◆Dulhan Ki Talaash Mangni Aur Tareekh Thehrana
••Maujuda Rasme'n
Hindustaan Me'n Aam Taur Par Ladke Walo'n Ki Tamanna Ye Hoti Hai Ke MaalDaar Ladki Ghar Me'n Aaye. Jaha'n Hamare Bacche Ke Khoob Armaan Nikle'n Aur Is Qadar Jahez Laaye Ke Ghar Bhar Jaye. Idhar Ladkiya'n Walo'n Ki Aarzu Hoti Hai Ke Ladka MaalDaar Aur Shauqeen Ho, Angrezi Baal Kaatta Ho, Daadhi Mundata Ho,Taake Hamari Ladki Ko Cinema Dikhaye Aur Uske Har Jaaiz Armaan Nikaale. Me'n Ne Bahot Musalmano'n Ko Kehte Suna Ke Ham Daadhi Wale Ko Apni Ladki Na De'n Ge. Ladka Shauqeen Chahiye Aur Bahot Jaga Apni Aankhe'n Se Dekha Ke Ladki Walo'n Ne Dulha Se Mutaleba Kiya Ke Daadhi Munda Do To Ladki Di Ja Sakti Hai. Chunanche Ladko'n Ne Daadhiya'n Mundwaye'n. Kaha Tak Dukh Ki Baate'n Sunao'n Ye Bhi Kehte Hai Suna Gaya Ke Namazi Ko Ladki Na Denge Wo Masjid Ka Mulla'n Hai Hamari Ladki Ke Armaan Aur Shauq Pure Na Karega. Punjab Me'n Bhi Yahi Aag Lagi Huwi Hai.
Jab Apni Marzi Ka Ladka Mil Gaya To Ab Khair Se Mangni (Kadmayi) Ka Waqt Aaya. Is Me'n Dulhan Walo'n Ki Taraf Se Mutalebah Huwa Ke Aise Kapdo'n Ka Joda Is Qadar Sone Ka Zewar Chadao. Is Farma'ish Ko Pura Karne Ke Liye Ladke Wale Aksar Qarz Le Kar Ya Kisi Jaga Se Zewar Maang Kar Chada Dete Hain. Jab Mangni Ka Waqt Aaya To Ladke Wala Apne Qarabat Daro Ko Jama'a Karke Awwalan Unki Dawat Apne Ghar Karta Hai Phir Dulhan Ke Yaha Un Sabko Le Jata Hai. Jaha'n Dulhan Walo'n Ke Qarabat Daar Pehle Hi Se Jama'a Hote Hain Gharz Ke Dulhan Ke Ghar Do(2) Qism Ke Mele Lag Jate Hain Phir Unki Pur Takalluf Dawat Hoti Hai. U.P Me'n To Khane Ki Dawat Hoti Hai Magar Panjab Me'n Mithayi Aur Chaay Ki Dawat Jis Me'n Is Rasam Par Duno'n Taraf Se 400-500 Rupaiya Tak Kharch Hojate Hai. Phir Dulhan Ke Yaha Se Ladke Ko Sone Ki Anghoti Aur Kuch Kapde Milte Hain Aur Ladki Ko Dulhe Walo'n Ki Taraf Se Qeemti Joda, Bhari Suthra Zewar Diya Jata Hai Phir Mangni Se Shadi Tak Har Eid Baqra Eid Waghairah Par Kapde Aur Waqtan Fawaqtan Mausami (Fruits) Aur Mithayiya'n Ladke Ke Ghar Se Jana Zaruri Hai.
◆ Biyah Shadi Ki Rasoom Ki Kharabiya'n
Sakht Ghalat Ye Hai Ke Ladki Aur Ladke MaalDaar Talaash Kiye Jate Hain Kyunke MaalDaar Ki Talaash Me'n Ladke Aur Ladkiya'n Jawaan Jawaan Bethe Rehte Hain , Na Koyi Khaatir Khwa Maal Milta Hai , Na Shadiya'n Hoti Hain Aur Jawaan Ladki Ke Maa'n Baap Ke Liye Pahaad Hai Usko Ghar Me'n Baghair Nikah Rakhna Sakht Kharabiyo'n Ki Jad Hai.
Dusri Ye Ke Jo Mohabbat-O-Akhlaaq Gharibo'n Me'n Hai Wo MaalDaaro'n Me'n Nahi.
