◆Biyah Shadi Ki IsLami Rasme'n
Sab Se Behtar To Ye Hoga Ke Apni Aulaad Ke Nikah Ke Liye Hazrat Khatoone Jannat Shahzadi-E-IsLaam Fatimah Zahra RadiyAllahuTa'AalaAnha Ke Nikah Paak Ko Namuna Banao Aur Yaqeen Karo Ke Hamari Aulaad Unke Qadame Paak Par Qurban Aur Ye Bhi Samajhlo Ke Agar Huzoor Nabi Kareem ﷺ Ki Marzi Hoti Ke Meri Lakhte Jigar Ki Shadi Badi Dhoom Dhaam Se Ho Aur Sahaba Kiraam Alaihimur Ridwaan Se Iske Liye Chandah(Newta) Waghairah Ke Liye Hukm Farma Diya Jata To Usmane Ghani RadiyAllahuTa'AalaAnhu Ka Khazana Maujood Tha Jo Ek Ek Jang Ke Liye Nau Nau Sau Oont Aur Nau Nau SauAshrafiya'n Hazir Kar Dete The. Lekin Chunke Mansha Ye Tha Ke Qayamat Tak Ye Shadi Musalmano'n Ke Liye Namuna Ban Jaye. Isliye Nihayat Saadgi Se Ye IsLaami Rasam Ada Ki Gayi.
Lihaza Musalmano! Awwalan To Apni Biyah Baraat Se Sari Haraam Rasme'n Nikal Dalo, Baaje, Aatish_Bazi, Aurato'n Ke Gaane, Mirasi Domm Waghairah Ke Geet, Randiyo'n Ke Naach Aurato'n Mardo'n Ka Mail Jhol, Phool Patti Ka Lutana Ek Dam Allah Ka Naam Le Kar Mita Do. Ab Rahi Fazool Kharchi Ki Rasme'n Unko Ya To Band Hi Kardo Agar Band Na Kar Sako To Unke Liye Aisi Had Muqarrar Kardo, Jisse Fazool Kharchi Na Rahe Aur Ghar Ki Barbadi Na Ho. Jinhe'n Ameer-O-Ghareeb Sab Be-Takalluf Pura Kar Sake'n. Lihaza Hamari Ray Ye Hai Ke Is Tariqah Se Nikah Ki Rasam Ada Honi Chahiye.
Bhaat (Naanki Chak) Ki Rasam Bilkul Band Kardi Jaye Agar Dulha, Dulhan Ka Mamu'n Nana Kuch Imdad Karna Chahe'n To Rasam Bana Kar Na kare'n Balke Mahez Isliye Ke Qarabat_Daaro'n Ki Madad Karna RasoolAllah ﷺ Ka Hukm Hai. Isliye Bajaye Kapdo'n Ke Naqad Rupeya De De'n Jo Ke 25 Rupeya Se Zyada Na Hon Yaani Kam To Hon Magar Isse Zyada Na Hon Aur Ye Imdad Khufyah Ki jaye Dikhawe Ko Isme'n Dakhal Na Ho Taake Rasam Na Ban Jaye. Dulha Dulhan Nikah Se Pehle Uptan Ya Khushbu Ka Istamaal Kare'n Magar Mahendi Aur Tel Lagane Aur Uptan Ki Rasam Band Kar Di Jaye Yaani Gaana Baaja Aurato'n Ka Jama Hona Band Kardo.
