aale Rahmaan Mustafa Raza khan Qudda Sirrahul Azeez Ka Urs Mubarak Tamam Duniya Main Umuman Aur Pakistan -O- Hinduataan Main Khususan Manaya Jata Hai. Aap Ka MazarShareef Bareilly Shareef Bharat Main Marja'a Khalayiq hai.
【Pakistani Panj Sura , S: 309 to312】