Tisri Ye K Agar MaalDaar Ko Tum Apni Khaal Bhi Utaar Kar Dedo Unki Aankh Me'n Nahi Aata. Ye Ta'ane Hote Hain Hame'n Kuch Nahi Mila Aur Agar Dulhan Wale MaalDaar Hain To Damaad Misl Nokar Ke Sasuraal Me'n Rehte Hain Biwi Par Shauhar Ka Koyi Ru'ab(Dar) Nahi Hota Agar Dulha Wale MaalDaar Hain To Ladki Us Ghar Me'n Londi Ya Nokrani Ki Tarah Hoti Hai Apni Ladki Aise Ghar Dedo Jaha'n Wo Ladki Ghanimat(Qeemti, Behtar) Samjhi Jaye.
Tajruba Ne Bataya Ke Ghareeb Gharane Wali Ladkiya'n Un Ladkiyo'n Se Aaram Me'n Rehti Hain Jo MaalDaaro'n Me'n Gaye'n. Ladki Walo Ko Chahiye Ke Dulha Me'n Teen(3) Baate'n Dekhe'n.
Awwal___Tandrust Ho Kyunke Zindagi Ki Bahaar Tandrusti Se Hai.
Dusre ___Uske Chaal Chalan Acche Hon, Bad'Ma'ash Na Ho, Shareef Log Hon.
Tisre ___Ye Ke Ladka Hunar Mand Aur Kamao Ho Ke Kamakar Apne Biwi Baccho'n Ko Paal Sake.
MaalDaari Ka Koyi Aetabaar Nahi. Ye Chalti Phirti Chandni Hai.
Hadeese Paak Me'n Hai Ke Nikah Me'n Koyi Maal Dekhta Hai Koyi Jamaal Magar
عليك بذات الدين Tum Deen Daari Dekho.
Ye Bhi Yaad Rakho Ke Teen(3) Qism Ke Maalo'n Me'n Barkat Nahi.
Ek To Zameen Ka Paisa Yaani Zameen Ya Makaan Farokht Karke Khao. Isme Barkat Nahi Chahiye Ke Ya To Zameen Na Farokht Karo Aur Agar Farokht Karo To Iska Paisa Zameen Hi Me'n Kharch Karo.
Dusre __ Ladki Ka Paisa Yaani Ladki Wale Jo Rupaiya Lekar Shadi Karte Hain Us Me'n Barkat Nahi Aur Paisa Lena Haraam Hai Kynke Ya To Ye Ladki Ki Qimat Hai Ya Rishwat Ye Duno'n Haraam Hain.
Tisre__ Wo Jahez -O- Maal Jo Ladki Apne Maike Se Laye. Agar Dulha Isko Garz Auqaat Ka Zari'ah Bana De To Is Me'n Barkat Nahi Hogi Apni Quwwate Baazo Par Bharosa Karo.
Daadhi Aur Namaz Ka Mazaaq Udane Wale Sab Kaafir Huwe.
Ye Bhi Yaad Rakho Ke Molviyo'n Aur Deendaro'n Ki Biwiya'n Fassion Walo'n Ki Biwiyo'n Se Zyada Aaram Me'n Rehti Hain.
Awwal To Isliye Ke Deen_Daar Aadmi Khuda Ke Khouf Se Biwi Baccho'n Ka Haq Pehchanta Hai.
Dusre Ye Ke Deen_Daar Aadmi Ki Nigah Sirf Apni Biwi Par Hi Hoti Hai Aur Aazaad Logo'n Ki Temporary Biwiya'n Bahot Si Hoti Hain Jin Ka Raat Din Tajruba Ho Raha Hai Wo Har Phool Ko Soongtha Aur Har Baagh Me'n Jata Hai Kuch Dino'n To Apni Biwi Se Mohabbat Karta Hai Pher Aankh Phir Leta Hai.
