◆Ibne Sa'd
Ibne Sa’d Ek Jannati Sahabi Hazrat Sa’Ad Bin Abi Waqqas Ka Beta Tha. Aur Wo AhleBait Ke Azmat-O-Jalalat Se Khoob Waqif Tha. Isliye Wo Is Fouj Ki Sipeh Saalaari Se Pehlu Tahi Karne Laga. Balke Saaf Inkaar Kar Diya. Ke Mein Farzande Rasoolﷺ Ke Khoon-E-NaaHaq Se Apne Daaman Ko Dagh-Daar Nahi Kar Sakta. Magar Ibne Ziyaad Ne Isko Majboor Kar Diya Ke Ya To Wo Iraan Ki Governari Se Dast Bar'daar Ho Jaye. Ya Hazrat Imam Se Jang Karne Ke Liye Tayyar Hojaye.
Hirs Duniya Aur Hukumat Ki Tam'Aa(Lalach) Wo Buri Bala Hai Ke Jab Yeh Ifriyat Ban Kar Kisi Ke Sar Par Sawar Hoti Hai To Woh Kitna Hi Bada Isteqamat Ka Pahad Hi Kyun Naa Ho Magar Iske Qadam Ko Muta'zalzal Hi Kar Deti He. Chunanche, Ibne Sa’Ad Iran Ki Governari Ke Lalach Mein Bawajood Nagawar Samjhne Ke Haidare Karraar Ke Gohare Aabdaar, Jawanaane Jannat Ke Sardar Husain NaamDaar Ka Gala Katne Ke Liye Tayyar Ho Gaya. Aur 5,000 Piyada -O-Sawaar Ki Fouje Jafa'Kaar Ka Sipeh_Salaar Ban Kar Karbala Ke Maidane Kaarezaar Ki Taraf Rawana Hogaya. Aur 7wi'n Muharram Mangal Ke Din Karbala Mein Pohanch Kar Daryaye Faraat Ke Kinare Pada'o Kiya. Aur Apna Fouji Markaz Qaayim Kiya Aur 500 Musallah Sawaroun Ka Daryaye Faraat Ke Kinare Pehra Bitha Diya Ke Khabardaar Khabardaar!!!!!!! Paani Ka Ek Qatrah Bhi Saaqi -E-Kousar Ke Farzand Aur AhleBait Ke Kheeme Ke Andar Pahonchne Naa Paaye.
Aur Ibne Ziyaad Bad-Nihaad Baar Baar Kufa Se Fouje Rawana Karta Raha.Yaha'n Tak Ke Ibne Ziyaad Ke Paas 22,000 Piyadah-O- Sawar Jama Hogaye.
(Sawaneh Karbala)
Kitni Hairat Ka Maqam Hai Ke Hazrat Imam Ke Sath Kul 82 Insano'n Ka Qaafila Hai
Inme Aurate'n Bhi Hain....
Aur Bachhe Bhi Hain ....
Aur Budhe Bhi Hain....
Aur Jawan Bhi....
Inhi 82 Musafiro'n Mein Aabid Bimaar Bhi Hain...
Aur Asgar Sheer Khawar Bhi...
Yeh Log Jang Ke Iraade Se Bhi Nahi Aaye Hain. Aur In Logo'n Ke Paas Saamaane Jang Aur Kaafi Hatiyar Bhi Nahi Hain. Lekin, Iske Bawajood Inke Muqabla Ke Liye 22,000 Ka Lashkar Tayyar Karke Bheja Jata Hai. Magar Is Par Bhi Kufa Ke Bade Bade Dilawaro'n Aur Jang Aazma Bahadduron Ke Dil Laraz Rahe Hain. Aur Woh Khouf-O- Dehshat Se Larza Bar'andam Ho Rahe Hain.
Kyun Naa Ho??? In Rubah Sifat Kufiyoun Ko Achhi Tarha Ma'aloom Tha Ke Aaaj Ham Kisse Jang Karne Ke Liye Aaye Hain?? Woh Achhi Tarha Jante The Ke Aaj Fateh Khaibar Ali Haidar , Asadullah Ghalib , Ali Bin Abi Taalib Ki Kachhaar Ke Sheraane Haq Se Muqabla Hai. Aur Unhe'n Is Baat Ka Poora Poora Yaqeen Tha Ke
Ali Ka Ghar Bhi Wo Ghar Hai Jis Ghar Ka Har Ek Bachcha
Jaha'n Paida Huwa Shere Khuda Ma'aloom Hota Hai