◆ Tajruba Fatima RadiyAllahuTa'AalaAnha
Hazrat Ali RadiyAllahu Ta'Aala Anhu Farmate Hain Ke Huzoor ﷺ Ne Sahaba Se Dariyaft Farmaya Ke Aurat Ke Liye Konsi Cheez Behtar Hai?
Tamaam Sahaba Khaamoosh Rahe Kisi Ne Koyi Jawab Na Diya. Hazrat Ali RadiyAllahu Ta'Aala Anhu Farmate Hain Ke Main Usi Waqt Sayyeda Fatima RadiyAllahu Ta'Aala Anha Ke Paas Aaya Aur Aakar Pocha:
Ke Aurato'n Ke Liye Sabse Behtar Kya Cheez Hai?
Sayyeda Ne Farmaya Ke Na Wo Mardo'n Ko Dekhe'n Aur Na Mard Unko Dekhe'n.
Farmate Hain Main Ne Sayyeda Ka Jawaab Huzoor ﷺ Se Arz Kiya To Aap ﷺ Ne Farmaya Ke Fatima Mere Jigar Ka Tukda Hai.
【بزاز ، دارقطنی】
◆ Faida:
Nabi Paak ﷺ Ke Is Farmaan Ka Matlab Ye Hai Ke Wo Khoob Samjhi Hain Aur Unka Jawaab Bilkul Durust Hai Aur Aisa Kyun Na Hota Aakhir Wo Mera Juzwe Badan Jo Hain.
◆Intebah:
Nigaaho'n Ko Neeche Rakhne Ka Hukm To Mard-O-Aurat Duno'n Ke Liye Tha Iske Ba'd Khaas Aurato'n Ko Chehra Chupaane Ka Hukm Diya Gaya Irshaad Hota Hai:
Ae__Nabi (ﷺ) ! Apni Biwiyo'n Aur Betiyo'n Aur Momino'n Ki Aurato'n Se Farma Dijiye Ke Wo Apne Uppar Chadar Se Ghonghat Daal Liya Kare'n Isse Unki Pehchan Hojaya Karegi Aur Unko Sataya Nahi Jayega.
◆Faida:
Nabi Paak ﷺ Ke Aehde Mubarak Main Shaher Ke Andar Aksar Makano'n Main Baitul'Khala Nahi Huwa Karta Tha Isliye Shurafa Ki Aurato'n Ko Bhi Londiyo'n Ki Tarah Qazaye Haajat Ke Liye Shaher Se Bahar Jana Padta Tha. Bad Kirdaar Log Unka Peecha Karte Aur Unse Hasi Mazaaq Kiya Karte Jab Unse Kaha Jata Ke Tum Shurafa Zaadiyo'n Se Aisa Kyun Karte Ho? Wo Kehte Ye Tu Londiya'n Hain, Shurafa Thoda Hi Hain Warna Hamari Kya Majaal Hai.
Is Par Ye Aayta Utri Ke Ae__Mahboob ! Apni Biwiyo'n , Batiyo'n Aur Momino'n Ki Aurato'n Se Keh Du Ke Wo Chadaro'n Ya Burqo'n Se Apne Saro'n Aur Chehro'n Ko Chupa Kar Nikle'n Taake Libaas Se Uske Aur Londiyo'n Ke Darmiyaan Imtiyaaz Hojaye Aur Log Pehchanle'n Ke Ye Shurafa Zaadiya'n Hain Londiya'n Nahi Hain Phir Badkaar Log Unka Peecha Waghera Nahi Kiya Karege Aur Is Tarah Wo Badkaro'n Ki Aziyat Se Mahfooz Rahengi.
Jisme Insani Main Chunke Sabse Zyada KhoobSurath Aur Aala Maqaam Chehra Hota Hai Aur Chehra Dekh Kar Hi Qalbi Mailaan Hota Hai Isi Liye Chehra Ko Chupane Ka Hukm Diya Gaya Taake Na Kisi Ki Nazar Pade Aur Na Qalbi Mailaan Ho. Gharo'n Main Aam Taur Par Aurate'n Be'Takallufi Se Rehti Hain Kyunke Ghar Main Koyi Ghair Mehram Nahi Hota Isliye Ajnabi Logo'n Ko Hukm Diya Gaya Ke Wo Kisi Dusre Ke Ghar Ba'ghair Ijazat Na Jaye'n.
Farmaya: Ae__Imaan Walo'n ! Dusre Ke Gharo'n Main Na Ja'o Jab Tak Ke Unse Ijazat Na Lelu Aur Phir Jab Ja'o To Ahle_Khana Ko Salaam Karo.
◆ Agar Koyi Aisa Mauqa Pesh Aajaye Ke Ghair Mehram Aurat Se Kuch Pochna Ho Ya Lena Ho To Farmaya:
Aur Jab Tum Aurato'n Se Koyi Cheez Mangu Us Main Zyada Paakeezgi Hai Tumhare Dilo'n Ke Liye Bhi.
Kyun Ke Is Tarah Tumhari Nazar Unke Chehre Aur Husn-O-Jamaal Aur Zeenat -O-Aara'ish Par Nahi Padegi Aur Unki Nazar Tum Par Nahi Padegi Aur Mafasid Ke Darwaze Nahi Khulege Aur Quloob NaaPaak Jazbaat Se Paak Rahega.