Mangni Ki Rasmo'n Ki Kharabiya'n Bayaan Se Bahar Hain. Bahot Se Log Sudi Qarz Se Ya Maang Kar Zewar Chadate Hain. Shadi Ke Ba'd Dulhan Se Wo Zewar Huliye Bahane Se Lekar Wapas Karte Hain. Jiski Waja Se Aapas Me'n Khoob Ladayiya'n Hoti Hain Aur shuru Ki Wo Ladayi Aisi Hoti Hai Ke Phir Khatam Nahi Hoti Aur Kahi'n Aisa Bhi Hota Hai Ke Mangni Choot Jati Hai Phir Dulhan Walo'n Se Zewar Wapas Maanga Jata Hai Idhar Se Inkaar Hota Hai Jis Par Muqaddama Baazi Ki Naubat Aati Hai. Isi Tarah Mangni Ke Waqt Dawat Aur Fazool Kharchi Ka Haal Hai Agar Mangni Choot Gayi To Mutaleba Hota Hai Ke Hamara Kharch Wapas Kardo Aur Duno'n Fareeq Khoob Ladte Hain Ba'd Dafa Mangni Me'n Itna Kharch Hojata Hai Ke Fariqain Me'n Shadi Ke Kharch Ki Himmat Nahi Rehti Phir Kabhi Kabhi Kapdo'n Ke Jode Aur Mithaiyo'n Ke Kharch Ladke Walo'n Ka Diwaliyah Nikaal Deta Hai Aur Shadi Ke Waqt Ghaur Karta Hai Ke Dulhan Wale Ne Is Qadar Jahez Aur Zewar Waghaira Diya Nahi Jo Mera Kharch Kara Chuka Hai Agar Ladki Wale Ne Itna Na Diya To Ladki Ki Jaan Suli Par Rehti Hai Ke Tere Baap Ne Hamara Le Le Kar Khaya , Diya Kya? Aur Agar Khoob Diya To Kehte Hain Ke Kya Diya, Ham Se Bhi To Khoob Kharch kara Liya. Baaqi Gaane Bajane Ki Rasmo'n Me'n Wo Kharabiya'n Hain Jo Ham Pehle Bayaan Kar Chuke Hain Maayeya'n Aur Uptan Ki Rasme'n Bahot Se Haraam Kaamo'n Ka Majmu'Aa Hain Isliye In Tamam Rasmo'n Ko Band Karna Zaruri Hai.
◆ Biyah Shadi Ki IsLami Rasme'n
Ladki Ke Liye Ladka Aur Ladke Ke Liye Ladki Aisi Talaash Ki Jaye Ho Shareef Aur DeenDaar Ho, Taake Aapas Me'n Mohabbat Rahe.
Jaha'n Ladke Ki Marzi Na Ho Waha'n Hargiz Nikah Na Ho. Isi Tarah Jaha'n Ladki Aur Ladki Ki Maa'n Ka Mansha Na Ho, Waha'n Nikah Karna Zahre Qaatil Hai. Hamne Dekha Hai Ke Aisi Shadiya'n Kamiyab Nahi Hote'n. Isi Liye SharAn Zaruri Hai Ke Ladki Se Izn (Ijazat) Lete Waqt Ladke Ka Naam Ma'a Uske Walid Ke Aur Maher Bataya Jaye Ke Aye Beti Ham Tera Falaa'n Ladke Falaa'n Ke Bete Se Nikah Kar De'n Wo Kahe Haan Tab Nikah Hota Hai. Ye Izn Ladki Ki Raay Ma'aloom Karne Ke Liye Hi To Hai Agar Mauqa Hoto Ladke Ko Ladki Paigham Se Pehle Kisi Bahane Se Khufiya Taur Par Dikhayi Jaye Ke Ladki Ko Ye Khabar Na Ho.
(Hadees)
Nikah Se Peshtar Apne Saare Qarabat Daaro'n Ka Mashaurah Lena Behtar Hai.
QurAane Kareem Farmata Hai: ومرھم شوری بینھم
Aise Nikah Ke Saare Qarabat Daar Zimma Daar Hojate Hain Aur Agar Dulhan Aur Dulha Me'n Naa-Ittefaqi Hojaye To Ye Log Mil Kar ittefaaq Ki Koshish Karte Hain. Mangni Dar-Asal Nikah Ka Wada Hai Agar Ye Na Bhi Ho Jab Bhi Koyi Harj Nahi.
Lihaza Behtar To Ye Hai Ke Mangni Ki Rasam Bilkul Khatam Kardi Jaye Iski Koyi Zarurat Nahi Hai Aur Siwaye Nuqsaan Ke Isse Kuch Faida Nahi Ghaliban Hamne Ye Rasme'n Hindo'o'n Se Seekhi Hain. Kyunke Siwaye Hindustan Ke Aur Kahi'n Ye Rasam Nahi Hoti Balke Arbi Ya Farsi Zabano'n Me'n Iska Koyi Naam Bhi Nahi. Iske Jitne Naam Milte Hain Sab Hindi Zaban Ke Hain.
Chunanche Mangni, Sagayi, Kadmayi, Saakh Ye Iske Naam Hain Aur In Me'n Se Koyi Bhi Arbi Farsi Nahi.
