●●● ZAKAT KA BAYAAN ●●●
Zakat Farz Hai Iska Inkaar KarneWala Kafir, Aur Na Dene Wala Fasiq O Jahannami Aur Ada KArne Me Dair(Late/Not On Time) LaganeWala GunahGaar O Mardodush Shuhadah Hai.
(Aalamgeeri J-1 Safa: 160)
Namaaz Ki Tarha Iske Bare Me Bhi Bahot Si Aayaten Wa Hadeesen Aayi HAin Jinme Zakat Ada Karne Ki Sakht Takeed Hai.Aur Na Ada Karnewale Per Tarha Tarha Ke Duniya O Aakhirat Ke Azaabon Ki Wa'iden Aayi Hain.
(Jannati Zewar, Zakaat Ka Bayaan)
Allah Ta'Ala Farmata Hai:
1 》 Aur Muttaqi Wo Hai Ke Hamne Jo Unhe Diya Hai, Usme Se Hamari Rah Me Kharch Karte Hain.
(Para 1,Al-Baqarah - 3)
2 》 Unke Malon Me Se Sadqa Lo, Uski Wajah Se Unhe Paak Aur Suthra BAnado
(Para 11,At-Touba- 103)
3 》 Aur Falah Pate Wo Hain Jo Zakat Ada Karte Hain.
(Para - 18,Al-Mominoon - 4)
4 》 Aur Jo Kuch Tum Kharch Karoge, Allah Ta'Ala Uski Jagah Aur Dega Aur Wo Behtar Rozi Dene Wala HAi
(Para - 22,SAba - 39)
Aur FArmata HAi...
"Jo Log Allah Ta'Ala Ki Rah Me Kharch Karte Hain Un Ki Kahawat Us Dana Ki Hai Jis Se Saat(7) Balen Niklen.HAr Baal Me Saw(100) Dane Aur Allah Ta'Ala Jise Chahta Hai Ziyadah Deta Hai Aur Allah Ta'Ala Us'AtWala Hai, Bada Ilm Wala HAi. Jo Log Allah Ta'Ala Ki Rah ME Apne Maal Kharch Karte Phir Kharch Karne Ke Baad Na Ehsaan Jatate, Na Aziyyat Dete Hain, Unke Liye Un Ka Sawaab Unke Rab Ke Huzoor Hai Aur Na Un Per Kuch Khouf Hai NA O Ghamgeen Honge. Achchi Baat Aur Maghfirat Us Sadqe Se Behtar Hai Jiske Baad Aziyyat Dena Ho Aur Allah Be-Parwah Hilmwala Hai"
(Para 3, Al-Baqara261-163)
"Hargiz Neki Hasil Na KAroge Jab Tak Usme Se Na Kharch Karo Jise Mehboob Rakhte Ho Aur Jo Kuch Kharch KAroge Allah Ta'Ala Use Janta HAi."
(Para: 4 Al-Imraan 96)
"Neeki Uska Naam Nahi Ke Mashriq O Maghrib Ki Taraf Muh Kardo,Neeki To Uski Hai Jo AllahTa'Ala Aur Pichle Din Aur Malaika O Kitaab O Ambiya Per Imaan Laya Aur Maal Ko Us Ki Muhabbat Per Rishtedaron Aur Yatimon Aur Miskino Aur Musafir Aur Saileen Ko Aur Gardan Chatane Me Diya Aur NAmaaz Qayim Ki Aur Zakat Di Aur Neek Wo Log Hain Ke Jab Koi Mu'Ahida Karen To Apne 'Ahad Ko Pura Karen Aur Takleef O Musibat Aur Ladai Ke Waqt Sabr Karne Wale Log Sachche Hain Aur Wahi Log Muttaqi Hain."
(Para - 2 Al-Baqara - 177)
"Jo Log Bakhl KArte Hain Uske Sath Jo Allah Ne Apne Fazl Se Unhe Diya.Wo Ye Gumaan NA KAren Ke Ye Unke Liye Behtar Hai Balke, Ye Unke Liye Bura Hai. Us Cheez Ka Qayamat Ke Din Unke Gale Me Touq Dala Jayega Jiske Sath Bakhl Kiya."