Ab Agar Baraat Shahar Ki Shahar Me'n Hai To Zuhar Ki Namaz Padh Kar Baraat Ka Majma Dulha Ke Ghar Jama Ho Aur Dulhan Wale Log Dulhan Ke Ghar Jama Hon. Dulhan Ke Yaha'n Is Waqt Naat Khwani Ya Wa'az Ya Durood Shareef Ki Majlis Garam Ho. Idhar Dulha Ko Accha Umda Sehra Bandha Kar, Paidal Ya Ghode Par Sawar Karke Is Tarah Baraat Ka Juloos Rawana Ho, Aage Aage Umda Naat Khwani Hoti Jaye Tamam Bazaro'n Me'n Juloos Nikala Jaye. Jab Ye Baraat Dulhan Ke Ghar Ponhche To Dulhan Wale Is Baraat Ko Kisi Qism Ki Roti Ya Khana Hargiz Na De'n Kyunke
Hazrat Zahra Ke Nikah Me'n Huzoor ﷺ Ne Koyi Khana Na Diya. Gharz Ke Ladki Wale Ke Ghar Khana Na Ho, Balke Paan Ya Khaali Chaay Se Tawadu Kar Di Jaye.
Phir Umdah Tariqah Se Khutbah Nikah Padh Kar Nikah Hojaye Agar Nikah Masjid Me'n Hoto Aur Bhi Accha Hai. Nikah Ka Masjid Me'n Hona Mustahab Hai Aur Agar Ladki Ke Ghar Ho Tab Bhi Koyi Harj Nahi. Nikah Hote Hi Baraati Log Wapas Hojaye'n Ye Tamam Kaam Asar Se Pehle Hojaye'n Aur Ba'de Maghrib Dulhan Ko Rukhsat Kar Diya Jaye Khwa Rukhsat Taangah Me'n Ho Ya Doli Waghairah Me'n. Magar Us Par Kisi Qism Ka Nichawar Aur Ba-kher Bilkul Na Ho Ke Ba-kher Karne Me'n Paise Gum Jate Hain Haan Nikah Ke Waqt Khurme Lutana Sunnat Hai Agar Nikah Ke Waqt Du Chaar Gole Chala Diye Jaye'n Ya Aelaan Ki Niyyat Se Jaha'n Nikah Huwa Hai Waha'n Hi Koyi Naqarah Ya Naubat Is Tarah Baghair Geet Ke Peet Di Jaye Jaise Sehri Ke Waqt Uthane Ke Liye Ramzan Shareef Me'n Peeti Jati Hai To Bhi Accha Hai Ye Zarb Daf Ke Ma'ani Hain.
◆Jahez
Jahez Ke Liye Bhi Koyi Had Honi Chahiye Ke Jiski Har Ameer-O-Ghareeb Pabandi Kare. Ameer Log Aur Mauqa Par Apni Ladkiyo'n Ko Jo Chahe'n De'n Magar Jahez Wo De'n Jo Muqarrar Hogaya. Yaad Rakho Ke Agar Tum Jahez Se Dulha Ka Ghar Bhi Bhar Doge To Bhi Tumhara Naam Nahi Hosakta. Kyunke Ba'z Jaga Bhangi Chamaro'n Ne Itna Jahez De Diya Hai Ke Musalma'n Bade Maal-Daar Bhi Nahi De Sakte.
Chunanche Chand Saal Guzre Ke Aagra Me'n Ek Chamaar Ne Apni Ladki Ko Itna Jahez Diya Ke Wo Baraat Ke Sath Juloos Ki Shakal Me'n Ek Mail Me'n Tha. Uski Nigrani Ke Liye Police Bulani Padi Jab Usse Kaha Gaya Ke Itna Jahez Rakhne Ke Liye Dulha Ke Paas Makaan Nahi Hai To Fauran 6-6 Hazar Yaani 12000 Rupe Ke Makaan Khareed Kar Dulha Ko De Diye Chunanche Ab Ham Ne Khud Dekha Ke Jo Musalman Apni Jayedaad -O- Makaan Farokht Karke Accha Jahez Dete Hain To Dekhne Wale Is Chamar Ke Jahez Ka Zikr Shuru Kar Dete Hain Aur Kehte Hain Ke Bhai Wo Chamaar Jahez Ka Record To Tod Gaya. Is Musalman Be-Chare Ka Naam Na -Ta'areef.