Aur Agar Mangni Ka Karna Zaruri Hi Hoto Is Tarah Karo Ke Pehle Ladke Wale Ke Yaha'n Iske Qarabat_Daar Jama Hon Aur Unki Khatir Tawadu (Mehman Nawazi) Sirf Paan Aur Chaay Se Kare Agar Kahi'n Paan Ka Riwaaj Na Ho Jaise Ke Panjab To Wo Sirf Khali Chaay Se Jiske Sath Koyi Mithayi Na Ho. Phir Ye Log Uth Kar Ladki Wale Ke Yaha'n Aajaye'n. Wo Bhi Unki Tawadu Sirf Paan Ya Chaay Se Kare. Ladke Wale Apne Sath Dulhan Ke Liye Ek Soti Dupatta Aur Ek Sone Ki Nath(Nathni) Laye Jo Ke Pesh Kar De. Dulhan Walo'n Ki Taraf Se Ladke Ko Ek Soti Rumaal , Ek Chandi Ki Anghoti (Ek Nagina Wali) Pesh Kardi Jaye. Jiska Wazan Sawa Chaar Maasha Se Zyada Na Ho, Kyunke Mard Ko Resham Aur Sona Haraam Hai. Lo Ye Mangni Hogayi.
Agar Dusre Shahar Se Mangni Karne Wale Aaye Hain To Un Me'n 7 Aadmi Se Zyada Na Aaye'n Aur Dulhan Wale Mehmani Ke Lihaaz Se Unko Khana Khilaye'n. Magar Us Khane Me'n Dusre Muhalle Walo'n Ki Aam Dawat Ki Koyi Zarurat Nahi. Phir Iske Ba'd Ladke Wale Jab Bhi Aaye'n To Unpar Mithayi Aur Kapdo'n Ke Jodo'n Ki Pabandi Na Ho. Agar Apni Khushi Se Baccho'n Ke Liye Thodi Si Mithayi Laye'n To Usko Muhalle Me'n Taqseem Karne Ki Koyi Zarurat Nahi.
Hadeese Paak Me'n Hai Ke Ek Dusre Ko Hadiyah Do Mohabbat Badhegi Magar Is Hadiyah Ko Tax Na Banalo Ke Wo Bechara Iske Baghair Aa Hi Na Sake.
Tareekh Ka Muqarrar Karna Bhi Isi Saadgi Se Hona Zaruri Hai. Ke Agar Isi Shahar Se Log Aarahe Hai To Unki Tawadu Sirf Paan Ya Chaay Se Ho Aur Agar Dusre Shahar Se Aarahe Hain To 5-Aadmi Se Zyada Na Hon. Jinki Tawadu Khane Se Ki Jaye Aur Tareekh Muqarrar Karne Wale Sin Raseeda Buzrug Hon Aur Behtar Ye Hai Ke Shadi Ke Liye JumuAh Ya Peer (Somwar) Ka Din Muqarrar Ho Kyunke Ye Bahot Barkat Wale Din Hain.
Phir Tareekh Ke Ba'd Gaane Bajane Dhool Waghaira Na Hon Balke Agar Ho Sake To Har Tisre Din Mehfile Milaad Kar Diya Kare'n Jis Me'n Naat Khwani Aur Duroode Paak Ki Tilawat Ho, Aise Wa'az Kiye Jaye'n Jis Me'n Maujudah Rasmo'n Ki Buraiyo'n Ka Bayaan Hon. Maayiyo'n Aur Uptan Ki Tamam Rasme'n Bikul Band Kardi Jaye'n.
Yaani Agar Dulhan Ko Ek Jaga Bitha Diya Jaye Ya Ke Dulha Dulhan Ke Khushbu Yaani Uptan Mala Jaye To Koyi Harj Nahi Ke Ye Uptan Ek Tarah Ki Khushbu Hai Aur Khushbu Nabi Kareem ﷺ Ko Bahot Pasand Thi Balke Shadi Ke Waqt Khushbu Istemaal Karna Sahaba Kiraam Se Saabit Hai.
Lekin In Kamo'n Ke Sath Haraam Rasme'n Gaana Bajana, Aurato'n Mardo'n Ko Ghalat Mullat Hona, Behuda Mazaaq Sab Band Kar Diye Jaye'n. Gharz Ke Deeni Aur Dunyawi Kaamo'n Me'n Huzoor ﷺ Ki Pervi Deen-O-Duniya Ki Bhalayi Hai. Is Zamane Me'n Ba'z Log Dulha Ko Chaandi Ka Zewar Pehnate Hain Ya Cchuri Chaaqu Unke Sath Rakhte Hain Taake Isko Bhoot Na Chimat Jaye Ye Sab Na-Jaaiz Rasme'n Hain.
Agar Dulha Par Kisi Qism Ka Khouf Hai To Subah Shaam Aayatal Kursi Padh Kar Apne Par Dam Kar Liya Kare Balke Namazi Aadmi Ko Kabhi Koyi Aaseeb Ba-Fadlihi Ta'Aala Nahi Cchuta. QurAan Paak Accha Nigehbaan Hai Isko Ikhtiyaar Karo.
