◆ Hazrat Fatima TuzZahra RadiyAllahu Ta'Aala Anha Ke Faza'il
Aap RadiyAllahu Ta'Aala Anha Ke Fazail Be_shumaar Hain. Huzoor ﷺ Ki Noore Nazar , Lakhte Jigar Aur Aap Ahle_Bait Main Sab Se Pyari Hain. Fateh Khaibar , Shere Khuda , Hazrat Ali Murtada RadiyAllahu Ta'Aala Anhu Ki Aehliya Mohtarma Aur Hasnain Karemain Hazrat Hasan-o- Husain RadiyAllahu Ta'Aala Anhuma Ki Walidah Maajidah Aur Saare Jaha'n Ki Aurato'n Ki Sardaar Hain. ParwarDigaare Aalam Ne Aulade RasoolAllah ﷺ Ka Silsila Aap Hi Se Jari Farmaya.
◆Ahadeese Mubaraka:
★ Ummul Momineen Hazrat Aaisha Siddiqua RadiyAllahu Ta'Aala Anha Farmati Hain:
Huzoor ﷺ Ne Hazrat Fatima RadiyAllahu Ta'Aala Anha Se Farmaya Ke Kya Tu Is Par Raazi Nahi Hai Ke Tu Saare Jaha'n Aur Jannat Ki Aurato'n Ki Sardaar Hai.
【Bukhari-O-Muslim】
★ Hazrat Huzaifa RadiyAllahu Ta'Aala Anhu Farmate Hain Ke Main Ne Apni Wilidah Se Kaha Ke Mujh Ko Ijazat Dijiye Ke Main Jakar Huzoor ﷺ Ke Saath Maghrib Ki Namaaz Padho'n Aur Phir Aapki Khidmate Aqdas Main Apni Aur Tumhari BakhShish Ki Dua Ki Darkhwast Karo'n
Walidah Ne Ijazat Di Aur Main Aap ﷺ Ki Khidmate Aqdas Main Haazir Huwa Maghrib Ki Namaaz Aap ﷺ Ke Saath Ada Ki Phir Nawafil Padhe Iske Ba'd Eshaa Ki Namaaz Padhi Jab Aap Namaaz Se Faarigh Hokar Chale To Main Bhi Aap ﷺ Ke Peeche Chala. Aap ﷺ Ne Mere Qadmo'n Ki Aawaaz Sun Kar Farmaya , Kya Tu Huzaifa Hai?
Main Ne Arz Kiya Haan.
Huzoorﷺ Ne Farmaya Tujhe Kya Haajat Hai , Allah Tujhe Aur Teri Maa'n Ko Bakhshe , Ye Ek Farishta Hai Jo Is Raat Se Pehle Kabhi Zameen Par Nahi Utra , Us Farishte Ne Apne Parwardigaar Se Mere Paas Aakar Mujh Ko Salaam Karne Ki Ijazat Li Aur Ye Mujhe Basha'rat De Raha Hai ke (Hazrat) Fatima (RadiyAllahu Ta'Aala Anha) Jannat Ki Aurato'n Ki Sardaar Hain Aur Hasan-O-Husain (RadiyAllahu Ta'Aala Anhuma) Jannat Ke Naujawano'n Ke Sardaar Hain .
【Tirmazi-O-Mishkaat , S:570】
★Hazrat AbdullAh Bin Abbaas RadiyAllahu Ta'Aala Anhu Farmate Hain Ke
Huzoor ﷺ Ne Farmaya Ke Jannat Ki Aurato'n Main Se Afzal Aurate'n Khadeeja (RadiyAllahu Ta'Aala Anha) Binte Khauleed-O- Fatima (RadiyAllahu Ta'Aala Anha) Binte Muhammad (ﷺ) -O- Maryam (RadiyAllahu Ta'Aala Anha) Binte Imraan -O- Aasiya ( RadiyAllahu Ta'Aala Anha) Binte Muzahim Fir'on Ki Biwi Hain.
【Al-Isti'Aab , J:2 , S:772】
★ Hazrat Abu Hurerah RadiyAllahu Ta'Aala Anhu Farmate Hain Ke
Huzoor Akram ﷺ Ne Farmaya , Tamaam Jahaan Ki Aurato'n Main Se Behtar Chaar Aurate'n Hain. Maryam Binte Imraan , Aasiya Binte Muzahim -O- Khadeeja Binte Khauleed -O- Fatima Binte Muahmmad (ﷺ).
【Al-Isti'Aab , J:2 , S:772】
★ Hazrat Imraan Ibne Hussain Radiyallahu Ta'Aala Anhuma Farmate Hain Ke
Huzoore Akram ﷺ Ne Farmaya :
Ae_Beti Kya To Raazi Nahi Hai Ke Tu Saare Jahaan Ki Aurato'n Ki Sardaar Ho?
Sayyadah Ne Arz Kiya , Abba Jaan ! Maryam Binte Imraan Bhi To Hain?
Farmaya , Wo Apne Zamane Ki Aurato'n Ki Sarddaar , Tum Apne Zamane Ki Aurato'n Ki Sardaar Ho Aur Khuda Ki Qasam ! Tumhara Shuhar (Ali RadiyAllahu Ta'Aala Anhu) Duniya-O- Aakhirat Main Sardaar Hain.
【Al-Isti'Aab , J:2 , S:771 n Hulyata-ul-Auliya , J:2 , S:42】
★Hazrat Anas Bin Maalik RadiyAllahu Ta'Aala Anhu Farmate Hain Ke
Huzoor Akram ﷺ Ne Farmaya , Meri Ummat Ki Aurato'n Main Behtar Meri Beti Fatima (RadiyAllahu Ta'Aala Anha) Hain.
【Fazailul Fatima】
★Hazrat Jamee'a Bin A'ameer RadiyAllahu Ta'Aala Anhu Farmate Hain Ke Main Apni Phophi Ke Saath Ummul Momineen Hazrat Aaisha Siddiqua RadiyAllahu Ta'Aala Anha Ki Khidmat Main Haazir Huwa Aur Dariyaft Kiya: Main Ne Pocha Ke Huzoor ﷺ Ko Sab Se Zyada Mahboob Kon Tha?
(Hazrat Aaisha Siddiqua RadiyAllahu Ta'Aala Anha Ne) Farmaya , Fatima
Phir Main Arz Kiya Aur Mardo'n Main ?
Farmaya , Unke Shuhar (Ali RadiyAllahu Ta'Aala Anhu)
【Tirmazi -O- Mishkaat , S:500】