Sayyed Ki Sanad

on

◆Sayyad Ki Sanad 


Shaikh Addi Ne Apni Kitaab 'Mashariq-ul-Anwaar' Main Ibne Juzi Ki Tasneef Multafaz Se Naqal Kiya Ke Balkh Main Ek Alwi Qayaam Pazeer Tha Uski Ek Zauja Aur Chand Betiya'n Thi Qazaye ELaahi Se Wo Shakhs Faut Hogaya, Unki Biwi Kehti Hain Ke Shamatate Aada Ke Khauf Se Samar Qand Chali Gayi Main Waha Sakht Sardi Main Punhchi Main Ne Apni Betiyo'n Ko Masjid Main Daakhil Kiya Aur Khud Khuraak Ki Talaash Main Chal Di.
Main Ne Dekha Ke Log Ek Shakhs Ke Gird Jama Hain Main Ne Uske Bare Main Dariyaft Kiya To Logo'n Kaha Rayeese Shahar Hai Main Uske Paas Punhchi Aur Apna Haale Zaar Bayaan Kiya.

Usne Kaha Apne Alwi Hone Par Gawah Pesh Karo, Usne Meri Taraf Tawajjah Nahi Di Main Wapas Masjid Main Chal Di Main Ne Raste Main Ek Budha Buland Jaga Betha Huwa Dekha Jiske Gird Kuch Log Jama The Main Ne Pocha Ye Kon Hai?
Logo'n Ne Kaha Ye Muhafize Shahar Hai Aur Majusi Hai. Main Ne Socha Mumkin Hai Isse Kuch Faida Haasil Hojaye Chunanche Main Uske Paas Punhchi Apni Sargu'zasht Bayaan Ki Aur Rayeese Shahar Ke Sath Jo Waqi'ah Pesh Aaya Tha Bayaan Kiya Aur Use Ye Bhi Bataya Ke Meri Bacchiya'n Masjid Main Hain Aur Unke Khaane Peene Ke Liye Koyi Cheez Nahi Hai.

Usne Apne Khaadim Ko Bulaya Aur Kaha Apni Aaqa (Yaani Meri Biwi) Ko Kaho Ke Wo Kapde Pahen Kar Tayar Ho Aaye. Chunanche Wo Aayi Aur Uske Chand Kaneeze'n Bhi Thi , Budhe Ne Use Kaha Is Aurat Ke Sath Fala'n Masjid Jakar Iski Betiyo'n Ko Apne Ghar Le Aa. Wo Mere Sath Gayi Aur Bacchiyo'n Ko Apne Ghar Le Aayi.

Shaikh Ne Apne Ghar Main Hamare Liye Alag Raha'ishgah Ka Intezaam Kiya, Hame Behtaree Kapde Pehnaye ., Hamare Ghusl Ka Intezaam Kiya , Aur Hame Tarah Tarah Ke Khaane Khilaye.

Aadi Raat Ke Qareeb Ra'yeese Shahar Ne Khwaab Main Dekha Ke Qayamat Qaayim Hogayi Hai Aur Liwa-ul-Hamd Nabi Akram ﷺ Ke Sare Anwar Per Lehra Raha Hai. Aapne Us Rayees Se Aeraaz Farmaya. Usne Arz Kiya , Huzoor Aap Mujhse Aeraaz Farma Rahe Hain Halanke Main Musalman Hon.
Nabi Kareem ﷺ Ne Farmaya , Apne Musalman Hone Par Gawah Pesh Karo' Wo Shakhs Hairat Zadah Reh Gaya. RasoollAllah ﷺ Ne Farmaya , Tune Alwi Aurat Ko Jo Kuch Kaha Tha Use Bhool Gaya? Ye Mahel Us Shaikh Ka Hai Jiske Ghar Main Is Waqt Wo Aurat Hai Rayees Bedaar Huwa To Ro Raha Tha Aur Apne Muh Par Tamanche Maar Raha Tha. Usne Apne Gulamo'n Ko Us Aurat Ki Talaash Main Bejha Aur Khud Bhi Talaash Main Nikla. Use Bataya Gaya Ke Wo Aurat Majusi Ke Ghar Main Qayaam Paazeer Hai. Ye Rayees Us Majusi Ke Paas Gaya Aur Kaha Wo Alwi Aurat Kaha Hai?
Usne Kaha Mere Ghar Main Hai. Rayees Ne Kaha Use Mere Yaha Bejh Du, Shaikh Ne Kaha Ye Nahi Ho Sakta. Rayees Ne Kaha Mujhse Ye Hazaar DeeNaar Lu Aur Use Mere Haan Bejh Du.
Shaikh Ne Kaha Ba-Khuda ! Aisa Nahi Ho Sakta Agarche Tum Laakh DeeNaar Bhi Du. Rayees Ne Zyada Israar Kiya To Shaikh Ne Use Kaha Jo Khwaab Tumne Dekha Hai Main Ne Bhi Dekha Hai Aur Jo Mahel Tumne Dekha Hai Wo Waqayee Mera Hai. Tum Isliye Mujh Par Fakhr Kar Rahe Ho Ke Tum Musalman Ho Ba-Khuda ! Wo Alwi Khatoon Jaise Hi Hamare Ghar Main Tashreef Laaye'n To Ham Sab Unke Haath Par Musalmaan Ho Chuke Hain Aur Unki Barkate'n Hame Haasil Huchuki Hain.

Main Ne RasoolAllah ﷺ Ki Khwaab Main Ziyarat Ki To Aap Ne Mujhe Farmaya , Chunke Tumne Us Alwi Khatoon Ki Ta'azeem -O- Takreem Ki Hai , Isliye Ye Mahel Tumhare Liye Aur Tumhare Ghar Walo'n Ke Liye Hai Aur Tum Jannati Ho.