••Maujuda Rasme'n
Hindustaan Me'n Aam Taur Par Ladke Walo'n Ki Tamanna Ye Hoti Hai Ke MaalDaar Ladki Ghar Me'n Aaye. Jaha'n Hamare Bacche Ke Khoob Armaan Nikle'n Aur Is Qadar Jahez Laaye Ke Ghar Bhar Jaye. Idhar Ladkiya'n Walo'n Ki Aarzu Hoti Hai Ke Ladka MaalDaar Aur Shauqeen Ho, Angrezi Baal Kaatta Ho, Daadhi Mundata Ho,Taake Hamari Ladki Ko Cinema Dikhaye Aur Uske Har Jaaiz Armaan Nikaale. Me'n Ne Bahot Musalmano'n Ko Kehte Suna Ke Ham Daadhi Wale Ko Apni Ladki Na De'n Ge. Ladka Shauqeen Chahiye Aur Bahot Jaga Apni Aankhe'n Se Dekha Ke Ladki Walo'n Ne Dulha Se Mutaleba Kiya Ke Daadhi Munda Do To Ladki Di Ja Sakti Hai. Chunanche Ladko'n Ne Daadhiya'n Mundwaye'n. Kaha Tak Dukh Ki Baate'n Sunao'n Ye Bhi Kehte Hai Suna Gaya Ke Namazi Ko Ladki Na Denge Wo Masjid Ka Mulla'n Hai Hamari Ladki Ke Armaan Aur Shauq Pure Na Karega. Punjab Me'n Bhi Yahi Aag Lagi Huwi Hai.
Jab Apni Marzi Ka Ladka Mil Gaya To Ab Khair Se Mangni (Kadmayi) Ka Waqt Aaya. Is Me'n Dulhan Walo'n Ki Taraf Se Mutalebah Huwa Ke Aise Kapdo'n Ka Joda Is Qadar Sone Ka Zewar Chadao. Is Farma'ish Ko Pura Karne Ke Liye Ladke Wale Aksar Qarz Le Kar Ya Kisi Jaga Se Zewar Maang Kar Chada Dete Hain. Jab Mangni Ka Waqt Aaya To Ladke Wala Apne Qarabat Daro Ko Jama'a Karke Awwalan Unki Dawat Apne Ghar Karta Hai Phir Dulhan Ke Yaha Un Sabko Le Jata Hai. Jaha'n Dulhan Walo'n Ke Qarabat Daar Pehle Hi Se Jama'a Hote Hain Gharz Ke Dulhan Ke Ghar Do(2) Qism Ke Mele Lag Jate Hain Phir Unki Pur Takalluf Dawat Hoti Hai. U.P Me'n To Khane Ki Dawat Hoti Hai Magar Panjab Me'n Mithayi Aur Chaay Ki Dawat Jis Me'n Is Rasam Par Duno'n Taraf Se 400-500 Rupaiya Tak Kharch Hojate Hai. Phir Dulhan Ke Yaha Se Ladke Ko Sone Ki Anghoti Aur Kuch Kapde Milte Hain Aur Ladki Ko Dulhe Walo'n Ki Taraf Se Qeemti Joda, Bhari Suthra Zewar Diya Jata Hai Phir Mangni Se Shadi Tak Har Eid Baqra Eid Waghairah Par Kapde Aur Waqtan Fawaqtan Mausami (Fruits) Aur Mithayiya'n Ladke Ke Ghar Se Jana Zaruri Hai.
◆ Biyah Shadi Ki Rasoom Ki Kharabiya'n
Sakht Ghalat Ye Hai Ke Ladki Aur Ladke MaalDaar Talaash Kiye Jate Hain Kyunke MaalDaar Ki Talaash Me'n Ladke Aur Ladkiya'n Jawaan Jawaan Bethe Rehte Hain , Na Koyi Khaatir Khwa Maal Milta Hai , Na Shadiya'n Hoti Hain Aur Jawaan Ladki Ke Maa'n Baap Ke Liye Pahaad Hai Usko Ghar Me'n Baghair Nikah Rakhna Sakht Kharabiyo'n Ki Jad Hai.
Dusri Ye Ke Jo Mohabbat-O-Akhlaaq Gharibo'n Me'n Hai Wo MaalDaaro'n Me'n Nahi.
