IsLami Pardah Aur Tariqa-E-Zindagi
Aurat Ka Jism Sar Se Paao'n Tak Satar Hai Jiska Chupana Zaruri Hai Siwa-E-Chehra Aur Kalyiyo'n Tak Hatho'n Aur Thukhno'n Se Niche Tak Paao'n Ke Ke Unka Cchupana Namaz Me'n Farz Nahi Baaqi Agar Khula Hoga To Namaz Naa Hogi. Lihaza Uska Libaas Aisa Hona Chahiye Jo Sar Se Paao'n Tak Usko Dhaka Rakhe Aur Is Qadar Bareek Kapda Naa Pehne Jisse Sar Ke Baal Ya Paao'n Ki Pindliya'n Ya Pet Uppar Se Nanga Ma'loom Ho. Ghar Me'n Akeli Shauhar Ya Ma'n Baap Ke Samne Hoto Dupatta Utar Sakti Hai Lekin Agar Damaad Ya Dusra Qarabat_Daar Hoto Sar Baa-Qaa'idah Dhaka Huwa Hona Zaruri Hai Aur Shauhar Ke Siwa Jo Bhi Ghar Me'n Aaye Wo Aawaz Se Khabar Karke Aaye. Ajnabi Aurat Ke Siwaye Chand Surto'n Ke Dekhna Mana Hai.
(1) Tabeeb Marizah Ke Marz Ki Jagah Ko.
(2) Jis Aurat Ke Sath Nikah Karna Hai Use Cchup Kar Dekh Sakta Hai.
(3) Gawah Jo Aurat Ke Muta'alliq Gawahi Dena Chahiye.
(4) Qaazi Jo Aurat Ke Muta'alliq Koyi Hukm Dena Chahiye Wo Bhi Ba-Qadr Zarurat Dekh Sakta Ha Aawarah Aurato'n Se Bhi Shareef Aurate'n Pardah Kare'n .
(Durre Mukhtar)
Aurat Ko Apne Ghar Se Nikalna Bhi Mana Hai Siwaye Chand Mauqa Ke....
1) Qaabilah Yaani Daayi Pesha Karne Waali Aurat Ghar Se Nikal Sakti Hai.
2) Shahidah Gawahi Dene Ke Liye Aurat Qaazi Ke Darbar Me'n Ja Sakti Hai.
3) Ghasilah Jo Aurat Murdah Ko Ghusl Deti Hai Wo Bhi Is Zarurat Se Nikal Sakti Hai.
4) Kaasebah Jis Aurat Ka Koyi Kamayi Karne Waala Naa Ho Wo Rozi Haasil Karne Ke Liye Ghar Se Nikal Sakti Hai.
5) Zaa'irah, Waledain Aur Khaas Ahle Qarabat Se Milne Ke Liye Bhi Ghar Se Nikal Sakti Hai Waghairah Agar Iski Puri Tehqeeq Karna Hoto AalaHazrat Qudda Sirrahu Ki Kitaab Marujun Naja Likharujun Nisa Ka Mutale'ah Karo. Ham Ne Jo Kaha Ke In Mauqo'n Me'n Aurat Ghar Se Nikal Sakti Hai Uske Maane Ye Hain Ke Pardah Se Is Tarah Naa Nikle Jaise Aaj Kal Riwaj Hai Ke Ya To Be-Burqa Bahar Phirti Hain Ya Agar Burqa Hai To Muh Khula Huwa Aur Burqa Bhi Nihayat Khush Numa Aur Chamakdar Ke Dusre Mardo'n Ki Uspar Khwah Makhwah Nazar Pade, Ye Jaaiz Nahi. Ye Ahkaam The Ghar Se Bahar Nikalne Ke! Ab Raha Safar Karna Uske Muta'alliq Ye Zaroor Yaad Rakho Ke Aurat Ko Akeli Ya Kisi Ajnabi Mard Ke Sath Safar Karna Haram Hai. Zaruri Hai Ke Uske Sath Koyi Mehram Ho.
Aajkal Jo Riwaj Ho Gaya Hai Ke Ghar Ko Khat Likh Diya Ke Ham Ne Apni Biwi Ko Falaa'n Gaadi Par Sawaar Kar Diya Hai Tum Station Par Aakar Utaar Lena Ye Naa-Jaaiz Bhi Hai Aur Khatar Naak Bhi. Dewar Aur Behnawi Waghairah Se Bade Bade Gharo'n Me'n Bhi Pardah Nahi Balke Ba'z To Kehti Hain Unse Pardah Karne Ki Zarurat Hi Nahi Ye Mahez Ghalat Hai Hadise Paak Me'n Irshad Huwa Ke
الحمرا الموت
Dewar To Aur Bhi Zyada Maut Hai Ba'z Jaga Unse Hansi Aur Mazaak Tak Kiya Jata Hai. Khayal Rakho Ke Jis Aurat Se Kabhi Bhi Nikah Hosake Usse Pardah Zaruri Hai Ke Wo Ajnabi Hai Aur Jisse Kabhi Bhi Nikah Jaaiz Naa Ho Jaise Damaad, Razayi Beta, Baap, Bhai, Khusr Waghairah Unse Pardah Zaruri Nahi. Agar In Logo'n Se Baa-Qaa'idah Pardah Naa Hosake To Kam Az Kam Ghunghat Se Rehna Aur Unke Samne Haya Aur Sharm Se Rehna Zaruri Hai. Aisa Bareek Libaas Naa Pehnu Jisse Nangi Ma'loom Ho Aur Aisa Libaas Naa Pehne Jo Pindliyo'n Se Bilkul Chimat Jata Ho Aur Jisse Badan Ka Andazah Hota Ho. Haan Agar Us Ghar Me'n Siwaye Shauhar Waghairah Ke Koyi Ajnabi Naa Aata Hoto Koyi Mazayeqah Nahi Magar Aise Ghar Aaj Kal Mushkil Se Milenge.
Dr. Iqbal Ne Khoob Likha Hai:
Chu Zahra Baash Az Makhlooq Ru Posh
Ke Dar Aaghoosh Shabbire Baa Bani
Yaani Hazrat Fatimah RadiyAllahu Ta'Aala Anha Ki Tarah Allah Waali Pardah_Daar Bano Taake Apni Gaud Me'n Imame Hussain RadiyAllahu Ta'Aala Anhu Jaisi Aulaad Dekho.