Lihaza Aye-Musalamno'n ! Hosh Karo, Is Namwari Ki Lalach Me'n Apne Ghar Ko Aag Na Lagao. Yaad Rakho Ke Naam Aur Izzat To Allah Ta'Aala Aur RasoolAllah ﷺ Ki Perwi Me'n Hai.
Lihaza Jo Jahez Ham Arz Karte Hain Usse Zyada Hargiz Na Do.
Bartan 11-Adad, Chaar Paayi Darmiyani 1-Adad, Lihaaf 1-Adad, Taushak (Gadela) 1-Adad, Takyah 1-Adad, Chadar 1-Adad, Dulhan Ke Jode 4-Adad, Jisme'n 2-Adad Suti Hon Aur 2-Adad Reshmi, Dulha Ke Jode 2-Adad, Dulha Ke Walid Ko Joda 1-Adad, Dulha Ki Maa'n Ka Joda 1-Adad, Musalla (Jaye Namaz) 1-Adad, QurAan Shareef Ma'a Rehal 1-Adad, Zewar Baqadr Himmat Magar Usme'n Bhi Zyadati Na Karo Agar Ho Sake To Iske Aelawa Naqad Rupeya Ladki Ke Naam Me'n Jama Kara Do Aur Agar Tumko Allah Ta'Aala Ne Diya Hai To Ladki Ko Koyi Makaan, Dukaan, Jayedadi Shakal Me'n Kharido Ladki Ke Naam Register Ho.
Ye Bhi Yaad Rakho Ke Tamam Ladkiyo'n Me'n Barabari Hona Zaruri Hai... Lihaza Agar Naqdi Rupeya Ya Jayedaad Ek Ko Di To Sab Ko Do, Warna Gunehgaar Hoge. Jo Aulaad Me'n Barabari Na Rakhe Hadees Shareef Me'n Usko Zaalim Kaha Gaya Hai Aur Apni Ladkiyo'n Ko Sikha Do Ke Agar Unke Saas Ya Nanad Ta'anah De'n To Wo Jawab De'n Ke Me'n Sunnat Tariqah Aur Hazrat Khatoone Jannat Ki Ghulami Me'n Tumhare Ghar Aayi Hon Agar Tum Mujh Par Ta'anah Kiya To Tumhara Ye Ta'anah Mujh Par Na Hoga Balke IsLaam Aur Baani-E-IsLaam Alaihissalam Par Hoga, Saas Nanad Bhi Khoob Yaad Rakhe'n Ke Agar Unhone'n Ye Jawab Sun Kar Bhi Zubaan Na Roki To Unke Eemaan Ka Khatrah Hai.
◆Latifa
Hazrat Imam Mohammed RahmatullAhi Alaih Ke Paas Ek Shakhs Aaya Aur Arz Karne Laga Ke Me'n Ne Qasam Khayi Thi Ke Apni Beti Ko Jahez Me'n Har Cheez Dunga. Ab Kya Karo'n Ke Qasam Puri Ho, Kyunke Har Cheez To Badshah Bhi Nahi De Sakta. Aapne Farmaya Ke Tu Apni Beti Ko Jahez Me'n QurAan Shareef Dede Kyunke QurAan Shareef Me'n Har Cheez Hai Aur Ye Aayat Padhi.
(Ruhul Bayan)
Para:11, Surah Yunus Ki Pehli Aayat
ولا رطب ولا یابس الا فی کتب مبین.
Lihaza Ladkiyo'n Aur Unke SaaS Nando'n Ko Yaad Rakhna Chahiye Ke Jis Ne QurAan Shareef Jahez Me'n De Diya Usne Sab Kuch De Diya. Kya Chakki Chulha Aur Dunya Ki Cheez QurAan Shareef Se Badh Kar Hain. Aur Agar Baraat Dusre Shahar Se Aayi Hai To Baraat Me'n Aane Wale Aadmi Mard Aur Aurat 25 Se Zyada Na Hon Aur Un Mehmano'n Ko Ladki Wala Khana Khilaye Magar Ye Khana Mehmani Ke Haq Ka Hoga Na Ke Baraat Ki Roti. Isi Tarah Dulhan Wale Ke Ghar Jo Apni Biradari Aur Basti Ki Aam Dawat Hoti Hai. Wo Bilkul Band Kardi Jaye. Haan Bahar Ke Mehmaan Aur Baraat Ke Muntazimeen Zaroor Khana Khaye'n. Maqsood Sirf Ye Hai Ke Dulhan Ke Ghar Aam Biradari Ki Dawat Na Ho Ke Ye Bilawaja Ka Boujh Hai. Jaha'n Tak Ho Sake Ladki Wale Ka Boujh Halka Karo.
