ETiKAAF KA BAYAAN
Hazrat Aaisha RadiyAllahuTa'AalaAnha Se Riwayat Hai Ke Nabi Kareem AlehisSalaat Wa Tasleem Ramzaan Ke Aakhri Ashrah Main Etikaaf Kiya Karte The Yaha Tak Ke (Isi Tariqe Par) Wisaal Farmaya.
(Bukhari ,Muslim)
Hazrat Anas RadiyAllahuTa'AalaAnhu Ne Farmaya Ke Huzoor AkehisSalaat WasSalaam Ramzaan Ke Aakhri Ashrah Main Etikaaf Farmaya Karte The Aur Ek Saal Etikaaf Nahi Farmaya To Dusre Saal 20 Din Etikaaf Farmaya.
(Tirmazi , Abu Dawood)
Ramzaan Shareef Ke Aakhri Ashrah Main Etikaaf karna Sunnate Mokidah Hai Jaisa Ke Shaikh Abdul Haqq Muhaddis Dehalwi Rahmathullahi Alaih Farmate Hai...
" Zahir Mazhab Hanfiyah Main Etikaaf Sunnate Mokidah Hai Isliye Ke Huzoor AlehisSalaat WasSalaam Hamesha Etikaaf Farmaya Karte The. Yaha Tak Ke Is Duniya Se Tashreef Le Gaye.
(Ash'Atul Lam'Aat, J-2, S-118)
(Ref: Anwar -ul- Hadees , S-292)
Etikaaf Ki Niyyat Se Allah Ta'Aala Ke Waste Masjid Main Thaher Ne Ka Naam Etikaaf Hai.
Aetakaaf Teen(3) Qism Ka Hai.
1__ Wajib
2__ Sunnate Mokidah
3__ Mustahab
Aetakaafe Wajib :-
Ye Nazar Ka Etikaaf Hai. Jaise Kisi Ne Ye Mannat Maani Ke Falaa'n Kaam Hojayega To Main Ek Din Ya Du Din Ka Aetakaaf Karunga To Ye Etikaaf Wajib Hai. Iska Pura Karna Zaruri Hain. Etikaaf Wajib Ke Liye Rozah Shart Hai. Baghair Rozah Ke Sahi Nahi.
Etikaafe Sunnate Mokidah :-
Ye Ramzan Ke Pure Ashra-E-Akheerah Yaani Aakhir Ke 10 Din Main Kiya Jaye. Yani 20we Ramzaan Ko Suraj Dobte Waqt Etikaaf Ki Niyyat Se Masjid Main Maujood Huwa Aur 30we Ko Suraj Dobne Ke Ba'd Ya 29we Ko Chaand Hone Ke Ba'd Nikle. Agar 20we Tareekh Ko Ba'd Namaze Magrib Etikaaf Ki Niyyat Ki To Sunnate Mokidah Ada Na Hogi.
Ye Etikaaf Sunnate Mokidah Kifaya Hai Ke Agar Sab Chod De To Sab Pakade Jaye Aur Agar Ek Ne Bhi Kar Liya To Sab Chhut Jaye Is Etikaaf Main Bhi Rozah Shart Hai Magar Wahi Ramzaan Ke Roze Kaafi Hain.
(Hindiyah , Hidaya Waghera)
Etikaafe Mustahab :-
EtIkaaf Wajib Aur Aetakaaf Sunnate Mokidah Ke Aelawa Jo Aetakaaf Kiya Jaye Wo Mustahab Hai. Etikaaf Ke Waste Rozah Shart Nahi Ye Thodi Der Ka Bhi Ho sakta Hai Masjid Main Jab Jaye Us Etikaaf Ki Niyyat KarLe Chahe Thodi Hi Der Masjid Main Reh Kar Chala Aaye. Jab Chala Aayega Aetakaaf Khatam Hojayega.
Niyyat Main Sirf Itna Kafi Hai Ke Main Ne Khuda Ke Waste Etikaafe Mustahab Ki Niyyat Ki.
(AalamGiri -o-Bahar Waghera)
Mas'alah: Mard Ke Etikaaf Ke Liye Masjid Zaruri Hai Aur Aurat Apne Ghar Ki Us Jaga Main Etikaaf Kare Jo Jaga Usne Namaaz Ke Liye Muqarrar Ki Ho.
