Islaami Shakl-O-Libaas
◆IsLaami Shakl
Islami Shakal Ye Hai Ke Sar Ke Baal Ya To Sab Rakhaiye Ya Sab Katwa De Ya Sab Mundaye Kuch Baal Rakhna Kuch Katwana Mana Hain Jaise Ke Angrezi Baal Me'n Hota Hai. Aise Hi Kuch Baal Rakhna Aur Kuch Mundana Mana Hai Jaise Ke Ba'z Log Bich Sar Par Paan Rakhwate Hain Ya Ba'z Log Sar Ke Agle Hisse Par Chaje Rakhwate Hain Ya Ba'z Jaahil Musalman Kisi Buzrug Ke Naam Ki Baccho'n Ke Saro'n Par Hindu'o'n Ki Tarah Choti Rakhte Hain Ye Sab Mana Hai Aur Jiske Kul Baal Rakhe Hon Wo Ya To Kaan Ki Lau Tak Ya Kandho'n Tak Rakhe Yaani Taa-Bagosh Ya Taa-Badosh Ke Ye Sunnat Hai Aur Zyada Lambe Baal Rakhna Aur Us Me'n Choti, Maang Aurato'n Ki Tarah Karna Manaa Hai.
Moonch Is Qadar Kaatna Zaruri Hai Ke Uppar Ke Hont Ki Dori Khul Jaye Bilkul Na Katwana Ya Bilkul Munda Dena Manaa Hai Aur Daadhi Ek Mutthi Rakhna Zaruri Hai Yaani Thodi Ke Niche Jo Baal Hain Unko Apni Mutthi Me'n Pakde Jo Mutthi Se Aage Nikle Hon Wo Katwa De Yaani Mutthi Se Kam Karna Bhi Mana Aur Mutthi Se Zyada Lambi Rakhna Bhi Manaa Hai.
Ab Rahi Aas Paas Ki Daadhi Yaani Jabdo'n Par Ke Baal Wo Jis Qadar Gol Daaire Me'n Aajaye'n Wo Naa Katwaye Aur Jo Daaire Se Nikal Jaye'n Wo Katwa De Yaani Jabke Thodi Ke Niche Ke Baal Ek Mutthi Hon Aur Uske Daaire Me'n Jis Qadar Baal Aajaye'n Uska Katwana Bhi Manaa Hai.
Naak Ke Baal Katwana Aur Baghal Ke Baal Ukhedna Sunnat Hai Agar Baghal Ke Baal Bhi Ustare Se Monde Jaye'n To Bhi Harj Nahi. Naaf Ke Niche Ke Baal Mondna Sunnat Hai. Qaichi Se Kaatna Nahusat Ka Sabab Hai. Hatho'n Paao'n Ke Nakhun Katwana Bhi Sunnat Hai. Behtar Ye Hai Ke Saare Kaam Har Hafta Me'n Ek Bar Zaroor Kare Agar Har Hafta Naa Kar Sake To 40 Din Se Zyada Der Naa Lagaye. Mard Ko Apne Hath Paao'n Me'n Mahendi Lagana Zeenat Ke Liye Manaa Hai.
◆IsLaami Libaas
Islami Libaas Ye Hai Ke Mard Ko Naaf Se Ghutne Tak Ka Jism Dhakna Farz Hai. Agar Namaz Me'n Khula Raha To Namaz Na Hogi. Aur Namaz Ke Siwa Bhi Agarche Akele Me'n Hi Bilawaja Khole To Gunahgar Hoga. Iske Siwa Baaqi Libaas Me'n Behtar Ye Hai Ke Pagdi Sar Par Baandhe Aur Puri Aasteen Ko Qamees Ya Kurta Pehne Aur Tukhno'n Se Uncha Tehband Ya Pajama Pehne. In Kapdo'n Ke Siwa chicken waistcoat Jo Kuch Bhi Pehne Wo Kafiro'n Ke Libaas Ki Tarah Na Ho Pagdi Ke Niche Topi Hona Chahiye Aur Agar Topi Na Hoto Bhi Sar Ki Khopdi Dhakle. Agar Khopdi Khuli Rahi Aur Aas Paas Pagdi Lapeti Rahi To Sakht Bura Hai Aur Agar Faqat Topi Audhe To Aisi Topi Se Bache Jo Kuffar Ya Faasiqo'n Ki Khaas Topi Hai Jaise Gandhi Cap, Hat, Hinduwani Gol Topi.
Ek Qaa'idah Yaad Rakho Wo Ye Ke Jo Libaas Kafiro'n Ki Qaumi Nishani Ho Uska Istamaal Musalmano'n Ko Haram Hai. Jaise Hat Aur Hinduwani Dhoti Waghairah. Aur Jo Libaas Ke Kafiro'n Ki Mazhabi Pehchan Ban Chuka Hai Uska Istamaal Kufr Hai Jaise Ke Hinduwani Choti Aur Zunnar Aur Isayi Qaum Ka Salebi Nishan Waghairah Yaani Jis Libaas Ko Dekh Kar Log Jane'n Ke Ye Hindu Ya Isayi Ka Libaas Hai Is Libaas Se Musalmano'n Ko Bechna Zaruri Hai.