(Para - 4 Al-Imraan 18)
"Jo Log Sona Aur Chandi Jam'A Karte Aur Use Allah Ki Rah Me Kharch Nahi Karte Hain, Unhe DardNaak Azaab Ki KhushKhabri Suna Do, Jis Din Aatish E Jahannam Me Wo Tapayen Jayenge Aur Un Se Unki Peshaniyan Aur Karwaten Aur Pithen Daghi Jayengi (Aur Unse KAha Jayega) Ye Wo Hai Jo Tumne Apne Nafs Ke Liye Jam'A Kiya Tha To Ab Chako Jo Jam'A Karte The."
(Para 10,Sure Touba 34-35)
Neez Zakaat Ke Bayaan Me Ba-Kasrat Aayaat Warid Huwi Jinse Uska Muhtam BisShaan Hona Zahir Hai.
Ahaadees iske Bayan Me Bahot Hain Baaz Unme se Hain..
●Hadees 1,2:
Saheeh Bukhari Shareef Me Abu Hurairah RadiAllahuTa'AlaAnhu Se Marwi, RasoolAllah SallalalhuAlaihiwaSallam Farmate Hain:
"Jis Ko Allah Ta'Ala Maal De Aur Wo Uski Zakaat Ada Na KAre To Qayamat Ke Din Wo Maal Ganje Saanp Ki Surat Me Kar Diya Jayega, Jis Ke Sar Per Do Chittiyaan Hoo(N)Gi.Wo Saanp Uske GAle Me Touq Bana Kar Dal Diya JAyega Phir Uski Bachen Pakdega Aur Kahega My Tera Maal Hoon,My Tera Khazana Hoon." Uske Baad Huzoor(SallallahuAlaihiWaSallam) Ne Is Aayat Ki Tilawat Ki ..
وَلاَ يَحسََبَنٌَ الٌَذِينَ يَبخَلُؤن
isi KE Misl Tirmizi Wa Nisai Wa Ibn e Maja Ne Abdullah Bin Masood RadiAllahuTa'alaAnhu Se Riwayat Ki.
●Hadees 3:
Ahmed Ki Riwayat Abu-Hurairah RadiyAllahuAnhu Se Youn Hai,
"Jis Maal Ki Zakaat Nahi DiGayi, Qayamat Ke Din Wo Ganja Saanp(Saanp Jab Hazaar Bars Ka Hota HAi To Uske Sar Per Baal Nikalte HAin Aur Jab Wo Do Hazaar Bars Ka Hota hAi, Wo Baal Girjate HAin. Ye Ma'ani Hain Ganje Saanp Ke, Ke Itna Purana Hoga.) Hoga ,Malik Ko Darayega, Wo Bhagega Yahan Tak Ke Apni Ungliyaan Uske Muh Me Daaldege."
●Hadees 4,5:
Saheeh Muslim Shareef Me Abu Hurairah RadiAllahuAnhu Se Marwi, Farmate HAin SallallahuAlaihiWaSallam:
"Jo Shakhs Sone(Gold) , Chaandi(Silver) Ka MAlik Ho Aur uska HAq Ada Na Kare To JAb Qayamat Ka Din Hoga Uske Liye Aag Ke Patthar Banaye JAyenge un Per Jahannum Ki Aag Bhadkayi Jayegi Aur Unse Uski Karwat Aur Peshani Aur Peeth Daghi Jayegi, Jab Thande Hone Per Aayenge Phir Waisehi Kar Diye JAyenge. Ye Mu'amulah Us Din Ka hai Jis Ki Miqdaar Pachaas(50) Hazaar Bars Hai Yahan Tak Ke BAndon Ke Darmiyaan Faisla Ho Jaye, Ab Wo Apni Rah Dekhega Khwah Jannat Ki Taraf Jaye Ya Jahannam Ki TAraf"
Aur Oont Ke Bare Me Farmaya: Jo Iska HAq Nahi Ada KArta, Qayamat Ke Din Hamwaar Maidaan Me Latkayenge Aur O OOnt Sab Ke Sab Nihayat Farba Ho KAr Aayenge, Paoon Se Use Rondenge Aur Muh Se Katenge , Jab Unki Pichli Jama'at Guzar Jayegi,Pehli Loutegi Aur Gaye Aur Bakriyoun Ke Bare me Farmaya: Ke Us Shakhs Ko Hamwaar Maidaan Me Latkayenge Aur Wo Sab Ki Sab Aayegi, Na Unme Mude Huwe Sing ki Koi Hogi , Na Be-Sing Ki, Na Tute Sing Ki Aur Singon Se Maaregi Aur Kharon Se Rondengi .