Jab Dulhan Khair Se Ghar Pohche To Rukhsat Ke Dusre Din Yaani Shabe Urusi Ki Subah Ko Dulha Ke Ghar Dawate Walimah Hona Chahiye. Ye Dawat Apni Haisiyat Ke Mutabiq Ho Ke Ye Sunnat Hai Magar Uski Dhoom Dhaam Ke Liye Sodi Qarza Na Liya Jaye Aur Maal-Daro'n Ke Sath Kuch Ghurba Aur Masakeen Ko Bhi Is Dawat Me'n Bulaya Jaye. Yaad Rakho Ke Jis Shadi Me'n Kharcha Kam Hoga In Shaa Allah Wo Shadi Badi Mubarak Aur Dulhan Badi Khush Naseeb Hogi. Ham Ne Dekha Hai Ke Zyada Jahez Le Jane Waali Ladkiya'n Sasuraal Me'n Takleef Se Reh Rahe Hain Aur Kam Jahez Laane Waaliya'n Bade Aaram Se Guzara Kar Rahi Hain.
Ham Ne Hazrat Fatima Zahra RadiyAllahu Ta'Aala Anha Ki Shadi Aur Unka Jahez Aur Unki Khaangi Zindagi Shareef Nazam Me'n Likhi Hai Aur Aapko Sunaye'n Suno Aur Ibrat Pakdo.
Sab Se Behtar To Ye Hoga Ke Apni Aulaad Ke Nikah Ke Liye Hazrat Khatoone Jannat Shahzadi-E-IsLaam Fatimah Zahra RadiyAllahuTa'AalaAnha Ke Nikah Paak Ko Namuna Banao Aur Yaqeen Karo Ke Hamari Aulaad Unke Qadame Paak Par Qurban Aur Ye Bhi Samajhlo Ke Agar Huzoor Nabi Kareem ﷺ Ki Marzi Hoti Ke Meri Lakhte Jigar Ki Shadi Badi Dhoom Dhaam Se Ho Aur Sahaba Kiraam Alaihimur Ridwaan Se Iske Liye Chandah(Newta) Waghairah Ke Liye Hukm Farma Diya Jata To Usmane Ghani RadiyAllahuTa'AalaAnhu Ka Khazana Maujood Tha Jo Ek Ek Jang Ke Liye Nau Nau Sau Oont Aur Nau Nau SauAshrafiya'n Hazir Kar Dete The. Lekin Chunke Mansha Ye Tha Ke Qayamat Tak Ye Shadi Musalmano'n Ke Liye Namuna Ban Jaye. Isliye Nihayat Saadgi Se Ye IsLaami Rasam Ada Ki Gayi.
Lihaza Musalmano! Awwalan To Apni Biyah Baraat Se Sari Haraam Rasme'n Nikal Dalo, Baaje, Aatish_Bazi, Aurato'n Ke Gaane, Mirasi Domm Waghairah Ke Geet, Randiyo'n Ke Naach Aurato'n Mardo'n Ka Mail Jhol, Phool Patti Ka Lutana Ek Dam Allah Ka Naam Le Kar Mita Do. Ab Rahi Fazool Kharchi Ki Rasme'n Unko Ya To Band Hi Kardo Agar Band Na Kar Sako To Unke Liye Aisi Had Muqarrar Kardo, Jisse Fazool Kharchi Na Rahe Aur Ghar Ki Barbadi Na Ho. Jinhe'n Ameer-O-Ghareeb Sab Be-Takalluf Pura Kar Sake'n. Lihaza Hamari Ray Ye Hai Ke Is Tariqah Se Nikah Ki Rasam Ada Honi Chahiye.