(Hidaya , Rudul Muhtaar -o- Bahar)
Mas'alah: Motakif (Yaani Etikaaf Karne Wala) Ko Masjid Se Baghair Uzr Nikalna Haraam Hai Agar Nikla To Etikaaf Toot Jayega Chahe Bhool Kar Hi Nikla Ho Jab Bhi. Yu Nahi Aurat Agar Apne Etikaaf Ki Jaga Se Nikli To Etikaaf Jata Rahega Chahe Ghar Hi Main Rahe.
(AalamGiri -o-Ruduk Muhtaar)
Aur Masjid Se Nikalne Ke Du(2) Uzr Hain
Ek(1) Taba'yi
Dusra(2ra) Saza Sharayi.
Taba'yi Uzr Ye Hai Jaise Pakhana , Peshaab , Istenja , Farz , Ghusl, Wazu (Jab Ke Ghusl Wazu Ki Jaga Msjid Main Na Bani Ho. Masjid Main Bada Hauz Na Ho)
Sharayi Uzr Ye Hai Jaise Eid Ya Jumu'ah Ki Namaaz Ke Liye Jana.
Agar Etikaaf Wali Masjid Main Jamat Na Hoti Ho To Jamat Ke Liye Bhi Ja Sakta Hai
In Uzr Ke Siwa Kisi Aur Waja Se Agar Thodi Der Ke Liye Bhi Etikaaf Ki Jaga Se Bahar Jaeyga To Etikaaf Jata Rahega. Agarche Bhool Hi Kar Jaye.
Agar Etikaaf Wali Masjid Main Jamat Na Hoti Ho To Jamat Ke Liye Bhi Ja Sakta Hai
In Uzr Ke Siwa Kisi Aur Waja Se Agar Thodi Der Ke Liye Bhi Etikaaf Ki Jaga Se Bahar Jaeyga To Etikaaf Jata Rahega. Agarche Bhool Hi Kar Jaye.
Mas'alah: Motakif Raat Din Masjid Main Rahe Wahi Khaye Piye Soye In Kamo Ke Liye Masjid Se Bahar Hoga To Etikaaf Toot Jayega.
(Durre Mukhtaar , Hidaya Waghera)
Mas'alah: Motakif Ke Siwa Aur Kisi Ko Masjid Main Khaane Peene Sone Ki Ijazat Nahi Aur Agar Ye Kaam Karna Chahe To Etikaaf Ki Niyyat Karke Masjid Main Jaye Aur Namaaz Padhe Ya Zikr ELaahi Kare Phir Ye Kaam Kar Sakta Hai Magar Khaane Peene Main Ye Aehtiyaat Laazim Hai Ke Masjid Aludah Na Ho.(Rudul Muhtaar-o-Bahar Waghera)
Mas'alah: Motakif Ko Apni Zarurat Ya Baal Baccho Ki Zarurat Se Masjid Main Kharidna Ya Bechna Jaa'iz Hai Jabke Wo Cheez Masjid Main Na Ho Ya To Thodi Ho Ke Jaga Na Ghere Aur Agar Kharid-o-Farokht Tijarat Ki Niyyat Se Hoto Naa'Jaa'iz Hai Chahe Wo Cheez Masjid Main Na Ho Jab Bhi.
(Durre Mukhtaar -o- Rudul Muhtaar-o-Bahar)
Mas'alah: Motakif Na Chup Rahe Na Baat Kare Balke QurAan Shareef Ki Tilawat Hadees Ki QirAat Aur Durood Shareef Ki Kasrat Kare -o- ILm Deen Ka Dars -o- Tadrees Kare Ambiyaa -o- Auliyaa-o- Saleheen Ke HaaLaat Padhe Ya Dini Baate'n Likhe.
(Durre Mukhtaar)
Mas'alah: Agar Nafil Etikaaf Tod De To Uski Qaza Nahi Aur Sunnate Mokidah Aetakaaf Agar Toda To Jis Din Toda Faqat Us Ek Din Ki Qaza Puri 10 Dino Ki Qaza Wajib Nahi
Aur Minnat Ka Etikaaf Toda To Agar Kisi Muqarrar Mahina Ki Minnat Thi To Baqi Dino Ki Qaza Kare Warna Agar Alal'ittiSaul (Lagatar) Wajib Huwa Tha To Sire Se Phir Se Aetakaaf Kare Aur Agar Alal'ittiSaul (Lagatar) Wajib Na Tha To Baqi Ka Etikaaf Kare.
Mas'alah: Etikaaf Jis Waja Se Bhi Tote Chahe Qasdan Ya Bila Qasdan Behre Haal Qaza Wajib Hai.
(Rudul Muhtaar Waghera)