Aur Isi Ke Misl Sahiheen Me Oont Aur Gaye Aur Bakriyon Ki Zakaat Na Dene Me Abu Zar RadiAllahuAnhu Se Marwi.
●Hadees 6:
Saheeh Bukhari Wa Muslim Me Abu Hurairah RadiAllahuAnhu Se Marwi, Ke RasoolAllah ﷺ Ke Baad Jab Siddiq e Akbar RadiAllahuAnhu Khalifa Huwe, Us Waqt A'eraab(Arab ke Sehranashee(n) ) Me Kuch Log Kafir Hogaye(Ke Zakaat Ki Farziyat Se Inkaar Kar Baithe), Siddiq e Akbar Ne Un Per Jihaad Ka Hukm Diya,
Ameer ul Momineen Farooq e Aazam RadiAllahuAnhu Ne Kaha Unse Aap Kyun Kar Qital(Ladayi) Karte Hain Ke RasoolAllah SallallahuAlaihiWaSallam Ne To Ye Farmaya Hai, Mujhe Hukm Hai Ke Logon Se Ladon Yahan Tak ke "La ilaha illAllah" Kahen Aur Jisne "La ilaha illAllah" Keh Liya, Usne Apni Jaan Aur Maal Bacha Liya, Magar Haq Islam Me Aur Uska Hisaab Allah Azzawajal Ke Zimma Hai
(Yaani Ye Log To "La ilaha illallah" KehneWale Hain,Un Per Kaise jihaad Kiya Jayega)
Siddiq e Akbar Ne Farmaya : Khuda Ki Qasam ! My Usse jihaad Karoonga, Jo Namaaz Zakaat Me Tafreeq Kare.
(Is Hadees Se Maloom Huwa Ke Sirf Kalma Goyi Islam Ke Liye Nari Nahi, Jab Tak Tamam Zaruriyaat e Deen Ka iqraar Na Kare Aur Ameer ul Momineen Farooq e Aazam Ka Behas Karna Isliye Tha Ke Unke iLm Me Pehle Ye Baat Na Thi , Ke Wo Farziyat Ke Munkir Hain Ye Khayaal Tha ke Zakaat Dete Nahi Iski Wajah Se GunahGaar Huwe , Kafir To Na Huwe Ke In Per Jihaad Kiya Jaye, Magar Jab Maloom Ho Gaya To Farmate Hain Ke Myne Pehchaan Liya Ke Wahi Haq Hai, Jo Siddiq Ne Samjha Aur Kiya )
(Ke Namaaz Ko Farz Mane aur Zakat Ki Farziyat Se Inkaar Kare),
Zakaat Haq -ul-Maal Hai, Khuda Ki Qasam ! Bakri Ka Bachcha Jo RasoolAllah SallallahuAlaihiWaSallam Ke Pass Hazir Kiya Karte The, Agar Mujhe Dene Se Inkaar Karenge To Us Per Unse jihaad Karonga, Farooq e Aazam Farmate Hain: Wallah Mene Dekha Ke Allah Ta'ala Ne Siddiq Ka Sinaah Khool Diya Hai. Us Waqt Myne Bhi Pehchaan Liya Ke Wahi Haq Hai.
(Sahi Buqari Shareef , Hadees: 7284)
●Hadees 7:
Abu Dawood Ne Abdullah Bin Abbas RadiAllahuTa'AlaAnhuma Se Riwayat Ki, Ke Jab Ye Aayat E Kareema (Sure Touba Ki Aayat 34) Nazil Huwi, Musalmano Per Shaaaq(Mushkil) Huwi (Samjhe Ke Chaandi Sona Jam'a Karna Haraam Hai To Bahot Diqqat Ka Samna Hoga),
Farooq E Aazam RadiAllahuTa'AlaAnhu Ne Kaha: Main Tum Se Musibat Door Karonga.
Hazir E Khidmat E Aqdas Huwe Arz Ki, ...
Ya RasoolAllah ﷺ Ye Aayat Huzoor (ﷺ ) Ke Ashaab Per Giraan Maloom Huwi.