Bhaat (Naanki Chak) Ki Rasam Bilkul Band Kardi Jaye Agar Dulha, Dulhan Ka Mamu'n Nana Kuch Imdad Karna Chahe'n To Rasam Bana Kar Na kare'n Balke Mahez Isliye Ke Qarabat_Daaro'n Ki Madad Karna RasoolAllah ﷺ Ka Hukm Hai. Isliye Bajaye Kapdo'n Ke Naqad Rupeya De De'n Jo Ke 25 Rupeya Se Zyada Na Hon Yaani Kam To Hon Magar Isse Zyada Na Hon Aur Ye Imdad Khufyah Ki jaye Dikhawe Ko Isme'n Dakhal Na Ho Taake Rasam Na Ban Jaye. Dulha Dulhan Nikah Se Pehle Uptan Ya Khushbu Ka Istamaal Kare'n Magar Mahendi Aur Tel Lagane Aur Uptan Ki Rasam Band Kar Di Jaye Yaani Gaana Baaja Aurato'n Ka Jama Hona Band Kardo.
Ab Agar Baraat Shahar Ki Shahar Me'n Hai To Zuhar Ki Namaz Padh Kar Baraat Ka Majma Dulha Ke Ghar Jama Ho Aur Dulhan Wale Log Dulhan Ke Ghar Jama Hon. Dulhan Ke Yaha'n Is Waqt Naat Khwani Ya Wa'az Ya Durood Shareef Ki Majlis Garam Ho. Idhar Dulha Ko Accha Umda Sehra Bandha Kar, Paidal Ya Ghode Par Sawar Karke Is Tarah Baraat Ka Juloos Rawana Ho, Aage Aage Umda Naat Khwani Hoti Jaye Tamam Bazaro'n Me'n Juloos Nikala Jaye. Jab Ye Baraat Dulhan Ke Ghar Ponhche To Dulhan Wale Is Baraat Ko Kisi Qism Ki Roti Ya Khana Hargiz Na De'n Kyunke
Hazrat Zahra Ke Nikah Me'n Huzoor ﷺ Ne Koyi Khana Na Diya. Gharz Ke Ladki Wale Ke Ghar Khana Na Ho, Balke Paan Ya Khaali Chaay Se Tawadu Kar Di Jaye.
Phir Umdah Tariqah Se Khutbah Nikah Padh Kar Nikah Hojaye Agar Nikah Masjid Me'n Hoto Aur Bhi Accha Hai. Nikah Ka Masjid Me'n Hona Mustahab Hai Aur Agar Ladki Ke Ghar Ho Tab Bhi Koyi Harj Nahi. Nikah Hote Hi Baraati Log Wapas Hojaye'n Ye Tamam Kaam Asar Se Pehle Hojaye'n Aur Ba'de Maghrib Dulhan Ko Rukhsat Kar Diya Jaye Khwa Rukhsat Taangah Me'n Ho Ya Doli Waghairah Me'n. Magar Us Par Kisi Qism Ka Nichawar Aur Ba-kher Bilkul Na Ho Ke Ba-kher Karne Me'n Paise Gum Jate Hain Haan Nikah Ke Waqt Khurme Lutana Sunnat Hai Agar Nikah Ke Waqt Du Chaar Gole Chala Diye Jaye'n Ya Aelaan Ki Niyyat Se Jaha'n Nikah Huwa Hai Waha'n Hi Koyi Naqarah Ya Naubat Is Tarah Baghair Geet Ke Peet Di Jaye Jaise Sehri Ke Waqt Uthane Ke Liye Ramzan Shareef Me'n Peeti Jati Hai To Bhi Accha Hai Ye Zarb Daf Ke Ma'ani Hain.