Tisri Ye K Agar MaalDaar Ko Tum Apni Khaal Bhi Utaar Kar Dedo Unki Aankh Me'n Nahi Aata. Ye Ta'ane Hote Hain Hame'n Kuch Nahi Mila Aur Agar Dulhan Wale MaalDaar Hain To Damaad Misl Nokar Ke Sasuraal Me'n Rehte Hain Biwi Par Shauhar Ka Koyi Ru'ab(Dar) Nahi Hota Agar Dulha Wale MaalDaar Hain To Ladki Us Ghar Me'n Londi Ya Nokrani Ki Tarah Hoti Hai Apni Ladki Aise Ghar Dedo Jaha'n Wo Ladki Ghanimat(Qeemti, Behtar) Samjhi Jaye.
Tajruba Ne Bataya Ke Ghareeb Gharane Wali Ladkiya'n Un Ladkiyo'n Se Aaram Me'n Rehti Hain Jo MaalDaaro'n Me'n Gaye'n. Ladki Walo Ko Chahiye Ke Dulha Me'n Teen(3) Baate'n Dekhe'n.
Awwal___Tandrust Ho Kyunke Zindagi Ki Bahaar Tandrusti Se Hai.
Dusre ___Uske Chaal Chalan Acche Hon, Bad'Ma'ash Na Ho, Shareef Log Hon.
Tisre ___Ye Ke Ladka Hunar Mand Aur Kamao Ho Ke Kamakar Apne Biwi Baccho'n Ko Paal Sake.
MaalDaari Ka Koyi Aetabaar Nahi. Ye Chalti Phirti Chandni Hai.
Hadeese Paak Me'n Hai Ke Nikah Me'n Koyi Maal Dekhta Hai Koyi Jamaal Magar
عليك بذات الدين Tum Deen Daari Dekho.
Ye Bhi Yaad Rakho Ke Teen(3) Qism Ke Maalo'n Me'n Barkat Nahi.
Ek To Zameen Ka Paisa Yaani Zameen Ya Makaan Farokht Karke Khao. Isme Barkat Nahi Chahiye Ke Ya To Zameen Na Farokht Karo Aur Agar Farokht Karo To Iska Paisa Zameen Hi Me'n Kharch Karo.
Dusre __ Ladki Ka Paisa Yaani Ladki Wale Jo Rupaiya Lekar Shadi Karte Hain Us Me'n Barkat Nahi Aur Paisa Lena Haraam Hai Kynke Ya To Ye Ladki Ki Qimat Hai Ya Rishwat Ye Duno'n Haraam Hain.
Tisre__ Wo Jahez -O- Maal Jo Ladki Apne Maike Se Laye. Agar Dulha Isko Garz Auqaat Ka Zari'ah Bana De To Is Me'n Barkat Nahi Hogi Apni Quwwate Baazo Par Bharosa Karo.
Daadhi Aur Namaz Ka Mazaaq Udane Wale Sab Kaafir Huwe.
Ye Bhi Yaad Rakho Ke Molviyo'n Aur Deendaro'n Ki Biwiya'n Fassion Walo'n Ki Biwiyo'n Se Zyada Aaram Me'n Rehti Hain.
Awwal To Isliye Ke Deen_Daar Aadmi Khuda Ke Khouf Se Biwi Baccho'n Ka Haq Pehchanta Hai.
Dusre Ye Ke Deen_Daar Aadmi Ki Nigah Sirf Apni Biwi Par Hi Hoti Hai Aur Aazaad Logo'n Ki Temporary Biwiya'n Bahot Si Hoti Hain Jin Ka Raat Din Tajruba Ho Raha Hai Wo Har Phool Ko Soongtha Aur Har Baagh Me'n Jata Hai Kuch Dino'n To Apni Biwi Se Mohabbat Karta Hai Pher Aankh Phir Leta Hai.