Farmaya: Ke "Allah Ta'Ala Ne Zakaat To Isliye Farz Ki Ke Tumhare Baqi Maal Ko Paak Karde Aur Miraas Isliye Farz Kiye Ke Tumhare Baadwalon Ke Liye Ho
(Yaani Mutlaqan Maal Jam'A Karna Haraam Hota To Zakaat Se Maal Ki Taharat Na Hoti, Balke Zakat Kis Cheez Per Wajib Hoti Hai Aur Miraas Ka Hai Me Jari Hoti , Balke Jam'a Karna Haraam Wo Hai Ke Zakat Na De)
Is Per Farooq E Aazam Ne Takbeer Kahi."
(Sunan Ibn E Dawood Kitab Uz Zakaat )
●Hadees 8:
Bukhari Apni Tareekh Me Aur Bayhaqi Ummul Momineen Siddiqah RadiAllahuTa'alaAnha Se Rawi, Ke RasoolAllah ﷺ Farmate Hain : "Zakat Kisi Maal Me Na Milegi, Magar Use Hilaak Kar Degi"
(Shuab -ul- Iman,Baab Fiz Zakat)
Baaz Aaimaah Ne Is Hadees Ke Ye Ma'ani Bayaan Kiye Ke Zakat Wajib Huwi Aur Ada Na Ki Aur Apne Maal Me Milaye Rahe To Ye Haram Us Halal Ko Hilaak Kardega ...
Aur Imam Ahmad Ne Farmaya Ke Ma'ane Ye Hai Ke Maaldaar Shakhs Maal E Zakaat Le To Ye Maal E Zakat Uske Maal Ko Hilaak Kardega Ke Zakat To Faqiron Ke Liye Hai Aur Dono Ma'Ane Saheeh Hain.
(At-Targheeb Wat-Tarheeb, Kitabus Sadaqaat)
●Hadees 9:
Tibrani Ne Awsat Me Buraydah RadiAllahuAnhu Se Riwayat Ki, Ke Huzor ﷺ Farmate Hain:
"Jo Qoum Zakaat Na Degi, Allah Ta'Ala Use Qahat Me Mubtila Farmayega."
●Hadees 10:
Tibrani Ne Awsat Me Farooq E Aazam RadiAllahuAnhu Se Riwayat Ki, Ke Huzoor(ﷺ ) Farmate Hain:
"Khushki O Tari Me Jo Maal Talf(Tabah/Barbaad) Hota Hai, Wo Zakat Na Dene Me Talf Hota Hai."
(📙At-Targheeb Wat-Tarheeb, Kitabus Sadaqaat)
●Hadees 11:
Sahiheen Me Ahnaf Bin Qais Se Marwi, Sayyidina Abu Zar RadiAllahuAnhu Ne Farmaya : "Unke Sar Pistan Per Jahannam Ka Patthar Rakhenge Ke Sina Tod Kar Shana(h) Se Nikal Jayega Aur Shana(h)(Kandha) Ki Haddi Per Rakhenge Ke Haddiyan Todta Sine Se Niklega."
(📙Saheeh Muslim , Kitab Uz Zakat)
Aur Saheeh Muslim Shareef Me Ye Bhi Hai Ke My Ne Nabi ﷺ Ko Farmate Suna :
Ke "Peeth Tod Kar Karwat Se Niklega Aur Guddi Tod Kar Peshani Se."
(📙Saheeh Muslim Kitab Uz Zakat)
●Hadees 12:
Tibrani Ameerul Momineen Ali Karamallahu Wajhul Kareem Se Rawi. Ke Farmate Hain ﷺ :
"Faqeer Hargiz Nange Bhuke Hone Ki Takleef Na Uthayenge Magar Maaldaron Ke Hathon,Sun Lo ! Ayse Tawangaron Se Allah Ta'ala Sakht Hisaab Lega Aur Unhe Dardnaak Azaab Dega."
(📙At-Targheeb Wat-Tarheeb, Kitabus Sadaqaat)
●Hadees 13:
Neez Tibrani Anas RadiAllahuAnhu Se Rawi, Ke Farmate HAin ﷺ:
"Qayamat Ke Din Tawangaron Ke Liye Mohtaajon Ke Hathon Se Kharabi Hai." Mohtaaj Arz Karenge, Hamare Huqooq Jo Tune UnPer Farz Kiye The, Unhone Zulman Na Diye, Allah Azzawajal Farmayega: "Mujhe Qasam Hai Apni Izzat O Jalaal Ki Ke Tumhe Apna Qurb Ata Karonga Aur Unhe Doori Ata Karonga."