◆Jahez
Jahez Ke Liye Bhi Koyi Had Honi Chahiye Ke Jiski Har Ameer-O-Ghareeb Pabandi Kare. Ameer Log Aur Mauqa Par Apni Ladkiyo'n Ko Jo Chahe'n De'n Magar Jahez Wo De'n Jo Muqarrar Hogaya. Yaad Rakho Ke Agar Tum Jahez Se Dulha Ka Ghar Bhi Bhar Doge To Bhi Tumhara Naam Nahi Hosakta. Kyunke Ba'z Jaga Bhangi Chamaro'n Ne Itna Jahez De Diya Hai Ke Musalma'n Bade Maal-Daar Bhi Nahi De Sakte.
Chunanche Chand Saal Guzre Ke Aagra Me'n Ek Chamaar Ne Apni Ladki Ko Itna Jahez Diya Ke Wo Baraat Ke Sath Juloos Ki Shakal Me'n Ek Mail Me'n Tha. Uski Nigrani Ke Liye Police Bulani Padi Jab Usse Kaha Gaya Ke Itna Jahez Rakhne Ke Liye Dulha Ke Paas Makaan Nahi Hai To Fauran 6-6 Hazar Yaani 12000 Rupe Ke Makaan Khareed Kar Dulha Ko De Diye Chunanche Ab Ham Ne Khud Dekha Ke Jo Musalman Apni Jayedaad -O- Makaan Farokht Karke Accha Jahez Dete Hain To Dekhne Wale Is Chamar Ke Jahez Ka Zikr Shuru Kar Dete Hain Aur Kehte Hain Ke Bhai Wo Chamaar Jahez Ka Record To Tod Gaya. Is Musalman Be-Chare Ka Naam Na -Ta'areef.
Lihaza Aye-Musalamno'n ! Hosh Karo, Is Namwari Ki Lalach Me'n Apne Ghar Ko Aag Na Lagao. Yaad Rakho Ke Naam Aur Izzat To Allah Ta'Aala Aur RasoolAllah ﷺ Ki Perwi Me'n Hai.
Lihaza Jo Jahez Ham Arz Karte Hain Usse Zyada Hargiz Na Do.
Bartan 11-Adad, Chaar Paayi Darmiyani 1-Adad, Lihaaf 1-Adad, Taushak (Gadela) 1-Adad, Takyah 1-Adad, Chadar 1-Adad, Dulhan Ke Jode 4-Adad, Jisme'n 2-Adad Suti Hon Aur 2-Adad Reshmi, Dulha Ke Jode 2-Adad, Dulha Ke Walid Ko Joda 1-Adad, Dulha Ki Maa'n Ka Joda 1-Adad, Musalla (Jaye Namaz) 1-Adad, QurAan Shareef Ma'a Rehal 1-Adad, Zewar Baqadr Himmat Magar Usme'n Bhi Zyadati Na Karo Agar Ho Sake To Iske Aelawa Naqad Rupeya Ladki Ke Naam Me'n Jama Kara Do Aur Agar Tumko Allah Ta'Aala Ne Diya Hai To Ladki Ko Koyi Makaan, Dukaan, Jayedadi Shakal Me'n Kharido Ladki Ke Naam Register Ho.
Ye Bhi Yaad Rakho Ke Tamam Ladkiyo'n Me'n Barabari Hona Zaruri Hai... Lihaza Agar Naqdi Rupeya Ya Jayedaad Ek Ko Di To Sab Ko Do, Warna Gunehgaar Hoge. Jo Aulaad Me'n Barabari Na Rakhe Hadees Shareef Me'n Usko Zaalim Kaha Gaya Hai Aur Apni Ladkiyo'n Ko Sikha Do Ke Agar Unke Saas Ya Nanad Ta'anah De'n To Wo Jawab De'n Ke Me'n Sunnat Tariqah Aur Hazrat Khatoone Jannat Ki Ghulami Me'n Tumhare Ghar Aayi Hon Agar Tum Mujh Par Ta'anah Kiya To Tumhara Ye Ta'anah Mujh Par Na Hoga Balke IsLaam Aur Baani-E-IsLaam Alaihissalam Par Hoga, Saas Nanad Bhi Khoob Yaad Rakhe'n Ke Agar Unhone'n Ye Jawab Sun Kar Bhi Zubaan Na Roki To Unke Eemaan Ka Khatrah Hai.