Mangni Ki Rasmo'n Ki Kharabiya'n Bayaan Se Bahar Hain. Bahot Se Log Sudi Qarz Se Ya Maang Kar Zewar Chadate Hain. Shadi Ke Ba'd Dulhan Se Wo Zewar Huliye Bahane Se Lekar Wapas Karte Hain. Jiski Waja Se Aapas Me'n Khoob Ladayiya'n Hoti Hain Aur shuru Ki Wo Ladayi Aisi Hoti Hai Ke Phir Khatam Nahi Hoti Aur Kahi'n Aisa Bhi Hota Hai Ke Mangni Choot Jati Hai Phir Dulhan Walo'n Se Zewar Wapas Maanga Jata Hai Idhar Se Inkaar Hota Hai Jis Par Muqaddama Baazi Ki Naubat Aati Hai. Isi Tarah Mangni Ke Waqt Dawat Aur Fazool Kharchi Ka Haal Hai Agar Mangni Choot Gayi To Mutaleba Hota Hai Ke Hamara Kharch Wapas Kardo Aur Duno'n Fareeq Khoob Ladte Hain Ba'd Dafa Mangni Me'n Itna Kharch Hojata Hai Ke Fariqain Me'n Shadi Ke Kharch Ki Himmat Nahi Rehti Phir Kabhi Kabhi Kapdo'n Ke Jode Aur Mithaiyo'n Ke Kharch Ladke Walo'n Ka Diwaliyah Nikaal Deta Hai Aur Shadi Ke Waqt Ghaur Karta Hai Ke Dulhan Wale Ne Is Qadar Jahez Aur Zewar Waghaira Diya Nahi Jo Mera Kharch Kara Chuka Hai Agar Ladki Wale Ne Itna Na Diya To Ladki Ki Jaan Suli Par Rehti Hai Ke Tere Baap Ne Hamara Le Le Kar Khaya , Diya Kya? Aur Agar Khoob Diya To Kehte Hain Ke Kya Diya, Ham Se Bhi To Khoob Kharch kara Liya. Baaqi Gaane Bajane Ki Rasmo'n Me'n Wo Kharabiya'n Hain Jo Ham Pehle Bayaan Kar Chuke Hain Maayeya'n Aur Uptan Ki Rasme'n Bahot Se Haraam Kaamo'n Ka Majmu'Aa Hain Isliye In Tamam Rasmo'n Ko Band Karna Zaruri Hai.
◆ Biyah Shadi Ki IsLami Rasme'n
Ladki Ke Liye Ladka Aur Ladke Ke Liye Ladki Aisi Talaash Ki Jaye Ho Shareef Aur DeenDaar Ho, Taake Aapas Me'n Mohabbat Rahe.
Jaha'n Ladke Ki Marzi Na Ho Waha'n Hargiz Nikah Na Ho. Isi Tarah Jaha'n Ladki Aur Ladki Ki Maa'n Ka Mansha Na Ho, Waha'n Nikah Karna Zahre Qaatil Hai. Hamne Dekha Hai Ke Aisi Shadiya'n Kamiyab Nahi Hote'n. Isi Liye SharAn Zaruri Hai Ke Ladki Se Izn (Ijazat) Lete Waqt Ladke Ka Naam Ma'a Uske Walid Ke Aur Maher Bataya Jaye Ke Aye Beti Ham Tera Falaa'n Ladke Falaa'n Ke Bete Se Nikah Kar De'n Wo Kahe Haan Tab Nikah Hota Hai. Ye Izn Ladki Ki Raay Ma'aloom Karne Ke Liye Hi To Hai Agar Mauqa Hoto Ladke Ko Ladki Paigham Se Pehle Kisi Bahane Se Khufiya Taur Par Dikhayi Jaye Ke Ladki Ko Ye Khabar Na Ho.
(Hadees)
Nikah Se Peshtar Apne Saare Qarabat Daaro'n Ka Mashaurah Lena Behtar Hai.
QurAane Kareem Farmata Hai: ومرھم شوری بینھم
Aise Nikah Ke Saare Qarabat Daar Zimma Daar Hojate Hain Aur Agar Dulhan Aur Dulha Me'n Naa-Ittefaqi Hojaye To Ye Log Mil Kar ittefaaq Ki Koshish Karte Hain. Mangni Dar-Asal Nikah Ka Wada Hai Agar Ye Na Bhi Ho Jab Bhi Koyi Harj Nahi.
Lihaza Behtar To Ye Hai Ke Mangni Ki Rasam Bilkul Khatam Kardi Jaye Iski Koyi Zarurat Nahi Hai Aur Siwaye Nuqsaan Ke Isse Kuch Faida Nahi Ghaliban Hamne Ye Rasme'n Hindo'o'n Se Seekhi Hain. Kyunke Siwaye Hindustan Ke Aur Kahi'n Ye Rasam Nahi Hoti Balke Arbi Ya Farsi Zabano'n Me'n Iska Koyi Naam Bhi Nahi. Iske Jitne Naam Milte Hain Sab Hindi Zaban Ke Hain.
Chunanche Mangni, Sagayi, Kadmayi, Saakh Ye Iske Naam Hain Aur In Me'n Se Koyi Bhi Arbi Farsi Nahi.