●Hadees 14:
Ibn E Khuzaymah O Ibn E Habban Apni Sahhee Me Abu Hurairah RadiAllahuTa'AlaAnhu Se Rawi, Ke Farmate Hain ﷺ : "Dozakh Me Sab Se Pehle Teen Shakhs Jayenge, Unme Ek O Tawangar Hai Ke Apne Maal Me Allah Azzawajal KA Haq Ada Nahi Karta."
●Hadees 15:
Imam Ahmad Musnad Me Umarah Bin Hazm RadiAllahuAnhu Se Rawi, Ke RasoolAllah ﷺ Farmate Hain: Ke
"Allah Azzawajal Ne Islam Me Chaar Cheezen Farz Ki Hain, Jo Unme Se Teen Ada Kare, Wo Use Kuch Kaam Na Degi Jab Tak Puri Charon Na Baja Laye. Namaaz, Zakat, Roza E Ramzan, Hajj E Baitullah."
(📙Al-Musnad)
●Hadees 16:
Tibrani Kabeer Me BaSanad Sahhee Rawi, Abdullah Bin Mas'Ood RadiAllahuTa'AlaAnhu Farmate Hain : Hame Hukm Diya Gaya Ke Namaaz Padhen Aur Zakat Den Aur Jo Zakat Na De, Uski Namaaz Qubool NAhi.
●Hadees 17:
Sahihieen O Musnad Ahmad O Sunan Tirmizi Me Abu Hurairah RadiAllahuAnhu Se Marwi, Farmate Hain ﷺ :
"Sadqa Dene Se Maal Kam Nahi Hota Aur BAndah Kisi Ka Qusoor Maaf Kare To Allah Ta'Ala Uski Izzat Hi Badayega Aur Jo Allah Ke Liye Tawaz'e Kare To Allah Ta'Ala Use Buland Farmayega."
(📙Saheeh Muslim :Hadees 6092 Safa 113)
●Hadees 18:
Bukhari Muslim Inhi Se Rawi Farmate Hain ﷺ:
"Jo Shakhs Allah Ki Rah Me Joda Kharch Kare, Wo Jannat Ke Sab Darwazon Se Bulaya Jayega Aur Jannat Ke Kayi Darwaze Hain, Jo Namazi Hai Darwaza E Namaaz Se Bulaya Jayega,Jo Ahle Jihaad Se Hai Darwaza E Jihaad Se Bulaya Jayega Aur Jo Ahle Sadqa Se Hai Darwaza E Sadqa Se Bulaya Jayega, Jo Rozadaar Hai Bab-ul-Rayyan Se Bulaya Jayega."
Siddiq E Akbar(RadiyAllahuAnhu) Ne Arz Ki, Uski To Kuch Zarurat Nahi Ke Har Darwaze Se Bulaya Jaye (Ya'Ani Maqsood Dukhul E Jannat Hai, Wo Ek Darwaze Se HAsil Hai) Magar Koi Hai Aysa Jo Sab Darwazon Se Bulaya Jaye?
Farmaya: "Haan Aur Main Umeed Karta Hoon Ke Tum Unme Se Ho."
(📙Saheeh Bukhari Shareef)
●Hadees 19:
Bukhari O Muslim O Tirmizi O Nisai O Ibn E Majah O Ibn E Khuzymah Abu Hurairah RadiAllahuAnhu Se Rawi, Huzoor E Aqdas ﷺ Farmate Hain:
"Jo Shakhs Khajoor Barabar Halal Kamayi Se Sadqa KAre Aur Allah Qubool Nahi Farmata Magar Halal Ko, To Use Allah Ta'Ala Use Dast E Raast Se Qubool Farmata Hai Phir Use Uske Malik Ke Liye Parwarish Karta Hai, Jaise Tum Me Koi Apne Bacheere(Ghode Ka Bachcha) Ki Tarbiyat Karta Hai, Yahan Tak Ke Wo Sadqa ek (khajoor ke Dane ka Sadqa Qayamat ke din ) Pahad Barabar HoJata Hai."
(📙Saheeh Bukhari Hadees 1410)
●Hadees 20 Aur 21:
Nisayi O Ibn E Majah Apni Sunan Me O Ibn E Khuzaimah O Ibn Habbaan Apni Saheeh Me Abu Hurairah O Abu Sa'Eed RadiAllahuAnhuma Se Riwayat Ki, Ke ...
