Abdullah Kalbi

on

◆ABDULLAH KALBI◆


Lashkare Aada Main Sabse Pehle Jo Du Shaqi-ul -Qalb Hazrat Imam Se Ladne Ke Liye Nikle Wo Duno Ubaidullah Bin Ziyaad Ke Ghulam The Ek Ka Naam Yasar Aur Dusre Ka Naam Saalam Tha. Ye Duno Bad-Naseeb Apni Safo Se Nikal Kar Mubariz Talab Karne Lage. In Duno Ki Surat Dekh Kar Hazrat Abdullah Kalbi Joshe-Jihad Main  Aape Se Baher Ho Gaye. Aur Hazrat Imam Se Ijazat Le Kar In Duno Ke Muqable Ke Liye Nikal Pade. Yasar Ne Badh Kar Aap Per Talwaar Ka War Kiya. Magar Aap Ne Ekdam Kamale Hunar-Mandi Se Aisa Panitra Badla Ke Dushman Ka Waar Khali Gaya Aur Phir Palat Kar Shamsheere Aab-Daar Ka Aisa Bhar-Poor Haath Mara Ke Khabees Khoon Main Lat Pat Ho Kar Zameen Per Dher Ho Gaya.


Saalam Apne Sathi Ko Is Tarha Qatal Hota Dekh Kar Gusse Main Surkh Hogaya. Aur Jhalla Kar Aap Per Talwar Se Hamla Kiya. Aapne Uske Is Waar Ko Baye Haath Per Roka. To Aap Ki Ungliyan Odh Gaye. Magar Aap Ne Bhi Jhapat Kar Usko Aisi Shamsheer Maari Ke Wo Du Tukde Ho Gaya.

Abdullah Kalbi Apni Biwi Ke Sath Jaani'Sari Ke Liye Aaye The. Unki Biwi Ne Jab Ye Dekha Ke Mere Shohar Ki Ungliyo'n Se Khoon Ke Fawware Jari Hai. To Wo Bhi Josh-E-Jihad Main  Be-Khud Ho Gaye'n.. Aur Kheeme Ki Ek Choob Haath Main  Le Kar Maidan Main Nikal Pade'n. Aur Apne Shohar Ko Josh Dilaate Huwe Kehne Lage Ke Shasbsash Mere Pyare Shohar-Shaabaash Main Tere Qurbaan Mere SarTaaj Tum Jaldi Jaldi In Yazidi Taughuto Ko Mout Ke Ghaat Utar Kar Aale_Nabi Pe Qurbaan Ho Jao. Main  Bhi Tumhare Saath Shahadat Ki Tamanna Main Maidane Jang Ke Andar Nikal Padi Hon. Ye Kehkar.. Dushmano'n Ki Taraf Doudh Pade. Lekin Imam Ne Farmaya Aye Bibi : Tum Aage Na Badho Tum Aurat Ho. Main Hargiz Hargiz Tumhe Maidane Jang Main Jane Ki Ijazat Nahi De Sakta.


Aap Ka Famane Sun Kar Ye Bibi Saheba Majburan Wapas Aagaye. Magar Hazrat Abdullah Kalbi Aakhri Dam_Tak Intehayi  Jaan-Baazi Aur Sar_Faroshi Ke Saath Ladte Rahe. Aur Bahot Se Yazeediyou Ko Mout Ke Aagosh Main Sula Kar Aur Khud Bhi Uruse Shahadat Se Ham Aagosh Hogaye…


إِنَّا لِلّهِ وَإِنَّـا إِلَيْهِ رَاجِعونَ.


【Ref>>> Haqqani Taqrire'n, S:222 to 223】