Aur Agar Mangni Ka Karna Zaruri Hi Hoto Is Tarah Karo Ke Pehle Ladke Wale Ke Yaha'n Iske Qarabat_Daar Jama Hon Aur Unki Khatir Tawadu (Mehman Nawazi) Sirf Paan Aur Chaay Se Kare Agar Kahi'n Paan Ka Riwaaj Na Ho Jaise Ke Panjab To Wo Sirf Khali Chaay Se Jiske Sath Koyi Mithayi Na Ho. Phir Ye Log Uth Kar Ladki Wale Ke Yaha'n Aajaye'n. Wo Bhi Unki Tawadu Sirf Paan Ya Chaay Se Kare. Ladke Wale Apne Sath Dulhan Ke Liye Ek Soti Dupatta Aur Ek Sone Ki Nath(Nathni) Laye Jo Ke Pesh Kar De. Dulhan Walo'n Ki Taraf Se Ladke Ko Ek Soti Rumaal , Ek Chandi Ki Anghoti (Ek Nagina Wali) Pesh Kardi Jaye. Jiska Wazan Sawa Chaar Maasha Se Zyada Na Ho, Kyunke Mard Ko Resham Aur Sona Haraam Hai. Lo Ye Mangni Hogayi.
Agar Dusre Shahar Se Mangni Karne Wale Aaye Hain To Un Me'n 7 Aadmi Se Zyada Na Aaye'n Aur Dulhan Wale Mehmani Ke Lihaaz Se Unko Khana Khilaye'n. Magar Us Khane Me'n Dusre Muhalle Walo'n Ki Aam Dawat Ki Koyi Zarurat Nahi. Phir Iske Ba'd Ladke Wale Jab Bhi Aaye'n To Unpar Mithayi Aur Kapdo'n Ke Jodo'n Ki Pabandi Na Ho. Agar Apni Khushi Se Baccho'n Ke Liye Thodi Si Mithayi Laye'n To Usko Muhalle Me'n Taqseem Karne Ki Koyi Zarurat Nahi.
Hadeese Paak Me'n Hai Ke Ek Dusre Ko Hadiyah Do Mohabbat Badhegi Magar Is Hadiyah Ko Tax Na Banalo Ke Wo Bechara Iske Baghair Aa Hi Na Sake.
Tareekh Ka Muqarrar Karna Bhi Isi Saadgi Se Hona Zaruri Hai. Ke Agar Isi Shahar Se Log Aarahe Hai To Unki Tawadu Sirf Paan Ya Chaay Se Ho Aur Agar Dusre Shahar Se Aarahe Hain To 5-Aadmi Se Zyada Na Hon. Jinki Tawadu Khane Se Ki Jaye Aur Tareekh Muqarrar Karne Wale Sin Raseeda Buzrug Hon Aur Behtar Ye Hai Ke Shadi Ke Liye JumuAh Ya Peer (Somwar) Ka Din Muqarrar Ho Kyunke Ye Bahot Barkat Wale Din Hain.
Phir Tareekh Ke Ba'd Gaane Bajane Dhool Waghaira Na Hon Balke Agar Ho Sake To Har Tisre Din Mehfile Milaad Kar Diya Kare'n Jis Me'n Naat Khwani Aur Duroode Paak Ki Tilawat Ho, Aise Wa'az Kiye Jaye'n Jis Me'n Maujudah Rasmo'n Ki Buraiyo'n Ka Bayaan Hon. Maayiyo'n Aur Uptan Ki Tamam Rasme'n Bikul Band Kardi Jaye'n.
Yaani Agar Dulhan Ko Ek Jaga Bitha Diya Jaye Ya Ke Dulha Dulhan Ke Khushbu Yaani Uptan Mala Jaye To Koyi Harj Nahi Ke Ye Uptan Ek Tarah Ki Khushbu Hai Aur Khushbu Nabi Kareem ﷺ Ko Bahot Pasand Thi Balke Shadi Ke Waqt Khushbu Istemaal Karna Sahaba Kiraam Se Saabit Hai.
Lekin In Kamo'n Ke Sath Haraam Rasme'n Gaana Bajana, Aurato'n Mardo'n Ko Ghalat Mullat Hona, Behuda Mazaaq Sab Band Kar Diye Jaye'n. Gharz Ke Deeni Aur Dunyawi Kaamo'n Me'n Huzoor ﷺ Ki Pervi Deen-O-Duniya Ki Bhalayi Hai. Is Zamane Me'n Ba'z Log Dulha Ko Chaandi Ka Zewar Pehnate Hain Ya Cchuri Chaaqu Unke Sath Rakhte Hain Taake Isko Bhoot Na Chimat Jaye Ye Sab Na-Jaaiz Rasme'n Hain.
Agar Dulha Par Kisi Qism Ka Khouf Hai To Subah Shaam Aayatal Kursi Padh Kar Apne Par Dam Kar Liya Kare Balke Namazi Aadmi Ko Kabhi Koyi Aaseeb Ba-Fadlihi Ta'Aala Nahi Cchuta. QurAan Paak Accha Nigehbaan Hai Isko Ikhtiyaar Karo.