Rasoolallah ﷺ Ne Khutba Padha Aur Ye Farmaya : Ke
"Qasam Hai ! Uski Jiske Haath Me Meri Jaan Hai." Isko Teen BAar Farmaya Phir Sar Jhuka Liya To Ham Sab Ne Sar Jhuka Liye Rone Lage, Ye Nahi Maloom Ke Kis Cheez Per Qasam Khayi.
Phir Huzoor ﷺ Ne Sar E Mubarak Utha Liya Aur Chehra E Aqdas Me Khushi Numayaa(N) Thi To Hame Ye Baat Surkh Oonton Se Ziyadah Pyari Thi Aur Farmaya:
"Jo Banda Panchon(5) Namazen Padhta Hai Aur Ramzaan Ka Roza Rakhta Hai Aur Zakat Deta Hai Aur Saton(7) Kabeera Gunah Se Bachta HAi Uske Liye Jannat Ke Darwaze Khool Diye Jayenge Aur UsSe Kaha Jayega Ke Salamati Ke Sath Dakhil Ho. "
●Hadees 22:
Imam Ahmad Ne Ba-Riwayat E Saqqaat Anas Bin Malik RadiallahuAnhu Se Riwayat Ki, Ke Huzoor ﷺ Farmate HAin:
"Apne Maal Ki Zakat Nikal, Ke Wo Paak Karne Wali Hai Tujhe Paak Kardegi Aur Rishtedaron Se Sulook Kar Aur Padosi Aur Sail Ka Haq Pehchaan."
(📙Al-Musnad, Hadees 12397)
●Hadees 23:
Tibrani Ne Awsat O Kabeer Me Abu Aldarda RadiAllahuAnhu Se Riwayat Ki, Ke Huzoor ﷺ Ne Farmaya:
"Zakat Islam Ka Pul Hai"
●Hadees 24:
Tibrani Ne Awsat Me Abu Hurairah RadiAllahuAnhu Se Riwayat Ki, Ke Huzoor ﷺ Farmate Hain:
" Jo Mere Liye Che(6) Cheezon Ki Kifalat Kare, My Us Ke Liye Jannat Ka Zamin Hoon. "Myne Arz Ki, O Kya Hai Ya RasoolAllah ﷺ
Farmaya "Namaaz O Zakaat O Imanat O Sharmgaah O Shikam O Zubaan."
●Hadees 25:
Alqamah Se Riwayat Hai, Ke Huzoor ﷺ Ne Farmaya: "Tumhare Islam Ka Pura Hona Ye Hai Ke Apne Amwaal Ki Zakat Ada Karo."
●Hadees 26:
Tibrani Ne Kabeer Me Ibn Umar RadiallahuAnhu Se Riwayat Ki, Ke Huzoor ﷺ Ne Farmaya: "Jo Allah O Rasool ﷺ Per Imaan Lata Hai, Wo Apne Maal Ki Zakat Ada KAre Aur Jo Allah O Rasool ﷺ Per Imaan Lata Hai, Wo Haq Bole Ya Sukoot Kare Ya'Ani Buri Baat Zabaan Se Na Nikale Aur Jo Allah O Rasool ﷺ Per Imaan Lata HAi, Wo Apne Mehmaan Ka Ikraam KAre."
●Hadees 27:
Abu Dawood Ne Hasan Basri Se Mursalan Aur Tibrani O Bihaqi Ne Ek Jam'At Sahaba E Kiraam RadiAllahuAnhum Se Riwayat Ki, Ke Huzoor ﷺ Farmate Hai : Ke "Zakat De Kar Apne Maal Ko Mazboot Qil'on Me Kar Lo Aur Apne Bimaron Ka Ilaaj Sadqa Se Karo Aur Bala Nazil Hone Per Dua O Tadurr'u(Rona, Gid gidana) Se Astaghfaar Karo."
(📙Sunan Ibn E Dawood)
●Hadees 28:
Ibn E Khuzaimah Apni Saheeh Aur Tibrani Awsat Aur Hakim Mustadrik Me Jabir RadiAllahuAnhu Se Rawi, Ke Huzoor E Aqdas ﷺ Farmate Hain: "Jisne Apne MAal Ki Zakat Ada Kardi, Beshak Allah Ta'Ala Ne Usse Shar Door Farma Diya."
(Bahare Shari'at, Hissa:5 , Safa: 3 to 7)
Zakaat Ke Masa'il Ke Liye Yaha 👇 Click Kare...
● Zakaat Ki Ahmiyat Aur Masa'il 👇
