◆AhleBait Par Paani Band
In Duniya Ke Kutto Ko Achhi Tarha Tajrubah Tha Ke Ham In Khuda Ke Shero Ke Maqabla Ki Taab Nahi La Sakte .
Chunanche Yahi Wajah Hai Ke In Zalimo'n Ne Yeh Tadbeer Ikhtiyaar Ki Ke In Shere Khuda Ke Shero'n Per Paani Band Karke Inhe Pyaas Ki Shiddat Se Nidhaal Kar Diya Jaye.
Aur Jab Yeh Bilkul Hi Muz'Mahil(Kamzoor) Aur Ja-Balb Ho Jaye To Inse Jang Shuru Ki Jaye.
Isiliye Ibne Sa’Ad Ne Hukm Dediya Ke Daryaye Faraat Ka Thanda Thanda Meetha Meetha Paani Yahood-O-Nasara Noush Kar Sakte Hain.
Kuffar-O-Mushrikeen Isse Seraab Ho Sakte Hain.
Kutte Aur Khinzeer Bhi Pi Sakte Hain.
Magar Saaqi -E- Kousar Ke Nau-Nihaal Aur Fatimah Ke Laal Ko Ek Qatrah Bhi Naa Diya Jaye.
ALLAHU AKBAR
Teri Qudrat Jaanwar Tak Aab Se Seraab Ho
Pyaas Ki Shiddat Se Tadpe Be-Zubaane Ahle Bait
Kya Tarikhe Islam Ka Yeh Qiyamat Numah Saniha Kabhi Bhi Nasle Insani Faramoosh Kar Sakti He????
Ke Darya Ke Kinare Saqi-E- Kousar Ke Pyare Fatimah TuzZahra Ke Aankho Ke Taare Paani Ke Ek Ek Qatre Ke Liye Taraste Aur Tadapte The.
ALLAH ALLAH.... Kitna Hosh Ruba Aur Ruh Farsa Wo Manzar Hoga???
Ke Gulshane Fatimah Ka Sabse Nanhha Pauda Doodh Pita Bachha Ali Asghar Maa'n Ki Goud Mrin Bhook Pyaas Se Tadap Raha Hai.
3_Din Ki Bhooki Pyaasi Maa'n Ke Seene Mein Doodh Khushkh Ho Chuka Hai.
Bhooka Pyaasa Bachha Baar Baar Maa'n Ke Seene Mein Muh Lagata Hai
Magar Jab Use Doodh Ka Ek Qatrah Bhi Muyassar Naa Hota .... To Wo Kabhi Bilak Bilak Kar Zaar Zaar Rota Hai.
Aur Kabhi Bisoor Bisoor Kar Muh Bigadta Hai.
Kabhi Hairat Se Aankhe Phad Phad Kar Apni Maa'n Ka Udaas Chehra Dekhta Hai.
Kabhi Maa'n Ki Goud Mein Machal Machal Kar Apni Sukhi Zabaan Apni Khushkh Hoto'n Par Pherata Hai.
Be-Zuban Bachha Bol Nahi Sakta...
Magar Hairaan Hai Ke Meri Maa'n Ke Seene Mein Jo Rahmat Ke 2_Chasme The Wo Aaj Kyun Khush Ho Gaye??
Mein Pehle Isi Seene Se Muh Lagata Tha To Mera Muh Doodh Se Bhar Jata Tha.
Magar Aaj Kya Hogaya Ke In Doodh Ke Chashmo'n Se Mujhe Ek Qatrah Bhi Doodh Nahi Mil Raha Hai.?
ALLAH ALLAH........Regestani Maidaan,
Chil_Chilati Huwi Dhoop, Garam-Garam Ret, Jhulasti Huwi Lu Ke Thapede
Ali Asghar Sheer_Khwar Ke Patle Patle Naram-O-Nazuk Gulabi Hontt Jin Ki Nazakat Par Gulab Ki Nanhi Nanhi Pankhadiya'n Qurban Hoti Thi.
Aaj Is Qiyamat Numa Garmi Ki Shiddat Aur Pyaas Ki Tapish Se Khushk Ho Kar Kaale Padh Gaye Hain.
Aur Yeh Noor Ki Tasweer Pyaas Ki Shiddat Se Ja'Balb Hai.
Mamta Ki Maari Dukhyari Maa'n Jo Khud Bhi Bhook Pyaas Se Muz'Ma'Hil Thi Apne Is Noore Nazar Ki Be-Qarari Aur Girya-O-Zaari Ko Dekh Kar Aur Bhi Zyada Be-Taab Hojati Thi Aur Baar Baar Uske Seene Mein Sadmaat Se Shisha-E- Dil Paash Paash Ho Jata Tha. Magar Sabar-O-Shukr Ke Siwa In Isteqamat Ke Mujassimo'n Ki Zuban Par Koyi Dusra Lafz Nahi Aata Tha......ALLAH ALLAH
WOh Jalti Ret Ki Garmi Woh Dhoop Aur Pyaas Ki Shiddat
Kare Sabr-O-Tahammul Meere Kousar Aise Hote Hain