◆ Hazrat Fatima Zahra RadiyAllahu Ta'Aala Anha Ki Gharelu Zindagi:
Shahanshahe Du Aalam ﷺ Ki Saahabzaadi Hone Ke Ba-wajood Hazrat Fatima Zahra RadiyAllahu Ta'Aala Anha Apne Ghar Ka Karobaar Khud Karti Thi , Jhaado Apne Haath Se Deti Thi , Khud Khana Pakati Thi Balke Chakki Bhi Apne Haath Se Peesti Thi Aur Mushk Main Paani Bhar Kar Laya Karti Thi Jisse Haath Par Chaale Aur Badan Par Ghatte Padh Gaye The. Ek Bar Maal Ghanimat Main Kuch Baandi -O- Gulam Aaye Huwe The. Aapne Darte Darte Huzoor ﷺ Se Gharelu Karobaar Ke Liye Ek Londi Maangi Aur Haath Ke Chaale Dikhaye To Huzoor ﷺ Ne Farmaya Jaane Pidar ! Badar Ke Yateem Bacche Tum Se Pehle Iske Mustahiq Hain.
【Seeratul Sahaabiyaat】
Aur Ek Riwayat Main Yu Hai Ke Aap Ne Gulaam Talab Kiya To Hzuoor ﷺ Ne Farmaya Ba'Khuda Aisa Nahi Hosakta Ke Main Tumhe Gulaam Ata Kardo Aur Ahle_Safa Bhook Ke Sabab Pet Par Patthar Baandh Rahe Hon.
【Barkaate Aale Rasool】