4 - Mayyat Ke Liye Namaz Padhna

●●Mayyet Ke Liye Namaz Padhna●●

SharH us Sudoor men yeh waqeAh naql hai ke Hadrat Malik bin Dinar (ke Aap Auliya e Kibaar yaAni badey Auliya RaHimahumullaah) se hen Farmatey hen ke men JumaA ki raat ko qabristan men gaya. Mene dekha ke wahan Noor chamak raha hai. Mene khayal kiya ke Allaah TaAla ne qabristan walon ko bakhsh diya hai... Ghaib se awaz aayi ke "Aye Malik bin Dinaar yeh musalmano ka toHfa hai  jo unhone qabr walon ko bheja hai". Mene kaha tumhe Khuda ki qasam hai mujhey batao musalmano ne kya toHfa bheja hai?

 Usne kaha ke ek Mard e Momin ne is raat qabristan men qiyam kiya to usne wuzu karke do rakAten padhin aur in do rakAton men Soorah e FateHah ke baAd pehli rakaAt men QUL YAA AYYUHAL KAAFIROON poori Soorah KAAFIROON  padhi aur doosri rakaAt men QUL HUWALLAHU AHAD poori Soorah IKHLAAS padhi aur kaha ke "Aye Allaah in do rakAton ka sawab mene in tamam qabr waley mo'mineen ko bakhsha...pas Iski wajah se Allaah TaAla ne ham par yeh raushni aur Noor bheja hai aur hamari qabron men kushadgi aur farHat paedah farma di hai.

Hadrat Malik bin Dinar  AlayhirRaHmAh farmatey hen ke iske baAd hamesha do rakAten padh kar men har Juma'Arat ko mo'mineen  ko bakhshta hun. Ek raat mene Nabee e Kareem SallAllaahuAlayheWasallam no khwab men dekha, farmaya ke "Aye Malik bin Dinar ! Beshak Allaah TaAla ne tujh ko bakhsh diya. Jitni martabah tu ne meri ummat ko Noor ka hadiyah bheja hai utna hi Allaah TaAla ne terey liye sawab kiya hai aur Allaah TaAla ne terey liye Jannat men ek Makan banaya hai jiska naam MUNEEF hai". Mene Arz kiya MUNEEF kya hai? Farmaya .."jispar Ahle Jannat bhi jhankenge " (woh Makan jo Jannat men banaya jayega is qadr khoobsurat hoga ke Ahle Jannat bhi uspar rashk karenge..(SharH us Sudoor pg. 346,347)

  LiHazah ham sabko chahiyye ke rozana warna har Juma'Arat ko is tarah do rakAten padh kar uska sawab tamam mo'mineen mo'minaat muslimeen muslimaat ko pahuncha kar apne Aaqa wa Maula Huzoor SallAllaahuAlayheWasallam ki khushnoodi Hasil Karen... Aameen.