◆Istehaza Ka Bayaan ◆
◆Istehaza Ki Ta'areef Aur Hukm:
Wo Khoon Jo Aurat Ke Aage Ke Maqaam Se Nikle Aur Haiz-O-Nifaas Ka Na Ho Wo Istehaza Hai.
◆Maslah: Istehaza Main Na Namaaz Muaf Hai Na Roza Muaf Hai Na Aisi Aurat Se Jima Haraam Hai.
◆Maslah: Istehza Agar Is Had Tak Pohanch Gaya Ke Itni Muhlat Nahi Milti Ke Wazu Karke Farz Namaaz Ada Kar Sake To Namaaz Ka Pura Ek Wat Shuru Se Aakhir Tak Isi Haalat Main Guzar Jane Par Usko Ma'azoor Kaha Jayega. Ek Wazu Se Us Waqt Main Jitni Namaaze'n Chahe Padhe, Khoon Aane Se Us Ek Pure Waqt Ke Andar Tak Wazu Na Jayega.
◆Maslah: Agar Kapda Waghera Rakh Kar Itni Der Tak Khoon Rook Saki Hai Ke Wazu Karke Namaaz PadhLe To Ma'azoor Nahi.
◆Ma'azoor Ka Bayaan◆
◆Ma'azoor Ki Ta'areef
◆Maslah: Har Wo Shakhs Jisko Koyi Aisi Bimari Ho ke Ek Waqt Pura Aisa Guzar Gaya Ke Wazu Ke Saath Namaaze Farz Ada Na Kar Saka Wo Ma'azoor Hai Yaani Pure Waqt Main Itni Der Bhi Bimari Nahi Ruki Ke Wazu Ke Saath Farz Ada Kar Sake.
Ma'azoor Ka Hukm Ye Hai Ke Waqt Main Wazu Karle Aur Aakhir Waqt Tak Jitni Namaze'n Chahe Us Wazu Se Padhe Us Bimari Se Uska Wazu Nahi Jata.
Jaise Qatre Ki Bimari Ya Dast Ya Hawa Khaarij Hona Ya Dukhti Aankh Se Paani Girna Ya Phode Ya Naa Soor Se. Har Waqt Ratubat Behna Ya Kaan , Naaf Pistaan Se Paani Nikalna Ke Ye Sab Bimariya'n Wazu Todne Wali Hai. In Main Jab Pura Ek Waqt Aisa Guzar Gaya Ke Har Chand Koshish Ki Magar Taharat Ke Sath Namaaz Na Padh Saka To Uzr Saabit Hogaya. Jab Uzr Saabit Hogaya To Jab Tak Har Namaaz Ke Waqt Main Ek Ek Baar Main Bhi Wo Cheez Paayi Jayegi Ma'azoor Hi Rahega.
Maslan: Aurat Ko Namaaz Ka Ek Pura Waqt Aisa Guzar Gaya Jis Main Istehaza Ne Itni Muhlat Nahi Di Ke Taharat Karke Farz Padh Leti Aur Dusre Waqt Main Itni Muhlat Milti Hai Ke Wazu Karke Namaaz PadhLe. Magar Ab Us Dusri Namaaz Ke Waqt Main Bhi Ek Aadh Dafa Khoon Aajata Hai To Ab Bhi Ma'azoor Hai Yaani Uzr Saabit Hone Ke Ba'd Ye Zaruri Nahi He Ke Aa'inda Har Waqt Main Kasrat Se Baar Baar Wazu Todne Wali Cheez Paayi Jaye Uzr Saabit Hone Ke Liye Kasrat -O- Takraar DarKaar Hai Lekin Itni Kasrat Ke Ek Farz Bhi Wazu Ke Saath Ada Na Ho Sake Ba'd Ki Har Namaaz Ke Waqt Main Itni Kasrat Zaruri Nahi Balke Ek Baar Bhi Kaafi Hai.
◆Maslah: Farz Namaaz Ka Waqt Guzar Jane Se Ma'azoor Ka Wazu Jata Rehta Hai.
Jaise Kisi Ma'azoor Ne Asar Ke Waqt Wazu Kiya Tha To Suraj Dobte Hi Wazu Jata Raha. Aur Kisi Ne Suraj Nikle Ke Ba'd Wazu Kiya To Jab Tak Zuhar Ka Waqt Khatam Na Ho Wazu Na Jayega Ke Abi Tak Kisi Farz Namaaz Ka Waqt Nahi Gaya.
◆Maslah: Ma'azoor Ka Wazu Us Cheez Se Nahi Jata Jiske Sabab Se Ma'azoor Hai. Haan Agar Koyi Dusri Cheez Wazu Todne Wali Payi Gayi To Wazu Jata Raha.
Maslan.... Jisko Qatre Ka Marz Ho Hawa Nikalne Se Uska Wazu Jata Rahega. Aur Jisko Hawa Nikalne Ka Marz Hai Uska Qatra Nikalne Se Wazu Jata Rahega.
◆Maslah: Agar Kisi Tarkeeb Se Uzr Jata Rahe Ya Us Main Kami Hojaye To Us Tarkeeb Ka Karna Farz Hai.
Maslan: Khade Hokar Padhne Se Khoon Behta Rahe Aur Beth Kar Padhe To Naa Bahega. To Beth Kar Padhna Farz Hai.
◆Maslah: Ma'azoor Ko Aisa Uzr Hai Jiske Sabab Se Kapde Najis Hojate Hain To Agar Ek Dirham Se Zyada Najis Hogaya Aur Janta Hai Ke Itna Mauqa Hai Ke Use Dhokar Paak Kapdo'n Se Namaaz Padh Lu'n Ga To Dhokar Namaaz Padhna Farz Hai.
Aur Janta Hai Ke Namaaz Padhte Padhte Phir Itna Hi Najis Ho Jayega To Dhona Zaruri Nahi Usi Se Padhe Agarche Jaa_Namaaz Bhi Aaluda Hojaye Kuch Harj Nahi...... Aur Agar Dirham Ke Barabar Hai Aur Dhokar Padhne Ka Mauqa Hai Ke Namaaz Padhte Padhte Phir Itna Hi Najis Naa HojayegaTo Dhona Wajib Hai...... Aur Dirham Se Kam Hai Aur Mauqa Hai To Dhona Sunnat...... Aur Agar Mauqa Nahi To Har Surat Main Muaf Hai.
◆Kisi Zakham Se Aisi Ratubat Nikle Ke Bahe Nahi To Na Uski Waja Se Wazu Tote , Naa Ma'azoor Ho, Naa Wo Ratubat NaaPaak Hai.
(Ref:Qanoon-E- Shari'at)