◆Latifa
Hazrat Imam Mohammed RahmatullAhi Alaih Ke Paas Ek Shakhs Aaya Aur Arz Karne Laga Ke Me'n Ne Qasam Khayi Thi Ke Apni Beti Ko Jahez Me'n Har Cheez Dunga. Ab Kya Karo'n Ke Qasam Puri Ho, Kyunke Har Cheez To Badshah Bhi Nahi De Sakta. Aapne Farmaya Ke Tu Apni Beti Ko Jahez Me'n QurAan Shareef Dede Kyunke QurAan Shareef Me'n Har Cheez Hai Aur Ye Aayat Padhi.
(Ruhul Bayan)
Para:11, Surah Yunus Ki Pehli Aayat
ولا رطب ولا یابس الا فی کتب مبین.
Lihaza Ladkiyo'n Aur Unke SaaS Nando'n Ko Yaad Rakhna Chahiye Ke Jis Ne QurAan Shareef Jahez Me'n De Diya Usne Sab Kuch De Diya. Kya Chakki Chulha Aur Dunya Ki Cheez QurAan Shareef Se Badh Kar Hain. Aur Agar Baraat Dusre Shahar Se Aayi Hai To Baraat Me'n Aane Wale Aadmi Mard Aur Aurat 25 Se Zyada Na Hon Aur Un Mehmano'n Ko Ladki Wala Khana Khilaye Magar Ye Khana Mehmani Ke Haq Ka Hoga Na Ke Baraat Ki Roti. Isi Tarah Dulhan Wale Ke Ghar Jo Apni Biradari Aur Basti Ki Aam Dawat Hoti Hai. Wo Bilkul Band Kardi Jaye. Haan Bahar Ke Mehmaan Aur Baraat Ke Muntazimeen Zaroor Khana Khaye'n. Maqsood Sirf Ye Hai Ke Dulhan Ke Ghar Aam Biradari Ki Dawat Na Ho Ke Ye Bilawaja Ka Boujh Hai. Jaha'n Tak Ho Sake Ladki Wale Ka Boujh Halka Karo.
Jab Dulhan Khair Se Ghar Pohche To Rukhsat Ke Dusre Din Yaani Shabe Urusi Ki Subah Ko Dulha Ke Ghar Dawate Walimah Hona Chahiye. Ye Dawat Apni Haisiyat Ke Mutabiq Ho Ke Ye Sunnat Hai Magar Uski Dhoom Dhaam Ke Liye Sodi Qarza Na Liya Jaye Aur Maal-Daro'n Ke Sath Kuch Ghurba Aur Masakeen Ko Bhi Is Dawat Me'n Bulaya Jaye. Yaad Rakho Ke Jis Shadi Me'n Kharcha Kam Hoga In Shaa Allah Wo Shadi Badi Mubarak Aur Dulhan Badi Khush Naseeb Hogi. Ham Ne Dekha Hai Ke Zyada Jahez Le Jane Waali Ladkiya'n Sasuraal Me'n Takleef Se Reh Rahe Hain Aur Kam Jahez Laane Waaliya'n Bade Aaram Se Guzara Kar Rahi Hain.
Ham Ne Hazrat Fatima Zahra RadiyAllahu Ta'Aala Anha Ki Shadi Aur Unka Jahez Aur Unki Khaangi Zindagi Shareef Nazam Me'n Likhi Hai Aur Aapko Sunaye'n Suno Aur Ibrat Pakdo.